Bɔfoi 4

Petro kɛ Yohane yɛ akwaashɔŋ lɛ hiɛ

1 # Luk 22.4, 52 Shi be ni amɛkɛ maŋ lɛ wieɔ lɛ, osɔfoi lɛ kɛ Sɔlemɔ we lɛ asafoiatsɛ lɛ kɛ Sadukifoi lɛ bashwie amɛnɔ, 2#Bɔf 23.8 ejaakɛ efee amɛ mlifu akɛ amɛmiitsɔ̃ɔ maŋ lɛ nii, ni amɛmiijaje amɛmiitsɔ̃ɔ akɛ Yesu ete shi kɛjɛ gbohii ateŋ. 3Ni amɛmɔmɔ amɛ, ni amɛyawo amɛ tsuŋ kɛyashi jetsɛremɔ, ejaakɛ je ena etã. 4#Bɔf 2.47 Shi mɛi ni nu lɛ ateŋ mɛi pii he ye, ni hii lɛ ayibɔ bashɛ aaafee akpei enumɔ.

5Shi enɔ jetsɛremɔ lɛ amɛlumɛi lɛ kɛ maŋ onukpai lɛ kɛ mlatsɔɔlɔi lɛ babua amɛhe naa yɛ Yerusalɛm, 6kɛ Osɔfonukpa Ana, kɛ Kaiafa kɛ Yohane kɛ Aleksandro kɛ mɛi abɔ ni jɛ osɔfonukpa lɛ weku lɛ mli lɛ; 7#Mat 21.23 ni amɛyaŋɔ Petro kɛ Yohane amɛbadamɔ amɛhiɛ, ni amɛbi amɛ akɛ, “Mɛɛ hewalɛ nyɛkɛfee enɛ, aloo mɛɛ gbɛi mli nyɛfee yɛ?” 8#Mat 10.19-20 Kɛkɛ ni Petro ni Mumɔ Krɔŋkrɔŋ eyi lɛ obɔ̃ lɛ kɛɛ amɛ akɛ, “Maŋ mli lumɛi kɛ onukpai, 9kɛji akɛ wɔ miiye sane ŋmɛnɛ gbi nɛɛ yɛ ejurɔ ni afee nɛkɛ helatsɛ nɛɛ hewɔ akɛ namɔ nɔ atsɔ̃ atsa lɛ lɛ, 10#Bɔf 3.6, 13-16 no lɛ nyɛ fɛɛ kɛ Israel maŋ muu lɛ fɛɛ ana ale akɛ, Yesu Kristo, Nazarenyo lɛ, ni nyɛsɛŋ ni Nyɔŋmɔ tee lɛ shi kɛjɛ gbohii ateŋ lɛ, lɛ egbɛi mli nuu nɛɛ damɔ nyɛhiɛ ni ehe ewa lɛ nɛɛ. 11#Mat 21.42; Lal 118.22 Lɛ nɔŋŋ ji mɔ ni ŋmalɛi lɛ wie yɛ ehe akɛ,

‘Tɛ lɛ ni nyɛ ni nyɛ ji tsutswalɔi lɛ gbe ehe guɔ lɛ,

no ebatsɔ̃ koŋtɛ nɛɛ.’

12 # Mat 1.21 Ejaakɛ yiwalaheremɔ bɛ mɔ kroko mli; ni asaŋ gbɛi kroko hu bɛ ŋwɛi shishi ni akɛhã gbɔmɛi ni sa akɛ atsɔ̃ nɔ ahere wɔyiwala.”

13Agbɛnɛ be ni amɛna Petro kɛ Yohane ekãa lɛ, ni amɛyoo akɛ jeee woloŋlelɔi kɛ nilelɔi komɛi ji amɛ lɛ, efee amɛhiɛ yaa, ni amɛkɔ sɛɛ akɛ amɛkɛ Yesu ehi shi. 14#Bɔf 3.8-9 Ni asaŋ akɛni amɛna gbɔmɔ ni atsa lɛ lɛ kɛ amɛ damɔ shi hewɔ lɛ, amɛnaaa nɔ ko amɛkɛɛ. 15Shi amɛfã amɛ akɛ amɛje gwabɔɔ lɛ mli amɛje kpo fioo, ni amɛtee ajina 16#Yoh 11.47 amɛkɛɛ, “Te wɔɔfee gbɔmɛi nɛɛ tɛŋŋ? Ejaakɛ okadi ni yɔɔ naakpɛɛ ni atsɔ̃ amɛnɔ afee lɛ yɛ faŋŋ yɛ mɛi fɛɛ ni yɔɔ Yerusalɛm lɛ ahiɛ, ni wɔnyɛŋ wɔtso. 17#Bɔf 5.28 Shi kɛ̃lɛ bɔ ni afee ni ekahehee tuutu ko dɔŋŋ yɛ mɛi lɛ ateŋ hewɔ lɛ, nyɛhãa wɔwoa amɛhe gbeyei, koni amɛkawie yɛ nɛkɛ gbɛi nɛɛ mli amɛmiitsɔ̃ɔ mɔ ko mɔ ko dɔŋŋ.” 18Ni amɛtsɛ amɛ kɛba, ni amɛwo amɛ kitã akɛ amɛkatsi tã ni amɛkatsɔ̃ɔ nii yɛ Yesu gbɛi mli kwraa dɔŋŋ.

19 # Bɔf 5.29 Shi Petro kɛ Yohane here nɔ ni amɛkɛɛ amɛ akɛ, “Kɛ eja gbɛ yɛ Nyɔŋmɔ hiɛ akɛ abo nyɛ moŋ toi fe Nyɔŋmɔ lɛ, nyɛkojoa. 20Ejaakɛ wɔ lɛ wɔnyɛŋ akɛ ja wɔwie nii ni wɔna kɛ nii ni wɔnu lɛ.” 21Shi be ni gwabɔɔ lɛ saa wo amɛhe gbeyei lɛ, amɛŋmɛɛ amɛhe, ejaakɛ amɛnaaa bɔ ni amɛaafee ni amɛpiŋ amɛ yɛ maŋ lɛ hewɔ, ejaakɛ mɛi fɛɛ miiwo Nyɔŋmɔ hiɛ nyam yɛ nɔ ni afee lɛ hewɔ; 22ejaakɛ gbɔmɔ ni atsa lɛ naakpɛɛ tsamɔ nɛɛ eye fe afii nyɔŋmai ejwɛ.

Heyelɔi lɛ sɔle ni awo amɛ ekãa

23Shi be ni aŋmɛɛ amɛhe lɛ, amɛba amɛnyɛmimɛi lɛ aŋɔɔ, ni amɛbagba nibii fɛɛ ni osɔfonukpai lɛ kɛ maŋ onukpai lɛ kɛɛ amɛ lɛ. 24Be ni amɛnu lɛ, amɛkɛ jwɛŋmɔ kome hole amɛgbei anɔ amɛhã Nyɔŋmɔ ni amɛkɛɛ, “Nuŋtsɔ, bo ni oji Nyɔŋmɔ ni fee ŋwɛi kɛ shikpɔŋ kɛ ŋshɔ kɛ nii fiaa ni yɔɔ amɛmli, 25#Lal 2.1-2 bo mɔ ni otsɔ̃ Mumɔ Krɔŋkrɔŋ lɛ nɔ owie yɛ wɔtsɛ David, otsulɔ lɛ, naa okɛɛ akɛ,

‘Mɛɛba jeŋmaji lɛ feɔ hoo,

ni maji lɛ hu jwɛŋɔ yakanii?

26Shikpɔŋ nɔ maŋtsɛmɛi lɛ

ete shi edamɔ shi,

ni lumɛi lɛ hu anaa ebakpe shi

ewo Nuŋtsɔ lɛ kɛ mɔ ni efɔ lɛ mu lɛ!’

27 # Luk 23.12 “Lɛɛlɛŋ, Herode kɛ Pontio Pilato kɛ jeŋmaji lɛ kɛ Israel maji lɛ hu ebabua amɛhe naa yɛ maŋ nɛɛŋ amɛwo otsulɔ Krɔŋkrɔŋ Yesu, mɔ ni ofɔ lɛ mu lɛ, 28#Bɔf 2.23 koni amɛfee nii abɔ ni onine kɛ oyiŋtoo lɛ eto efɔ shi akɛ afee lɛ. 29#Efes 6.19 Ni agbɛnɛ hu, Nuŋtsɔ, kwɛmɔ amɛmɔhegbeyei ni amɛwoɔ lɛ, ni ohã otsuji lɛ kɛ ekãa pii ajaje owiemɔ lɛ, 30ni okpã onine mli ni ohã atsatsaa mɛi, ni atsɔ̃ otsulɔ krɔŋkrɔŋ Yesu lɛ gbɛi nɔ afee okadii kɛ naakpɛɛnii.”

31Ni be ni amɛsɔle nɛkɛ lɛ, he ni amɛnaa ebakpe shi yɛ lɛ hoso, ni Mumɔ Krɔŋkrɔŋ yimɔ amɛ fɛɛ obɔ̃bɔ̃; ni amɛkɛ ekãa jaje Nyɔŋmɔ wiemɔ lɛ.

Heyelɔi lɛ fee amɛnii fɛɛ kwasafonii

32 # Bɔf 2.44 Shi mɛi babaoo lɛ ni heɔ yeɔ lɛ fɛɛ hiɛ tsui koome kɛ susuma koome, ni amɛteŋ mɔ ko mɔ ko tsɛɛɛ enii ni eyɔɔ lɛ amli eko akɛ lɛ diɛŋtsɛ enɔ, shi eyɛ hã amɛ fɛɛ. 33#Bɔf 2.47 Ni hewalɛ kpeteŋkple bɔfoi lɛ kɛye Nuŋtsɔ Yesu shitee lɛ he odase, ni dromɔ kpeteŋkple yɛ amɛ fɛɛ amɛnɔ. 34Ni mɔ ko mɔ ko bɛ amɛteŋ ni efiɔ lɛ; ejaakɛ mɛi abɔ ni yɔɔ shikpɔji loo shĩai lɛ hɔ̃ɔhɔ̃ɔ amɛ ni amɛkɛ nii ni ahɔ̃ɔ lɛ ayinii lɛ ba, 35amɛkɛbashwie bɔfoi lɛ anajianaa, ni ajaa ahãa mɔ fɛɛ mɔ bɔ ni hiaa lɛ. 36#Bɔf 11.22, 24 Ni Yose, mɔ ni bɔfoi lɛ wo lɛ Barnaba (eshishi ji: Miishɛjemɔ bi) lɛ, ni ji Levinyo ni esɛɛ jɛ Kipro lɛ, 37yɛ shikpɔŋ, ni ehɔ̃ɔ, ni ekɛ shika lɛ ba ni ekɛbashwie bɔfoi lɛ anajianaa.

Currently Selected:

Bɔfoi 4: NEGAB

Highlight

Copy