बळयिर 16

तिमोति वने पोलु, सीलास, वेरा तोळतोग़ आस्तोग़

1पया पोलु, (सीलास, गलाति पटटा) दिरबे ओसो लुस्त्रा,#14:6-7 इव सहर्कने अतोर.#16:1 इव सहर्कने पोलु, बार्नबसिना संगे मुने सेवा कीस मतोग़; 14:6-23 ऊळाट. लुस्त्रा सहरतगा तिमोति पेदिरतोग़ ओर्वोग़ विस्वसि मतोग़,#17:14-15; 18:5; 19:22; 20:4; रोम सहरतोर 16:21; 1 कुरिंततोर 4:17; 16:10; 2 कुरिंततोर 1:1,19; पिलिपितोर 1:1; 2:19; 1 तिसलुनितोर 1:1 ओना तपे युनानि जाततोग़ु, मति तलोग़ि यहुदि आंचाळ आंदु, अद विस्वस वने कींदु.#2 तिमोति 1:5 2लुस्त्रा, इकुनियुम, इव सहर्कनोर विस्वसिर, तिमोतिन पका बेसतोग़ इनजोर, कदर ईंदुर.#पिलिपितोर 2:22; 1 तिमोति 3:7 3पया पोलु बाताल कीतोग़ इतेके, तिमोतिन तना संगे सेवातुह्‌क ओयलाह विचर कीतोग़.#पिलिपितोर 2:22 मति तिमोतिना तपे यहुदि आयोग़ इनजोर, अग्डोर वेल्‍लाटोर यहुदिर पुन्ज मतोर. अदिह्‌क (तिमोतिन डायना रिवजकेवेक, ओना पोल्‍लोतुन यहुदिर केंजोर आयनुर इनजोर,) पोलु ओन ओस ओना डायना रिवज कीसीतोग़.

4अद्रमे पया पोलु, सीलास, तिमोति, वेर मुवुर अग्डाङ सहर्कनाङ विस्वसिरिन कलियसोर, येरुसलेमताङबळयिर ओसो विस्वसिराङ पेदल्क ईतव अडोन ओरिह्‌क ईसोर, अव अडोने ताकलाह वेहतोर.#16:4 बळयिर 15:23-29 वचनते ऊळाट. 5अदिह्‌क वेल्‍लाटोर विस्वसिरा विस्वस बेर्सिंदु. दिनम उय्तुर विस्वस कीसोर अंदुर, इद्रमलेह्‌का ओरा मुलु बेर्ससोर अता.

देवुळ तोहतना लेकातुन पोलु ऊळिह्‌तोग़

6पया वेर मुवुर सेवकिर, देवुळता पोल्‍लोतुन पोकुर कीयलाह, आसिया पटटे दायलाह ऊळतोर. मति देवुळता पवित्र जीवा ओरिन अगा दाया एवो. अदिह्‌क ओर अके अनवा, गलाति पटटा पुरुगिया एरियाते अतोर.#18:23; 1 कुरिंततोर 16:1; गलातितोर 1:2; 2 तिमोति 4:10; 1 पत्रु 1:1 7पया मूसिया एरियाते एव्सि, बितुन्या पटटे#1 पत्रु 1:1 दायलाह विचर कीतोर. मति येसुना जीवा ओरिन अगा दायलाह एवो. 8अदिह्‌क मूसिया एरियाताहि, सम्दुरकचुल मतद तरोवस सहरतगा#16:11; 20:5-6; 2 कुरिंततोर 2:12; 2 तिमोति 4:13 वातोर. 9ओर अगा मनदह्‌पा, पोलु नग़्का देवुळ तोहतना लेकातुन ऊळतोग़. अद लेकाते मकिदुनिया पटटोग़ ओर्वोग़ मन्कल ओन्क दिसतोग़.#9:10; 18:9-10 ओग़ मन्कल निचि, “इबर दडटेके वासि, मावा मकिदुनिया पटटोर मन्कलोरिन काग़्हा,” इनजोर अर्जि कीतोग़.#16:9 लेका ऊळनस्के, पोलु सम्दुरकचुल मतद तरोवस सहरतगा मतोग़. मकिदुनिया पटि सम्दुरता अबर दडटेके मता. 10कीतस्के, पोलु अद देवुळ तोहतद लेकातुनु, (सीलासिन, तिमोतिन ओसो नाक वने) वेहतोग़ (अगा नना लूकानन ओरा संगे मतन); वेहतस्के येसुना बेसता कबुरतुन पोकुर कीयलाहि, देवुळि माक मकिदुनिया पटटे लोहतलाह आता इनजोर, उंदिय विचर कीसि चट्पिट अगा दायलाह पेसतोम.

पिलिपितगा, लुदिया येसुन विस्वस कीस्ता

11पया तरोवस सहरतग्डाहि ओडा उदिसि, सीदा सुमात्राके इनदनद तोग़दगा अतोम. अग्डाह इमा दिया, मकिदुनिया पटटा नियापोलिस इनदनद सहरते एवतोम. 12पया अग्डाहि ताकसोर अन्जि, पिलिपि सहरते#20:6; पिलिपितोर 1:1; 1 तिसलुनितोर 2:2 एवतोम.#16:12 नियापोलिस सहरताहि पिलिपि सहर जोक-जोक आट कोस्क जेक मता. अदु मकिदुनिया पटटा#16:9-10; 18:5; 19:21-22,29; 20:1,3; रोम सहरतोर 15:26; 2 कुरिंततोर 8:1; पिलिपितोर 4:15 मुनेटा जिलाता सहर मता; अगा रोम सहरतोरेनाह्‌क गूळा#16:21 कीतद आंदु.#16:12 रोम सहर इतेके इतालिया पटटे अर्न्दु. इतालिया पटटगा मनवालोरिह्‌कु, बेद्रम रोमि मन्कना अदिकर मंदु, अद्रमे इद पिलिपि सहरतगा मतोर मन्कलोरिह्‌क वने, रोमि मन्कना अदिकर रोम सर्करतोर ईस मतोर. अद सहरतगा माट उचुक दियाङ मतोम.

13पया वारमता पोल्वादियाते,#13:14; 17:2; 18:4 सहरता अग़दा पलते, यहुदिरा देवुळतुन पार्तना कीयनद जागा बेगा मनदग़ा इनजोर, बेरेग़ दडिय अतोम.#16:13 पिलिपि सहरता लोप्पा, यहुदिरा पार्तनाता लोन इले. बारह्‌क इतेके उंदि पार्तनाता लोतगा कमसेकम दहा यहुदि कोय्तोर गावले. अगा अच्वुर इलेर, अदिह्‌क वेर सहरता पलते अतोर. अन्जि अद जागातुन दोर्किह कीसि, अगा जमा आस मतव आस्कना संगे, येसुसामिना पोल्‍लोतुन वेहतलाह आतोम. 14अस्के अगा उंद यहुदि आयवदु लुदिया पेदिरता आंचाळ मता. अद आसिया पटटा तुवातिरा इनदनद सहरता आंदु.#तोहचीतव पोल्‍लोङ 1:11; 2:18,24 पका दाराताङ, डुंगा पंडटा रंगलेह्‌काडाङ गेंदेना वीकुर कींदु. अदु यहुदिरा देवुळतुन मोळ्किंदु.#13:43; 18:7 पोलु वेहतनव पोल्‍लोन, अद बेस केंजसोर मता. अस्के ओग़ वेहतनव पोल्‍लोन विस्वस कीयनाह, देवुळि तान्क तेळियिह कीसीता.#लूकाल 24:45 15पया अद आंचाळि, ओसो ताना लोते मनवालोरु, येसुना पेदिरते एग़ मीतोर. एग़ मीतापया, अद माक इता, “नाक येसुना सेतेम विस्वसि आंचाळि इनजोर मीट इतेके, मीट सबेटोरिर नावा लोन वास मन्ह्‌टु,” इनजोर इता. माट केंजनाह्‌जोम अद पका गोंडगोंड आता, अस्के माट ताना लोन अतोम.

पोलुन, सीलासिन, जेलतगा वाटिह्‌तोर

16अद्रमे उंद दिया, माट पार्तना कीयनद जागातगा#16:13 अनजोर मतोम. अस्के उंद ओर्युल मनदनद पिला माक कलियता. तानु पोत ऊळनद देयम पोस मता, अदिह्‌क लोकुर तानगा पोत ऊळलाह वांदुर.#लैव्यव्यवस्था 19:31; 20:6,27; व्यवस्थाविवरण 18:11; 1 शमूएल 28:3; 2 राजा 21:6; 1 इतिहास 10:13; यशायाह 8:19 इद्रमि तानाङ माल्कालोर ताना मेटे, पका कोताङ कमय कींदुर.#16:19; 19:24-25 17अद पिला बेद्रम कींदु इतेके, “वेर सबेट्क बेरा देवुळताङ#मार्कल 5:7-8 सेवकिर आंदुर. देवुळ लोकुरिन बेद्रम पिसिह कीस्ता, अदिन मीक पोकुर कीस्तोर” इनजोर, केयसोर-केयसोर मावा पयाह पयाह वांदु. 18वेल्‍लाङे दियाङ अद अद्रमे कीसोर मता. पया उंद दिया पोलु पका नारज आतोग़. आसि पेग़्के मिळ्न्दिस तानगा मतद देयमतुन इतोग़, “येसु किर्स्तुना पेदिरते नीक उकुम ईय्ह्‌नन, इद पिलाताहि पेसिस अन!”#मार्कल 16:17 इनजोर, देयमतुन दगाङ ईतोग़. इताहे अद देयम पेसिस अता.

19अस्के अद पिलातुन तासिस मतोर माल्कालोर, इंजेके माक कमय कीयलाहि अग़ दोर्को इनजोर,#16:16; 19:25-27 बेद्रम कीतोर इतेके, पोलुन, सीलासिन पोसि, बजरतगा गुंजिस ओतोर.#8:3; 17:6; 21:30; याकुब 2:6 20पया ओरिन सहरता बेरोर तग्वाङ केवालोरगा ओसि, इद्रम वेहतोर, “वेर यहुदिर मावा सहरतगा पकाय गळ्बळ कीस्तोर. 21मावा रोमि मन्कलोरिह्‌क#16:12 पोलवव रीत-रिवज्किन काग़्हतलाह बोटटोर. वेर काग़्हतनव पोल्‍लोन माट नम पग़वल, माळ पग़वल!”#एस्तर 3:8 इतोर. 22इतस्के अगा जमा आस मतोर लोकुर वने ओरिह्‌क तोळ आसि, इर्वुर सेवकिरा विरुद आतोर. आतस्के तग्वाङ केवालोर पोलुनाङ, सीलासनाङ जगान एग़्हच, डुडिने नल्हतलाह#2 कुरिंततोर 11:25; 1 तिसलुनितोर 2:2 उकुम ईतोर. 23ईतस्के ओरिन पका नल्हतोर, नल्हचि जेलते वाटिसीतोर.#2 कुरिंततोर 11:23 पया वेरिन बेस दोहच राका कीमु इनजोर, जेलता दरोगान उकुम ईतोर.#2 कुरिंततोर 6:5 24उकुम ईतस्के ओग़ पोलुन, सीलासिन लोप्पाडा अरातगा ओसि, ओराङ काल्किन पूहतव बलाना संगे दोहतोर.#अय्यूब 13:27; 33:11; यिर्मयाह 20:2; 29:26

25पया नडुमनग़्का पोलु, सीलास, वेरु पार्तना कीसोर देवुळताङ पाटाङ ओसोर मतोर.#इपिसुसतोर 5:19; कुलुसितोर 3:16 अस्के अद जेलतगा दोहच मतोर मन्कलोर वने केंजसोर मतोर. 26अचोटेन उंदियदेबा बूम गल्जता,#4:31 गल्जतस्के जेलताङ पाय्वाङ पका जोरते मेलियताङ. अस्के चट्‌नेन जेलताङ तेल्पिनाङ तालह्‌क, तमतमाय कुय्ह वाताङ;#12:10 ओसो जेलते मतोर मन्कलोरिन दोहच मतव गोल्स्क, ओराङ कय्कनाहि पिह्‌ट अरताङ.#12:7 27अस्के दरोगाल तेदिस ऊळनेके, जेलताङ तेल्पिङ पिङम-पङम आस मताङ! (जेलतगा मतोर मन्कलोर विततोर, इंजेके नाक तग्वाङ केवालोर निटम हव्कनुर, इद्रम आलिह कीसि)#12:19 दरोगाल तन्के तल्वर कसेग़ते कोटलाह आस मतोग़. 28अस्केन पोलु जोरते केयिसि, “निमा अह केमा, साय्ब! माट सबेटोरोम इगान मह्‌नोम,” इतोग़. 29इतस्के दरोगाल चिमलिङ तता वेहचि, लोप्पा अतोग़. अन्जि पका रेयतुह्‌क साङसोरेन पोलुना, सीलासना मुनेह अर्सि, काल्क मोळ्कतोग़. 30पया ओरिन पलते तचि, “दादालोरिर! देवुळि नाक पिसिह कीयना इन्जि, नना बाताल कीकन?”#योहन 6:28; बळयिर 2:37 इनजोर ताल्ह्‌कतोग़. 31ताल्ह्‌कतस्के ओर वेहतोर “येसुसामिन विस्वस कीम, अस्के नीकु, नीवा लोतोरिह्‌क,#योहन 4:53; बळयिर 10:2; 11:14; 16:15; 18:8; 1 कुरिंततोर 1:16 अमेसाता पिसमुळ दोर्कग़ा,” इतोर.#मार्कल 16:16; योहन 6:29; रोम सहरतोर 10:9 32पया ओर ओन्क ओसो ओना लोतोर सबेटोरिह्‌क, देवुळता पोल्‍लोतुन वेहतोर.

33पया नग़्काडा नग़्कान दरोगाल ओरिन ओसि, ओराङ देबान नोग़तोर. नोग़तस्के ओग़ु ओसो ओना लोतोर सबेटोर, येसुना पेदिरते एग़ मीतोर. 34पया दरोगाल ओरिन तना लोन ओसि, ओरिह्‌क गाटो ईतोग़. ओग़ तना लोतोरा संगे, देवुळतुन विस्वस कीसि, पका गिर्दा आतोग़.

35पया इमा दिया तग्वाङ केवालोर “ओर इर्वुरिन विळ्सिस ईम्ह्‌ट” इनजोर, दरोगानगा तमा पोलिसिरा मेटे, कबुर लोहतोर. 36अस्के जेलता दरोगाल पोलुन वेहतोग़, “तग्वाङ केवालोर मीकु विळ्सिस ईयलाह कबुर लोहतोर, इंजेके गिर्दाते लोन अन्ह्‌टु,” इतोग़. 37मति पोलु पोलिसिरिन इतोग़, “माट रोमि मन्कलोरोम मन्ज तेला, मावा तपतुन तोहवालेवा, वेल्‍लाटोरा मुनेह नल्हता वेहचि, जेलते वाटटोर.#16:37 रोमि मन्कन कसुर तोहवालेवा नल्हतनद, रोम सर्करता काय्दाता अडम मता. पोलुह्‌क पुटटग्डासि रोमि मन्कना अदिकर रोम सर्करतोर ईस मतोर, अदिह्‌क पोलु इद्रम इतोग़. इद तग्वाङ केवालोर कीतद कबळ मुर्तिय ओप्पो!#22:25-29 इंजेक इसि कुस्क्नेन माक विळ्सिस ईस्तोरा? अद्रम आयो! ओर तमाय माक पेहता वायिर,” इतोग़. 38पया पोलिसिर अन्जि, पोलुना पोल्‍लोतुन तग्वाङ केवालोरिह्‌क वेहतोर. पोलु, सीलास, वेर रोमि मन्कलोर इनजोर पुतापया, तग्वाङ केवालोर पका रेयतोर.#22:29(बह इतेके रोमि मन्कलोरिन नल्हतना पोलो आंदु.) 39अदिह्‌क ओर तमाय वासि, “माक मापि कीम्ह्‌टु” इनजोर इतोर; पया पोलुन, सीलासिन जेलताहि पेहतोर. पेहचि, “मीट इंजेके इद सहरताहि पेसिस अन्ह्‌टु, माट मीवाङ काल्काय मोळ्किह्‌नोम,” इनजोर इंदुर.#मत्याल 8:34; मार्कल 5:17; लूकाल 8:37

40पया पोलु, सीलास लुदियाना लोन#6:14-15 अतोर. अन्जि अगा विस्वसिरिन कलियतोर. येसुसामिन विळ्सवालेवा विस्वस कीसोर मन्ह्‌टु इनजोर, ओरिह्‌क दीरा ईसि, पिलिपि सहरताहि पेसिस अतोर.

Currently Selected:

बळयिर 16: माडियाबाय्बल

Highlight

Copy