Iohane 4
4
1Agbe̱ne̱, beni Nuṅtšo̱ le̱ ná-le ake̱ Farisifoi le̱ énu ake̱ Iesu mife kaselo̱i ni *ēbaptisi mei babaō fè Iohane le, *3,22. 26.
2tše̱bele̱ le̱ Iesu le̱ dientše̱ ebaptisii, ši moṅ ekaselo̱i le̱,
3edše Iudea ni eyiṅ ke̱-mīya Galilea ekoṅ.
4Ši dša etšṍ Samaria.
5Agbe̱ne̱ ebaše̱ Samaria maṅ ko ni atšē̱o̱le̱ Sikar le̱ he, ye̱ šikpoṅ knkuō ko ni *Iakob ṅõ-hã ebi Iosef le̱ mase̱i. *1 Mose 48,22. Ios. 24,32.
6Ši Iakob nubu le̱ ye̱ dše̱i. Ni ake̱-ní gbe̱nyiemo̱ le̱ éto̱ Iesu hewo̱ le̱, eho eſata ši ye̱ nubu le̱ he. Aafe ṅmle̱ nyoṅma ke̱ enyo̱ mli.
7Ni Samariayō ko ba nuyē̱. Iesu kē̱le̱ ake̱: Hãmi nu le̱ eko manu.
8Edšake̱ ekaselo̱i le̱ éte mã le̱ṅ ame̱yahe niyenii.
9Ke̱ke̱ le̱ Samariayō le̱ kē̱le̱ ake̱: Té tēṅ ni bo Iudanyo le̱ obaämi Samariayō le̱ nu ní onuṅ? (Edšake̱ Iudafoi ke̱ Samariabii yee.)
10Iesu here no̱ ni ekē̱le̱ ake̱: Edši ole Nyoṅmo̱ nõkēnõ le̱ ke̱ moni kē̱o̱o ake̱: Hami eko manu le̱, kũle̱ bo moṅ oobale̱ ni eehão *wala nu. *7,38. 39.
11Yō le̱ kē̱le̱ ake̱: Nuṅtšo̱, obo̱ noni ooṅõ-ye̱, ni bu le̱ hũ mli kwo̱; nẽgbe̱ ooná wala nu le̱ ye̱ mo̱?
12Ani ofè wo̱tše̱ Iakob ni hãwo̱ nubu le̱, ni le̱dientše̱ enu mli nu, ke̱ ebii ke̱ ekoloi le̱?
13Iesu here no̱ ni ekē̱le̱ ake̱: Mofẽmo ní nuo̱ nu ne̱ eko le̱, kũmai bayele̱ ekoṅ; 6,58.
14ši moni nuo̱ nu ni mi mahãle̱ le̱ eko le̱, kũmai yeṅle̱ doṅṅ ke̱-ate nāno̱; ši moṅ, nu ní mahãle̱ le̱, aatšṍ nu hĩṅme̱i nĩ baä ke̱-yaä nāno̱ wala mli ye̱ emli. 6,27. 35.
15Yō le̱ kē̱le̱ ake̱: Nuṅtšo̱, hami nu ne̱ eko, koni kũmai akayemi, ní miba bie̱ mibaye̱ nu doṅṅ.
16Iesu kē̱le̱ ake̱: Ya ni oyatšé̱ owù, ni oke̱le̱ aba bie̱.
17Yō le̱ here no̱ ni ekē̱le̱ ake̱: Mibe̱ wù. Iesu kē̱le̱ ake̱: Odšogbāṅ oke ake̱: Mihe wù le̱;
18edšake̱ ogba wùmei enumo̱, ni moni ogbãa agbene ne̱, dšee owù dšile̱; no le̱ okē̱ ano̱kwa.
19Yō le̱ kē̱le̱ ake̱: Nuṅtšo̱, mina ake̱ gbalo̱ dsio.
20Goṅ ne̱ no̱, wo̱tše̱mei le̱ so̱le ye̱, ni nye le̱ nyekē̱ ake̱ *Ierusalem dši he ní sa ake̱ aso̱le ye. *5 Mose 12,5. Lal. 122.
21Iesu kē̱le̱ ake̱: Awó, hemi oye ake̱ ṅmle̱tſā le̱ mība ní dšee goṅ ne̱ no̱ ni asaṅ dšee Ierusalem ni nyeadšá tše̱ le̱ ye̱.
22Nye le̱, *nyelee noni nyedšáa; wo̱ le̱, wo̱le noni wo̱dšáa, edšake̱ †walaheremo̱ le̱, Iudafoi le̱ aṅõ edše̱. *2 Maṅ, 17,29-41. †Ies. 2,3.
23Ši kẽle̱ ṅmle̱tſā le̱ mība ni éše̱ agbene, beni ano̱kwa dšálo̱i le̱ aadšá tše̱ le̱ ye̱ mumo̱ ke̱ ano̱kwale mli, edšake̱ mei ní dšáale̱ ne̱ke̱, tše̱ le̱ hũ taoo̱.
24Nyoṅmo̱ le̱ Mumo̱ṅ, ni mei ni dšáale̱ le̱, dša amedšále̱ ye̱ mumo̱ ke̱ ano̱kwale mli. 2 Kor. 3,17.
25Yō le̱ kē̱le̱ ake̱: Mile ake̱ *Mesia ni atšé̱o̱le̱ Kristo le̱ mība; ké̱ éba le̱, eegbawo̱ nii fẽ. *1,41.
26Iesu kē̱le̱ ake̱: Mi ní mike̱o wieo̱ ne̱, mi ni. 9,37.
27Ke̱ke̱ ni ekaselo̱i le̱ ba, ni ame̱hĩe feame̱ yā ake̱ eke̱ yō mīwie; ši kẽle̱ moko biile̱ ake̱: Meni obio̱le̱? alo: meni wiemo̱ oke̱le̱ wieo̱?
28Agbene yō le̱ šī enugbé̱ le̱, ni eyiṅ ete mã le̱ṅ, ni eyakē̱ mei le̱ ake̱:
29Nyebaä nyebakwe̱a nū ko ni edšadše nii fẽ ni mife etšõmi; ake̱ dšee Kristo le̱ ne̱ lo?
30Ke̱ke̱ le amedše mã leṅ ameba eṅõ.
31Ši no mli le̱ ekaselo̱i le̱ kpale̱ fai ame̱ke̱: Rabi, ye noko.
32Ni ekē̱ame̱ ake̱: Miye̱ *ṅmā̃ ni miyeo̱, ní nyelee. *K. 34.
33Nohewo̱ le̱ ekaselo̱i le̱ kē̱kē̱ amehe ake̱: Ani moko ébahãle̱ noko eye?
34Iesu kē̱ame̱ ake̱: Miṅmā̃ dši ake̱ mafe moni tšũmi le̱ suomo̱nānii, ni magbe enitšumo̱ le̱ nā. 17,4.
35Ani nyekē̱ē̱ ake̱: Eſe̱ nyõdši edſe̱ ní ablekpamo̱be le̱ še̱o̱? Na, mīkē̱nye ake̱: Nyeholea nyehĩṅme̱ii ano̱ ni nyekwe̱a ṅmõdši le̱ boni amē̱gba *futā momo ni sa kpamo̱. *Mat. 9,37. Luk. 10,2.
36Ni moni kpaā le̱ náa enyōmo̱wo, ni ebuaä yibii anā etoo nāno̱ wala, koni moni dũo̱ le̱ ke̱ moni kpaā le̱ fẽ anyã́ šikome.
37Edšake̱ ene̱ mli ni wiemo̱ ni awie ake: Moko dũo̱ ni moko kpaä le̱ baä mli ye̱.
38Mi le̱ mitšũnye koni nyeyakpa noni dšee nye nyetšu he noko; meikrokomei étšu nii le̱, ni nyeba ame̱ni-tšumo̱ le̱ mli.
39Ni Samariabii le̱ ni dše̱ nakai mã le̱ṅ le̱ ateṅ mei pī hé eno̱ ye ye̱ yō le̱ wiemo̱ le̱ ni eṅõ-ye odase ake̱: Ekē̱mi nii fẽ ní mife pẽṅ le̱ hewo̱.
40Nohewo̱ le̱ beni Samariabii le̱ ba eṅõ le̱, ame̱kpale̱ fai ake̱ eke̱ame̱ ahī ši; ni ehì dše̱i gbĩĩ enyo̱.
41Ni mei pī ní fè tšutšubii le̱ sa hē ye ye̱ le̱dientše̱ ewiemo̱ le̱ hewo̱;
42ni ame̱kē̱ yō le̱ ake̱: Agbe̱ne̱ wo̱mīhe wo̱mīye, dšee bo owiemo̱ le̱ hewo̱ṅ doṅṅ; edšake̱ wo̱dientše̱ wó̱nu, ni wo̱ná wo̱le ake̱, ano̱kwale, mone̱ dši dše le̱ walaherelo̱ ní dši Kristo le̱.
43Ni gbĩĩ enyo̱ le̱ se̱ le̱ eyiṅ ke̱-dše̱ dše̱i ete Galilea. Mat. 4,12.
44Edšake̱ Iesu dientše̱ ye odase ake̱ gbalo̱ ko hĩe be̱ nyam ye̱ le̱dientše̱ emaṅ. Mat 13,57. Mar. 6,4. Luk. 4,24.
45Agbe̱ne̱, beni eba Galilea le̱, Galileabii le̱ ní na nii fẽ ní efe ye̱ Ierusalem ye̱ gbĩdšŭrõ le̱ no̱ le̱ herele̱, edšake̱ ame̱ hũ ame̱te gbĩdšŭrõ le̱. 2,23.
46Ke̱ke̱ ni Iesu ba Kana ye̱ Galilea, heni ehã nu tšṍ wein ye̱ le̱, ekoṅ. Ni maṅtše̱wenū ko ye̱ Kapernaum ni ebi he mīye. 2,1. 9.
47Ni beni enu ake̱ Iesu édše̱ Iudea éba Galilea le̱, ete eṅõ ni eyatuto̱le̱ ake̱ eba ni ebatšá ebi le̱, edšake̱ ēhe égbo.
48Ke̱ke̱ ni Iesu kē̱le̱ ake̱: Ké̱ nyenaa okadii ke̱ nākpe̱nii le̱ nyehee nyeyee. 2,18. 1 Kor. 1,22.
49Maṅtše̱wenū le̱ kē̱le̱ ake̱: Nuṅtšo̱, bá dãni mibi le̱ agbo.
50Iesu kē̱le̱ ake̱: Ya, obi le̱ yi ēná wala. Ni nū le̱ hé wiemo̱ ní Iesu kē̱le̱ le̱ eye, ni eyiṅ ete.
51Ši beni eyaä le̱, etšũdšĩ ke̱le̱ bakpe, ni ame̱kē̱le̱ ake̱: Obinū le̱ he ewale̱.
52Ni ebiame̱ nõ ṅmle̱tſā no̱ ní ehe bõile̱ wā; ni ame̱kē̱le̱ ake̱: Nye ſane ṅmle̱ kome mli ni fulu le̱ tše ye̱ eno̱.
53Ke̱ke̱ ni tše̱ le̱ ke̱-na ake̱ nakai ṅmle̱tſā le̱ no̱ noṅṅ ní Iesu kē̱le̱ ake̱: Obi le̱ he ewale̱ le̱; ni eke̱ ewe le̱ fẽ hé ye.
54Asaṅ ene̱ dši okadi noni dši enyo̱ ni Iesu fe, beni edše̱ Iudea eba Galilea le̱. 2,11. 23.
Currently Selected:
Iohane 4: GBV96
Highlight
Share
Copy
Want to have your highlights saved across all your devices? Sign up or sign in
The Bible in Ga © Bible Society of Ghana, 1896, 1992.
