Mateo 23

(23,1-39. Mar. 12,38-40. Luk. 20,45-47. Luk. 11,39-52.)

1Ke̱ke̱ ni Iesu wie etšõ asafoi le̱ ke̱ ekaselo̱i le̱ ekē̱:

2Woloṅmãlo̱i le̱ ke̱ Farisifoi le̱, Mose sẽi le̱ no̱ ame̱trá le̱;

3nohewo le̱, nofẽno ni ame̱akē̱nye ake̱ nyeye no̱ le̱, nyeyea no̱ ni nyefea; ši ame̱nifemo̱nii le̱ nyekafea; edšake̱ ame̱kē̱o̱ moṅ, ši ame̱fee. Mal. 2,7. 8.

4Ši ame̱fĩmoo̱ dãatšui ke̱ tšīmo̱ ní tĕre̱mo̱ dšraä ame̱ke̱-ſieo̱ mei akõdšĩ ano̱; ši ame̱dĩentše̱ le̱, ame̱sumo̱o̱ ake̱ ame̱ke̱ ame̱wao kome tšio̱.

5Ši amenii fẽ le̱ ame̱feo̱ *koni mei ana. Edšake̱ ame̱hãa †ame̱kaimo̱boṅi le̱ lē̱o̱ ni ame̱feo̱ ame̱tadei anãmũi le̱ kplei; *6,1. †2 Mose 13,9. 4 Mose 15,38. 39.

6ni ame̱sumoo̱ okplõyitšotámo̱ ye̱ niyenii aši, ke̱ onukpai-ašitrámo̱hei ye̱ kpēhei le̱, Luk. 14,7.

7ke̱ dšā no̱ ṅãmo̱i, ni ame̱sumoo̱ ake̱ mei atšé̱ame̱: Rabi, Rabi!

8Ši nye le̱, akatšé̱nye Rabi; edšake̱ mokome dši nyetšõlo̱ (le̱ dši Kristo); ši nyefẽ le̱, nyemimei dšinye.

9Ni nyekatšé̱a moko nyetše̱ hũ ye̱ šikpoṅ le̱ no̱; edšake̱ mokome dši nyetše̱, moni yo̱ ṅwei le̱.

10Asaṅ akatšé̱nye nuṅtšo̱mei hũ; edšake̱ mokome dši nyenuṅtšo̱, le̱ dši Kristo.

11Ši moni dši agbo ye̱ nyeteṅ le̱, etšṍ nyetšũlo̱. 20,26. 27.

12Ní mofẽmo ní aawo ebe no̱ le̱, aabale̱ ši; ni mofẽmo ní aaba ehe ši le̱, aawó eno̱. Abe̱i 29,26. Hiob 22,29. Ezek. 21,31. Luk. 18,14. 1 Pet. 5,5.

13Kpóo hã nye, woloṅmãlo̱i ke̱ Farisifoi, osatofoi! ake̱-ní nyeṅáa ṅwei maṅtše̱yeli le̱ nā ye̱ gbomei ahĩe le̱; edšake̱ nyedientše̱ le̱ nyebotee mli, ni mei ní taoo̱ mli abote le̱ hũ, nyehããame̱ mlibotemo̱ gbe̱.

14Ši kpóo hã nye, woloṅmãlo̱i ke̱ Farisifoi, osatofoi! ake̱-ní nyetšṍo̱ so̱lemo̱i kakadãdši ahe lakpatō no̱ nyemĩo̱ yei okũlafoi ašĩai le̱. Nohewo̱ le̱ nyekodšomo̱ aafē nine. Ezek. 22,25.

15Kpóo hã nye, woloṅmãlo̱i ke̱ Farisifoi, osatofoi! ake̱-ní nyebo̱leo̱ ṅšo̱ ke̱ šikpoṅ kpula, koni nyená mokome ní etšṍ Iudafonyo; ni beni mo le̱ etšṍ nakai le̱, nyefeo̱le̱ gehenabi šii enyo̱ fè nyedientše̱ nyehe.

16Kpóo hã *nye, gbe̱tšõlo̱i ſilafoi! nye mei ní nyekē̱o̱ ake̱: “Moni aakã so̱lemo̱tšũ le̱ kitã le̱, no dšee noko; ši moni aakã so̱lemo̱tšũ le̱ be šika le̱ kitã le̱, etẽresõ.” *15,14.

17Kwašiai ke̱ ſilafoi! té noni fèṅ, šika le̱, alo so̱lemo̱tšũ le̱ ní hãa šika le̱ feo̱ kroṅkroṅ le̱?

18Ni asaṅ: “Moni aakã afo̱lešãlate̱ le̱ kitã le̱, no dšee noko; ši moni aakã eno̱ afo̱le le̱ kitã le̱, etĕre sõ.”

19Kwašiai ke̱ ſilafoi! té noni fèṅ, afo̱le le̱, alo afo̱lešãlate̱ le̱ ni hãa afo̱le le̱ feo̱ kroṅkroṅ le̱? 2 Mose 29,37.

20Nohewo̱ le̱ moni aakã afo̱lešãlate̱ le̱ kitã le̱, ekã no ke̱ nii ní yo̱ no̱ le̱ fẽ kitã.

21Ni moni kãa so̱lemo̱tšũ le̱ kitã le̱, ekã no ke̱ moni hĩo̱ mli le̱ kitã.

22Ni moni kãa ṅwei kitã le̱, ekã Nyoṅmo̱ sẽi le̱ ke̱ moni tá no̱ le̱ hũ kitã. 5,34.

23Kpóo hã nye, woloṅmãlo̱i ke̱ Farisifoi, osatofoi! ake̱-ni *nyehãa kowe̱ ke̱ anisi ke̱ kumino mlidšā nyoṅmanyoṅma, ši †mla le̱ mli nii ní he dšraä ní dši kodšomo̱ ke̱ mo̱bo̱nale̱ ke̱ hemo̱-ke̱-yeli le̱ moṅ le̱ nyešĩo̱; ši kũle̱ edša ake̱ nyefeo̱ ene̱mei, ni nyekašī eko le̱ hũ. *3 Mose 27,30. †Mika 6,8.

24Gbe̱tšõlo̱i ſilafoi, nyetšereo̱ nõ no̱ adõdõṅ, ši nyemĩo̱ yoma!

25Kpṍo hã nye, woloṅmãlo̱i ke̱ Farisifoi, osatofoi! ake̱-ní nyetšumoo̱ kpulu he ke̱ kã se̱; ši ame̱mligbe̱ eyimo̱ obõbõ ke̱ odšotſā ke̱ adufudeyeli. Mar. 7,4.

26Farisifonyo ſilafo, hã kpulu le̱ ke̱ kā le̱ mli tšutšu adše, dãni ese̱ hũ adše! Tit. 1,15.

27Kpóo hã nye, woloṅmãlo̱i ke̱ Farisifoi, osatofoi! ake̱-ní nyetamo̱ *gbohĩĩ asãṅi ní aša he ni ame̱hewo̱ efe fe̱o moṅ, ši ame̱mligbe̱ le̱ eyimo̱ obõbõ ke̱ gbohĩĩawui ke̱ mũdši sro̱toi fẽ. *Bo̱f. 23,3.

28Nakai noṅṅ anaä nye hũ ye̱ gbomei ahĩe tamo̱ dšalo̱i, ši osato ke̱ mlatõmo̱ eyi nyemli obõ.

29Kpóo hã nye, woloṅmãlo̱i ke̱ Farisifoi, osatofoi! nyemãmoo̱ gbaloi le̱ agbohĩĩabui ni nyewulaä dšalo̱i le̱ asãṅi le̱,

30ni nyekē̱o̱ ake̱: Edši wo̱tše̱mei ayino̱ le̱ wo̱ye̱ dšeṅ kũle̱, wo̱fataṅ ame̱he ní aſie gbaloi le̱ alá ši.

31Bĕle̱ nyedientše̱ nyemīye nyehe odase ake̱ mei ní gbe gbalo̱i le̱ abii dšinye. Bo̱f. 7,52.

32Nye hũ nyewoa nyetše̱mei le̱ atšenesa le̱ obõ mo̱!

33*Onũfũi, šikpãi aſīei! Té nyeafe tēṅ nyedšo gehena fo̱bũ le̱ nā foiṅ? *8,7.

34Nohewo̱ le̱, na, mi mītšũ gbalo̱i ke̱ nilelo̱i ke̱ *woloṅmãlo̱i ke̱-ba nyeṅõ, ní nyeagbe ame̱teṅ meikomei ni nyease̱ṅ meikomei, ni meikomei le̱ nyeayiame̱ kplebii ye̱ nyekpēhei le̱, ni nyeawaame̱ yi ke̱-adše̱ maṅ mli ke̱-ate maṅ mli. *13,52.

35Beni afe ní dšalo̱i alá fẽ ní aſie ši ye̱ šikpoṅ le̱ no̱ ke̱-dše̱ *Abel, dšalo̱ le̱, lá le̱ no̱ ke̱-baši †Zakaria, Barakia bi le̱, ní nyegbe ye̱ so̱lemo̱tšũ le̱ ke̱ afo̱lešãlate̱ le̱ teṅ le̱ lá le̱ no̱ le̱ aba nyeno̱. *1 Mose 4,8. †2 Kron. 24,20. 21.

36Le̱le̱ṅ, mīkē̱nye ake̱: Ene̱mei fẽ aaba yino̱bii ne̱ ano̱.

37*Ierusalem, Ierusalem, bo moni ogbeo̱ gbalo̱i le̱ ní otſiaä mei ní atšũo̱ame̱ oṅõ le̱ ate̱i: šii enyie mitao ake̱ kũle̱ mibuaä obii anā tamo̱ boni wuo̱ buaä ebii anā ewoo efĩdši ašiši le̱, ni nyekplẽẽ! *Luk. 18,34. 35.

38Na, aašĩ nyewe le̱ amaṅfõ ahãnye! 1 Maṅ. 9,7. 8.

39Edšake̱ mīkē̱nye ake̱: Ke̱-dše̱ be ne̱ no̱ ke̱-yaä ne̱ nyenaṅmi doṅṅ ke̱-yaši beyino̱ ní nyeakē̱ ake̱: *Adšō̱ moni baä ye̱ Nuṅtšo̱ le̱ gbe̱i ano̱ le̱! *21,9. Lal. 118,26.

Currently Selected:

Mateo 23: GBV96

Highlight

Copy