Mateo 25
25
1No mli le̱ ṅwei maṅtše̱yeli le̱ aatamo̱ oblayei nyoṅma ní ko̱lo̱ ame̱kanei ake̱ ame̱yakpē ayemforowu. Luk. 12,35. 36. Kpods. 19,7.
2Ši ame̱teṅ mei enumo̱ le̱ nilelo̱i dši-ame̱, ni mei enumo̱ le̱ kwašiaiṅ.
3Mei ní dši kwašiai le̱ hole ame̱kanei le̱, ši ame̱ṅōõ mũ ame̱fataa he.
4Ši nilelo̱i le̱ ṅõ mũ wo ame̱to̱i amli ame̱fata ame̱kanei le̱ ahe.
5Ni beni ayemforowu le̱ tše̱ le̱, wo̱ ye ame̱fẽ ni ame̱wo̱wo̱i.
6Ši nyōṅ teṅ le̱ anu blo̱mo̱ ake̱: Na, ayemforowu le̱ miba ēé! nyedšea kpo, nyeyakpēale̱!
7Ke̱ke̱ ni nakai oblayei le̱ fẽ te ši ni ame̱sā ame̱kanei le̱.
8Ni kwašiai le̱ kē̱ nilelo̱i le̱ ake̱: Nyehãawo̱ nyemũ le̱ eko, edšake̱ wo̱kanei le̱ mīgboi.
9Ši nilelo̱i le̱ here no̱ ame̱kē̱: Ekole̱ ebaše̱ṅ wo̱ke̱nye fẽ; ši moṅ nyeyaä mei ní hõo̱ le̱ aṅõ nyeyahea eko nyehãa nyehe.
10Ši beni ame̱te hemo le̱, ayemforowu le̱ ba, ni mei ni esā amehe eto le̱ ke̱le̱ te yōkpēmo̱he le̱, ni aṅã́ šĩnā le̱.
11No se̱ le̱ oblayei krokomei le̱ hũ ba ni amebakē̱: Nuṅtšo̱, Nuṅtšo̱, gblemowo̱! Luk. 13,25. 27.
12Ši ehere no̱ ekē̱: Le̱le̱ṅ, mīkē̱nye ake̱ mileenye. 7,23.
13Nohewo le̱ nyesraä, edšake̱ nyelee nõ gbĩ lo nõ ṅmle̱tſā no̱ [ni gbomobi le̱ baã]. 24,42.
(14-30. Luk 19,12-27.)
14Ši tamo̱ nū ko ni beni *ebadom le̱, etšé̱ etšũdši, ni etu enibii ewo ame̱deṅ; *21,33.
15ni ehã mokome talentai enumo̱, mokome hũ enyo̱, ni mokome hũ ekome, bo̱ni mofẽmo aanyẽ akwe̱; ni amrõ le̱ edom. Rom. 12,6.
16Ši moni ná talentai enumo̱ le̱ te ni eyatšṍmo̱ he, ni ená talentai enumo̱ ebo̱ he.
17Nakai noṅṅ moni ná enyo̱ le̱ hũ yaná enyo̱ ebo̱ he,
18Ši moni ná ekome le̱ te eyatša šikpoṅ, ni eṅõ enuṅtšo̱ le̱ šika le̱ etē.
19Ši ye̱ mli āhũ le̱, tšũdši ne̱ anuṅtšo̱ le̱ ba, ni eke̱ame̱ babu akontā.
20Ni moni ná talentai enumo̱ le̱ ba, ni eke̱ talentai enume̱ kroko hũ babe̱ he ekē̱: Nuṅtšo̱, oṅõ talentai enumo̱ ohãmi, na, mike̱-ná talentai enumo̱ hũ mifata he.
21Enuṅtšo̱ le̱ kē̱le̱ ake̱: *Ahekō, tšũlo̱ kpakpa ke̱ ano̱kwafo, oye ano̱kwa ye̱ nii fiō he, mahã oye nii pī atše̱: botemo̱ onuṅtšo̱ mīše̱ le̱ mli. *K. 23; 24,45-47. Luk. 16,10.
22Ši moni ná talentai enyo̱ le̱ hũ ba ni ebakē̱: Nuṅtšo̱, oṅõ talentai enyo̱ ohãmi, na, mike̱-ná talentai enyo̱ hũ mifata he.
23Enuṅtšo̱ le̱ kē̱le̱ ake̱: *Ahekō, tšũlo̱ kpakpa ke̱ ano̱kwafo, oye ano̱kwa ye̱ nii fio he, mahã oye nii pī atše̱: botemo̱ onuṅtšo̱ mīše̱ le̱ mli. *K. 21.
24Ši moni ná talenta kome le̱ hũ ba bakē̱: Nuṅtšo̱, mileo ake̱ yiwalo̱ dšio; okpaä nii ye̱ heni odũko noko ye̱, ni obuaä nii anā ye̱ heni oſãko noko ye̱;
25ni no hã miše gbeyei, ni mite mike̱ otalenta le̱ yatē šikpoṅ; na onii.
26Ši enuṅtšo̱ le̱ here no̱ ni ekē̱le̱ ake̱: Tšũlo̱ fõṅ ke̱ anihaolo̱l ní ole ake̱ mikpaä nii ye̱ heni midũko noko ye̱ ni mibuaä nii anã ye̱ heni miſãko noko ye̱ le̱,
27kũle̱ ogbe̱nã dši ake̱ oṅõo̱ mišika le̱ owoo tšakelo̱i adeṅ, ni ké̱ miba ní mibahe minii ke̱ ehekpa.
28Nohewo̱ le̱, nyehea talenta le̱ ye̱ edeṅ ni nyeṅõ-hãa moni yo̱ talentai nyoṅma le̱.
29Edšake̱ mofẽmo ní yo̱ noko le̱, aahãle̱, koni ená ní ateke no̱; ši moni be̱ noko le̱, aahe noni eyo̱ le̱ tete ye̱ edeṅ. 13,12.
30Ni tšũlo̱ ni he be̱ se̱námo̱ ko ne̱, *nyetšiale̱ nyewoa gbe̱se̱ duṅ le̱ mli; dše̱i yāfó ke̱ nyãnyõdši ašišikpemo̱ aahĩ! *8,12.
31Ši beni gbomobi le̱ aaba ye̱ enumnyam le̱ mli, ni bo̱foi kroṅkroṅi le̱ fẽ aafata ehe le̱, no mli le̱ eetá enumnyam sẽĩ le̱ no̱; 16,27. Kpods. 20,11-13.
32ni *aabua dšeṅmãdši le̱ fẽ nā ye̱ ehĩe, ni eegbla ame̱mli, take̱ bo̱ni tōkwe̱lo̱ gblaã gwanteṅi ke̱ abotiai amli le. *Rom. 14,10.
33Ni eeṅõ gwanteṅi le̱ edamo eninedšŭrõ no̱, ši abotiai le̱, eeṅõame̱ edamo ebe̱ku no̱. Ezek. 34,17.
34Ke̱ke̱ le̱ maṅtše̱ le̱ aakē̱ mei ní yo̱ eninedšŭrõ no̱ le̱ ake̱: Nyebaä, nye mei ní mitše̱ edšō̱nye, nyebaṅõa maṅtše̱yeli le̱ nĩ asa atonye ke̱-dše̱ dšeṅ šĩšĩdšē le̱!
35Edšake̱ hõmo̱ yemi, ni nyehãmi nii miye; kũmai yemi, ni nyehãmi nu minu; gbo̱ dšimi, ni nyehã mibato nyeṅõ; Ies. 58,7.
36minyie yayai, ni nyewomi atade; mihe ye, nĩ nyebasrami; awomi tšũṅ, ni nyeba miṅõ.
37Ke̱ke̱ le̱ dšalo̱i le̱ aaherele̱ no̱ ame̱akē̱ ake̱: Nuṅtšo̱, té gbĩ ní wo̱nao ake̱ hõmo̱ mīyeo, ni wo̱hão nii oyeṅ? alo ake̱ kũmai mīyeo, ni wo̱hão noko onuṅ? 6,3.
38Ni té gbĩ ní wo̱nao ake̱ gbo̱ dsio, ni wo̱hã obato wo̱ṅõ? alo ake̱ onyie yayai ni wo̱woö atadeṅ?
39Asaṅ té gbĩ ní wo̱nao ake̱ ohe miye alo awoõ tšũṅ, ni wo̱ba oṅõṅ?
40Ni maṅtše̱ le̱ aahere no̱ ekē̱ame̱ ake: Le̱le̱ṅ, mīkē̱nye ake̱: Gbĩĩabo̱ kẽ ní nyefe nyehã minyemimei ne̱ ateṅ bibiō kome le̱, mi noṅṅ nyefe nyehã le̱. Abe̱i 19,17. Heb. 2,11.
41Ke̱ke̱ le̱ eekē̱ mei ní yo̱ ebe̱ku no̱ le̱ hũ ake̱: Nyedšea mino̱, nye mei ní alomo̱nye, nyeyaä nāno̱ la le̱ ni asā ato abonsam ke̱ ebo̱foi le̱ mli! 7.28. Kpods. 20,10. 15.
42Edšake̱ hõmo̱ yemi, ni nyehããmi nii maye; kũmai yemi, ni nyehããmi nu manu;
43gbo̱ dšimi, ni nyehãã mabato nyeṅõ; minyie yayai, ni nyewoomi atade; mihe ye ni asaṅ awomi tšũṅ, ni nyebasraami.
44Ke̱ke̱ le̱ ame̱ hũ ame̱aherele̱ no̱ ame̱-akē̱ ake̱: Nuṅtšo̱, té gbĩ ní wo̱nao ake̱ hõmo̱ mīyeo alo kũmai mīyeo alo gbo̱ dsio alo onyie yayai alo ohe miye alo awoö tšũṅ, ni wo̱basúmo̱o̱oṅ?
45Ke̱ke̱ le̱ eehereame̱ no̱ eekē̱ ake̱: Le̱le̱ṅ, mīkē̱nye ake̱: Gbĩĩabo̱ kẽ ní nyefee nyehãã mei bibii kwrā ne̱ ateṅ mokome le̱, nyefee nyehããmi hũ!
46Ni mene̱mei le̱, ame̱ate nāno̱ hedšramo̱ mli; ši dšalo̱i le̱ aate nāno̱ wala mli. Ioh. 5,29.
Currently Selected:
Mateo 25: GBV96
Highlight
Share
Copy
Want to have your highlights saved across all your devices? Sign up or sign in
The Bible in Ga © Bible Society of Ghana, 1896, 1992.
