Saint Jean 15

1Mè ba gba di‐kiwila, da Baba ni ba njou‐ko̱rakè. 2Wanando̱ko̱kèli on bon an moni ko̱ tane ga lé lénakè ya, kè koung on; da wanando̱ko̱kè aïnli bon ko̱ mi lé lénakè, kè kassa wanando̱ko̱kèli, an mi lé lénakè nyèta guèbambèl. 3Kassénaï oui kaou tangta bon, baï toul baïnjaka on ko̱ mème sa hi oui. 4Oui bi an bili da mè bi an bil baï. Mahana ka wanando̱ko̱ di ko̱ tane ga ma baï léna lénakè ya, wara ko̱ kème sou mbo̱lo̱ bi di‐kiwila ya, mono mahana ka oui, tokoré ouime tane ga bi an bili ya, oui tane ga ma baï léna lénakè ya. 5Mè ba di‐kiwila, da oui ba wanando̱ko̱kèli. Kè on ko̱ bi an bili, da mème bi an bilè, kè lé lénakè nyèta, baï ko̱ oui ba ndingna fèna mbéo tane mi tiya. 6Tokoré njoukouna mi tane bi an bili ya, ka wou nè bou kala mahana ka wanando̱ko̱ di on, ko̱ mi ho̱ko̱; da klime mang kon hèlè da rèng. 7Da tokoré ouime bi an bili, da bong baïnjaka ni mi bi an bil baï, oui oui fèna on ko̱ ouime ji da yé mè ma nding fèn on hi oui. 8Ka mboro aïn mi ko̱ Baba ni mi ya jonafèn, tokoré ouime lé lénakè nyèta, mono yé oui ba njou‐séna bong nili.

9Mahana ko̱ Baba mi sé hang ni, mème ndè sé hang baï kéng. Oui bi an bil sénahang ni. 10Tokoré ouime pèng bina baïnjaka guingna ni, yé oui ma bi an bil sénahang ni, mahana ko̱ mème pèng bina baïnjaka guingna Baba ni da mème bi an bil sénahang‐è. 11Mè sa fèn aïnli hi oui, an jangnandaï ni mi na an bil baï, da yé jangnandaï abaï mi mba.

12Bina baïnjaka guingna ni mini: Ouime sé hang hana ta; mahana ko̱ mème sé hang baï. 13Sénahang hana aféké tane ga ta toul aïn ya, ko̱ ba njoukouna mi yèng yana nè baï toula bako̱la nèli. 14Oui ba bako̱la nili, tokoré ouime nding fènli on ko̱ mème sa bi njaka baï. 15Kassénaï mè ba dina oui ba koïli ba aféké tane tiya, baï ko̱ koï mi tane ga tou fèn on ko̱ nanjou nè mi nding ya; da mè di oui ba bako̱lali, baï fènli bon on ko̱ mème la an mona Baba ni, mè to̱ko̱ hi oui tou. 16Tane ga ti ba ouime ko̱ nza mi ya; da ba mème ko̱ nza oui, da sane oui tèn kala tou, baï an ouime sé, ka lé lénakè, da léna abaï ma na bi, da fèna on ko̱ ouime oui jing Baba, ka ling ni, yé kè ma hi oui. 17Fèn on ko̱ mème sa bi njaka baï, an ouime sé hang hana ta.

18Tokoré bilkaou koukoula aïn mi jèk oui, oui toutou ko̱ kème ti jèk mi dambèl ko̱ kème jèk oui. 19Tokoré ouime yé ba a bilkaou koukoula, yé bilkaou koukoula mi ji dodok njoukou nèli, da ba baï ko̱ oui tane ga ti ba a bilkaou koukoula ya, da baï ko̱ mème sane oui an wora njou‐koukoulali, mono, ko̱ bilkaou koukoula mi jèk oui. 20Oui bi hang baï toul baïnjaka on ko̱ mème sa hi oui jinguèl: Koï mi tane ga ta toula nanjou nè ya. Tokoré klime sène mi, yé kli ma ndé sène oui kéng, tokoré klime pèng bong baïnjaka ni, yé kli ma ndé pèng bong baïnjaka baï kéng. 21Da yé kli ma nding fèn aïnli bon hi oui, baï toul ling ni, baï ko̱ klime tane ga tou kè on ko̱ pi mi ya. 22Tokoré mème ga gui da sa hi kli ya, békéfèn kli mi tane tiya; da kassénaï kli ma njé njaka baï toul békéfèn kli pélé. 23Kè on ko̱ jèk mi kè ndé jèk Baba ni kéng. 24Da tokoré mème tane ga nding pina an woro kli on ko̱ njoukou aféké mi tane ga nding ya, békéfèn kli mi tane ga ti toul kli ya; da kassénaï kli ko̱ tou, da jèk mi jing Baba ni. 25Fèn aïn mi gui mahana ka on baï an tènrèn none baïnjaka ko̱ mi dé a guingna akli mi tèn kala ka babaï:

Kli jèk mi bo̱on tane rokokè.

26Da ko̱ Kè‐baïlénambèl mi gui, kè on ko̱ mè ma pi nè gui hi oui ka mona Baba fènè, kè ba Esprit a babaï, kè on ko̱ ma ourou gui ka mona Baba, yé kè ma sa bongbaï ni. 27Da yé oui ma ndé sa bongbaï ni kéng, baï ko̱ ouime ti kaou jing mi ambèl ka titilikè.

Currently Selected:

Saint Jean 15: KBN1947

Highlight

Copy