Sakalia 5
5
Tio o le takaiga tosi
1Na kau toe siki ake loa oku mata, o tio : ko leinei, na i ai se takaiga tosi leia na lele. 2Ti na pati mai loa le aselo kiate au : Kolea le nea leia e ke tio ki ai ? Na kau tali loa : E kau tio ki se takaiga tosi leia e lele ; na meta kau agafulu lona loa, ti na meta lima lona lau lasi. 3Na pati mai loa a ia kiate au : Ko le tosi lena o le malaia leia e mafola loa ki le fenua katoa. Talie e tuu i le tasi fetuu e kapu loa a tagata kaia fuli mei le fenua leinei, ti e tuu i le tasi fetuu e toe kapu foki latou fuli ala na fai fakapapau loi mei le fenua leinei. 4E pati le Eteleno o kau tau : E kau liligi a ia ke ulu ki le fale o le tagata kaia ti mo leia e fakapapau loi i loku suafa, o tupu ke nofo i ai o maumaui a nea fuli o kaku ki papa mo fatu.
Tio o le agaveli a Suta
5Na fakafeofi mai loa kiate au le aselo leia na masau mai kiate au, o pati mai kiate au : Siki ou mata, o tio ki le nea leia e malaga mei leia. 6Na kau tali loa : Kolea ? Ti na pati mai loa a ia : Ko le kulo lena. Ti na toe pati loa a ia : Ko le kulo lena kua tanaki ai a agasala o le fenua katoa. 7Ti ko leinei, na malaga ake loa se potu pulu mamafa leia na tapono ki ai le kulo, ti na kau tio loa ki se fafine leia na tonatona i loto o le kulo. 8Ti na pati mai loa le aselo kiate au : Ko le agaveli a ia. Ti na tulei loa e ia le fafine ki le loto kulo, kae toe tapono loa e ia a ia ki le potu pulu mamafa.
9Na siki ake loa oku mata, o tio : ko leinei, na sa mai loa ni fafine e toka lua ala na lele i le matagi. Talie na i ai ni ola kapakau ofaipe kapakau o le amatuku. Na la too loa le kulo o ave ki le vasa o le kele mo le lagi. 10Na kau pati loa ki le aselo leia na masau mai kiate au : E la ave loa kifea le kulo ? 11Na tali mai loa a ia kiate au : E la ano o fakatuu se fale kiate ia i le fenua o Sinea ; ti ka oki loa a ia, e la teki loa le kulo ki lona tuuaga.
Currently Selected:
Sakalia 5: FB2000
Highlight
Share
Copy
Want to have your highlights saved across all your devices? Sign up or sign in
© Société Biblique de Genève, 2000-2020
