योहन 5

येसु पोल्वादियाते दुकतोन सव्रे कीस्तोग़

1गळ्क मनेके, येसु गालिल पटटाहि पेसिसि, येरुसलेम सहरते यहुदिरा उंद पंडुमतगा अतोग़.

2येरुसलेम सहरते गोरे-दर्वजा इनदनद अग़दगा उंदि वेच्‍चा मन्ह्‌ता,#5:2 येरुसलेम सहरता सर्ने उंदि किले मता, अद किलेतगा लोकुरिह्‌कु ओळियाङ-पेसाङ कीयलाह, बेचोको दर्वजाङ मताङ. तेना पेदिर इब्रि पोल्‍लोते बेतेस्‍दा इनजोर तासतोर. ताना कचुलि एयुङ मंडाङ पंडटव मताङ. 3-4अवटे गुडिर, कूटालोर, कय्क-काल्क वाग़तोरु, इद्रमतोर दुकिनोर वेल्‍लाटोरे अगा जागा आस मंदुर [एतुन मेल्हतनदिन केपसोरे. बाराह्‌क इतेके बेस्के-बेस्के देवतुलि अद वेच्‍चातगा रेगिसि, एतुन गोकिह कींदु, इद्रम कीतस्के अद जागातगा बोग़ मुने अर्न्दोग़, ओग़ तना दुकताहि सव्रेम आंदोग़].#5:3-4 एतुन मेल्हतनदिन केपसोरे. बाराह्‌क इतेके बेस्के-बेस्के देवतुलि अद वेच्‍चातगा रेगिसि, एतुन गोकिह कींदु, इद्रम कीतस्के अद जागातगा बोग़ मुने अर्न्दोग़, ओग़ तना दुकताहि सव्रेम आंदोग़. सबेट्क पाळ्नाङ मोदुल काग्देह्‌कने इद पोल्‍लो रासतद इले.

5ओर दुकिनोरगा डेडा वीसा आट (38) वर्सानाहि दुक अरतोग़ ओर्वोग़ मतोग़, ओग़ मुर्तिय ताक पग़वोग़. 6ओग़ अगा वळ्ह्‌क अरतदिन येसु ऊळतोग़. वेग़ वेल्‍लाङे दियानाहि इहे मन्ह्‌तोग़ इनजोर येसु पुतोग़, पुताह्‌कु ओनगा अन्जि इतोग़, “दादा, निमा नीवा दुकताहि सव्रेम आयना विचर मन्ह्‌ताया?” इन्जि ताल्ह्‌कतोग़. 7“इंगो साय्ब, मति इद एतुन मेल्हतनस्के, नाकु अद एतगा ओयलाह, मावोर बोरे नाक तोळ इलेर. अदिनेनाह्‌क एग़ मेलियनेके दाय्ह्‌नन मति, नाकाय मुनेन बोग़ाय रेगिह्‌तोग़,” इन्जि वेग़ इतोग़. 8“असि, तेदा, नीवा माग़ि उळ्हच पोय्म, अह कीस अग़ पोस ताकसोर अन,” इनजोर येसु ओन वेहतोग़. 9अस्के ओग़ मन्कल तोप्नेन सव्रेम आतोग़, आसि तना माग़ि उळ्हच पोसि, दिगदिग ताकसोर अतोग़.

अद दिया इतेके वारमता पोल्वादिया मता. 10-11अदिह्‌कु दुकताहि सव्रेम आतोन, यहुदिराङ पेदल्क इतोर, “नेंड पोल्वादिया इनजोरे पुनविना? नीकु माग़ कांजना कबळ पोलो,” इनजोर इतस्के ओग़ इतोग़, “बोग़ नाकु सव्रे कीतोग़, ओग़े नाक वेहतोग़ ‘नीवा माग़ उळ्हच अन,’ इनजोरे.” 12“अद्रम इनजोर इनवाल बोग़ मन्कल आंदोग़, रा?” इन्जि ओन ताल्ह्‌कतोर. 13मति ओग़ बोग़ आंदोग़ इनजोर, वेग़ सव्रेम आतोग़ मन्कल पुनोग़. बाराह्‌क इतेके अगा वेल्‍लाय मुल मताह्‌कु, येसु तना पेदिर वेहवाये, अद मुडग्डाहि पेसिस अन्ज मतोग़.

14अस्के पया मंदिरते येसु वेन कलियतोग़, कलियिस इतोग़, “ऊळा, निमा दुकताहि तेग़्कतिन! मुनेटलेह्‌का इंजेक पापम केमा बहा, कीतेके मुनेट्काय एक्‍वा तिपलते अरयकिन,” इतोग़. 15अग्डाह पया वेग़ अन्जि “नाक दुकतग्डाहि तेग़्किह कीतोग़, ओग़ येसुये आंदोग़,” इनजोरे यहुदिराङ पेदल्किन वेहतोग़.

देवुळता मग़ि जीवा ईस्तोग़

16अदिनेनाह्‌कु यहुदिराङ पेदल्क येसुन कट्ला कीयलाह आतोर, बाराह्‌क इतेके पोल्वादियाते ओग़ इद्रमताङ कबस्क कीस्तोग़ इनजोरे.#मत्याल 12:2; लूकाल 6:7; 13:14; योहन 7:23; 9:16 17अस्के येसु ओरिन इतोग़, “नावा बाबाल नेंड एवनाहि कबळ कीसोरेन मन्ह्‌तोग़, (पोल्वादियाते वने कीस्तोग़े). अद्रमे नना वने कबळ कीय्ह्‌नन,” इनजोर इतोग़. 18येसु इह इताह्‌कु, यहुदिराङ पेदल्क ओसो ओन हव्कलाह कोहन्दुर,#7:1,19; 8:37,40; 11:53 बाराह्‌क इतेके ओरा विचरते येसु रेंड कसुर्क कीतोग़. उंदि इतेके पोल्वादियाते कबळ कीयना, ओसो दुस्रा इतेके देवुळतुन नावाय बाबाल इनजोर, नना देवुळता बराबरतोनन इतप वळ्ह्‌कना, इव रेंडु.#10:33; 19:7; पिलिपितोर 2:6

19अस्के येसु ओरिन इतोग़, “इह केंजाट, नना सेतेम वेहतह्‌नन, नना नावाय विचरते बेदाय कबळ कीया पग़वोन. मति नावा बाबाल कीयनव कबस्किन ऊळिसिये, नना ओना मग़नन इन्जि, अद्रमे कीय्ह्‌नन.#5:30; 8:28; 12:49; 14:10 20नावा बाबाल नाक जीवा कीसि, तनाङ कीयनव सबे कबस्किन नाक तोहतह्‌तोग़. मीट बामना इनजोरे, नना कीतव इविस्किह्‌काय बेह्‌राङ कबस्क कीसि नाक तोहतनोग़. 21बहलेह्‌का नावा बाबाल हातोरिन तेग़्किह कीसि जीवा अर्हतह्‌तोग़,#रोम सहरतोर 4:16-17 अहलेह्‌का नना वने बोन इतेक ओनु, जीवा अर्हतह्‌नन.#रोम सहरतोर 8:11; 1 कुरिंततोर 15:45 22-23बेद्रम नावा बाबाह्‌कु सबेटोर मान ईस्तोर, नना ओना मग़नन मनाह्‌कु, नाक वने सबेटोर मान ईयना इनजोरे, बाबाल बोनाय नेयम केवोग़; मति नेयम कीयनद पूरा कबळि नाक ईतद मन्ह्‌ता.#5:27; बळयिर 10:42; 17:31 बोग़ मग़िह्‌क मान एवोग़, ओग़ु मग़िन लोहतोग़ बाबाह्‌क वने मान एवपे मन्ह्‌तोग़.#लूकाल 10:16; 1 योहन 2:23 24इह केंजाट, नना सेतेम वेहतह्‌नन, इद दुनियाते सबेटोर (तमा पापमते) डोलतप लेह्‌का मन्ह्‌तोर.#इपिसुसतोर 2:1 मति बोर नावाङ पोल्‍लोङ केंजिसि, नाक लोहतोना पोग़ोन बर्वस तासिह्‌तोर, ओरिह्‌क अमेसाता पिसमुळ दोर्कताये.#3:16,36; 6:47; 11:26 देवुळ ओरिन तमा पापमता सिक्सा एवो; मति ओरिन अमेसाता पिसमुळतगा एव्सिह कीसीता.#3:18; 12:44; 1 योहन 3:14; 5:13 25इह केंजाट, इद ओसो वेहतह्‌नन, नना देवुळबाबाना मग़नन, हातोर मन्कलोर नावा आल्का वेनदनुर, इद्रमताङ दियाङ एवयनुङ, आयो एवतपे मन्ह्‌ताङ वने. बोर वेनदनुर, ओर जीवा अरयनुर. 26बहलेह्‌का नावा बाबाल लोकुरिह्‌क जीवा ईया पग़यह्‌तोग़, अद्रमे ओग़ु नाक ओना मग़िह्‌क वने इद्रमे जीवा ईयलाह अदिकर ईतोग़.#1:4; 11:5; 14:6; 1 योहन 5:20 27बाबाल नाकु नेयम कीयनद अदिकर वने ईतोग़,#5:22-23; बळयिर 10:42; 17:31; 2 तिमोति 4:1; 1 पत्रु 4:5 बाराह्‌क इतेके नना माने-मन्कना नडुम पुटटोनन इनजोर. 28-29मीटु इदिन केंजिस बयल आयमाटु. बाराह्‌क इतेके गुमयाना लोप्पा मनवालोर नावा आल्कातुन वेनदनुर, ओसो पलत पेसनुर, इद्रमता वेला वायग़ा.#1 कुरिंततोर 15:51-52 बोर सेतेमताङ कबस्क कीतोर, ओर कतमतोरे अमेसाता पिसमुळतेनाह्‌क जीवा अरयनुर. मति बोर बारा लाग्वाङ कबस्क कीसोर मतोर, ओरु सिक्सा आयलाह जीवा अरयनुर.#दानिय्येल 12:2; मत्याल 25:46; बळयिर 24:15; इब्रितोर 10:27

येसुना लोप्पा साक्सि

30“नना नावाय अदिकरते बातय कीया पग़वोन. बेद्रम बाबाल नाक वेहतह्‌तोग़, अद्रमे नना नेयम कीय्ह्‌नन. नना नावाय कुदता विचरते आयो, मति नाक लोहतोग़ बाबाना विचर मतप कीय्ह्‌नन,#5:19; 8:16,28; 12:49; 14:10 अदिह्‌क नावा नेयम सेतेम अरयह्‌ता. 31नावा लोप्पा ननाने साक्सि ईतेके, अद साक्सितुन बोग़े सेतेम पोयोग़ आवेग़.#8:13-14 32नावा लोप्पा ओसो ओर्वोग़ साक्सि एवाल मन्ह्‌तोग़, ओग़ नावा बाबाल. ओग़ नावा लोप्पा बाताल वेहतनोग़, अद सेतेमताये इनजोर नना पुह्‌नन.#5:37; 1 योहन 5:9

33“ओसो ओर्वोग़ साक्सि एवाल मन्ह्‌तोग़. मीटु देवुळता पेदिरते एग़ मीहवाल योहनिन ताल्ह्‌क वेहतिर, अस्के ओग़ु सेतेमतुने वेहतोग़. 34मन्कना साक्सितुन इतेक नना बर्वस केवोन,#1 योहन 5:9 मति योहनना पोल्‍लोतुन नमिसि, मीक अमेसाता पिसमुळ दोर्कना इन्जि, इव गोटिङ मीक सीता कीसीतन. 35नावा लोप्पा वेहतनस्के, योहन पोतना चिमलिलेह्‌का वेह्‌च तोहवाल मतोग़. मियगा ओना वेह्‌च मताह्‌कु, मीक गय्क गिर्दा आयलाह बेस आता.#1:34; 10:41-42

36“मति योहनना साक्सितुह्‌काय नयगा ओसो बेह्‌रा साक्सि मन्ह्‌ता. बेव कबस्किन मारिह कीयलाह, नावा बाबाल नाक लोहतोग़, बेव कबस्किन नना कीय्ह्‌नन, नाक बाबाल लोहतोग़ इनजोरे, अवे कबस्क मीक तोहतह्‌ताङ.#मत्याल 11:4-5; लूकाल 7:22; योहन 10:25,38; 14:11; 15:24; इब्रितोर 2:3-4 37नाक लोहतोग़ नावा बाबाल, ओग़ वने नावा लोप्पा साक्सि ईतोग़.#मत्याल 3:17; मार्कल 1:11; लूकाल 3:19-22; योहन 5:32; 8:18; 1 योहन 5:9 मीट इतेक बेस्केन ओना आल्कातुन वेनविर, बेस्केन ओना रूपतुन ऊळविर. 38ओसो मीट ओना पोल्‍लोतुन, मीवा जीवाते गडिह कीस तासविर;#1 योहन 2:14 तासिस मतेके ओग़ लोहतोन मग़िन मीट नमेरिर. 39पवित्र सास्त्रम पुन्जि, माकु अमेसाता पिसमुळ दोर्कग़ा इन्जि, मीटु अग्डाङे कग़यसोर मह्‌निर. केंजाटु, इदे सास्त्रम नावाय लोप्पा वेहतह्‌ता.#लूकाल 24:27,44-46; योहन 12:41; बळयिर 2:23; 3:18,24; 13:27; 17:2-3; 26:22-23; 28:23 40तेला मति अमेसाता पिसमुळतेनाह्‌क, नयगा मीकु वाया वसो.

41“मन्कलोर नाकु कदर ईतेकाय, एवेकाय, नाक पर्वा इले.#7:18; 8:50,54; 1 तिसलुनितोर 2:6-7 42मति मीट बेद्रमतोरिर इन्जि नना पुह्‌नन. मीटु देवुळतुन मुर्तिय जीवा केविर. 43नना नावा बाबाना अदिकर पोस वातन, मति मीट नावाङ केंजविर. बोग़ाय दुस्रोग़ मन्कल, तनाय अदिकरते वायनोग़ अस्के, ओनाङ बार केंजकिर.#मत्याल 24:5; मार्कल 13:6; लूकाल 21:8 44मीट ओर्विनेनाह ओर्वोग़ कदर पर्ह्‌किह्‌निर,#1 तिसलुनितोर 2:6-7 मति वग़य देवुळतेनाह#1 तिमोति 1:17; यहुदाल 25 दोर्कनद कदरतुन बार पर्ह्‌कविर इतेके,#रोम सहरतोर 2:29 मीट बेद्रम विस्वस कीया पग़यकिर!#12:43 45नना बाबाना मुनेह मीवा पेटळ तप तासकन, इद्रम इह्‌निर बहे, मति नना तप तासोन. केंजाट, मीटु मोसानाङ अडोन नोमिह्‌नोम इन्जि, आसा तासिस मह्‌निर,#9:28; रोम सहरतोर 2:17 ओग़ मोसाले मीवा पेटळ तप तासनोग़. 46सास्त्रमते मोसा मुय्तोग़ नावाय लोप्पा रासिस तासतोग़, अद सास्त्रम नाके तोहतह्‌ता. इतेके मोसाल रासतदिना पोग़ोन, मीटु विस्वस तासिस मतेके, नावा पोग़ोन वने विस्वस तासेरिर. 47मति मोसा मुय्तोग़ रासतद गोटटुने सेतेम पोयविर इतेके, नावाङ गोटिन मीट बह नमकिर?” इनजोर येसु इतोग़.#12:48

Currently Selected:

योहन 5: माडियाबाय्बल

Highlight

Copy