DIPESALEME 125

125

Modimo ke lerako le sireletsang Iseraele bakeng sa meleko le kweneho.

Sefela sa Mahalothe.

1Ba itshepetseng Jehova ba jwaloka thaba ya Sione e ke keng ya sisinyeha, e tiileng ka ho sa feleng. 2Dithaba di teela Jerusalema hare; Jehova o teela setjhaba sa hae hare jwalo, jwale le ka ho sa yeng kae. 3Hobane lere la bolotsana le ke ke la dula kabelong ya ba lokileng, esere mohlomong ba lokileng ba otlollela bokgopo matsoho a bona.

4Jehova, etsa molemo ho batho ba molemo le ho ba pelo tse lokileng! 5Haele ba kgelohang, ba yang ka ditsela tse tswedikaneng, Jehova a ke a ba timetse hammoho le ba sebetsang bokgopo! Kgotso e be ho Iseraele!

Currently Selected:

DIPESALEME 125: SSO61-SO

Highlight

Copy