Iohane 19
19
1Ke̱ke̱ ni Pilato ṅõ Iesu ni eyile̱ kplebii,
2ni asrafoi le̱ ṅõ ṅmei ame̱fe akekre ni ame̱ke̱-fĩ eyitšo, ni ame̱wole̱ atade tšuru ko,
3ni ame̱ba eṅõ ame̱bakē̱: Oſiẽ, Iudafoi amaṅtše̱! ni ame̱gblale̱ mãi.
4Ke̱ke̱ ni Pilato dše kpo ekoṅ ni ekē̱ame̱ ake̱: Na, mike̱le̱ edše kpo ke̱-ba nyeṅõ, koni nyená nyele ake̱ minaa fo̱būsane ko ye̱ ehe.
5Agbe̱ne̱ Iesu dše kpo, ni ṅmei akekre le̱ fĩ eyitšo ni ewo atade tšuru le̱. Ni ekē̱ame̱ ake̱: Na, gbomo le̱!
6Agbe̱ne̱, beni oso̱fonukpai le̱ ke̱ tšũdši le̱ nale̱ le̱, ame̱blo̱ ame̱kē̱: Se̱ṅmo̱, se̱ṅmo̱le̱! Pilato kē̱ame̱ ake̱: Nyedientše̱ nyeṅõale ni nyeyase̱ṅale̱ mo̱, edšake̱ mi le̱ minaa fo̱būsane ko ye̱ ehe.
7Iudafoi le̱ herele̱ no̱ ake̱: Wo̱ le̱ wo̱ye̱ mla, ni wo̱mla le̱ nā le̱ esa gbĕle, edšake̱ efe ehe Nyoṅmo̱ bi. 10,33. 3 Mose 24,16.
8Nohewo̱ le̱, beni Pilato nu ne̱ke̱ wiemo̱ ne̱, eše gbeyei fè tšutšu le̱;
9ni ebote kodšomo̱he le̱ ekoṅ, ni ekē̱ Iesu ake̱: Nẽgbe̱ odše̱? Ši Iesu efoo edāṅ.
10Ni Pilato kē̱le̱ ake̱: Oke̱mi ewiee? Ani olee ake̱ miye̱ hegbe̱ ake̱ mise̱ṅo̱o, ni miye hegbe̱ hũ ake̱ miṅmē̃o̱ ohe?
11Iesu here no̱ ake̱: Ké̱ dšee ṅwei adše̱ aṅõ-hão le̱, kũle̱ onáṅ hewale̱ ko ye̱ mino̱; nohewo̱ le̱ moni dšiemi wo edeṅ le̱ he eša le̱ da fé onõ le̱.
12Ke̱-dše̱ no no̱ le̱ Pilato tao ehe aṅmš; ši Iudafoi le̱ blo̱ ake̱: Ke̱dši oṅmē̃ mone̱ he le̱, odšee Kaisare šientše̱; mofẽmo ní feo̱ ehe maṅtše̱ le̱, ete ši ewo Kaisare.
13Nohewo̱ lo̱, beni Pilato nu ne̱ke̱ wiemo̱i ne̱, eke̱ Iesu dše kpo, ni eyatá kodšomo̱sẽi le̱ no̱, ye̱ heni atšé̱o̱ dše̱i ake̱ Te̱kamo̱, ni Hebri wiemo̱ mli le̱ atšé̱o̱le̱ Gabata le̱.
14Ši Hehō le̱ sāmo̱-ke̱-tō-gbĩ ni, ni aafe ſane ṅmle̱ nyoṅma ke̱ enyo̱ mli. Ni ekē̱ Iudafoi le̱ ake̱: Na, nyemaṅtše̱ le̱!
15Ši ame̱ le̱ ame̱blo̱ ame̱kē̱: Oke̱le̱ aya, oke̱le̱ aya! *se̱ṅmo̱le̱! Pilato kē̱ame̱ ake̱: Nyemaṅtše̱ le̱, míse̱ṅle̱ lo? Oso̱fonukpai le̱ here no̱ ake̱: Wo̱be̱ maṅtše̱ ko ake̱ dša Kaisare. *K. 6.
(16-30. Mat 27,31-50. Mar. 15,20-37. Luk. 23,26-46.)
16Ke̱ke̱ ni eṅõle̱ ehãame̱, ní ayase̱ṅle̱. Ni ame̱ṅõ Iesu ke̱-te.
17Ni le̱dientše̱ etẽre ese̱ṅmo̱tšo le̱ ke̱-te heni atšé̱o̱ yitšoṅoṅohe, ni Hebri mli le̱ atšé̱o̱le̱ Golgota le̱;
18dše̱i ame̱yase̱ṅle̱ ye̱; ni ame̱ke̱ meikrokomei enyo̱ fata ehe, mokome ye̱ bie̱ nĩ mokome hũ ye̱ bie̱, ni Iesu ye teṅ.
19Ni Pilato ṅmã wolo ko ekpe̱te̱ se̱ṅmo̱tšo le̱ yiteṅ; bo̱ni eṅmã ne̱: Iesu, Nazarenyo, Iudafoi le̱ amaṅtše̱ le̱.
20Agbe̱ne̱ ne̱ke̱ wolo ne̱ Iudafoi le̱ ateṅ mei pī kane, edšake̱ heni ase̱ṅ Iesu ye̱ le̱ be̱ṅke̱ maṅ le̱; ni aṅmã ye̱ Hebri ke̱ Hela ke̱ Roma wiemo̱ mli.
21Nohewo̱ le̱ Iudafoi le̱ aso̱fonukpai le̱ kē̱ Pilato ake̱: Kāṅmã ake̱: Iudafoi le̱ amaṅtše̱ le̱, ši moṅ ake̱ le̱ ekē̱ ake̱: Midši Iudafoi le̱ amaṅtše̱ le̱.
22Pilato here no̱ ake̱: Noni miṅmã le̱, miṅmã.
23Agbe̱ne̱ asrafoi le̱, beni ame̱se̱ṅ Iesu le̱, ame̱kŏ̱lo̱ etadei le̱, ni ame̱dša mli mlidšāi edſe̱, asrafonyo kome nõ ekome, ke̱ flaka le̱ hũ. Ši flaka le̱ be̱ tšámo̱he, alò ke̱-dše̱ ṅwei ke̱-yi ši.
24Nohewo̱ le̱ ame̱kē̱ ye̱ ame̱teṅ ake̱: Nyekahãa wo̱gblaã no mli, ši nyehãa wo̱fõa no̱ ošiki, ní wo̱na mo nõ ni aatšṍ. Koni ṅmãlo̱ ní kē̱ ake̱: *“Ame̱dša mitadei le̱ amli ame̱hã ame̱he, ni mihebo le̱ ame̱fõ no̱ ošiki” le̱ aba mli. Nohewo̱ asrafoi le̱ fe nakai le̱. *Lal. 22,19.
25Ši Iesu nye ke̱ enye nyemiyō, Maria, Klopa ṅã le̱, ke̱ Maria Magdalēna damo̱ Iesu se̱ṅmo̱tšo le̱ mase̱i.
26Nohewo̱ le̱, beni Iesu na enye ke̱ kaselo̱ *ní esumoo̱ le̱ damo̱ ši le̱, ekē̱ enye ake̱: Awó, obi ne̱! *18,23.
27Fe se̱ le̱ ekē̱ kaselo̱ le̱ ake̱: Na, onye ne̱! Ni ke̱-dše̱ nakai ṅmle̱tſā le̱ no̱ le̱ kaselo̱ le̱ ṅõle̱ ke̱-te le̱dientše̱ ewe.
28Ni ene̱ se̱ le̱, ake̱-ní Iesu *le ake̱ ágbe nii fẽ nā momo le̱, beni afe ni †ṅmãle̱ le̱ aba mli le̱, ekē̱: Kũmai mīyemi. *13,3; 18,4. †Lal. 22,16.
29Agbe̱ne̱ nõ mã dše̱i ke̱ emli ašiṅ obõ; ni ame̱ṅõ ṅšo̱ṅkotša ame̱tšo̱ *ašiṅ le̱ mli, ni ame̱ṅõ-mã hisopotšo nā, ni ame̱ṅō-to enā. *Lal. 69,22.
30Agbe̱ne̱ beni Iesu he ašiṅ le̱, ekē̱: Agbe nā! ni emã eyi ši, ni eṅõ emumo̱ le̱ ehã.
31Ke̱ke̱ ni Iudafoi le̱ yakpa Pilato fai ake̱ akũmo̱ ame̱nãdši ni adšĩeame̱, beni afe ní ame̱gbohĩī le̱ akahĩ se̱ṅmo̱tšo le̱ no̱ ye̱ hedšō̱mo̱gbĩ le̱ no̱, edšake̱ hesāmo̱-ke̱-tō-gbĩ ni, ni nakai hedšō̱mo̱gbĩ le̱ gbĩ wulu ni. 5 Mose 21,28.
32Nohewo̱ le̱ asrafoi le̱ te ni ame̱ya-kũmo̱ mei ni ase̱ṅ afata ehe le̱ anãdši, kleṅkleṅmo le̱ ke̱ moni dši enyo̱ le̱ fẽ.
33Ši beni ame̱še̱ Iesu no̱ ni ame̱na ake̱ égbo momo le̱, le̱ le̱ ame̱kŭmo̱o̱ enãdši;
34ši moṅ asrafoi le̱ ateṅ mokome ke̱ akplo̱ tšu eṅmãwuaṅ, ni amrõ le̱ lá ke̱ nu dše̱ mli ho.
35Ni moni na le̱, le̱ eye he odase ne̱, ni edase le̱ ano̱kwaṅ, ni ele ake̱ ano̱kwale ewieo̱, koni nye hũ nyehé nyeye.
36Edšake̱ afe nii ne̱, koni noni *aṅmã ake̱: “Akũṅ ewú ko” le̱ aba mli. *2 Mose 12,46.
37Ni asaṅ *ṅmãle̱ kroko kē̱: “Ame̱-akwe̱ moni ame̱tšule̱ nõ le̱.” *Zak. 12,10. Kpods. 1,7.
(38-42. Mat. 27,57-51. Mar. 15,42-47. Luk. 23,50-55.)
38Ni nii ne̱ ase̱ le̱ Iosef ní dše̱ Arimatia ní dši Iesu kaselo̱, ši Iudafoi le̱ ašemo̱ hewo̱ le̱ edšiee ehe ši le̱, eyabi Pilato, koni ehã eyadšie Iesu gbonyo le̱; ni Pilato hãle̱ hegbe̱. Nohewo̱ le̱ ete ni eyadšie Iesu gbonyo le̱ ke̱-te.
39Ni Nikodemo, moni *tšutšu ko ni eba Iesu ṅõ nyōṅ le̱, hũ ke̱ †mire ke̱ aloë ni afutu aafe nsẽnitei oha ba. *3,2. †Mat. 2,11.
40Ke̱ke̱ ni ame̱ṅõ Iesu gbonyo le̱, ni ame̱ke̱ klalai le̱ ke̱ tšofãi le̱ fĩmo̱le̱, tamo bo̱ni Iudafoi feo̱ fũo̱ mo le̱.
41Ši heni ase̱ṅle̱ ye̱ le̱, trom ko ye̱ dše̱i, ni sāṅ hē ko ye̱ trom le̱ mli ní atoko moko ye̱ mli pẽṅ;
42nohewo̱ le̱ ame̱yato Iesu ye̱ dše̱i ye̱ Iudafoi le̱ ahesāmo̱-ke̱-tō-gbĩ le̱ hewo̱, edšake̱ sāṅ le̱ be̱ṅke̱.
Currently Selected:
Iohane 19: GBV96
Highlight
Share
Copy
Want to have your highlights saved across all your devices? Sign up or sign in
The Bible in Ga © Bible Society of Ghana, 1896, 1992.
