Luka 23
23
(23,1-25. Mat. 27,2. 11-31 Mar. 15,1-20. Ioh. 18,28—19.16.)
1Ni ame̱safo mū le̱ fẽ te ši, nĩ ame̱kplale̱ ke̱-te Pilato ṅõ.
2Ni ame̱bõi enā flo̱mo̱ ame̱kē̱: Wó̱na nū ne̱ ní ēwo maṅ le̱ yiṅ ni ēgu onĩatšũmo̱ ke̱ *Kaisare hãmo̱, ní ekē̱o̱ ake̱ le̱dientše̱ dši Kristo, maṅtše̱ le̱. 20,25.
3Ni Pilato bile̱ ake̱: Ani bo dši Iudafoi le̱ amaṅtše̱ le̱? Ni eto he ehãle̱ ake̱: Okē̱.
4Ni Pilato kē̱ oso̱fonukpai le̱ ke̱ asafoi le̱ ake̱: Minaa fo̱būsane ko ye̱ nū ne̱ mli.
5Ši ame̱ka no̱ fè tšutšu le̱, ni ame̱kē̱: Ewoo̱ mã le̱ṅ hirihiri ke̱ enii ní etšõo̱ ye̱ Iudea fẽ, ni ebõi ke̱-dše̱ Galilea ke̱-baši bie̱ le̱.
6Ši beni Pilato nu Galilea he le̱, ebi ake̱ nū le̱ Galileanyoṅ lo?
7Ni beni ená ele ake̱ edše̱ *Herode no̱yelihe le̱, ehā ake̱le̱ te Herode, mo hũ ni eba Ierusalem ye̱ no gbĩĩ le̱ amli le̱, ṅõ. *3,1.
8Ši beni Herode na Iesu le̱, ená mīše̱ babaō, edšake̱ *dšeeṅmõ bēbe edše̱ etaoo̱le̱ ekwe̱, edšake̱ enu ehe sãdši pī, ni ehĩe kã no ake̱ eefe okadi ko ni ena. *9,9.
9Ni ebibīle̱ sãdši pī; šĩ ehããle̱ ekomeflo hetō.
10Ni oso̱fonukpai le̱ ke̱ woloṅmãlo̱i le̱ badamo̱ ši ni ame̱flo̱ enā naakpa.
11Ni beni Herode ke̱ esrafoi le̱ ebo̱le̱ ahora ni ame̱ye ehe fe̱o ni ame̱wole̱ atade kaṅkaṅ le̱, ehã ake̱le̱ te Pilato ṅõ ekoṅ.
12Ši nakai gbĩ le̱ no̱ noṅṅ Pilato ke̱ Herode bo̱ nanyo, ši kũle̱ sá le̱ ame̱ke̱ ame̱he yee.
13Ni Pilato tšé̱ oso̱fonukpai le̱ ke̱ onukpai le̱ ke̱ maṅ le̱ ke̱-kpe,
14ni ekē̱ame̱ ake̱: Nyeke̱ ne̱ke̱ nū ne̱ bahãmi, ake̱ ēwo maṅ le̱ yiṅ; ni na, mitao esane le̱ mli ye̱ nyehĩe ne̱, minaa fo̱bũsane ko ye̱ ehe ye̱ sãdši nī nyeke̱baflo̱ enā le̱ ekoeko mli.
15Ni Herode hũ enaa eko; edšake̱ ekpalele̱ ke̱-ba, ake̱-ní efeko noko ní sa gbĕle le̱.
16Nohewo̱ le̱ mibahã ayile̱ ni maṅmē̃ ehe.
17(Ši ehĩa ake̱ gbĩdšŭrõ le̱ no̱ le̱ eṅmē̃ mokome he ehãame̱.)
18Ši ame̱fẽ ame̱blo̱ šikome ame̱kē̱: Oke̱ mone̱ aya; nĩ oṅmē̃ Baraba he ohãwo̱!
19Moko ní atũa ko ní atše ye̱ mã le̱ṅ ke̱ awuyeli hewo̱ ni awole̱ tšũṅ le̱!
20ši ake̱-ní Pilato mitao ake̱ eṅmē̃o̱ Iesu he hewo̱ le̱, eke̱ame̱ wie ekoṅ.
21Ši ame̱sã ame̱blo̱ ekoṅ ake̱: Se̱ṅmo̱, se̱ṅmo̱le̱!
22Ni ekē̱ame̱ noni dši ši etẽ ake̱: Ši mone̱ le̱, mẽ efõṅ efe? Minako noko ní sa gbĕle ye̱ emli; nohewo̱ le̱ mibahã ayile̱ ni maṅmē̃ ehe.
23Ši ame̱ka no̱ ke̱ gbē wale̱ ni ame̱mītao ake̱ ase̱ṅle̱; ni ame̱gbēi ke̱ oso̱fonukpai le̱ anõ le̱ ye no̱.
24Ke̱ke̱ ni Pilato fo sane le̱ yi ake̱ áfe bo̱ni ame̱taoo̱ le̱;
25ni eṅmē̃ moni atũatšemo̱ ke̱ awuyeli hewo̱ ní awole̱ tsŭṅ ní ame̱taoo̱le̱ le̱ he; ši Iesu le̱, eṅõle̱ ehã ye̱ ame̱taomo̱ le̱ nā.
26Ni beni ame̱kplale̱ ke̱-yaä le̱, ame̱mõ Simon Kirẽnenyo ko ni dše̱ ṅmõši baä le̱, ni ame̱wó se̱ṅmo̱tšo le̱ ame̱tĕrele̱, ní eke̱-nyie Iesu se̱. Mat. 27,32. Mar. 15,21.
27Ni mã le̱ṅ mei pī ke̱ yei hũ ni yeo̱ ṅko̱mo̱ ni ame̱fóo̱ ame̱hãale̱ le̱ nyie ese̱,
28Ši Iesu tšṍ ehīe ehãame̱ ni ekē̱: Ierusalem biyei, nyekafóa nyehãami; ši moṅ nyefóa nyehãa nye̱dientše̱ nyehe ke̱ nyebii.
29Edšake̱ na, gbĩĩ mība, nō mli ní ame̱akē̱: Adšō̱ kenei ke̱ mũsũi ní fo̱ko dã ke̱ fufo̱i ní ayeko dã! 21,23.
30No mli le̱ ame̱abõi gõdši le̱ akē̱mo̱ ake̱: Nyebagbẽa wo̱no̱! ke̱ gõṅkpo̱i le̱ hũ ake̱: Nyebahaä wo̱no̱! Hos. 10,8. Kpods, 6,16; 9,6.
31Edšake̱ ké̱ tšo ṅmoṅ afe ene̱ le̱, tšo gbĩṅ le̱, té aafele̱ tēṅ? 1 Pet. 4,17.
32Ni akpla efõṅfelo̱i krokomei enyo̱ hũ afata ehe ke̱-te, ní ayagbeame̱.
(38-49. Mat. 27,33-56. Mar. 15.22-41. Ioh. 19,17-30.)
33Ni beni ame̱še̱ heni etšé̱o̱ dše̱i ake̱ Yitšoṅoṅo le̱, ame̱se̱ṅle̱ ke̱ efōṅfelo̱i le̱ ye̱ dše̱i, mokome ye ninedšŭrõgbe̱ ni mokome hũ ye abe̱kugbe̱.
34Ši Iesu kē̱: *Atā, ṅõ-faame̱; ši ame̱lee noni ame̱feo̱. Ni †ame̱dša etadei le̱ amli, ni ame̱fõ no̱ ošiki. *Mat. 5,44. Ies. 53,12. †Lal. 22,19.
35Ni maṅbii le̱ damo̱ ši ame̱mīkwe̱. Ni maṅ onukpai le̱ hũ yele̱ ahĩ́ ame̱kē̱: Ehereo̱ meikrokomei ayiwala, ké̱ le̱ dši Kristo moni Nyoṅmo̱ ehala le̱, hã ní ehere le̱dientše̱ eyiwala.
36Ni asrafoi le̱ hũ ye ehe fe̱o, ni ameba eṅõ ni ame̱bahãle̱ ašiṅ,
37ni ame̱kē̱: Ké̱ bo dši Iudafoi le̱ amaṅtše̱ le̱, heremo̱ bodientše̱ oyiwala!
38Ši aṅmã ṅmãle̱ ko hũ ye̱ eyiteṅ ye̱ Helabii ke̱ Romabii ke̱ Hebribii aṅmãle̱-okadii le̱ amli ake̱: Iudafoi le̱ amaṅtše̱ le̱ ne̱.
39Ni efõṅſelo̱i ní ase̱ṅ le̱ ateṅ mokome bo̱le̱ ahora ekē̱: Ké̱ bo dši Kristo le̱, dšiemo̱ bodientše̱ ohe ke̱ wo̱ hũ!
40Ši moko le̱ here no̱ ni ekã ehĩe ekē̱: Ani bo hũ ní oyo̱ fo̱bū kome le̱ noṅṅ mli ne̱ ošee Nyoṅmo̱ gbeyei?
41Ni wo̱nõ le̱ sawo̱, edšake̱ wo̱nifemo̱nii ahe nyõmo̱wo wo̱ná ne̱; ši mone̱ le̱ efeko noko ní esaa.
42Ni ekē̱ Iesu ake̱: Nuṅtšo̱, kaimo̱mi, *beni ooba ye̱ omaṅ tše̱yeli le̱ mli le̱! *Mat. 16,28.
43Ni Iesu kē̱le̱ ake̱: Le̱le̱ṅ, mīkē̱o ake̱: Nme̱ne̱ oke̱mi aahĩ Paradeiso!
44Ni aafe ſane ṅmle̱ nyoṅma ke̱ enyo̱ mli le̱, duṅ wo ye̱ šikpoṅ le̱ no̱ fẽ ke̱-yaši gbe̱ke̱ ṅme̱dši etẽ mli;
45ni hũlũ wo duṅ, ni so̱lemo̱tšũ le̱ṅ *muhō̱ le̱ mli gbá ye̱ teṅ tū̃ntũ. *3 Mose 36,35.
46Ni Iesu bo ke̱ gbē wale̱ ekē̱: Atā, *odeṅ mituo̱ mimumo̱ miwoo̱ ne̱! Ni beni ekē̱ ne̱ke̱ le̱, ebu enā. *Lal. 31,6. Bo̱f. 7,59.
47Ši beni asrafoi-oha-atše̱ le̱ na noni afe le̱, ewo Nyoṅmo̱ hĩe nyam ni ekē̱: Ye̱ṅ le̱le̱ṅ ake̱ ne̱ke̱ nū ne̱ dšalo̱ṅ!
48Ni mei fẽ ní ba nikwe̱mo̱ le̱, beni ame̱na nibii ní afe le̱, ame̱šimo̱ ame̱tšitši ni ame̱kũ ame̱se̱.
49Ši mei ní lele̱ fẽ ke̱ *yei ní nyie ese̱ ke̱-dše̱ Galilea le̱ hũ damo̱ se̱ fle̱ṅṅ ame̱mīkwe̱ nii ne̱. 8,2.
(50-55. Mat. 27,57-61 Mar. 15.42-47. Ioh. 19.38-42.)
50Ni na, nū ko ye̱ ni atšé̱o̱le̱ Iosef, ní dši akuašoṅnyo, gbomo kpakpa ke̱ dšalo̱,
51ni dše̱ Arimatia, Iudafoi le̱ amãdši le̱ eko no̱, le̱ le̱ ekplẽẽ ame̱yiṅtō ke̱ ame̱nifemo̱nii le̱, ni *ēkwe̱ Nyoṅmo̱ maṅtše̱yeli le̱ gbe̱, *2,25. 38.
52le̱ eyiṅ ke̱-te Pilato ṅõ ni eyakpale̱ fai ni eṅõ Iesu gbonyo le̱ ehãle̱;
53ni edšiele̱ ke̱-kpleke ši, ni eṅõ klala ebla ehe, ni eyatole̱ ye̱ gbonyobu ní akpe̱ ye̱ te̱sā mli ni atoko moko ye̱ mli dã le̱ mli.
54Ni nakai gbĩ le̱ hesāmo̱-ke̱-tō gbĩ ni, ni hedšō̱mo̱gbĩ le̱ efĩ.
55Ni yei le̱ ni ke̱ Iesu dše̱ Galilea ba le̱ nyie se̱, ame̱bakwe̱ tōhe le̱ ke̱ bo̱ni ato egbonyo le̱ ahã. K. 49.
56Ni ame̱kũ ame̱se̱, ni ame̱yasā tšofãi-ke̱-ṅmai; ni hedšō̱mo̱gbĩ le̱ no̱ le̱ ame̱fe kpo *ye̱ kitã le̱ nā. *2 Mose 20,10.
Currently Selected:
Luka 23: GBV96
Highlight
Share
Copy
Want to have your highlights saved across all your devices? Sign up or sign in
The Bible in Ga © Bible Society of Ghana, 1896, 1992.
