Luka 21
21
(21,1-4. Mar 12.41-44.)
1Ni ewó ehĩe no̱ ni ena niiatše̱mei ní ame̱ṅõo̱ ame̱nikẽnii ame̱woo̱ onĩa-adeka le̱ mli le̱.
2Ši ena yō okũlafo ohĩafo ko hũ ba ní eke̱ leptoi enyo̱ (tšākpō) bawo mli.
3Ni ekē̱: Mikē̱nye ano̱kwale mli ake̱: Ne̱ke̱ yō okũlafo ohĩafo ne̱ eke̱ pī ewó mli *fè mei le̱ fẽ; *2 Kor. 8,12.
4edšake̱ mene̱mei fẽ le̱, noni ame̱ná ní eteke no̱ le̱ eko ame̱ke̱-bawo Nyoṅmo̱ nikēnii le̱ amli ne̱, ši mone̱ le̱, ehĩa mli nii ní eke̱-kwe̱o̱ ehe no̱ le̱ fẽ eke̱-bawo mli ne̱.
(5-24. Mat 24,1-21. Mar. 13,1-9.)
5Ni beni meikomei wieo̱ so̱lemo̱we le̱ he, boni ake̱ te̱i fe̱ſe̱dši ke̱ kēnii ewulale̱ le̱, ekē̱:
6Ene̱mei fẽ ní nyenaä ne̱, gbĩĩ aaba ní ašĩṅ emli te̱ kome ye̱ ekroko no̱ ní atšiṅ atſaṅ ši. 19,44.
7Ni ame̱bile̱ ake̱: Tšõlo̱, bĕle̱ mẽ be mli nii ne̱ aaba mli? ni mẽ okadi aaba beni nii ne̱ aaba mli le̱?
8Ni ekē̱: Nyekwe̱a dšogbāṅ, koni akalakanye; edšake̱ mei pī aaba ye̱ migbe̱i ano̱ ni ame̱akē̱: mi ni, ní asaṅ: be le̱ éše̱ étã. No le̱ nyekaboa-ame̱ toi.
9Ni ké̱ nyenu tai ke̱ atũatšemo̱i ahe le̱, nyetšui akafãa; edšake̱ dša ne̱ke̱ nii ne̱ ba mli dã, ši kẽle̱ nāgbē le̱ še̱ko biane̱.
10Ke̱ke̱ ní ekē̱ame̱ ake̱: Maṅ aate ši awo maṅ, ni maṅtše̱yeli hũ aate ši awo maṅtše̱yeli;
11ni šikpoṅ hosomo̱i ní nā wa aaba hei sro̱toi fẽ, ke̱ hõdsi ke̱ gbĕlehelai, ni gbeyei nibii ke̱ okadii wudši aadše̱ ṅwei aba.
12Ši dãni ene̱mei fẽ aaba le̱, ame̱-amõmo̱nye, ni ame̱awanye yi, ni ame̱-aṅõnye ame̱hã ye̱ kpēhei ke̱ gbokle̱foiatšŭĩaṅ, ni ame̱akplanye ke̱-ate maṅtše̱mei ke̱ lume̱i ahĩe ye̱ migbe̱i le̱ ahewo̱. 12,11.
13Ni no aatšṍ odase ahãnye.
14Nohewo̱ le̱ nyelea nyetoa ye̱ nyetsuiiaṅ, koni nyekahao nyehe ye̱ noni nyeke̱-afã nyehe hewo̱; Mat. 10,19.
15edšake̱ mahãnye nābu ke̱ nilē ní nyehenye̱lo̱i le̱ fẽ nyẽṅ nā adamo̱ ni ame̱nyẽṅ nā ame̱kū hũ. Bo̱f. 6,10.
16Ši fo̱lo̱i tete ke̱ nyemimei ke̱ wekumei ke̱ šientše̱mei aaṅõnye aha, ni ame̱ahã agbe nyeteṅ meikomei;
17ni mei fẽ aanye̱nye ye̱ migbe̱i hewo̱. Mat 10,21. 22.
18Ši nyeyiteṅ tšo̱i kome ne̱ke̱ elādšeṅ. 12,7.
19Tšuišiṅmẽ nyeke̱-aahere nyesusumai le̱. 2 Kron. 15,7. Heb. 10,36.
20Ši ké̱ nyena ake̱ abo̱ nsra awo Ierusalem he le̱, bĕle̱ nyenáa nyelea ake̱ efitemo̱ le̱ éše̱.
21No mli le̱ mei ni yo̱ Iudea le̱ ádšo foi aya gõdši le̱ ano̱, ni mei ní yo̱ mã le̱ṅ le̱ ádše kpo, nĩ mei ní yo̱ akrowai akaba maṅ.
22Edšake̱ *oweletō̱ gbĩĩ le̱ ne̱, koni nibii fẽ ní aṅmã le̱ aba mli. *Ier. 5,29.
23Ši mīhã mei ní hĩe mũsũ ke̱ mei ní hãa fufo̱ ye̱ nakai gbĩĩ le̱ amli le̱ kpóo! Edšake̱ fĩmo̱ babaō baba šikpoṅ le̱ no̱, ni mliſũ hũ baba ne̱ke̱ maṅ ne̱ no̱.
24Ni ame̱anyõnyõi ye̱ klante nā, ni aaṅõame̱ nom ke̱-ate dšeṅmãdši fẽ mlĩ, ni dšeṅmãdši le̱ aanānā Ierusalem no̱ ke̱-yaši *beyino ni dšeṅmãdši abe le̱ aaše̱. *Rom. 11,25. Kpods. 11,2.
(25-28. Mat. 24,29. 30. Mar 13,24-26.)
25Ni okadii aaba hũlũ ke̱ nyoṅtšëre ke̱ ṅulamii amli, ni dšeṅmãdši afĩmo̱ le̱ aaba šikpoṅ le̱ no̱, ni ame̱afe yeyēye, ye̱ ṅšo̱ ke̱ ṅšo̱kei agbē̱mo̱ hewo̱;
26ni nõ anyõnyõ gbomei ano̱ ye̱ gbeyēi ke̱ nibii ní baä dše le̱ṅ le̱ agbe̱kwe̱mo̱ hewo̱; edšake̱ aahoso ṅwei hewale̱i le̱ tete.
27Ke̱ke̱ le̱ *ame̱ana gbomobi le̱ ake̱ ēba ye̱ atatuṅ ke̱ hewale̱ ke̱ anumnyam babaō. *Dan. 7,13.
28Ši beni nibii ne̱ aatšõ nā ši le̱, no le̱ nyekwe̱a ṅwei ni nyeholea nyeyitšei ano̱, edšake̱ nyekpõmo̱ le̱ mībe̱ṅke̱. Fil. 4,4. 5.
(29-33. Mat. 24,32-35. Mar 13,28-31.)
29Ni ebuame̱ abe̱ ake̱: Nyekwe̱a agbãmitšo le̱ ke̱ tšei fẽ;
30be mli bēbe ní ame̱fũo̱ bāi le̱, ké̱ nyena le̱, nyedientše̱ nyele ake̱ latšābe éše̱ étã.
31Nakai noṅṅ hũ, beni nyeana ake̱ nibii ne̱ etšõ nā ši le̱, nyenaa nyelea ake̱ Nyoṅmo̱ maṅtše̱yeli le̱ éše̱ étã.
32Le̱le̱ṅ, mīkē̱nye ake̱: Ne̱ke̱ yino̱ ne̱ hoṅ, dša fẽ éba mli dã.
33Ṅwei ke̱ šikpoṅ aaho aya; ši miwiemo̱i le̱ hoṅ eyaṅ. 16,17.
34Ši nyehĩe ahĩa nyehe no̱, koni fufemo̱ ke̱ dā̃tō̱ ke̱ dāṅ-ṅmā̃ he haomo̱i akahe nyetšuii, ní nakai gbĩ le̱ mībatinye ši trukā; Mar. 4,19.
35edšake̱ ebaba mei fẽ ní hĩo̱ šikpoṅ mū le̱ fẽ no̱ le̱ ane̱ tamo̱ tšõne. 1 Tes. 5,3.
36Nohewo̱ le̱ *nyesraã befẽbe ni nyeso̱lea, koni nyenyẽ nii ní baba ne̱ fẽ mli nyedše, ni nyenyẽ gbomobi le̱ hīe nyedamo̱. *Mar. 13,33.
37Ši ſane le̱ etšõo̱ nii ye̱ so̱lemo̱we le̱, ni ké̱ dše na le̱, eyaä goṅ ní atšé̱o̱le̱ Mũgoṅ le̱ no̱ eyawo̱ö̱.
38Ni lebi mā̃ṅkpa le̱ maṅ mū le̱ fẽ baä eṅõ baboo̱le̱ toi ye̱ so̱lemo̱we le̱.
Currently Selected:
Luka 21: GBV96
Highlight
Share
Copy
Want to have your highlights saved across all your devices? Sign up or sign in
The Bible in Ga © Bible Society of Ghana, 1896, 1992.
