Mateo 18
18
(18,1-9. Mar. 9,33-47. Luk. 9,45-48.)
1No ṅmle̱tſā le̱ mli noṅṅ le̱ kaselo̱i le̱ ba Iesu ṅõ ni ame̱bakē̱ ake̱: Namo dši agbo ye̱ ṅwei maṅtše̱yeli le̱ mli?
2Ni Iesu tšé̱ gbekẽ bibiō ko ke̱-ba eṅõ, ni eke̱le̱ damo̱ ame̱teṅ,
3ni ekē̱: Le̱le̱ṅ, mīkē̱nye ake̱: Ke̱dši nyetšakee ní nyetšṍmo̱ tamo gbekẽbii bibii le̱, nyeboteṅ ṅwei maṅtše̱yeli le̱ mli kwrā. 19,14.
4Nohewo̱ le̱, mofẽmo ní baä ehe ši tamo̱ gbekẽ ne̱ le̱, le̱ dši agbo ye̱ ṅwei maṅtše̱yeli le̱ mli.
5Ni mofẽmo ní ṅõo̱ gbekẽ fiō kome ní tamo̱ mone̱ ye̱ migbe̱i ano̱ le̱, eṅõo̱mi. 10,40.
6Ši moni tõtõo̱ bibii ne̱ ateṅ mokome ní heo̱ mino̱ yeo̱ le̱ nane le̱, fãṅ noni ake̱ tedši-w̌ie̱ ṅmõ ekue̱ ni aṅõle̱ awo ṅšo̱ṅ. Luk. 17,1. 2.
7Kpóo hã dše le̱ ye̱ nanetõtõmo̱ sãdši ahewo̱! edšake̱ nanetõtõmo̱ sãdši le̱ baba kẽ moṅ; ši kpóo hã gbomo ní nanetõtõmo̱ le̱ tšṍo̱ eno̱ ke̱-baä le!
8Ši ke̱dši onine lo onane mītõtõ onane le̱, fo ye̱ ohe ni ošé̱ ofõ; fãṅ noni oke̱ nine kuku lo nane kuku bote wala mli fè noni oyo̱ nidši enyo̱ lo nãdši enyo̱ ni aašé̱o afõ nāno̱ la le̱ mli le̱. 5,29. 30.
9Nĩ ke̱dši ohĩṅme̱i mītõtõ onane le̱, fã ye̱ ohe ní ošé̱ ofõ; fãṅ noni oke̱ hĩṅme̱i kome bote wala mli fè noni oyo̱ hĩṅme̱ii enyo̱ ní aašé̱o afõ gehena la le̱ mli le̱.
10Nyekwe̱a dšogbāṅ koni nyekagbe meibibii ne̱ ateṅ mokome he guo̱; edšake̱ mīkē̱nye ake̱, *ame̱bo̱foi ní yo̱ ṅwei le̱ kwe̱o̱ mitše̱ ní yo̱ ṅwei le̱ hĩe dā. *Heb. 1,14.
11Ši gbomobi le̱ ba noni elādše le̱ yiwala-heremo̱. 9,13. Luk. 19,10.
(12-14. Luk. 15,4-7.)
12Té nyesusuo̱ tēṅ, ke̱dši moko ye̱ tōi oha ni ame̱teṅ ekome dũ gbe̱ le̱: ani ešĩṅ nyoṅmai-ne̱hũ ke̱ ne̱hũ le̱ ye̱ gõdši le̱ ano̱, ni eya eyatao noni edū gbe̱ le̱?
13Ni ke̱dši eba mli ake̱ enale̱ le̱, le̱le̱ṅ, mīkē̱nye ake̱, emī še̱o̱ ehe ye̱ no he fè nyoṅmai-ne̱hũ ke̱ ne̱hũ le̱ ní edũko gbe̱ le̱.
14Nakai noṅṅ ni nyetše̱ ni yo̱ ṅwei le̱ sumo̱o̱ ake̱ bibii ne̱ ateṅ mokome ladšeo̱.
15Ši ke̱dši onyemi ko tõ ono̱ le̱, ya ní oyatšõle̱ etõmo̱ le̱ oke̱le̱ yii enyo̱ ke̱ke̱. Ke̱dši eboö toi le̱, nyemi efe nyemi. 3 Mose 19,17. Luk. 17,8. Gal. 6,1.
16Ši ke̱dši ebooö toi le̱, ṅõ mokome lo mei enyo̱ ofata ohe, koni *odasefoi enyo̱ lo etẽ nā le̱ sane-fẽ-sane amã ši. *5 Mose 19,15.
17Ni ke̱dši ame̱ hũ ebooame̱ toi le̱, yakē̱ asafo le̱; ni ke̱dši asafo le̱ hũ no̱ etoi gbo yo̱ le̱, *bule̱ tamo̱ wo̱ṅdšálo̱ ke̱ ntōhelo̱. *1 Kor. 5,13.
18Le̱le̱ṅ, mīkē̱nye ake̱: Nofẽno ní nyeafĩ ye̱ šikpoṅ le̱ no̱ le̱, aafĩ ye̱ ṅwei; ni nofẽno ní nyeafẽne ye̱ šikpoṅ le̱ no̱ le̱, aafẽne ye̱ ṅwei. 16,19. Ioh. 20,23.
19Asaṅ mīkē̱nye ake̱, ke̱dši nyeteṅ mei enyo̱ kpã gbē ye̱ šikpoṅ ne̱ no̱ ye̱ sane-fẽ-sane ní ame̱bio̱ le̱ he le̱, mitše̱ ní yo̱ ṅwei le̱ aafe ahãame̱. Mar. 11,24.
20Edšake̱ heni mei enyo̱ lo mei etẽ ebua ame̱he nā ye̱, ye̱ migbe̱i ano̱ le̱, miye̱ ame̱teṅ ye̱ dše̱i. 28,20.
21Ke̱ke̱ ni Petro ba eṅõ ni ebakē̱: Nuṅtšo̱, šii enyie minyemi atõ mino̱ ní miṅõ-fale̱? ke̱-yaši šii kpawo lo?
22Iesu kē̱le̱ ake̱: Mikē̱ē̱o ake̱ ke̱-yaši šii kpawo; ši moṅ šii kpawo toi nyoṅmai-kpawo. Luk. 17,4.
23Nohewo̱ le̱ ṅwei maṅtše̱yeli le̱ tamo̱ maṅtše̱ ko ni taoo̱ eke̱ etšũdši ababu akontā.
24Ni beni ebõi bū le̱, ake̱ moko ní hĩele̱ nyõmo̱ talentai akpei-nyoṅma ba eṅõ.
25Ši ake̱-ní ebe̱ noko ní eke̱-awole̱ le̱, enuṅtšo̱ le̱ fã́ ake̱ ahõle̱ ke̱ eṅã ke̱ ebii ke̱ nii fẽ ní eyo̱, ní aṅõ-wo nyõmo̱ le̱.
26Ke̱ke̱ ni tšũlo̱ le̱ ho kũla ši ni ekpale̱ fai ekē̱: Nuṅtšo̱, to otšui ši ohãmi, ni mawoö nyõmo̱ le̱ fẽ!
27Ni tšũlo̱ ne̱ nuṅtšo̱ le̱ mũsũṅ tsõle̱ ni eṅmē̃ ehe, ni eke̱ nyõmo̱ le̱ kele̱.
28Ši nakai tšũlo̱ le̱ dše kpo eyana enanemei tšũdši le̱ ateṅ mokome ní hĩele̱ nyõmo̱ denarioi oha; nĩ emõle̱ emĩa esẽ, ni ekē̱: Womi nyõmo̱ ní ohĩemi le̱!
29Ke̱ke̱ ni enanyotšũlo̱ le̱ ho kũla ši ekpale fai ekē̱: To otšui ši ohãmi, ni mawoö nyõmo̱ le̱ fẽ.
30Ši le̱ le̱ ekplẽẽ; ši moṅ eyawule̱ tšũṅ ke̱-yaši beyino ní eewole̱ nyõmo̱ le̱.
31Ši beni enanemei-tšũdši le̱ na noni afe le̱, edo̱ame̱ tšṍ ni ame̱bagba ame̱nuṅtšo̱ le̱ noni afe le̱ fẽ.
32Ke̱ke̱ ni enuṅtšo̱ le̱ hã ayatšé̱le̱ ke̱-ba ni ekē̱le̱ ake: Tšũlo̱ fõṅ! ake̱-ní okpami fai hewo̱ le̱ miṅõ ne̱ke̱ nyõmo̱ ne̱ fẽ mikeo;
33ani kũle̱ dšee ho hũ ogbe̱nā dši ake̱ ona onanyo-tšũlo̱ le̱ mo̱bo̱, bo̱ni mi hũ minao mo̱bo̱ le̱?
34Ni enuṅtšo̱ le̱ mli fũ, ni ehã apĩle̱ *ke-yaši beyino ní eebawole nyõmo le fẽ. 5,26.
35Nakai noṅṅ mitše̱ ní yo̱ ṅwei le̱ hũ aaṅõ-fenye, ke̱dši nyeteṅ mofẽmo eṅõõ enyemi notõmo̱ ekeele̱ ke̱-dše̱e̱ etšuĩṅ le̱. 6,14. 15.
Currently Selected:
Mateo 18: GBV96
Highlight
Share
Copy
Want to have your highlights saved across all your devices? Sign up or sign in
The Bible in Ga © Bible Society of Ghana, 1896, 1992.
