Iohane 1

1Šišidšē le̱ṅ le̱ wiemo̱ le̱ ye̱, ni wiemo le̱ ke̱ Nyoṅmo̱ yo̱, ni wiemo le̱ Nyoṅmo̱ ni. 1 Ioh. 1,1. 2. Ioh. 17,5. Kpods. 19,13.

2Le̱ noṅṅ, šišidšē le̱ṅ le̱ eke̱ Nyoṅmo̱ yo̱. Abe̱i 8,22.

3Le̱ eno̱ atšṍ afe nibii fẽ, ni ašĩĩle̱ afee nokonoko ni afe. Kol. 1,13. 17. Heb. 1,2.

4Emli wala yo̱, ni wala le̱ dši gbomei ala le̱; 5,26.

5ni la le̱ tšoo̱ ye̱ duṅ le̱ mli, ni duṅ le̱ enaa nā. 3,19.

6Nū ko ye̱ ni Nyoṅmo̱ tšũle̱ ke̱-ba, atšé̱o̱le̱ Iohane. Luk. 1,13-17. 57-80. Mat. 3,1.

7Le̱ le̱, odaseyeli eba, ní ebaye la le̱ he odase, koni mei fẽ átšṍ eno̱ ahe aye.

8Dšee le̱ dši la le̱; ši moṅ la le̱ he odaseyeli eba. K. 20.

9Ano̱kwa la le̱ ni tẽdšeo̱ mofẽmo no̱ le̱ baä dše le̱ṅ ne̱.

10Dše le̱ mli eyo̱, ni eno̱ atšṍ afe dše le̱, ni dše le̱ leele̱. K. 3-5.

11Le̱dientše̱ emei aṅõ eba, ni mei ni dši le̱dientše̱ emei le̱ hereele̱.

12Ši mei abo̱ ní herele̱ le̱, ehãame̱ hegbe̱ ake̱ amé̱tšṍmo̱ *Nyoṅmo̱ bii, mei ni heo̱ egbe̱i le̱ no̱ yeo̱ le̱, *Gal. 3,24.

13mei ní dšee lá lo helo lo nū ko suomo̱ nā, ši moṅ *Nyoṅmo̱ mli adše̱ afó̱ame̱. *8,5. 6.

14Ni wiemo̱ le̱ tšṍ helo, ni ebaši bū ye̱ wo̱teṅ, ni wo̱na enumnyam le̱, ake tše̱ le̱ bi kome le̱ anumnyam, ni dromo̱ ke̱ ano̱kwale eyile̱ obõ. Ies. 7,14. 2 Pet 1,16, 17. Ies. 60,1.

15Iohane ye ehe odase ni ebo ekē̱: Mone̱ dši moni mikē̱ ye̱ ehe ake̱: Moni baä ye̱ mĩse̱ le̱, etšṍ mihĩe, edšake̱ eye̱ dãni miyo. K. 27. 30.

16Edšake̱ *ebõyimo̱ le̱ mli dše̱ ni wofẽ woná, dromo̱ woši dromo̱ no. *3,34. Kol. 1,19.

17Edšake̱ mla le̱, Mose no̱ atšṍ aṅõhã; ši dromo̱ ke̱ ano̱kwale le̱, Iesu Kristo ke̱-ba. Rom. 10,4.

18Nyoṅmo̱ le̱, *moko enakole̱ pẽṅ; †bi kōme ní yo̱ tše̱ le̱ mliši le̱, le̱ ebadšiele̱ ši etšṍ faṅṅ. *6,46. 1 Ioh. 4,12. †Mat. 11,27.

19Ni ene̱ dši Iohane odase ní eye, beni Iudafoi le̱ tšũ oso̱foĩ ke̱ Levifoi ke̱-dše̱ Ierusalem ni ame̱babile̱ ake̱: Namo dšio? le̱. Luk. 3,15. 16.

20Ni egba mli faṅṅ ni ešinu no̱, ni egba mli ake̱: Dšee midši Kristo le̱.

21Ni ame̱bile̱ ake̱: Namo dšio me̱? *Elia dšio? Ni ekē̱: Dšee le̱ dšimi. †Gbalo̱ le̱ dšio? Ni ehere no̱ ekē̱: Dabi. *Mat. 17,10. †5 Mose 18,15.

22Agbe̱ne̱ ame̱bile̱ ake̱: Namo dšio? koni wo̱ná hetō ko wo̱yahã mei ni tšũwo̱ le̱: Té okē̱o̱ ye̱ bodientše̱ ohe tēṅ?

23Ekē̱: *Mi dši mo gbẽ ní boe̱ ye̱ ṅã le̱ no̱ ake̱: Nyedšadšea Nuṅtšo̱ le̱ gbe̱ le̱, take̱ bo̱ni gbalo̱ Iesaia kē̱ le̱. *Ies. 40,3. Mat. 3,8. Mar. 1,3. Luk. 3,4.

24Ni mei ní atšũ le̱ dše̱ Farisifoi le̱ ateṅ;

25ni ame̱bile̱ ake̱: Ké̱ dšee Kristo le̱ alo Elia alo gbalo̱ le̱ dšio le̱, mẽhewo̱ obaptisĩo̱ mo̱?

26Iohane hereame̱ no̱ ekē̱: Mi le̱ mibaptisio̱ ye̱ nu mli, ši moko damo̱ nyeteṅ ní nye le̱ nyeleele̱, Mat. 8,11. Mar. 1,7. 8.

27le̱ *dši moni baã ye̱ mise̱ ní ētšṍ mihĩe le̱, mo tokotanākpã ni misaa moni fẽneo̱ le̱. *3,26.

28Afe nii ne̱ ye̱ Betania, ye̱ Iordan se̱, heni Iohane baptisio̱ ye̱ le̱.

29Dšetše̱reno̱ le̱ Iohane na Iesu miba eṅõ ni ekē̱: Na, Nyoṅmo̱ tōbi le̱ ni wóo̱ dše le̱ he esa le̱ ke̱-yaä le̱! K. 36. Ies. 53,7.

30Mone̱ dši moni mikē̱ ye̱ ehe ake̱: Nū ko miba ye̱ mise̱ ni etšṍ mihĩe, edšake̱ eye̱ dãni miyo̱ le̱. K. 15. 27.

31Ni mi le̱ mileele̱, ši moṅ beni afe ni adšiele̱ kpo atšõ Israel hewo̱ ni miba mibaptisio̱ ye̱ nu mli ne̱.

32Ni Iohane ye odase ekē̱: *Mina Mumo̱ le̱ yi ši ke̱-dše̱ ṅwei tamo okpo, ni ebahī eno̱. *Mat. 8,16. Mar. 1,10. Luk 3,22.

33Ni mi le̱ mileele̱, ši *moni tšũmi ake̱ mibabaptisi ye̱ nu mli le̱, le̱ noṅṅ ekē̱mi ake̱: Mo no̱ ní oona ake̱ Mumo̱ le̱ yio̱ ni ehĩo̱ eno̱ le̱, le̱ dši moni baptisio̱ ye̱ Mumo̱ kroṅkroṅ mli le̱. *Luk. 3,2.

34Ni mina, ni miye he odase ake̱ Nyoṅmo̱ bi le̱ ne̱.

35Asaṅ dšetše̱reno̱ le̱ Iohane ke̱ ekaselo̱i le̱ ateṅ mei enyo̱ damo̱ ši;

36ni beni Iesu hoo̱ le̱, ekwe̱le̱ ni eke: *Na, Nyoṅmo̱ tōbi le̱! *K. 29.

37Ni kaselo̱i enyo̱ le̱ nu ewiemo̱ le̱, ni ame̱yanyie Iesu se̱.

38Ni Iesu tšṍ ehe, ni beni ena ake̱ amenyie ese̱ le̱, ekē̱ame̱ ake̱: Meni nyetaoo̱? Ni ame̱kē̱le̱ ake̱: Rabi (ešišidši: Tšõlo̱), nẽgbe̱ ohĩo̱?

39Ekē̱ame̱ ake̱: Nyebaä ni nyebakwe̱a, Ame̱te ni ame̱yana heni ehĩo̱ le̱, ni ame̱ke̱le̱ hĩ ši nakai gbĩ le̱. Ni gbe̱ke̱ nme̱dši edſe̱ mli ni.

40Mei enyo̱ le̱ ní nu ní Iohane wie ni amenyie ese̱ le̱ ateṅ mokome dši Andrea, Simon Petro nyemi le̱.

41Le̱ eyana le̱dientše̱ enyemi Simon tšutšu, ni ekē̱le̱ ake̱: Wó̱na Mesia (ešiši dši Kristo, lo *moni afo̱le̱ mũ) le̱. *1 Sam. 2,10. Lal. 2,2.

42Ni eke̱le̱ ba Iesu ṅõ. Ni beni Iesu kwe̱le̱ le̱, ekē̱: Bo dši Simon, Iona bi le̱, aatšé̱o *Kefa (ešiši dši: Petro lo te̱sā). *Mat. 16,18.

43Dšetše̱reno̱ le̱ Iesu mitao ake̱ eyaä Galilea, ni ena Filipo; ni Iesu kē̱le̱ ake̱: Nyiemo̱ mise̱!

44Ši Filipo dše̱ Betsaida, Andrea ke̱ Petro mã le̱ṅ.

45Filipo hũ na Natanael, ni ekē̱le̱ ake̱: Wo̱na moni Mose ṅmã ehe sane ye̱ mla le̱ mli, ke̱ gbalo̱i le̱ hũ le̱, Iesu, Iosef bi ní dše̱ Nazaret le̱. 5 Mose 18,18. Ies. 7,14; 58,2. Ier. 23,5. Ezek. 34,23.

46Ni Natanael kē̱le̱ ake̱: *Ani noko kpakpa ko aanyẽ adše̱ Nazaret? Filipo kē̱le̱ ake̱: Ba ni obakwe̱. *7,41.

47Iesu na Natanael miba eṅõ, ni ekē̱ ye̱ ehewo̱ ake̱: Na, ano̱kwa Israelnyo, mo mli ni apasa be̱.

48Natanael kē̱le̱ ake̱: Nẽgbe̱ olemi ye̱? Iesu here no̱ ni ekē̱le̱ ake̱: Minao fẽdã ni Filipo tšé̱o, be mli ní oyo̱ agbãmitšo le̱ šiši le̱.

49Natanael here no̱ ni ekē̱le̱ ake̱: Rabi, bo dši Nyoṅmo̱ bi le̱, bo dši Israel maṅtše̱ le̱. 2 Sam. 7,14. Lal. 2,7. Ioh. 6,69. Mat. 14,33; 16,16.

50Iesu here no̱ ni ekē̱le̱ ake̱: Ni mikē̱o ake̱ minao ye̱ agbãmitšo le̱ šiši le̱ hewo̱ oheo̱ oyeo̱ ne̱. Oona nii wudši ni fè ene̱.

51Ni ekē̱le̱ ake̱: Le̱le̱ṅ, le̱le̱ṅ, mīkē̱nye ake̱: Ke̱-dše̱ be ne̱ no̱ le̱ nyeana ake̱ ṅwei nā kã ni *Nyoṅmo̱ bo̱foi le̱ mīkwo̱ mīkpleke ye̱ gbomobi le̱ no̱. *1 Mose 28,12.

Currently Selected:

Iohane 1: GBV96

Highlight

Copy