Mateo 27
27
1Ši beni *dše tše̱re le̱, oso̱fonukpai le̱ ke̱ maṅ onukpai le̱ fẽ te Iesu yi no̱ apam, koni ame̱gbele̱. *Mar 15,1. Luk. 22,65. Ioh 18,28.
2Ni ame̱fĩle̱ ni ame̱kplale̱ ke̱-te ame̱yahã amralo Pontio Pilato. Luk. 23,1. Ioh. 18,31. 32.
3Ke̱ke̱ ni Iuda, moni tšõ ese̱gbe̱ le̱, beni ena ake̱ abule fo̱ le̱, eſa ehe, ni ekpale dſie̱te̱i kukudši nyoṅmaĩ-etẽ le̱ eyahã oso̱fonukpai le̱ ke̱ onukpai le̱ ekoṅ, 26,15.
4ni ekē̱: Mife eša ake̱ mitšõ lá ní efõṅ ko be̱ ehe le̱ se̱gbe̱. Ši ame̱ le̱ ame̱kē̱: No dšee wo̱he sane ko; bodientše̱ kwe̱mo̱ no̱!
5Ni eyašé̱re̱ dſie̱te̱i le̱ eſie ši ye̱ so̱lemo̱we le̱, ni eyiṅ ete *eyawo esẽ kpã. *Bo̱f. 1,18. 2 Sam. 17,23.
6Ši oso̱fonukpai le̱ yalō dſie̱te̱i le̱ ame̱kē̱: Edšaa ake̱ aṅõ-woo̱ (so̱lemo̱we le̱) *nitōhe le̱ mli; edšake̱ lá-hemo̱nii ni. *Mar. 12,41.
7Ši ame̱te adšina, ni ame̱ṅõ-hé gbe̱šõlo̱ le̱ abō̱ le̱, koni afũ gbo̱i ye dše̱i.
8Nohewo̱ le̱ atšé̱o̱ nakai abō̱ le̱ lá-abō̱ ke̱ ṅme̱ne̱. Bo̱f. 1,19.
9No hã gbalo̱ Ieremia wiemo̱ le̱ ba mli ake̱: “Ni ame̱ṅõ dſĩe̱te̱i kukudšĩ nyoṅmai-etẽ le̱, ní dši moni aye enā ní ahele̱ ye̱ Israelbii adeṅ le̱ yinii le̱; Zak. 11,12. 13. Ier. 32,6-9.
10ni ame̱ṅõ-hé gbe̱šõlo̱ le̱ abō̱ le̱, ta-mo̱ bo̱ni Nuṅtšo̱ le̱ ke̱mi le̱.”
(11-14. Mar 15,2-5. Luk 23,2. 3. Ioh 18.29-38.)
11Ši Iesu damo̱ amralo le̱ hīe, ni amralo le̱ bile̱ ake̱: Ani bo dši Iudafoi le̱ amaṅtše̱ le̱? Ni Iesu kē̱le̱ ake̱: Okē̱.
12Ši beni oso̱fonukpai le̱ ke̱ onukpai le̱ flo̱ö̱ enā le̱, *edšiee nā. *26,63. Ies. 53,7.
13Ke̱ke̱ ni Pilato kē̱le̱ ake̱: Ani onuu sãdši so̱ṅṅ ní ame̱ke̱-ſieo̱ ono̱ ne̱?
14Ni efoo edāṅ kwrā, ni amralo le̱ nā kpe̱ ehe dientše̱. *Ioh. 19,9.
(16-26. Mar. 15,6-15. Luk. 28,18-25. Ioh. 18,39—19,1.)
15Ši dāne̱ ké̱ še̱ gbĩdšŭrõ le̱ no̱ le̱ amralo le̱ ṅmē̃o̱ gbokle̱fonyo kome ní asafo le̱ sumoo̱ he ehãame̱.
16Ši no mli le̱ ame̱ye̱ gbokle̱fonyo kpanaku ko ní atšé̱o̱le̱ Baraba.
17Nohewo̱ le̱, beni ame̱babua ame̱he nā le̱, Pilato kē̱ame̱ ake̱: Namo he nyesumoo̱ ake̱ miṅmē̃ mihãnye: Baraba, alo Iesu ní atšé̱o̱le̱ Kristo le̱?
18Edšake̱ ele ake̱ hetšẽmo̱ nā ame̱ṅõle̱ ame̱hã. Ioh 11,47. 48.
19Ši beni etá kodšomo̱sẽi le̱ no̱ le̱, eṅã tšũ aba eṅõ abakē̱le̱ ake̱: Oke̱ dšalo̱ ne̱ akaye sane ko; edšake̱ ehewo̱ le̱ mi-he edšrami babaō ye̱ wo̱lamõ mli ṅme̱ne̱.
20Ši oso̱fonukpai le̱ ke̱ onukpai le̱ ewo asafoi le̱ ayiṅ ake̱, ame̱bi Baraba moṅ, ni agbe Iesu.
21Ši amralo le̱ here no̱ ekē̱ame̱ ake̱: Ame̱yi enyo̱ le̱ ateṅ namo he nyesumoo̱ ake̱ miṅmē̃ mihãnye? Ni ame̱kē̱: Baraba.
22Pilato kē̱ame̱ ake̱: Bĕle̱ meni mife Iesu ní atšé̱o̱le̱ Kristo le̱ he mo̱? Ame̱fẽ ame̱kē̱: Hã ní ase̱ṅle̱!
23Ni amralo le̱ kē̱: Mẽ efõṅ efe? Ši no moṅ hã ame̱blo̱ ame̱kē̱: Hã ni ase̱ṅle̱!
24Ši beni Pilato na ake̱ enyẽẽ he eko efe, ši moṅ ame̱mīblo̱ hō fè tšutšu le̱, eṅõ nu *efó̱ edẽ ye̱ asafo le̱ hīe, ni ekē̱: Mi le̱ miyee dšalo̱ ne̱ lá yi sõ; nye, nyekwe̱o̱ no̱! *5 Mose 21,6.
25Ni maṅ le̱ fẽ here no̱ ame̱kē̱: *Elá aba wo̱ke̱ wo̱bii ano̱! *Bo̱f. 5,28.
26Ke̱ke̱ ni eṅmē̃ Baraba he ehãame̱; ši Iesu le̱, eke̱ kplebii yile̱ ni eṅõle̱ ehã ní ayase̱ṅle̱.
(27-30. Mar. 15,16-19. Ioh. 19,2.3.)
27Ke̱ke̱ ni amralo le̱ asrafoi le̱ ṅõ Iesu ke̱-te kodšomo̱he le̱, ni ame̱yabua asrafoiaku le̱ fẽ nā ke̱-ba ehe;
28ni ame̱dšie ehe atadei le̱, ni ame̱ṅõ atade tšuru yū ko ame̱wole̱;
29ni ame̱fe ṅmei akekre ame̱ṅõ-fĩ eyitšo, nĩ ame̱ke̱ pamplo hãle̱ ehĩe ye̱ eninedšŭrõ, ni ame̱kũla ši ye̱ ehĩe ame̱ye ehe fe̱o ame̱kē̱: Oſiē, Iudafoi amaṅtše̱!
30Ni *ame̱fẽ ladšõ ame̱ſie ehe, ni ame̱hé pamplo le̱ ye̱ edeṅ ni ame̱ṅõ-tſia eyiteṅ. *Ies. 50,6.
(31-56. Mar 15,20-41. Luk. 23,26. 33-49. Ioh. 19,16-30.)
31Ni beni ame̱ye ehe fe̱o le̱, ame̱dšie atade yū le̱ ye̱ ehe, ni ame̱ṅõ le̱dientše̱ etadei le̱ ame̱wole̱, ni ame̱kplale̱ ke̱-te koni ame̱yase̱ṅle̱.
32Ši beni ame̱yaä le̱, ame̱na nū Kirẽnenyo ko ní atšé̱o̱le̱ Simon, ni ame̱nyẽ eno̱ ni ewo ese̱ṅmo̱tšo le̱.
33Ni beni ame̱še̱ heni atsé̱o dše̱i Golgota ni ešiši dši Yitšoṅoṅohe le̱,
34ame̱ṅõ *wein ni ake̱ ebō̱ efutu mli amehale̱ ni enu; ši heni esa enā le̱, esumo̱o̱ ake̱ enuo̱. *Lal. 69,22.
35Ni beni ame̱se̱ṅle̱ le̱, ame̱fõ ošiki ame̱ke̱-dša etadei le̱; koni gbalo̱ le̱ wiemo̱ le̱ aba mli ake̱: *“Ame̱dša mitadei le̱ eme̱hã amehe, ni mihebo le̱ ame̱fõ no̱ ošiki.” *Lal. 22,19.
36Ni ame̱ho ame̱trá dše̱i ni ame̱bu ehe.
37Ni ame̱ṅmã sane ní ake̱-fõ eno̱ le̱ ame̱kpe̱te̱ eyiteṅ ake̱: “Iesu, Iudafoi le̱ amaṅtše̱ le̱ ne̱!”
38No mli le̱ ase̱ṅ odšotſalo̱i enyo̱ afata ehe; mokome ye̱ eninedšŭrõ no̱, ni mokome hũ ye̱ ebe̱ku no̱. Ies. 53,12.
39Ši mei ni hoo̱ le̱ wie musubō̱-wiemo̱ ame̱šile̱, ní *ame̱hoso ame̱yitšei, *Lal. 22,8.
40ni ame̱kē̱: *Bo ní okũmoo̱ so̱lemo̱we le̱ ni osā otſaä gbĩĩ etẽ le̱, oheree bodientše̱ oyiwala? ke̱dši Nyoŭmo̱ bi dšio le̱, dše se̱ṅmo̱tšo le̱ no̱ okpleke ši ko! *26,61. Ioh. 2,19.
41Nakai noṅṅ oso̱fonukpai le̱ hũ ke̱ woloṅmãlo̱i le̱ ke̱ onukpai le̱ ye ehe fe̱o ame̱kē̱:
42Meikrokomei ayiwala ehereo̱, ši le̱dientše̱ enõ le̱ enyẽẽ ehere. Ke̱dši Israel maṅtše̱ le̱ dšile̱ le̱, hã ní édše se̱ṅmo̱tšo le̱ no̱ agbe̱ne̱ ekpleke ši, ni wo̱o̱hele̱ wo̱ye.
43Ekē̱ *Nyoṅmo̱ no̱ ehĩe kã: hã ní edšiele̱ ko, ke̱dši eye̱ ehe tšui le̱; edšake̱ ekē̱ ake̱: Nyoṅmo̱ bi dšimi. *Lal. 22,9.
44Nakai noṅṅ odšotſalo̱i le̱ ni ase̱ṅ afata ehe le̱ hũ ye ehe fe̱o.
45Ši ke̱-dše̱ ſane ṅmle̱ nyoṅma ke̱ enyo̱ ke̱-yaši gbe̱ke̱ ṅme̱dši etẽ le̱ duṅ wo ye̱ šikpoṅ le̱ fẽ no̱.
46Ši ke̱-baä ṅme̱dši etẽ mli le̱ Iesu bo ke̱ gbē ní wa ekē̱: Eli, Eli, lema sabaktani? ešiši dši: *“Mi-Nyoṅmo̱, mi-Nyoṅmo̱, mẽba okwami?” *Lal. 22,2.
47Ši beni mei ní damo dše̱i le̱ ateṅ meikomei nu le̱, ame̱kē̱: Elia, mone̱ tšé̱o̱ ne̱.
48Ni amrõ le̱ ame̱teṅ mokome dšo foi eyako ṅšo̱ṅkotša, ni eṅõ-tšo̱ *ašiṅ mli, ni eṅõ-mã pamplo nā eṅõ-hãle ake enu. *Lai. 69,22.
49Ši mei ní eſe̱ le̱ kē̱le̱ ake̱: Ahĩ ši! hã wo̱kwe̱ ake̱ Elia aaba abadšiele̱ lo?
50Ši Iesu bo ekoṅ ke̱ gbē ní wa, ni eṅõ emumo̱ le̱ ehã.
51Ni na, so̱lemo̱tšũ le̱ṅ *muhō̱ le̱ mli gbá enyo̱ ke̱-dše̱ yiteṅ ke̱-bayi ši, ni šikpoṅ hoso, ni te̱sāi gblá; *2 Mose 26,31. Heb. 10,19. 20.
52ni gbohĩĩabui le̱ anā gblegblei, ni kroṅkroṅbii ní ewo̱ le̱ agbomotšei pī te ši;
53ni *ešitē le̱ se̱ le̱ ame̱dše kpo ye̱ ame̱bui le̱ amli, ni ame̱te maṅ kroṅkroṅ le̱ mli ame̱yadšie amehe kpo ame̱tšõ mei pī. *Bo̱f. 26,23.
54Ši asrafoi-oha-atše̱ le̱ ke̱ mei ní ke̱le̱ buo̱ Iesu he le̱, beni ame̱na šikpoṅ-hosomo̱ le̱ ke̱ nii ní afe le̱, ame̱še gbeyei tšṍ, ni ame̱kē̱: Le̱le̱ṅ, Nyoṅmo̱ bi ne̱!
55Ši yei pī ye̱ dše̱i ní damo̱ šoṅṅ ame̱mīkwe̱, ame̱dši mei ní nyie Iesu se̱ ke̱-dše Galilea ni amesúmoole̱ le; Luk. 8,2. 3.
56ame̱teṅ meikomei dši Maria Magdalēna, ke̱ Maria ní dši Iakobo ke̱ Iose nye le̱, ke̱ Zebedeo bii le̱ anye le̱.
(57-61. Mar. 15,42-47. Luk. 23,50-55. Ioh. 19.38-42.)
57Ši beni še̱ *gbe̱ke̱ le̱, niiatše̱ ko ni dše̱ Arimatia ni atšé̱o̱le̱ Iosef le̱ ba, ni le̱ hũ Iesu kaselo̱i le̱ ateṅ mokome dšile̱; *2 Mose 34,25.
58le̱ ete Pilato ṅõ eyatuto̱le̱ ní eṅõ Iesu gbonyo le̱ ehãle̱. Ke̱ke̱ ni Pilato fã́ ake̱ aṅõ gbonyo le̱ ahãle̱.
59Ni Iosef ṅõ gbonyo le̱, ni eṅõ klala farefare eha he,
60ni *eke̱le̱yaṅmẽ le̱dientše̱ egbonyobu hē ní ehã akpé̱ ye̱ te̱sā mli le̱ṅ, ni okoklo te̱ kpeteṅkple eke̱-tšī gbonyobu le̱ nā, ni eyiṅ ete. *Ies. 53,9.
61Ši Maria Magdalēna ke̱ Maria moko le̱ ye̱ dše̱i, ame̱trá gbonyobu le̱ hĩe.
62Ši hesāmo̱-ke̱-tō-gbĩ le̱ no̱ dšetše̱remo̱ le̱, oso̱fonukpai le̱ ke̱ Farisifoi le̱ anā bakpe ši ye̱ Pilato ṅõ,
63ame̱kē̱: Nuṅtšo̱, wo̱kai ake̱, beni šĩšiulo̱ ne̱ hĩe kã le̱ ekē̱: *Gbī ni dši gbĩ etẽ le̱ mate ši ekoṅ. *K. 40; 12,40.
64Nohewo̱ le̱ fã́ ní ayabu bu le̱ he dšogbāṅ ke̱-yaši gbĩ ni dši gbĩ etẽ le̱, koni ekaselo̱i le̱ akabadšule̱ ke̱-mīya, ni ame̱yakē̱ maṅ le̱ ake̱: Ete ši ke̱-dše̱ gbohĩĩ ateṅ; ni se̱kpē šišiumo̱ le̱ bafe efõṅ fē kleṅkleṅ nõ le̱.
65Pilato kē̱ame̱ ake̱: Na, asrafoi ne̱, nyeyaä ni nyeyabua bo̱ni nyeanyẽ.
66Ke̱ke̱ ni ame̱yiṅ ame̱te, *ame̱so̱o te̱ le̱ nā, ni ame̱hā asrafoi le̱ bu bu le̱ he. *Dan. 6,18.
Currently Selected:
Mateo 27: GBV96
Highlight
Share
Copy
Want to have your highlights saved across all your devices? Sign up or sign in
The Bible in Ga © Bible Society of Ghana, 1896, 1992.
