Malakia 4
4
Toe liliu mai o Kilisito
1Talie ko leinei, e au le aso,
Kaka ofaipe se gutuumu.
Ko le kau fia nea lasi fuli mo le kau agaveli fuli e fai loa pe le penu ;
E tutu loa latou e le aso leia e au,
E pati le Eteleno o kau tau.
E leaise toe loa ia latou se aka pe ko se taulu.
2Kae kia koutou ala e i ki loku suafa, e sopo loa
Le laa o le faitotonu,
Ti e nofo loa le mauli i lalo o ona kapakau.
E kotou mavae loa, ti e kotou soposopo loa ofaipe ni uviki pipi o se fale manu,
3Ti e kotou takatakafi loa le kau agaveli,
Talie e lotou fai loa pe se mugalafu
I lalo o okoutou taga vae,
I le aso leia e kau teuteui,
E pati le Eteleno o kau tau.
4Ke kotou manatui le lao a Moisese, laku tagata fakasausau,
Leia na kau tuku kiate ia i Olepe,
Ke ako ki Iselaele katoa,
Kotou tausi a pelesepeto mo fakatotonu.
5Ko leinei, e kau kakau loa kia koutou Elia, le polofeta,
I mua o le soko mai o le aso o le Eteleno,
Le aso lasi mo fakaii lena.
6E toe aumai loa e ia le loto o tamana ki alatou fanau,
Ti mo le loto o fanau ki olatou tamana,
Ti ke aua na kau au o taai le fenua ki le malaia.
Currently Selected:
Malakia 4: FB2000
Highlight
Share
Copy
Want to have your highlights saved across all your devices? Sign up or sign in
© Société Biblique de Genève, 2000-2020
