Mateo 20
20
1Edšake̱ ṅwei maṅtše̱yeli le̱ tamo̱ nū šĩatše̱ ko ní dše kpo mãṅkẽ-mrã eyaho nitšulo̱i apā ke̱-te *eweintrom mli. *21,33.
2Ni beni eke̱ nitšulo̱i le̱ eye nā denario kome dšenamo̱ le̱, ewoame̱ gbe̱ ke̱-te eweintrom le̱ mli.
3Ni ke̱-baã ṅmle̱ ne̱hũ mli le̱, edše kpo ekoṅ ni eyana meikrokomei damo̱ ši yaka ye̱ dšā le̱ no̱;
4ni ekē̱ mene̱mei hũ ake̱: Nye hũ nyeyaä weintrom le̱ mli, ni noni dša le̱, mahãnye.
5Ni ame̱te. Asaṅ ke̱-baã ṅmle̱ nyoṅma ke̱ enyo̱ mli ke̱ ṅme̱dši etẽ mli le̱ edše kpo, ni eyafe nakai noṅṅ.
6Ni ke̱-baä gbe̱ke̱ ṅme̱dši enumo̱ mli le̱, edše kpo ni eyana meikrokomei hũ damo̱ ši yaka, ni ekē̱ame̱ ake̱: Mẽba ni nyedamo̱ ši yaka ye̱ bie̱ dšenamo̱ ne̱ fẽ ne̱?
7Ame̱kē̱le̱ ake̱: Ake̱-ní moko ebo̱kowo̱ apā le̱ hewo̱ṅ, Ekē̱ame̱ ake̱: Nye hũ nyeyaä weintrom le̱ mli, (ni noni dša le̱, nyeaná).
8Ši heni še̱ gbe̱ke̱ le̱, weintrom-tše̱ le̱ kē̱ etšũlo̱nukpa le̱ ake̱: Tšé̱ nitšulo̱i le̱ ní owoame̱ nyõmo̱, ni obõi ke̱-dše̱ se̱kpẽbii le̱ ano̱ ke̱-yaši kleṅkleṅbii le̱ ano̱.
9Ni beni gbe̱ke̱ ṅme̱dši enumo̱ no̱ bii le̱ ba le̱, ame̱fẽ ame̱ná denario kome-kome.
10Ni beni kleṅkleṅbii le̱ ba le̱, ame̱susu ake̱ abaṅmẽ ame̱nõ le̱ no̱; ši ame̱ hũ ame̱ná denario kome-kome.
11Ši beni eše̱ ame̱deṅ le̱, ame̱še̱ to̱kemo̱ ke̱ šĩatše̱ le̱ wō,
12ame̱kē̱: Se̱kpēbii ne̱, ṅmle̱tſā kome ke̱ke̱ ame̱tšu nii, ni ohãame̱ ke̱ wo̱ ní wo̱tšu nii dšenamo̱ ní eto̱wo̱ ní latšā etšawo̱ le̱ fẽ pe̱.
13Ši ehere no̱ ekē̱ ame̱teṅ mokome ake̱: Nanyo, mifekoö efõṅ ko; ani dšee denario mike̱o ye nā?
14Ṅõ noni dši onõ le̱ ni oya. Ši mīsumo̱ ake̱ mahã se̱kpēmo ne̱ tamo̱ bo̱ni mihão le̱ noṅṅ.
15*Alo mibe̱ hegbe̱ ake̱ mike̱ midientše̱ minii feo̱ noni misnmoo̱? Ani mimlihĩle̱ ne̱ hewo̱ ohĩṅme̱i etšu ne̱? *Rom. 9,16. 21.
16Ne̱ke̱ ni *se̱kpēbii aatšṍmo̱ kleṅkleṅbii, ni kleṅkleṅbii aatšṍmo̱ se̱kpēbii; †edšake̱ atšé̱ mei pī, ši mei flo ahala. *19,30. †22,14.
(17-19. Mar. 10,32-34. Luk. 18,31-38.)
17Ni beni Iesu yaä Ierusalem le̱, eṅõ ekaselo̱i nyoṅma ke̱ enyo̱ le̱ ke̱-te afã ye̱ gbe̱te le̱ṅ, ni ekē̱ame̱ ake̱:
18Na, wo̱mīya Ierusalem, ni aaṅõ gbomobi le̱ awo oso̱fonukpai ke̱ woloṅmãlo̱i le̱ adeṅ, ni ame̱abule̱ gbĕle fo̱. 16,21; 17,22. 23.
19Ni ame̱aṅõle̱ ame̱hã dšeṅmãdši le̱, ní ame̱ye ehe fe̱o ní ame̱ke̱ kplebii ayile̱ ní ame̱se̱ṅle̱; ni gbĩ ní dši gbĩ etẽ le̱ eete ši ekoṅ.
(20-28. Mar. 10,36-45.)
20Ke̱ke̱ ni *Zebedeo bii le̱ anye ke̱ ebihĩĩ le̱ ba eṅõ ebakũla ši, ni ebale̱ noko. *10,2.
21Ni ekē̱le̱ ake̱: Meni otaoo̱? No herele̱ no̱ ake̱: Kē̱mo̱ ní mibii enyo̱ ne̱ ateṅ mokome atá onine dšŭrõ no̱, ni mokome hũ atá obe̱ku no̱ ye̱ omaṅtše̱yeli le̱ mli. 19,28.
22Ši Iesu here no̱ eké̱: Nyelee noni nyebio̱ le̱. Ani nyeanyẽ *kpulu ní mibanu le̱ nyenu, [alo nyeanyẽ ni ake̱ †mibaptisimo̱ le̱ abaptisinye]? Ame̱ke̱le̱ ake̱: Wo̱o̱nyẽ. *26,39. Ioh 18,11. †Luk. 12,50.
23Ni ekē̱ame̱ ake̱: Mikpulu le̱ nyeanu moṅ, [ni mibaptisimo̱ le̱ hũ ake̱-abaptisinye]; ši minine dšŭrõ ke̱ mibe̱ku no̱ trámo̱ le̱, edšee minõ ní mike̱-hãa, ši moṅ mei ní mitše̱ ésā etoame̱ le̱ anõṅ.
24Ni beni mei nyoṅma le̱ nu le̱, ame̱mli wo nyemimei enyo̱ le̱ la. Luk 22,24-26.
25Ši Iesu tšé̱ame̱ ke̱-ba eṅõ, ni ekē̱-ame̱ ake̱: Nyele ake̱ mãdši le̱ ano̱ lume̱i le̱ yeo̱ ame̱no̱, ni ame̱teṅ gbomei agboi le̱ hũ ye̱ hewale̱ ye̱ ame̱no̱.
26Akafe nakai ye̱ nyeteṅ; ši mofẽmo ní sumoo̱ ake̱ etšṍ agbo ye̱ nyeteṅ le̱, le̱ moṅ etšṍ nyesúolo̱. 23,11.
27Ni mofẽmo ni sumoo̱ ake̱ etšṍ onukpa ye̱ nyeteṅ le̱, le̱ moṅ etšṍ nyetšũlo̱. Mar. 9,35.
28Tamo̱ bo̱ni gbomobi le̱ baa ní asùmo̱le̱, ši eba *sùomo̱ moṅ, ní eṅõ esusuma le̱ ehã ye̱ mei pī †akpõmo hewo̱ le̱. *Luk. 22.27. Fil. 2.7. †1 Tim. 2,6.
(29-34. Mar. 10,46-52. Luk. 18,35-48.)
29Ni beni ame̱dše̱ Ieriko ame̱yaä le̱, asafo babaõ nyie ese.
30Ni na, hĩĩ ſilafoi enyo̱ trá gbe̱ le̱ toi, ni beni amenu ake̱ Iesu mīho le̱, ame̱blo̱ ame̱kē̱: Nawo̱ mo̱bo̱, Nuṅtšo̱, David bi!
31Ši asafo le̱ fã́mu ame̱yi ake̱ ame̱bu ame̱nā; ši ame̱blo̱ moṅ fè tšutšu le̱ ake̱: Nawo̱ mo̱bo̱, Nuṅtšo̱, David bi!
32Ni Iesu wa-damo̱ ši ni etšé̱ame̱ ni ekē̱: Meni nyetaoo̱ ake̱ mife mihãnye?
33Ame̱ke̱le̱ ake̱: Nuṅtšo̱, ake̱ agble wo̱hĩṅme̱ii le̱!
34Ni Iesu mũsũṅ tšõle̱ ye̱ ame̱hewo̱, ni etra ame̱hĩṅme̱ii le̱ ahe, ni amrõ le̱ ame̱na nii, ni ame̱nyie ese̱.
Currently Selected:
Mateo 20: GBV96
Highlight
Share
Copy
Want to have your highlights saved across all your devices? Sign up or sign in
The Bible in Ga © Bible Society of Ghana, 1896, 1992.
