Bo̱foi le sãdši 8
8
1Ši egbē le̱ ṅõ *Saulo hũ nā. — Ni nakai gbĩ le̱ no̱ noṅṅ le̱ yiwale̱ kple te ši wo asafo ní yo̱ Ierusalem le̱; ni ame̱fẽ †ame̱gbe̱ ame̱ſã Iudea ke̱ Samaria niiaṅ, dša bo̱foi le̱ ke̱ke̱ ſe̱. *7,58. †11,19.
2Ši hĩĩ Nyoṅmo̱ gbeyeišelo̱i komei yasa Stefano ame̱to, ni ame̱fó le̱ pam. Mat. 14,12.
3Ši Saulo le̱, ekpãtã asafo le̱ hĩe butū, eboteo̱ šĩai ni eyagblaä hĩĩ ke̱ yei ni eyawoo̱ame̱ tšũṅ. 9,1; 22,4.
4Ke̱ke̱ ni mei ní egbe̱ eſã le̱ yakpa ši, ni ame̱dšadše sanekpakpa le̱.
5Ni *Filipo te Samaria maṅ ko no̱, ni eyadsadše Kristo he sane etšõame̱. *6,5.
6Ni mei babaō ke̱ dſẽṅmo̱ kome bo wiemo̱i ní Filipo wieo̱ le̱ toi, beni ame̱nu ni ame̱na okadii ní efe le̱.
7Edšake̱ mei pī ní mumo̱i fõdši yo̱ ame̱mli le̱ mumo̱i le̱ blo̱ ke̱ gbē wale̱ ni ame̱dše ame̱mli, ni atšá mei ní ekũmo̱ ke̱ obubuafoi pī hũ. Mar. 16,17.
8Ni mīše̱ babaō ba nakai mã le̱ṅ. Ioh. 4,40-42.
9Ši nū ko ye̱ mã le̱ṅ momosa ní atšé̱o̱le̱ Simon ní eyeo ṅkŭnyā ni ehaa Samariabii le̱ anā kpe̱o̱ ame̱he, etšõo̱ ehe ake̱ gbomo agbo dšile̱;
10ni mei bibii ke̱ mei wudši fẽ boo̱le̱ toi ame̱kē̱o̱ ake̱: Mone̱ dši Nyoṅmo̱ hewale̱ ní atšé̱o̱le̱ kpeteṅkple le̱.
11Ni ake̱-ní edše̱ dšeeṅmõ bēbe eke̱ ekũnyāyeli le̱ ehã ame̱nā ekpe̱ ame̱he hewo̱ le̱, ame̱boo̱le̱ toi.
12Ši beni ame̱hé Filipo ní dšadše Nyoṅmo̱ maṅtše̱yeli le̱ ke̱ Iesu Kristo gbe̱i le̱ he sanekpakpa le̱ etšõame̱ le̱ ame̱ye le̱, *abaptisi hĩĩ ke̱ yei. *Mat. 28,19.
13Ke̱ke̱ ni Simon dientše̱ hũ hé ye, ni abaptisile̱, ni eke̱ ehe kpe̱te̱ Filipo, ni beni ena okadii ke̱ hewale̱nitšumo̱i wudši ní afe le̱, enā kpe̱ ehe.
14Ši beni bo̱foi le̱ ní yo̱ Ierusalem le̱ nu ake̱ Samariabii emo Nyoṅmo̱ wĩemo̱ le̱ mli le̱, ame̱tšũ Petro ke̱ Iohane ke̱-te ame̱ṅõ.
15Ni ame̱ le̱, ameba dše̱i ame̱baso̱le ame̱hãame̱, beni afe ní ame̱na Mumo̱ kroṅkroṅ le̱.
16Edšake̱ ebako ame̱teṅ mokomoko no̱, ši baptisĩmo̱ ke̱ke̱ abaptisiame̱ awo Nuṅtšo̱ Iesu gbe̱i amli.
17Ke̱ke̱ ni ame̱ke̱ ame̱nidši ṅmĕlĕ ame̱no̱, ni ame̱ná Mumo̱ kroṅkroṅ le̱.
18Ši beni Simon na ake̱ bo̱foi le̱ anidši ke̱ mei ano̱ṅmĕlĕmo̱ le̱ hãa anáa Mumo̱ kroṅkroṅ le̱, eke̱ šika ba ebahãame̱
19ekē̱: Nyehãami hũ ne̱ke̱ hewale̱ ne̱, koni mofẽmo ní mĩke̱ minidšĩ aaṅmĕlẽ eno̱ le̱ aná Mumo̱ kroṅkroṅ le̱.
20Ši Petro kē̱le̱ ake̱: Oke̱ ošika le̱ fẽ hĩe ákpãtã, edšake̱ osusuo̱ ake̱, Nyoṅmo̱ nõkēnõ le̱, šika ake̱-heo̱!
21Obe̱ gbe̱nã lo gbe̱fãṅnõ ko ye̱ ne̱ke̱ sane ne̱ mli; edšake̱ otšui edšaa ye̱ Nyoṅmo̱ hĩe.
22Nohewo̱ le̱ agbe̱ne̱ ſa ohe ye̱ onõša ne̱ hewo̱, ni okpa Nyoṅmo̱ fai, ake̱ aleenō aaṅõ otšuiṅ dſẽṅmo̱ le̱ afao lo.
23Edšake̱ mina ake̱ ko̱liko̱ dšōmo̱ le̱ ke̱ nõša kpã le̱ mli okã ne̱.
24Ni Simon here no̱ ekē̱: Nyedientše̱ nyekpaä Nuṅtšo̱ le̱ fai nyehãami, koni nibii ní nyewie ne̱ eko akaba mino̱.
25Agbe̱ne̱, beni ame̱ye odase ní ame̱wie Nuṅtšo̱ le̱ wiemo̱ lo̱ ame̱tšõame̱ ni ame̱kũ ame̱se̱ ame̱baä Ierusalem le̱, ame̱dšadše sanekpakpa le̱ ame̱tšõ ye̱ Samariabii akrowai pī amli.
26Ši Nuṅtšo̱ le̱ bo̱fo ko ke̱ Filipo bawie ake̱: Te ši ní oya wuoyigbe̱ ye̱ tempōṅ ní dše̱ Ierusalem ke̱-yaä Gaza ní efe amaṅfõ le̱ no̱.
27Ni ete ši ni eyiṅ ete. Ni na, nū Etiopianyo ko ní dši Etiopiabii amaṅnye Kandake le̱ piafonyo ní abuo̱ ní kwe̱o̱ edſetri fẽ no̱ le̱ ne̱, ebaho Ierusalem eyadšá Nyoṅmo̱,
28ni agbe̱ne̱ ekũ ese̱ etá eſīli mli ke̱-mīya, ni ēkane gbalo̱ Iesaia wolo le̱.
29Ni Mumo̱ le̱ kē̱ Filipo ake̱: Ya ní oyakpe̱te̱ ſīli ne̱ se̱.
30Ši beni Filipo hĩe foi ke̱-te le̱, enu ake̱ ekane gbalo̱ Iesaia wolo le̱, ni ebile̱ ake̱: Ani ōnu noni okaneo̱ le̱ šiši lo?
31Ni ekē̱: Té mafe tẽṅ ní manyẽṅ, ake̱ dša moko tšõmi? Ke̱ke̱ ni ekpa Filipo fai ake̱ eba ni eke̱le̱ abatá ši.
32Ši ṅmãle̱ le̱ heni ekaneo̱ le̱ ne̱: *“Akplale̱ ke̱-te take̱ tōgwanteṅ ni ayagbele̱, ni bo̱ni tōgwanteṅbi feo̱ diō ye̱ ehetšo̱ikulo̱ hĩe le̱, nakai noṅṅ etſaa esẽṅ *Ies. 53,7. 8.
33Ehešibā le̱ mli le̱ adšie ekodšomo̱ le̱ ke̱-te; ši eyino̱ le̱, namo aagba he sane? edšake̱ aṅõ ewala le̱ ke̱-dše̱ šikpoṅ le̱ no̱.”
34Ni piafonyo le̱ here Filipo no̱ ni ekē̱: Mikpao fai, namo he gbalo̱ le̱ wieo̱ ne̱? le̱dientše̱ ehe alo mokrokoṅ?
35Ni Filipo gble enā ni ebõi ke̱-dše̱ ne̱ke̱ ṅmãle̱ ne̱ no̱, ni edšadše Iesu he sanekpakpa le̱ etšõle̱.
36Ni beni amenyie gbe̱ le̱ no̱ le̱, ame̱baše̱ nu ko he, ni yadše piafonyo le̱ nā le̱ ekē̱: Na nu; meni tšĩo̱ mibaptisimo̱ gbe̱?
37(Ši Filipo kē̱: Ké̱ ōhe ōye ke̱ otšuiṅ fẽ le̱, oye̱ hegbe̱. Ni ehere no̱ ekē̱: Mihe miye ake̱ Iesu Kristo dši Nyoṅmo̱ bi le̱.) Mat. 16,16.
38Ni efá ake̱ ſīli le̱ áwa, ni Filipo ke̱ piafonyo le̱ fẽ yimo̱ ši ke̱-te nu le̱ mli, ni ebaptisile̱.
39Ni beni ame̱dše nu le̱ mli le̱, Nuṅtšo̱ le̱ *Mumo̱ le̱ ša Filipo ke̱-te; ni piafonyo le̱ enaale̱ doṅṅ, ši eyi gbe̱ ke̱ nyã́mo̱. *1 Maṅ. 18,12.
40Ši Filipo le̱, anale̱ ye̱ Azoto; ni beni efoo̱ mli le̱, edšadše sanekpakpa le̱ etšõ ye̱ mãdši le̱ fẽ mli ke̱-yaši ebaše̱ *Kaisarea. *21,8. 9.
Currently Selected:
Bo̱foi le sãdši 8: GBV96
Highlight
Share
Copy
Want to have your highlights saved across all your devices? Sign up or sign in
The Bible in Ga © Bible Society of Ghana, 1896, 1992.
