Yohane 4

Yesu ne Samarianiɛ braa bie

1 # Yoh 3.22, 26 Afei Yesu#4.1: Tete Ahyerɛlɛ ne bie kã kyɛ: Awurade. nwuni kyɛ Farasiifoɛ nemɔ bate kyɛ ye, Yesu, ogu so onya asuafoɛ pee, ná ɔbɔ mmenia pee asu ɔtra Yohane. 2(Ɔwɔ nu kyɛ Yesu bɔbɔ de, né ɔmmɔ asu, na mmom ye asuafoɛ nemɔ.) 3Yiti ofili Yudea, na osa sili nu hɔle Galilea. 4#Mat 10.5 Né ɔsɛ kyɛ ɔkɔpɛ nu Samaria. 5#Gye 33.19; Yos 24.32 Na oodwuli Samaria kuro bie bɔ bɛfrɛ ye Sikare so. Opingye aseɛ bɔ Yakob fa mane ɔwa Yosef ne. 6Né Yakob abura ne wɔ berɛ. Né Yesu afɛ wɔ ye ateetulɛ ne anu, yiti ɔɔtenane abura ne anwo berɛ. Né ɔte kɔyɛ eyia duabien.

7 # Gye 24.17; 1 Ahe 17.10 Na Samaria braa bie wale berɛ kyɛ ɔbaato nzue. Na Yesu sele ye kyɛ, “Ma me nzue ne bie ma nno.” 8Né ye asuafoɛ nemɔ bahɔ kuro ne anu dɔ bɛkwaatɔ aleɛ. 9#Mat 10.5 Na Samarianiɛ braa ne sele ye kyɛ, “Ɛte Yudaniɛ, yeɛ me koso nde Samarianiɛ brasua, osi sɛɛ bɔ ɛsrɛ me dɔ nzue bɔ ɛkɔno ɔ?” Ɔhane sɔ, ofikyɛ né Yudafoɛ bɛ ne Samariafoɛ bɛnga. 10#Yes 44.3; Yer 2.13; Nye 7.17; 21.6 Na Yesu buale ye kyɛ, “Sɛ ɛse Nyameɛ akyɛdeɛ ne, ɔne bɔ ɔkã kyire wɔ kyɛ, ‘Ma me nzue ne bie ma nno’ a, ahaa asrɛ ye, ná wama wɔ ngoa nzue.” 11Na braa ne sele ye kyɛ, “Yɛ mene, elle nikyee bɔ bɛfa bɛto nzue ɔ, yeɛ abura ne anu koso wale; yiti nisua yeɛ ekonya sɔ ngoa nzue ne kofi ɔ? 12Yɛ nana Yakob bɔ ɔmane yɛ abura he, bɔ ye bɔbɔ ɔnone nu nzue ne bie, bɔ ye mma ne ye nyɛmmoa koso bɛnone bie ne, aso edi mu tra ye anaa?” 13Yeɛ Yesu buale ye kyɛ, “Ebiala bɔ ɔno nzue he bie nen, nzuhɔen kohũ ye bieku. 14#Yes 12.3; 58.11 Nakoso ebiala bɔ ɔkɔno nzue bɔ ngɔma ye bie ne de, nzuhɔen ngohũ ye le. Na nzue bɔ ngɔfa ngɔma ye ne, ɔkɔyɛ nzue abura wɔ ye nu bɔ opu kɔ daa ngoa nu ɔ.” 15#Yoh 6.34 Braa ne sele ye kyɛ, “Yɛ mene, ma me sɔ nzue ye bie, ná nzuhɔen angu me, ná mamma wa kyɛ mebaato nzue.”

16Na Yesu sele ye kyɛ, “Kɔfrɛ ehu, ná ɛne ye bɛbra.” 17Braa ne buale ye kyɛ, “Nngya biaa.” Yesu sele ye kyɛ, “Ahã nahorɛ kyɛ, ‘Nngya biaa’ ɔ; 18ofikyɛ ɛne mmienzua nnu yeɛ batena ɔ; na bɔ ɛne ye bɛwɔ berɛ kekesaala ye po ne, nna ehu ɔ. Ahã nahorɛ wɔ ɛhe anwo.” 19#Mat 21.11 Braa ne sele ye kyɛ, “Yɛ mene, menwu ye kyɛ ɛte ngɔmhyɛlɛniɛ. 20#Luk 9.53; Deut 11.29 Yɛ nana mɔ bɛsɔnene wɔ bokaa he aso; na ɛmɔ de, ɛmɔnwa Yerusalem ole nekaa bɔ odi kyɛ yɛsɔne ɔ.” 21Yesu sele ye kyɛ, “Mmobraa, de me di, mmerɛ ne ɔ́ba bɔ nna bokaa he aso anaa Yerusalem yeɛ ɛmɔkɔsɔne Baba ne ɔ. 22#2 Ahe 17.28-41; Yes 2.3; Rom 3.1-2 Ɛmɔ de, ɛmɔsɔne bɔ ɛmɔnze ye ɔ; nakoso yɛ de, yɛsɔne bɔ yɛse ye ɔ, ofikyɛ Yudafoɛ nu yeɛ ngoalelɛ ne ofi ɔ. 23#Yoh 5.25; Flp 3.3 Na mmerɛ ne ɔ́ba, na wawa, bɔ bɛ bɔ bɛsɔne nahorɛ nu ne, bɛkɔsɔne Baba ne wɔ sunzum nu ne nahorɛ nu; ofikyɛ sɔ mmenia ne yeɛ Nyameɛ pena kyɛ bɛsɔne ye ɔ. 24#Flp 3.3 Nyameɛ te sunzum, na bɛ bɔ bɛsɔne ye ne, ɔsɛ kyɛ bɛsɔne ye wɔ sunzum nu ne nahorɛ nu.” 25#Mat 1.16 Yeɛ braa ne sele ye kyɛ, “Mese kyɛ Mɛsaya (bɔ bɛfrɛ ye Kristo) ne ɔ́ba, na sɛ ɔba a, ye yeɛ okohyire yɛ nningyein amukoraa ɔ.” 26#Yoh 8.24 Yesu sele ye kyɛ, “Me bɔ me ne wɔ yɛdwudwo ye, me ole ye.”

27Sɔ mmerɛ ne ala yeɛ ye asuafoɛ nemɔ bɛwale ɔ, na ɔyɛle bɛ nwanwa kyɛ ɔne braa ne bedwudwo ɔ, nakoso ebiala ammisa kyɛ, “Ɛpena nzu?” Anaakyɛ, “Nzu ati yeɛ ɛne ye bedwudwo ɔ?” 28Yeɛ braa ne yakyili ye bua ne berɛ, osa hɔle kuro ne anu dɔ, na oosele berɛ ama kyɛ, 29#Mat 12.23; Yoh 7.26, 31 “Ɛmɔbra bɛɛnea oo, biaa bie bɔ wahã bɔ mayɔ amukoraa wahyire me ɔ! Aso nna ye ole Kristo ne anaa?” 30Yiti befili kuro ne anu bɛwale Yesu berɛ.

31Na sɔ mmerɛ ne anu, asuafoɛ nemɔ srɛle ye kyɛ, “Rabi, didi.” 32#Yob 23.12; Mat 4.4 Na obuale bɛ kyɛ, “Nne aleɛ bɔ medi bɔ ɛmɔnze ɔ.” 33Yiti asuafoɛ nemɔ bisabisale bɛ nwo kyɛ, “Ebie abrɛ ye aleɛ maa wali anaa?” 34#Mat 26.39 Na Yesu sele bɛ kyɛ, “M’aleɛ ole kyɛ ngɔyɔ bɔ ɔsomane me n’apɛdeɛ, na ngoyie ye adwuma ne ɔ. 35#Mat 9.37; Luk 10.2 Ɔyɛ a ɛmɔnga kyɛ, ‘Waha bosome nna né buberɛ adwu’? Ɛ́mɔtie, mekã mekyire ɛmɔ kyɛ, ɛ́mɔma ɛmɔ ti so, ná ɛ́mɔnea fieso, kyɛ nningyein nemɔ bati kyɛ bebu ɔ. 36#Mat 25.46; Rom 1.13 Sona bɔ obu ne, onya akatuaa, na ɔboaboa mmaa ne noa kɔ daa ngoa nu; na sona bɔ odua ne ɔne bɔ obu ne, benya anigye bɛbɔ nu. 37#Yob 31.8; Mika 6.15 Ofikyɛ, edwirɛ ne ɔte nahorɛ kyɛ, ‘Ebie dua, né ebie wora wabu.’ 38Nzomane ɛmɔ kyɛ ɛmɔɔbu bɔ ɛmɔanyɔ ye nwo adwuma ɔ; ebiemɔ ayɔ adwuma ne, na ɛmɔate b’adwuma nwo nnɔbaeɛ ne.”

39Na Samariafoɛ pee bɔ befi kuro ne anu ne, belele ye belili, ɔnate braa n’adanzeɛ bɔ olili ye kyɛ, “Wahã bɔ mayɔ amukoraa wahyire me” ne ati. 40Yiti mmerɛ bɔ Samariafoɛ nemɔ bɛwale ye nwo berɛ nen, bɛsrɛle ye kyɛ ɔtena bɛ berɛ; na olili bɛ nwo berɛ elenyɔ. 41Na ɔnate Yesu noa dwirɛ ne ati, mmenia pee bɔ bɛtra daa deɛ ne ɔ bele belili. 42#Luk 2.11 Na besele braa ne kyɛ, “Afei de, nna wɔ noa dwirɛ ne ati yeɛ ɔmaa yɛde yɛdi ɔ, na mmom yɛ bɔbɔ yate, na yanwu kyɛ amba, ye ole ewiase Ngoadefoɛ ne.”

Yesu sa panyi bie awa anwonyerɛ

43Yesu lili bɛ nwo berɛ elenyɔ; na ofili berɛ hɔle Galilea. 44#Mat 13.57; Luk 4.24 Na Yesu bɔbɔ lili adanzeɛ kyɛ, ngɔmhyɛlɛniɛ olle anidie wɔ ye bɔbɔ ye kuro.” 45#Yoh 2.23 Na odwuli Galilea nen, Galileafoɛ yɛle ye awaawaatuu. Né banwu bɔ ɔyɔle amukoraa wɔ Yerusalem, wɔ aluolue ne abo ne, ofikyɛ bɛ koso bɛhɔle aluolue ne abo bie.

46Afei Yesu sa hɔle Kana bɔ ɔwɔ Galilea, nekaa bɔ ɔkakyili nzue nzaa nen. Né biaa titireniɛ bie wɔ Kapanɔm bɔ ɔwa nde apɔ ɔ. 47Na ɔtele kyɛ Yesu afi Yudea wawa Galilea nen, osili nu hɔle ye berɛ ɔɔsrɛle ye kyɛ ɔbra ɔɔsa ɔwa ne anwonyerɛ, ɔnate kyɛ né ɔla awusu. 48#Dan 4.2, 3; Aso 2.43; Rom 15.19; 2 Kor 12.12; Heb 2.4 Yeɛ Yesu sele ye kyɛ, “Ɛmɔngole ngoli, sana ɛmɔanwu anwanwadeɛ ne nzɛngyerɛnneɛ koraka.” 49Na biaa titireniɛ ne sele ye kyɛ, “Yɛ mene, bra, nnɛma mma ne wu koraka.” 50Na Yesu sele ye kyɛ, “Kɔ, ɛwa ne ate apɔ!” Na biaa ne lele Yesu dwirɛ bɔ ɔhã hyirele ye ne lili, na ɔhɔle. 51Na ɔ́kɔ nen, ye ngoaa mɔ wale beeyiale ye; na bɛhã behyirele ye kyɛ, “Ɛwa ne ate apɔ.” 52Yeɛ obisale bɛ mmerɛ horɛ bɔ ye nwo hyɛle ye bo sandele ye ɔ. Na bebuale ye kyɛ, “Anoma eyia dɔngo yeɛ ɛfokyɛlɛ ne fili ye nwo ɔ.” 53#Aso 11.14 Na ye baba ne nwuni kyɛ sɔ mmerɛ ne ala yeɛ Yesu sele ye kyɛ, “Ɛwa ne ate apɔ” ɔ. Yiti ɔne ye awuroama amukoraa bele belili. 54#Yoh 2.11 Ɛhe ole nzɛngyerɛnneɛ bɔ ɔtɔ so nyɔ bɔ Yesu yɔle ɔ, mmerɛ bɔ ofili Yudea wale Galilea nen.

Currently Selected:

Yohane 4: EBP

Highlight

Copy