1 Mose 14
14
1Ni eba mli ye̱ Šinear maṅtše̱ Amrafel, ke̱ Elasar maṅtše̱ Ariok, ke̱ Elam maṅtše̱ Kedorlaomer, ke̱ dšeṅmãdši le̱ amaṅtše̱ Tidal gbĩĩ le̱ amli,
2ake̱ ame̱ke̱ Sodom maṅtše̱ Bera, ke̱ Gomora maṅtše̱ Birša, ke̱ *Adăma maṅtše̱ Šinab, ke̱ Zeboim maṅtše̱ Šemeber, ke̱ Bela ni dši Zoar le̱ maṅtše̱ le̱ yawu ta. *5 Mose 29,22.
3Mene̱mei fẽ bua ame̱he nā ye̱ Sidim dšō̱ ni etšṍ Ṅō-ṅšo̱ agbe̱ne̱ le̱ mli.
4Amesúmo̱ Kedorlaomer afii nyoṅma ke̱ enyo̱, ši afi noni dši nyoṅma ke̱ etẽ le̱ no̱ le̱ ame̱tše atũa.
5Ni afi noni dši nyoṅma ke̱ edſe̱ le̱ no̱ le̱ Kedorlaomer ke̱ maṅtše̱mei ni fata ehe le̱ ba, ni ame̱bagbe Refabii ye̱ Ašterot-Karnaim, ke̱ Zuzbii ye̱ Ham, ke̱ Embii ye̱ Kiriataim ṅã le̱ no̱,
6ke̱ Horbii ye̱ ame̱goṅ Seir le̱ no̱ ke̱-yaši El-Paran ni yo̱ ṅã le̱ uo̱ le̱;
7ni ame̱kũ ame̱se̱ ni ame̱ba En-Mišpat, no dši Kadeš, ni ame̱gbe Amalek šikpoṅ le̱ no̱ bii le̱ fẽ ke̱ Amorbii le̱ hũ ni yo̱ Hazazon-Tamar le̱.
8Ke̱ke̱ ni Sodom maṅtše̱ ke̱ Gomora maṅtše̱ ke̱ Adăma maṅtše̱ ke̱ Zeboim maṅtše̱ ke̱ Bela ni dši Zoar maṅtše̱ le̱ dše kpo, ni ame̱bagba ta ame̱woame̱ ye̱ Sidim dšō̱ le̱ṅ,
9ni ame̱ke̱ Elam maṅtše̱ Kedorlaomer, ke̱ dšeṅmādši le̱ amaṅtše̱ Tidal, ke̱ Šinear maṅtše̱ Amrafel, ke̱ Elasar maṅtše̱ Ariok, maṅtše̱mei edſe̱ ne̱ ke̱ maṅtše̱mei enumo̱ le̱, wu.
10Ni Sidim dšō̱ le̱ mli le̱ amãte̱-bui so̱ṅṅ yo̱ dše̱i; ni awo Sodom ke̱ Gomora maṅtše̱mei le̱ afoi, ni ame̱nyõnyõi ye̱ dše̱i, ni mei ni ſe̱ le̱ dšo foi ke̱-te goṅ le̱ no̱.
11Ni ame̱ṅõ Sodom ke̱ Gomora nii fẽ ke̱ ame̱niyenii nom, ni ame̱yiṅ ame̱te.
12Ni ame̱ṅõ Abram nyemibi Lot ni yo *Sodom le hũ ke enibii ke̱-te. *13,10-12.
13Ni foidšelo̱ ko ba bagba Abram, Hebrinyo le̱, ni ehe ši ye̱ Mamre, Amornyo le̱, tšei kutū le̱ ašiši le̱. Si Mamre dši Eškol ke̱ Aner nyemi; ni mene̱mei ke̱ Abram ekpãṅ.
14Ni beni Abram nu ake̱ aṅõ enyemi le̱ nom le̱, eke̱ etšũdši ohai-etẽ ke̱ nyoṅma ke̱ kpãnyo̱ ni le tahenii ní afo̱ame̱ ye̱ ewe le̱ fã ta, ni etiuame̱ ke̱-te Dan.
15Ni eke̱ etšũdši le̱ gbá ta wo ame̱he nyõṅ, ni egbeame̱, ni etiuame̱ ke̱-te Hoba ni yo̱ Damasko abe̱kuiaṅgbe̱ le̱.
16Ni eṅõ nibii le̱ fẽ, ke̱ enyemi Lot hũ ke̱ enibii le̱, ke̱ yei le̱ hũ ke̱ maṅ le̱ ke̱-kũ se̱ ke̱-ba ekoṅ.
17Ni beni ekũ ese̱ ke̱-dše̱ Kedorlaomer ke̱ maṅtše̱mei ní fata ehe le̱ agbẽ le̱ ke̱-baä le̱, Sodom maṅtše̱ le̱ dše kpo eya-kpele̱ ye̱ ṅäno̱dšō̱ ni atšé̱o̱le̱ maṅtše̱dšō̱ le̱ mli.
18Ni *Salem maṅtše̱ †Melkizedek le̱ ke̱ abolo ke̱ wein dše kpo ba; ni ṅwei flōflo Nyoṅmo̱ le oso̱fo dšile̱. *Lal. 76,3. †Lal. 110,4. Heb. 7,1-4.
19Ni edšō̱le̱ ni ekē̱: Aadšō̱ Abram ahã ṅwei flōflo Nyoṅmo̱ ni dši ṅwei ke̱ šikpoṅ tše̱ le̱;
20ni aadšie ṅwei flōflo Nyoṅmo̱ le̱ yi, ake̱ eṅõ ohenye̱lo̱i le̱ ewo odeṅ! Ni Abram hãle̱ nii le̱ fẽ mlidšãi nyoṅma mli ekome.
21Ni Sodom maṅtše̱ le̱ kē̱ Abram ake̱: Hãmi gbomei le̱, ni oṅõ nii le̱ ohã ohe.
22Ni Abram kē̱ Sodom maṅtše̱ le̱ ake̱: Mīwó minine no̱ mītšõ Iehowa ṅwei flōflo Nyoṅmo̱ ni dši ṅwei ke̱ šikpoṅ tše̱ le̱,
23ake̱ ke̱-dše̱ kpã no̱ āhũ ke̱-yaši tokotafĩkpã no̱ lo nii fẽ ni dši onõ le̱, ke̱dši miko̱ eko, fĩ! koni okakē̱ ake̱: Mi, mife Abram niiatše̱;
24dša noni oblahĩĩ le̱ eye ke̱ke̱, ke̱ hĩĩ ni ke̱mi te ni dši Aner ke̱ Eškol ke̱ Mamre le̱ agbe̱fãṅnō, ame̱ le̱ hã ame̱ṅõ ame̱gbe̱fãṅnõ!
Currently Selected:
1 Mose 14: GBV96
Highlight
Share
Copy
Want to have your highlights saved across all your devices? Sign up or sign in
The Bible in Ga © Bible Society of Ghana, 1896, 1992.
