Bo̱foi le sãdši 2

1Ni beni *Pentekoste gbĩ (alo gbĩ ní dši nyoṅmai-enumo̱) le̱ še̱ le̱, ame̱fẽ ame̱nā bakpe ši ke̱ dſẽṅmo̱ kome ye̱ hekome. *3 Mose 23,15-21. Bo̱f. 1.14.

2Ni trukā le̱ gbē̱mo̱ ko ní tamo̱ ahum ni tſaä wā dše̱ ṅwei ba, ni ebayi šĩa heni ame̱trá le̱ fẽ obõ.

3Ni lile̱ii ni agblagbla mli ní tamo̱ lalileii pue; ni ebatrá ame̱yĩteaṅ ekomekome; Mat. 3,11.

4ni Mumo̱ kroṅkroṅ bayimo̱ ame̱fẽ ame̱mli obõbõ, ni ame̱bõi wiemoi sro̱toi-sro̱toi awiemo̱, take̱ bo̱ni Mumo̱ le̱ ṅõ-wo ame̱nā le̱. 10,44-46.

5Ši Iudafoi *Nyoṅmo̱-gbeyeišelo̱i komei ye̱ Ierusalem, ni ame̱dše̱ dšeṅ mãdši fẽ ní yo̱ šikpoṅ le̱ no̱ le̱ ano̱. *13,26.

6Ni beni anu ne̱ke̱ gbē̱mo̱ ne̱, mei babaō babua ame̱he nā, ni ame̱he dšõ amehe, edšake̱ mofẽmo nu ake̱ ame̱mīwie le̱dientše̱ emaṅ wiemo.

7Ni ame̱fẽ ame̱nā kpe̱ ame̱he ni ame̱hĩe feame̱ yā, ni ame̱kē̱kē̱ ame̱he ake̱: Na, ani mei ní wieo̱ ne̱ fẽ le̱, dšee Galileabii ni?

8Ši té tēṅ ní wo̱teṅ mofẽmo nuo̱ le̱dientše̱ emaṅ heni afo̱le̱ ye̱ le̱ wiemo̱ ne̱?

9Partiabii ke̱ Mediabii ke̱ Elambii, ke̱ mei ní yo̱ Mesopotamia ke̱ Iudea ke̱ Kapadokia, Ponto ke̱ Asia,

10Frigia ke̱ Pamfilia, Mizraim ke̱ Libia niiaṅ ye̱ Kirëne mase̱i, ke̱ gbo̱i ni dše̱ Roma, Iudafoi ke̱ mei ni etšṍmo̱ Iudafoi,

11Kretabii ke̱ Arabiabii: wo̱mĩnu ake̱ ame̱mīdšadše Nyoṅmo̱ niwudši le̱ ye̱ wo̱mãdši ano̱ wiemoi le̱ amli.

12Ni ame̱fẽ ame̱nā kpe ame̱he ni ame̱fe yā, ni mone̱ kē̱ mone̱ ake̱: Té ene̱ šišiṅ?

13Ši meikomei hũ ye fe̱o ame̱kē̱: Dā̃ do̱ko̱do̱ko̱ etŏ̱ro̱ame̱.

14Ši Petro ke̱ mei nyoṅma ke̱ ekome le̱ te ši damo̱ ši, ni ewó egbē no̱ ni ewie etšõame̱ ekē̱: Iudahĩĩ ke̱ mei fẽ ní yo̱ Ierusalem, nyenáa nyelea ene̱, ni nyeboa miwiemo̱i le̱ atoi:

15Dšee dā̃ mene̱mei etŏ̱ro̱, tamo̱ boni nyesusuo̱ le̱, edšake̱ lebi ṅmle̱ ne̱hũ ke̱ke̱ ne̱;

16ši moṅ ene̱ dši noni gbalo̱ *Ioel wie le̱ ake̱: *Ioel 3,1-5.

17“Nyoṅmo̱ kē̱: Ni aaba mli ye̱ nāgbē gbĩĩ le̱ ano̱, ake̱ mafo̱se mi-Mumo̱ le̱ eko maſie helo fẽ no̱, ni nyebihĩĩ ke̱ nyebiyei le̱ aagba, ní nyeblahĩĩ le̱ aana ninai, ni nyenukpai le̱ aala lamōi;

18ni asaṅ mitšŭdšihĩĩ ke̱ mitšũdšiyei le̱ ano̱ hũ mafo̱se mi-Mumo̱ le̱ eko maſie ye̱ nakai gbĩĩ le̱ ano̱, ni ame̱agba.

19Ni mahã nākpe̱nii aba ṅwei ni okadii hũ aba šikpoṅ le̱ no̱, lá ke̱ la ke̱ lasũ lamo̱.

20Hũīl aatsṍ duṅ, ni nyoṅtšĕre aatšṍ lá dãni Nuṅtšo̱ le̱ gbĩ wulu ní yo̱ nyam le̱ aaba.

21Ni aaba mli ake̱ mofẽmo ní aabo atšé̱ Nuṅtšo̱ le̱ gbe̱i le̱, aahere eyi wala.” Rom. 10.13.

22Atāmei Israelbii, nyeboa ne̱ke̱ wiemoi ne̱ atoi: Iesu Nazarenyo le̱, nū ni Nyoṅmo̱ ke̱ hewale̱nitšumo̱i ke̱ nākpe̱nii ke̱ okadii ni etšṍ enine no̱ efe ye̱ nyeteṅ le̱ ye ehe odase etšõnye, tamo̱ bo̱ni nyedientše̱ nyele le̱,

23le̱ ní *adšiele̱ ye̱ Nyoṅmo̱ yiṅtō ke̱ enii ní ele eto le̱ nā ahã le̱, nyetšṍ mei ní be̱ mla le̱ anine no̱ nyese̱ṅle̱ ni nyegbele̱; *4,28.

24le̱ noṅṅ Nyoṅmo̱ tēle̱ ši ni efẽne gbĕle pĩmo̱i le̱, edšake̱ enyẽṅ enā etšĩ. 3,15.

25Edšake̱ *David wie ye̱ ehe ekē̱: “Minaä Nuṅtšo̱ le̱ ye̱ mihĩe dā, edšake̱ eye̱ mininedšŭrõ no̱, koni mikadĩdã. *Lal. 16,8-11.

26Nohewo̱ le̱ mitšui enyõ mimli ni milile̱i mīnyã́, ni asaṅ mihelo hũ aadšō̱ ehe ye̱ hĩeno̱kāmo̱ mli;

27edšake̱ ošīṅ misusuma ye̱ gbohĩĩadše, ni ohãṅ omokroṅkroṅ le̱ ana fitemo̱.

28Ohã mile wala gbe̱i le̱, ni oohã mitšui anyõ mimli fā ye̱ ohĩe.”

29Atāmei ke̱ anyemimei, nyehāa mawiea faṅṅ matšõanye ye̱ blematše̱ David le̱ hewo̱, ake̱ egbo ni afũle̱, ni esãṅ ye̱ wo̱teṅ ke̱-baši ṅme̱ne̱. 13,36. 1 Maṅ. 2,10.

30Ake̱ noni gbalo̱ dšile̱ ni ele ake̱ Nyoṅmo̱ ekãle̱ kitã ake̱ emũsũṅbii le̱ eko batá esẽi le̱ no̱ hewo le̱, Lal. 89,4. 5. 2 Sam. 7,12. 13.

31ena eto ni ewie Kristo šĩtē le̱ he, ake̱ ašĩṅ esusuma ye̱ gbohĩĩadše ni ehelo hũ enaṅ fitemo̱.

32Ne̱ke̱ Iesu ne̱ Nyoṅmo̱ tēle̱ ši; no he odasefoi dši wo̱fẽ.

33Agbe̱ne̱ ake̱ noni awo eno̱ ke̱-te Nyoṅmo̱ ninedšŭrõ no̱ ni ená Mumo̱ kroṅkroṅ le̱ he šiwō le̱ ke̱-dše̱ tše̱ le̱ dẽ hewo̱ le̱, efo̱se noni nyenaä ní nyenuo̱ ne̱ eſie šĩ.

34Edšake̱ David eyaa ṅwei, *ši le̱ noṅṅ ekē̱: “Nuṅtšo̱ le̱ kē̱ minuṅtšo̱ le̱ ake̱: Tá mininedšũrõ no̱, *Lal. 110,1.

35ke̱-yaši beyino ní maṅõ ohenye̱lo̱i le̱ mafe onãdšiaši māṅō.”

36Nohewo̱ le̱ hã ní Israel we le̱ fẽ ale kre̱dē̱ ake̱ Nyoṅmo̱ eṅõ ne̱ke̱ Iesu ni nyese̱ṅle̱ ne̱ efe Nuṅtšo̱ ke̱ Kristo fẽ. 5,31.

37Ši beni ame̱nu ene̱ le̱, etšuro̱ ame̱tšuiiaṅ, ni ame̱kē̱ Petro ke̱ bo̱foi ní eſe̱ le̱ ake̱: Atāmei ke̱ anyemĩmei, *té wo̱o̱fe tēṅ? *16,30.

38Ni Petro kē̱ame̱ ake̱: *Nyetšakea nyetšuii amli ní nyeteṅ mofẽmo ahã abaptisile̱ awo Iesu Kristo gbe̱i amli, koni aṅõ nyehe ešai le̱ afanye, ni nyeaná Mumo̱ kroṅkroṅ nõkēnõ le̱. *3,17-19. Luk. 24,17.

39Edšake̱ šiwō le̱, nye ke̱ nyebii ke̱ mei fẽ ní yo̱ se̱ šoṅṅ, *mei abo̱ ni Nuṅtšo̱, wo̱-Nyoṅmo̱ le̱, aatšé̱ ke̱-aba le̱ anõ ni. *Ioel 3,5.

40Ni ewie wiemo̱i krokomei pī eke̱-ye odase ni eke̱-woame̱ ṅā ake̱: Nyehãa aherea nyeyiwala ke̱-dše̱a *yíne̱ kõdõṅ ne̱ mli. *5 Mose 32,5. Fil. 2,15.

41Ke̱ke̱ ni mei ní hé ewiemo̱ le̱ kplẽ ye̱ tšuidšŭrõ nā le̱ abaptisiame̱, ni nakai gbĩ le̱ no̱ noṅṅ le̱ aṅõ susumai aafe akpeĩ-etẽ afata ame̱he.

42Ni ame̱hĩe bo̱foi le̱ atšõmo̱ le̱ ke̱ nanyobō̱ le̱ ke̱ *abolo kũomo̱ le̱ ke̱ so̱lemo̱i le̱ amli. *20,7.

43Ni gbeyei mõ mofẽmo, ni bo̱foi le̱ fe nākpenii ke̱ okadii pī.

44Ni mei ní heo̱ yeo̱ le̱ fẽ ye̱ hekome, ni amefe ame̱nii fẽ ekome; 4,32.

45ni ame̱šikpõdši ke̱ ame̱henii le̱ ame̱hõhõi, ni ame̱dša mli ame̱hã mei le̱ fẽ boni he hīaä mofẽmo.

46Ni dā gbĩ le̱ ame̱ke̱ dſẽṅmo̱ kome yaä so̱lemo̱we le̱, ni ame̱kũmo̱kũmoo̱ abolo ye̱ šīai, ni ame̱ke̱ mīše̱ ke̱ tšui kro̱ṅṅ yeo̱ nii, K. 42.

47ni ame̱dšieo̱ Nyoṅmo̱ yi, ni ame̱hĩe ba nyam ye̱ maṅ mū le̱ fẽ hĩe. Ni Nuṅtšo̱ le̱ *ṅõo̱ mei ní ahere ame̱yiwala le̱ efataä asafo le̱ he gbĩ-fẽ-gbĩ. *4,4; 5,14; 11,21; 14,1.

Currently Selected:

Bo̱foi le sãdši 2: GBV96

Highlight

Copy