बळयिर 9

सोलु येसु किर्स्तुन विस्वस कीस्तोग़

(बळयिर 22:4-16; 26:10-18)

1इद्रम आनेके, सोलु येसुना विस्वसिरिन हव्किह्‌नन इनजोर, रेय्‍पिह कींदोग़.#8:3; 9:13,21; 22:4,19; 26:10-11; 1 कुरिंततोर 15:9; गलातितोर 1:13; पिलिपितोर 3:6; 1 तिमोति 1:13 रेय्‍पिह कीसोर, उंद दिया मोदुल पेर्मानगा अन्जि, इद्रम इतोग़: 2“इंजेके नना दमिस्क सहरते#2 कुरिंततोर 11:32; गलातितोर 1:17 दाय्ह्‌नन.#9:2 दमिस्क सहर सुरिया देसेमतगा मता, इद देसेम वने रोम राजेमता लोप्पा मता. दमिस्क सहर येरुसलेमताहि 120 कोस्क मता. अगा वेल्‍लाटोर यहुदिर मतोर. ओरगा येरुसलेमताहि विततोर विस्वसिर वने मतोर. दुस्राङ देसेह्‌कने मनवालोर यहुदिरा नेयम कीयनद अदिकर, रोम सर्करतोर येरुसलेमता पेर्मालोरिह्‌क ईतोर. येसुना अग़दे ताकवालोर आस्क-कोय्तोरिन दोहचि, येरुसलेम ततलाहि सोलुनगा अदिकर मन्ह्‌ता इनजोर, सीटि रासिस ईम. नना अद सीटटुन पोस अन्जि, अग्डोर यहुदिरा पार्तनाताङ लोह्‌कनाङ मुक्यालोरिह्‌क तोहतकन,” इनजोर इतोग़.

3पया सोलु अद सीटटुन पोसि, दमिस्क सहरते दायलाह आतोग़. अद सहरता एरे-एरे एव्स मतोग़, अस्के पोग़ोटाहि दोम्ह्‌क्ने ओना सर्ने वेह्‌च अरता. 4वेह्‌च अरतस्के सोलु नेल अरतोग़. अस्के “ए सोलु, निमा नाक बाराह्‌क तिपल कीयलाह आतिन?” इनजोर ओन्क उंद आल्का केंज वाता. 5अस्के सोलु इतोग़, “सामि, निमा बोनिन आंदिन?” इतस्के, येसु इतोग़, “निमा बोन तिपल कीयलाह आतिन, ओग़े येसुनन आंदन. 6निमा इंजेक इग्डाह तेदिस सहरते अन, बाताल कीयनद अद नीक अगान बोग़ाय वेहतनोग़,#9:15-16” इनजोर इतोग़.#1 कुरिंततोर 15:8; पिलिपितोर 3:12 7सोलुना संगे अनवालोरिह्‌क सिरप आल्का केंज वाता, मति ओरिह्‌क बोग़े बह दिसोग़. अदिह्‌क ओर रेयिस केमेन निच मतोर. 8पया सोलु तेदिस कोंडाङ नाह्‌किस ऊळनेके, ओग़ मुर्तिय तोवोग़. अदिनेनाह्‌क ओना तोळतोर ओनाङ कय्किन पोसि, दमिस्क सहरतगा ओतोर. 9अगा ओग़ मूंड दियाङ आनाहि तोववालेवा, ओसो बाताले तिनवा-उनवालेवा मतोग़.

10पया इद्रम आता, दमिस्क सहरतगा ओर्वोग़ विस्वसि मतोग़. ओग़ अनन्याल पेदिरतोग़ आंदोग़. येसुसामि तना तोहतनद लेकाते,#10:3,10-17 ओनगा वासि इद्रम इतोग़, “ए अनन्या!” इतस्के “बाताल सामि?” इनजोर अनन्याल इतोग़. 11येसुसामि इतोग़, “इंजेके तेदिसि, सीदा इनदनद अग़दे अन्जि, यहुदा पेदिरतोना लोन अन. अन्जि तरसुस सहरतोग़#9:30; 11:25; 21:39; 22:3 सोलु बेगा मन्ह्‌तोग़ इनजोर ताल्ह्‌का. ओग़ सोलु इंजेके पार्तना कीयलाह आतोग़. 12पार्तना कीनेके ओग़ु देवुळ तोहतनद लेका ऊळतोग़. ‘अनन्याल पेदिरतोग़ मन्कल वासि, नना तोवयना इन्जि, नावा पोग़ोन कय तासिह्‌तोग़,#मार्कल 5:23; बळयिर 9:17 ’ इद्रम सोलु लेका ऊळतोग़,” इनजोर येसु इतोग़. 13इतस्के अनन्याल इतोग़, “अलो सामि, ओग़ मन्कल येरुसलेम सहरतगा बेद्रम नीवा मन्कलोरिन पकाय तिपल कीतोग़ इनजोर,#8:3; 9:1,21; 22:4,19; 26:10-11; 1 कुरिंततोर 15:9; गलातितोर 1:13; पिलिपितोर 3:6; 1 तिमोति 1:13 वेल्‍लाटोर लोकुर नाक वेहतोर. 14इगा वने नीक मोळ्कवालोर सबेटोरिन दोहच ओयलाह, पेर्मालोर ओन्क अदिकर ईतोर#9:2,21 इन्जि वने केंजतन,” इनजोर ओग़ इतोग़. 15इतस्के येसु इतोग़, “आयो, निमा ओनगा अन. बाराह्‌क इतेके, नावा पोल्‍लोतुन यहुदि आयवोर दुस्राङ जातिनोरगा,#13:46; 15:14; 22:21; 26:20; 28:28; रोम सहरतोर 1:5; 11:13; 15:16; गलातितोर 1:15-16; 2:7; इपिसुसतोर 3:1,8; 1 तिमोति 2:7; 2 तिमोति 4:17 ओरा राजालोरगा,#25:23—26:29 ओसो इस्रयेल लोकुरगा इतेके यहुदिरगा एव्सिह कीयलाहि, ओग़ नावा आचतोग़ सेवक आंदोग़.#13:2; रोम सहरतोर 1:1; गलातितोर 1:15; इपिसुसतोर 3:7; 1 तिमोति 1:12; 2:7 16नयेनाह्‌क ओन्क बेचोन तिपल एता पोयग़ा#20:23; 21:11,13; 2 कुरिंततोर 6:4-5; 11:23-27; 1 तिसलुनितोर 3:4 इन्जि, नना ओन तोहतकन,” इनजोर येसु इतोग़.

17ताना पया अनन्याल येसु वेहतद लोतगा अन्जि, सोलुना पोग़ोन कय तासिस,#मार्कल 5:23; बळयिर 9:12; इब्रितोर 6:1-2 इद्रम इतोग़, “ए सोलु तमो, निमा इगा वायह्‌पा, अग़दे नीक दिसिस मतोग़, ओग़े येसुसामि,#1 कुरिंततोर 9:1 निमा तोवयना ओसो देवुळता पवित्र जीवाते पूरा निंदना इन्जि,#लूकाल 1:15,67; 4:1; बळयिर 1:8; 2:4; 4:8,31; 6:3,5; 7:55; 9:17; 13:9,52 नाक लोहतोग़,” इनजोर इतोग़. 18अस्केडा अस्केन सोलुनाङ कोंडानाहि, उय्का अरतप लेह्‌का बातालो अरता. अस्के ओनाङ कोडाङ पङ्ने आसि, ओग़ तोवयलाह आतोग़. ताना पया येसुना पेदिरते एग़ मीतोग़. 19पया गाटो तितोग़ अस्के, ओन्क लाव वाता.

सोलु दमिस्कते येसुना पोल्‍लोतुन पोकुर कीस्तोग़

अद्रमे पया सोलु दमिस्क सहरतोर विस्वसिरा संगे, वेल्‍लाङे दियाङ मतोग़. 20अगा मनेके, सोलु यहुदिरा पार्तनाताङ लोह्‌कनगा अन्जि,#13:5,14; 14:1; 17:1,10; 18:4,19,26; 19:8 येसुये देवुळता मग़ि इन्जि,#मत्याल 4:3; 16:16; 26:63; मार्कल 1:1; 14:61; लूकाल 22:70; योहन 3:16-18; 11:27; बळयिर 13:33 पोकुर कीया बोटटोग़.#गलातितोर 1:17 21ओना पोल्‍लोतुन केंजतोर सबेटोर पका बामिसि, “वेग़े आयोया, येरुसलेम सहरतगा येसुन मोळ्कवालोरिन बूळे कींदोग़?#8:3; 9:13; गलातितोर 1:13-14,23 इगा वने येसुन मोळ्कवालोरिन पेर्मालोरगा दोहच ओयलाह वास मतोग़!#9:2,14” इनजोर तमतमाय इंदुर.#गलातितोर 1:23 22मति सोलुना दीरा वेल्‍लाय वीळसोर अता. येसुना पोल्‍लोतुन ओग़ वेहचोरे अंदोग़. दमिस्क सहरतोर यहुदिरिन येसुये देवुळ लोहतोग़ पिसिह केवाल किर्स्तु आंदोग़#मत्याल 16:16; 26:63; मार्कल 1:1; 14:61; लूकाल 2:11; 22:70; योहन 4:25-26; बळयिर 2:36; 3:20 इन्जि, बेस-नेह्‌ना सास्त्रमताहि वेहतोग़, अदिह्‌क ओर पकाय एक्बेक आतोर.

23अद्रमे वेल्‍लाङे दियाङ आतापया, यहुदि मुक्यालोर सोलुन हव्कलाह कोहन्दुर.#9:23 इद तूकने सोलु अरब देसेम अन्जि, मल्स दमिस्क सहरतगा वातोग़. गलातितोर 1:18; 2 कुरिंततोर 11:32-33 ऊळाटु. 24मति अद आय्डा सोलुह्‌क एर्का आता. ओरु ओग़ सहरताहि पेसतस्के, ओन हव्ककल इनजोर, सहरता अग़दगा नग़्का पिळ्‍विळ, पियल-पोळ्‍द केपिंदुर.#20:3,19; 23:12-15; 25:3; 2 कुरिंततोर 11:32 25ओनाङ कग़यवालोर बाताल कीतोर इतेके, नग़्का सोलुन ओसि उंद कुचातगा उदिह कीसि, सहरता सर्ने दोहतद किलेता किळ्कि-बूकातग्डाहि, ओन पलते नेल रेहचीतोर.#2 कुरिंततोर 11:33

सोलु येरुसलेमतगा येसुना पोल्‍लोतुन पोकुर कीस्तोग़

26अस्के पया सोलु येरुसलेम मल्स वातोग़, वासि अगा विस्वसिरिन कलियलाह ऊळतोग़.#22:17; 26:20; गलातितोर 1:18 मति वेग़ सोलु वने येसुन विस्वस कीतोग़ इन्जि, वेन बोरे नमोर आंदुर; अदिह्‌क सबेटोर वेन रेयिंदुर. 27मति बार्नबस#4:36-37 सोलुन पोसि, बळयिरगा ओतोग़. ओसि दमिस्क सहर दायनद अग़दे सोलु येसुन बेद्रम ऊळतोग़, येसु ओना संगे बेद्रम वळ्ह्‌कतोग़,#9:3-6 ओसो दमिस्क सहरतगा बेद्रम सोलु मुर्तिय रेयवालेवा, येसुना पोल्‍लोतुन पोकुर कीतोग़,#9:20,22 इव सबे पोल्‍लोन ओरिह्‌क वेहतोग़. 28अस्के पया सोलु विस्वसिरा संगे कलियसोरेन मंदोग़. कलियिसि येसुना पोल्‍लोतुन, रेयवालेवा पोकुर कीसोरे, पूरा येरुसलेम सहरते तिरियिंदोग़. 29पया सोलु युनानि पोल्‍लो वळ्ह्‌कवालोर विस्वस केवोर यहुदिरिह्‌क#6:1 वने, येसुना पोल्‍लोतुन वेहचोरेन मंदोग़. वेहनेके, युनानि पोल्‍लो वळ्ह्‌कवालोर यहुदिर वेना संगे ईनाह-आनाह पोल्‍लोने गिटोगटो आंदुर. अदिनेनाह्‌क ओर ओन हव्कलाह अग़ ऊळिंदुर. 30मति विस्वसिर इद पोल्‍लोतुन केंजिसि, सोलुन सम्दुरकचुल केसरिया सहर एवनाह ओसीतोर, पया (अग्डाहि ओन ओडाते उदिह कीसि,)#9:30 अद्रमता बेरा ओडाता चित्र अद्‍यय 27 अगा दोर्किह्‌ता. ओना नाग़ तरसुस सहरते#9:11 लोहचीतोर.#गलातितोर 1:21

31अस्के पया, यहुदा पटटे, गालिल पटटे, सामरिया पटटे, विस्वसिरा मुडुन बोरे तिपल केवोर. अदिनेनाह्‌क ओरिह्‌क सुकम दोर्कता, ओर विस्वसते बेर्ससोर अंदुर. येसुसामिन रेयिस ताकिंदुर. पवित्र जीवा ईतद तोळते ताकिंदुर. वेल्‍लाटोर येसुन विस्वस कीसि, ओरा मुडा संगे कलियिंदुर.#2:46-47; 12:24

लुदा ओसो यापा नाह्‌कने, पत्रु कीतव कबस्क

32पया इद्रम आता इतेके, पत्रु इके-अके वेलियसोर, सारोन एरियाता लुदा नाटे येसुना लोकुरगा अतोग़. 33अतस्के अगा एनियाल पेदिरतोग़ कय्क-काल्क वावोग़ मन्कल कलियतोग़, ओग़ आट वर्साङ कटुदग्डाहि मुर्तिय तेदोग़ आसि. 34पया पत्रु ओन इतोग़, “ए एनिया, येसु किर्स्तु नीक सव्रे कीस्तोग़. अले तेदिसि, नीवा कटुदुन उळ्हा,” इनजोर इतोग़. इताहे एनियाल अस्केडा अस्केन तेदिस नितोग़. 35लुदा नाटेनोर, सारोन एरियातोर वेल्‍लाटोरु, एनियाल सव्रेम आतदिन ऊळिसि, येसुन विस्वस कीतोर.

36अद्रमे पया सारोन एरियाता यापा नाटेनगा#यहोशू 19:46; 2 इतिहास 2:16; एज्रा 3:7; योनाल 1:3; बळयिर 10:5,23,32, उंदि विस्वसि आंचाळ मता.#9:36 यापा नाग़ सम्दुरकचुल मता, लुदा नाटेनाहि आट कोस्क आंदु. ताना पेदिर तबिताल आंदु, तान दोरकास वने इंदुर.#9:36 इब्रि पोल्‍लोते तबिताल इद पेदिरता अर्तमि चित्रलि आस्ता, तान युनानि पोल्‍लोते दोरकास इंदुर. अद आंचाळि नाटेनगा आस्क-कोय्तोरिह्‌क अमेसा बेसताङ कबस्क कीसि ईंदु, लेवोरिह्‌क दर्मम कींदु.#1 तिमोति 5:10 37अद तूकने अद आंचाळि उंद दिया दुक अर्स डोलता. डोलतस्के नाटेनाङ आस्कु ताना सेत्तातुन एग़ मीहचि, पोग़ोटा मिदेता अरातगा तासताङ. 38इंजेके लुदा नाग़ इतेके, यापा नाटेनाहि एरेन मता. पत्रु लुदा नाटेनगान मन्ह्‌तोग़ इन्जि, अग्डोर विस्वसिरिह्‌क एर्का आता. इद पोल्‍लोतुन केंजिसि, इर्वुर मन्कलोरिन पत्रु चट्पिट वायेग़ इन्जि, ओनेके कबुर लोहतोर. 39अस्के पत्रु ओरा संगे अतोग़. यापा नाटेनगा एवतस्के, ओन पोग़ोटा मिदेता अरातगा ओतोर. अगा मताङ सबे रांडे आस्कु ओनगा जमा आसि, तबितालि जीवात मनदह्‌पा, अविस्किह्‌क कोटटव सबे जगाङ, गेंदेनु तोहचोर अळ्न्दुङ.#1 तिमोति 5:3 40पया पत्रु सबेटोरिन पलते पेहचि, मिंडाङ कोटिस देवुळतुन अर्जि कीतोग़. कीसि पया सेत्तातके ऊळिस, “ए तबिता, तेदा,”#मार्कल 5:41; लूकाल 8:54 इतस्के, अद आंचाळि कोंडाङ नाह्‌किस पत्रुन ऊळता, ऊळिसि तेदिस उदता. 41पया पत्रु ताना कयदुन पोस तान निल्पिह कीतोग़, कीसि रांडे आस्किनु, दुस्रोर विस्वसिरिन केयिसि, तबिताल इंजेक जीवा अर्सि निता इन्जि तोहतोग़. 42इद पोल्‍लो यापा नाटेनगा पूरा पोकुर आता. आताह्‌कु अग्डोर वेल्‍लाटोर लोकुर येसुन विस्वस कीतोर. 43ताना पया पत्रु यापा नाटेनगान, तोलाङ ओळ्हवाल ओर्वोग़ सिमोन पेदिरतोनगा,#10:6 वेल्‍लाङे दियाङ रोमिस मतोग़.#9:43 यहुदिरा विचरते तोलाङ ओळ्हवानु विटळ आतोग़ इंदुर, मति पत्रु इद अडोतुन अचोन सीता केवोग़.

Currently Selected:

बळयिर 9: माडियाबाय्बल

Highlight

Copy