बळयिर 15

यहुदि आयवोर विस्वसिरा लोप्पा कट्ला

1अद्रमे पया उंद दिया, उय्तुर यहुदि विस्वसिर, यहुदा पटटाहि(सुरिया पटटकेडा अंताकिया सहरते#गलातितोर 2:11) वासि, अग्डोर विस्वसिरिन कलियतोर.#15:24 कलियिसि “मीट मोसानाङ अडोङ वेहतपु डायना रिवज केवेके,#लैव्यव्यवस्था 12:3; बळयिर 15:5; 1 कुरिंततोर 7:18; गलातितोर 2:14; 5:2-6 देवुळ मीकु पिसिह केवो आयग़ा,” इनजोर काग़्हता बोटटोर.#गलातितोर 2:4; 6:12 2इदिन केंजिसि पोलु, बार्नबस, वेर अद्रम काग़्हवालोरा संगे पका जग्ळम आतपे, पोल्‍लोने गिटोगटो आतोर.#15:7 पया अंताकियातोर विस्वसिर बाताल इतोर, “पोलु, बार्नबस ओसो उय्तुर विस्वसिर येरुसलेम अन्जि, बळयिरिन ओसो विस्वसिराङ पेदल्किन इद पोल्‍लोतुन देहतलाहि, ताल्ह्‌किस वायिर,”#11:30; 15:4,6,22-23; 16:4 इनजोर इतोर.#1 कुरिंततोर 7:18 3ताना पया अंताकियातोर विस्वसिरा मुलु ओरिन येरुसलेम लोहतोर. लोहतस्के पोलु ओना तोळतोर बार, पिनिके#11:19; 21:2 ओसो सामरिया पटिह्‌क अनेके, यहुदि आयवोर बेद्रम देवुळतके वातोर, अदिन अग्डोर विस्वसिरिह्‌क पूरा वेहचोर अतोर.#14:27; 15:4,12 तान केंजिसि सबेटोर विस्वसिर पका गिर्दा आतोर.

4अद्रमे पया येरुसलेम एवतोर, एवतस्के विस्वसिरा मुलु, बळयिर, विस्वसिराङ पेदल्कु, ओरिन गिर्दाते कलियतोर.#11:30; 15:6,22,23; 16:4 कलियतस्के पोलु, बार्नबस, तमा कयदे यहुदि आयवोरगा, देवुळि बाताल बाताल कबळ कीता इनजोर, कतम पोल्‍लोन ओरिह्‌क वेहचीतोर.#14:27; 15:12 5मति परुसिरा तुंगातग्डाहि,#मत्याल 3:7; 23:1-36; मार्कल 2:18; लूकाल 5:21; योहन 3:1; बळयिर 26:5; पिलिपितोर 3:5 येसुन विस्वस कीतोर अगा मतोर. ओर तेदिस इद्रम इतोर, “यहुदि आयवोरिन डायना रिवज कीया वेहचि, ओरिन मोसानाङ अडोने ताकलाह, उकुम ईयना गावले,”#15:1; 1 कुरिंततोर 7:18; गलातितोर 2:14; 5:2-6 इतोर. 6इतस्के बळयिर, विस्वसिराङ पेदल्कु,#11:30; 15:4,22,23; 16:4 इद पोल्‍लोतुन विचर कीयलाह, जमा आतोर. 7अस्के वेल्‍लाय जोम, पोल्‍लोने ईनाह-आनाह गिटोगटो आतोर.#15:2 पया पत्रु तेदिसि इद्रम इतोग़, “मावोरिर वेल्‍लाङे दियाङ मुने, देवुळि नावा तोडटे यहुदि आयवोर बेसता कबुरतुन केंजिसि, येसुन विस्वस कीयिर इनजोर, मयग्डाहि नाक आचता,#10:19-22 इदिन मीट पुतिरे.#15:7 इद पोल्‍लो अद्‍यय 10 अगा दोर्किह्‌ता. 8सबेटोर लोकुरा पोटालोप्पाडाङ पोल्‍लोन पुनदनद देवुळि,#1 शमूएल 16:7; यिर्मयाह 17:10; बळयिर 1:24-25; रोम सहरतोर 8:27 माट यहुदि विस्वसिरा पोग़ोन तना पवित्र जीवातुन बेद्रम उदिह कीता, अद्रमे ओर यहुदि आयवोरा पोग़ोन वने तना पवित्र जीवातुन उदिह कीसि, ओरिन वने आचता इनजोर तोहता.#2:4; 10:44,47 9ओर विस्वस कीतोर, देवुळि ओरा पापमतुन मापि कीस ईता.#10:43 अह कीसि माट यहुदिर आयि, दुस्राङ जातिनोर आयि, सबेटोर विस्वसिरिन देवुळि उंदिय रीतते पिसिह कीता इनजोर तोहता.#10:28,34; 11:12 10इचोन तोहचाय मति, मीट इंजेके मोसानाङ अडोने ताकाट इनजोर वेहचि, ओरा पोग़ोन पूहतद मोतातुन वाटलाह, बाराह्‌क देवुळता पट ऊळिह्‌निर?#5:9; गलातितोर 5:1 मावाङ तादोर-बाबोर ओसो माट वने, मोसानाङ पूरा अडोने ताक पग़वल.#मत्याल 23:4; लूकाल 11:46; गलातितोर 5:1 11बेद्रमलेह्‌का येसुसामि यहुदि आयवोरिह्‌क ईतद दयातेनाह्‌के, ओर ओन नमिस पिसिह्‌तोर,#इपिसुसतोर 2:5,8 अद्रमलेह्‌काने माट यहुदिरल वने पिसिह्‌नल; (मति अडोङ नोमताह्‌कु पिसवल,)”#रोम सहरतोर 3:24; 5:15; इपिसुसतोर 2:5-8 इनजोर इतोग़.

12पत्रु इद्रम इतापया, पोलु, बार्नबस वने, तमा कयदे यहुदि आयवोरगा देवुळि बेव-बेव बामनव सीनाङ तोहता, इनजोर वेहतोर.#14:27; 15:3-4; रोम सहरतोर 15:18-19 वेहतह्‌पा, सबेटोर केमेन आसि ओरा पोल्‍लो केंजतोर. 13पोलु, बार्नबस, वेहतनद मारिह कीतोर अस्के, अग्डा मुक्याल याकुब#12:17 इद्रम इतोग़,#15:13 वेग़ याकुबि येसुना तमोग़ आंदोग़, येरुसलेमतोर विस्वसिरा मुक्याल मतोग़. “मावोरिर, नावा पोल्‍लो केंजाटु. 14देवुळि यहुदि आयवोरिन मुने सीता कीसि, ओरग्डाहि उय्तुर मन्कलोरिन तना मन्कलोर आयलाह आचता. अदु बेद्रम ओरिन सीता कीता, इनजोर सिमोन पत्रु इंजेके माक तेळियिह कीतोग़. 15इद पोल्‍लोतुन देवुळता कबुरतोर वने वेल्‍लाय मुने वेहच मतोर, अद इद्रम रासतद मन्ह्‌ता,

16 देवुळि इद्रम वेहता,

‘ दाविदना राजेम बूळेम आतेक तेला, नना पया वासि तान ओसो निल्पिह कीकन,

पिळ्हपळ आतदिन पूना पंडकन.

17-18 अह आसि दुस्राङ वेल्‍लाङे जातिनोर नाक पर्ह्‌कनुर,

इतेके नयेनाह्‌क नना आचतोरु यहुदि आयवोरु,’

इनजोर देवुळि वेहता. # आमोस 9:11-12

इदिन वेल्‍लाय मुनेताहि तना मन्कलोरिन पुन्पिह कीसोर वाता, # यशायाह 45:21

इनजोर रासिस मन्ह्‌ता. 19अदिह्‌क नना बह इह्‌नन इतेके, यहुदि आयवोरग्डाहि, देवुळतगा वावालोरिन माट तिपल केवल. 20मति ओरगा इद्रम रासिस लोहतकल, ‘पेन्किह्‌क वाटटव कळ्‍वोग़ आस्ताङ, अविस्किन तिनदनद आयो;#पेसमुळि 34:15-17; दानिय्येल 1:8; बळयिर 15:29; 1 कुरिंततोर 8:1,7,13; 10:14-28; तोहचीतव पोल्‍लोङ 2:14,20 साट्याल कबस्क कीयनद आयो;#लैव्यव्यवस्था 18:6-23 नेतुर पोववालेवा हव्कतविनाङ अविङ तिनदनद आयो, अस्कतापया नेतुरतुन एच तिनदनद आयो,#पुटमुळि 9:4; लैव्यव्यवस्था 3:17; 7:26; 17:10,14; 19:26; व्यवस्थाविवरण 12:16,23; 15:23; 1 शमूएल 14:33 ’ इनजोर रासकल. 21बाराह्‌क इतेके वेल्‍लाय मुनेताहि सबे सहर्कनगा, देवुळताङ पार्तनाताङ लोह्‌कनगा, वारमता पोल्वादियाते मोसानाङ अडोन अर्विसि पोकुर कीस्तोर;#13:15,27; 2 कुरिंततोर 3:14-15(अद्रमे मावा यहुदि विस्वसिर माळिह्‌तोर वने. अदिह्‌क इंजेक वेहतनव पोल्‍लोन यहुदि आयवोर विस्वसिर केंजिसि ताकिर, आयवेक अचोन यहुदिरिह्‌क ओङ वायग़ा,)” इनजोर इतोग़.

यहुदि आयवोर विस्वसिरिह्‌क सीटि लोहतह्‌तोर

22पया बळयिर, विस्वसिराङ पेदल्कु,#15:2,4,6,23 येरुसलेमतोर विस्वसिरा पूरा मुलु, बाताल इतोर इतेके, “इंजेके याकुब इतव पोल्‍लोन रासिसि, मयग्डोर विस्वसिरा कयदे अंताकिया सहरते#11:20 लोहतकल. ओरु पोलुना, बार्नबसिना संगे दायनुर,” इतोर. पया यहुदा बार्सबा इनवान आचतोर, ओसो सीलास इनवान#15:27,32,40; 16:19,25,29; 17:4,10,14-15; 18:5; 2 कुरिंततोर 1:19; 1 तिसलुनितोर 1:1; 2 तिसलुनितोर 1:1; 1 पत्रु 5:12 वने आचतोर. वेर इर्वुर आसि विस्वसिरगा पेदा मन्कलोर मतोर. 23वेरा कयदे विस्वसिरिह्‌क सीटि लोहतोर, अद सीटटगा इद्रम रासिस मता.

“अंताकिया सहरतगा, सुरिया पटटगा,#मत्याल 4:24; लूकाल 2:2; बळयिर 15:41; गलातितोर 1:21 किलिकिया पटटगा#6:9; 15:41; 22:3; 23:34 मनवालोर यहुदि आयवोर विस्वसिरिह्‌क:

“माट मीवा ऐंगेटोर विस्वसिरोम, इतेके येसुसामिनाङ बळयिरोम, ओसो विस्वसिराङ पेदल्कनोम,#15:2,4,6,22 सीटि रासलाह आतोम, मयेनाह मीक जोहर. 24मयग्डोर उय्तुर विस्वसिर मियगा वासि, बाताङ-बाताङो वेहचि, मीक लेसिह कीतप कीतोर, मीक पका तिपल ईतोर इनजोर, माट केंजतोम.#15:1-2; गलातितोर 1:7; 2:4; 5:10 मति माट इतेके ओरिन लोहोम आसि. 25अदिह्‌क माट सबेटोरोम कलियिसि, इर्वुर मन्कलोरिन आचिसि, मियगा कबुर लोहतकल इनजोर, विचर कीतोम. ओर आचतोरु, (यहुदाल ओसो सीलास,) मावा गोततोर बार्नबसना, पोलुना संगे मियगा वास्तोर. 26वेर बार्नबस, पोलु इतेके, तमा जीवातुन सीता केवा, मावा किर्स्तु येसुसामिना सेवा कीतोर.#9:23-25; 14:19; रोम सहरतोर 16:4 27माट रासतदिन यहुदाल ओसो सीलास, वेर मीकु वेहतनुर. 28अव पोल्‍लोन मीट केंजिसि ताकाटु. अविस्किन विळ्सिस दुस्रा मोतातुन, मीवा पोग़ोन वाटोम इनजोर,#तोहचीतव पोल्‍लोङ 2:24देवुळता पवित्र जीवा ओसो माटु कलियिस विचर कीतोम. अव पोल्‍लोङ इद्रम मन्ह्‌ताङ.

29“पेन्किह्‌क वाटटव अविङ तिनमाटु, अस्कतापया नेतुरतुन एच तिनमाटु, नेतुर पोववालेवा हव्कतविनाङ अविङ तिनमाटु, साट्याल कबस्क केमाटु.#15:20; तोहचीतव पोल्‍लोङ 2:14,20 मीट इव पोल्‍लोन बेस पोस ताकतेक अचोन, बेस-नेह्‌ना मनदकिर. अचोने, मारता,” इनजोर रासतोर.

30अद्रमे पया यहुदाल, सीलास, पोलु, बार्नबस, वेर अंताकिया सहरते अतोर, अन्जि सबेटोर विस्वसिरिन जमा कीसि, सीटटुन ओरा कयदे ईतोर. 31ईतस्के तान विस्वसिर अर्विसि, इद सीटटा पोल्‍लोतुन केंजिस कोनि, मावा जीवा सुकम आता इनजोर, पका गिर्दा आतोर. 32यहुदाल, सीलासि देवुळता कबुरतोर#13:1 मताह्‌कु, ओर वने विस्वसिरिन वेल्‍लाङे पोल्‍लोङ वेहतोर. वेहचि ओरा जीवातुह्‌क दीरा ईसि, ओरा विस्वसतुन बेर्सिह कीतोर.

33-34अद्रमे पया ओर इर्वुर अगान उचुक दियाङ मतोर. पया अग्डोर विस्वसिर ओरिन बेस अन्ह्‌टु इन्जि, येरुसलेमतके मल्स दायलाह लोहतोर. अस्के ओर इर्वुर मल्स अतोर.#15:33-34 “मति सीलासिह्‌क अगान मनदा वेसिस मता.” इद वचन 34 उचुके मोदुल काग्देह्‌कनगा दोर्किह्‌ता. 35मति पोलु, बार्नबस, वेर उचुक दियाङ अंताकिया सहरते मतोर. मन्जि दुस्रोर वेल्‍लाटोरा संगे, येसुसामिना पोल्‍लोतुन काग़्हचोरे ओसो पोकुर कीसोर मतोर.

पोलु, बार्नबस, वेर इर्वुर एग़िह्‌तोर

36अद्रमे पया उंद दिया पोलु बार्नबसिन इतोग़, “माट येसुसामिना पोल्‍लोतुन, बेव-बेव सहर्कना लोकुरिह्‌क वेहतल, अव सबे सहर्कनगा अन्जि, ओर सबेटोर विस्वसते बेद्रम मन्ह्‌तोर इन्जि ऊळकल अय?” इनजोर इतोग़. 37इतस्के बार्नबस केंजतोग़, केंजिसि “इंगो मति, योहन-मार्कन वने मावा संगे ओयकल,”#12:12; 13:5; कुलुसितोर 4:10; 1 पत्रु 5:13 इनजोर इतोग़. 38मति पोलु, बार्नबस, वेर येसुना सेवातुन मारिह कीयनाह्‌जोम, मार्कल ओरा संगे मनोग़. पंपूलिया पटटाहि ओरिन विळ्सिस वास मतोग़.#13:13 अदिह्‌क “आयो, ओन ओयवल!” इनजोर पोलु इतोग़.#15:38मार्कल ओरिन विळ्सिस अतद पोल्‍लो 13:13 वचनतगा मन्ह्‌ता. 39अदिनेनाह्‌क पोलु, बार्नबस, पका जग्ळम आतप लेह्‌का, पोल्‍लोने गिटोगटो आसि एग़तोर. पया बार्नबस मार्कन पोसि,#कुलुसितोर 4:10; पिलेमोन 24; 1 पत्रु 5:13 ओडाते उदिसि, तना देसेम इतेके कुपरुस देसेमते#13:4-12 ओतोग़. 40ओसो पोलु बार, तना संगे दायलाह, सीलासिन आचतोग़. पया अंताकियातोर विस्वसिर “देवुळता देय्वा मियगा मनि” इनजोर, ओरिन देवुळता कयदे विळ्सिसीतोर, अस्के ओर इर्वुर पेसतोर. 41पया पोलु, सीलासिना संगे पूरा सुरिया पटटे, किलिकिया पटटे तिरियतोग़. बेद-बेद नाग़ अंदुर, अग्डोर विस्वसिरा मुडा विस्वसतुन मेग़्किह कीसोर अंदुर.

Currently Selected:

बळयिर 15: माडियाबाय्बल

Highlight

Copy