बळयिर 12

विस्वसिरा मुडुन पका तिपल कीस्तोर

1अद वेलाते येरुसलेमतगा बाताल आता इतेके, एरोद अग्रिपा राजाल#12:1 वेग़ एरोद अग्रिपाल इतेके, येसुसामि पुटटस्केडोग़ बेरोग़ एरोद राजानु, तादो इनवाल आंदोग़. बेरोग़ एरोद राजाना पोल्‍लो मत्याल अद्‍यय 2 अगा दोर्किह्‌ता.विस्वसिरा मुडग्डाहि, उय्तुरिन तिपल कीयलाहि, ओरिन पोयतलाह वेहतोग़. 2वेग़ राजाल येसुना बळयि योहनना दादाल याकुबिन,#मत्याल 4:21; लूकाल 5:10 तल्वर कसेग़ते हव्कनाह कीतोग़.

देवतुलि पत्रुन जेलतग्डाहि पेसिह कीस्ता

3इदिन ऊळिस, येसुन मोळ्कवोर यहुदिर पकाय गिर्दा आतोर. ओर गिर्दा आतदिन राजाल ऊळिसि,#24:27; 25:9 पत्रुन वने पोयतलाह वेहतोग़. (इद पोल्‍लो आवना पंडुमतस्केडा आंदु, तान ओय्‍पिह केवद पिंडटाङ आरिङ तिनदनद पंडुम#पेसमुळि 12:15; 23:15; बळयिर 20:6 वने इंदुर.)#12:3 इद पंडुमता लोप्पा पुनदलाहि, पुस्तकता आक्रिते पुनवव पोल्‍लोना अर्तमि, अगा ऊळाट. 4पत्रुन पोसि, आवना पंडुम#12:4 इद पंडुमता लोप्पा पुनदलाहि, पुस्तकता आक्रिते पुनवव पोल्‍लोना अर्तमि, अगा ऊळाट. मारतापया, वेल्‍लाटोर लोकुरा मुनेह नेयम कीयना विचरतेनाह्‌क, ओन जेल वाट वेहतोर. वेहचि, ओना पह्‌रातुह्‌क, नालुङ तुंगानोर सीपय्किन पह्‌रा तासतोर. उंद-उंद तुंगातगा नाल्वुर-नाल्वुर सीपय्क मतोर. 5इद्रमलेह्‌का पत्रुन उचुक दियाङ जेलते तासतोर, अस्के विस्वसिरा मुलु ओनेनाह्‌क, अमेसा रोमवालेवा, देवुळतुन पार्तना कीसोर मतोर.

6 (पया पंडुम मारिस इमा दिया,) एरोद राजाल पत्रुन जेलताहि पेसिह कीसि, लोकुरा मुनेह नेयम कीयना मता. अद नग़्का, पत्रुन नडुम कीसि, पत्रुनाङ कय्किन तमाङ कय्कना संगे इके-अके रेंड गोल्स्कने दोहचि, इर्वुर सीपय्क उंजिस मतोर. ओसो जेलता अग़दगा, उय्तुर सीपय्क वने ओना पह्‌रातुह्‌क मतोर. 7अस्के बाताल आता इतेके, दोम्ह्‌क्नेन देवुळता देवतुलि पत्रुन दोहच मतद अरातगा वासि निता. नितस्के अद अरातगा वेह्‌च आता. अस्के अद बाताल कीता इतेके, पत्रुना मेंदुदुन मेल्हचि, “अले पत्रु चट्पिट तेदा!” इनजोर इता. इतस्के पया, (सीपय्क तेदवाय,) पत्रुन दोहच मतव गोल्स्क ओनाङ कय्कनाहि तमतमाय कुसताङ.#16:26 8अस्के देवतुलि, “नळ्ह्‌कोटुह्‌क पटा दोहा, एल्पुस्क केग़्म” इता, इतस्के ओग़ अद्रमे कीतोग़. ओसो “पोग़ोटा जगा केग़्स, नावा पयाह पयाह वाय,” इता. 9इतस्के ओग़ ताना पयाह पयाह अनजोर, जेलताहि पेसतोग़. देवतुल कीयनद निटमे इनजोर, ओन्क मुर्तिय एर्का इले आसि. “देवुळता देवतुल बाताल कीयलाह आता, इद सबे निटम आयो मति, नना कला कळ्स्किह्‌नन बहे,” इंदोग़. 10ओर इर्वुर अह आस पेसिस अनेके, मुनेह उंद जागातगा पह्‌रातोर मतोर, ओरिन वीळतोर. ओसो इबर दुस्रा अग़दगा उच्वुर पह्‌रातोर मतोर, ओरिन वने वीळतोर. (मति पह्‌रातोरिह्‌क इतेक, ओर इर्वुर दिसोर.) अद्रमे जेलता कच-तेल्पता अग़दगा एवतोर, अद अग़ि सहरतेके पेसिंदु, अद वने तेल्पि ओरेनाह्‌क तनतनाय पङळ्क आता.#5:19; 16:26 पया ओर पेसिस उचुन अबर अनेके, देवतुलि पत्रुन विळ्सिस बेकेयो मायता. 11पया “हां इद सबे निटमे इन्जि, इंजेक कोन नना पुतन, देवुळि तना उंद देवतुलतुन लोहचि, एरोद अग्रिपाना कयदाहि नाक विळ्सिह कीता.#दानिय्येल 3:28; 6:22 (नाक राजाल हव्कलाह ऊळिस मतोग़,) अद्रमे यहुदिरा आसा वने मता. मति अद्रम आयवाह, देवुळ नाक पिसिह कीता,” इनजोर पत्रु इतोग़.

12इद्रम एर्का आतापया, पत्रु बाताल कीतोग़ इतेके, मार्कल इनवाल योहनना#12:25; 13:5,13; 15:37,39; कुलुसितोर 4:10; 2 तिमोति 4:11; पिलेमोन 24; 1 पत्रु 5:13 तलोग़ मरियाना लोन अतोग़.#12:12 मार्कना यहुदि पेदिर योहन मता. ओसो रोमि पेदिर मार्कल मता. ओग़े मार्कल रासतद बेसता कबुर इद पुस्तकतुन रासतोग़. अगा वेल्‍लाटोरे विस्वसिर जमा आसि, पत्रुनेनाह्‌क पार्तना कीसोर मतोर. 13पत्रु अगा अतोग़ अस्के, अग़ केहतद मता. अग़दगा निचि, (“बेह अतिर दादा?” इन्जि,) तेल्पतुन कोह्‌कतोग़. कोह्‌कतस्के रूदे पेदिरता उंद ओर्युल पिला वित वाता. 14अद पिला पत्रुना लेङतुन पुनदलाह पुता, मति अग़दुन तेग़यवाय, पका गिर्दाते लोप्पा वितता. वितिसि “अग़दगा पत्रु वास नितोग़,” इन्जि वेहता. 15मति ओर (ताना पोल्‍लोतुन विस्वस केवालेवा,) तान “निमा कोन पिसाङ आतिन रि?” इंदुर. मति अदु “आयो! पत्रुये आंदोग़” इनजोर इंदु. पया ओरु, “अह इतेके अद पत्रुन राका कीयनद देवतुल मनदग़ा,”#12:15 देवुळि तनाङ देवतुल्किन, वग़ोग़ मन्कना पेग़्के, उंदतुन राका कीयलाह तासिह्‌ता इन्जि, यहुदिरा विचर मता. मत्याल 18:10, इब्रितोर 1:14 ऊळाट. इनजोर इतोर. 16मति पत्रु इतेके अग़दगा निचि, तेल्पतुन कोह्‌कसोरेन मतोग़. अस्के ओर मन्कलोर वासि, अग़दुन तेग़यिस ऊळतोर अस्के, (अगा निटमे पत्रुय मतोग़). पया ओन ऊळिस वेर बामतोर. 17अस्के पत्रु, केमेन मन्ह्‌टु इनदलाह कय अहतोग़. अह कीसि, देवुळि नाक बह कीस जेलताहि पलत पेसिह कीता इनजोर, अव सबे पोल्‍लोन ओरिह्‌क वेहतोग़. वेहचि, “याकुबिह्‌क#मत्याल 13:55; मार्कल 6:3; बळयिर 15:13; 21:18; 1 कुरिंततोर 15:7; गलातितोर 1:19; 2:7,12; याकुब 1:1 ओसो दुस्रोर विस्वसिरिह्‌क इव पोल्‍लोन वेहचीम्ह्‌टु,”#12:17 वेग़ याकुब येसुना तमोग़ आंदोग़, येरुसलेमता विस्वसिरा मुक्याल मतोग़. इनजोर वेहचि, अग्डाहि दुस्रा नाटे अतोग़.

18पया सकर पंङवियतस्के, जेलतगा पत्रुह्‌क बाताल आता इनजोर, पह्‌रातोर पकाय एक्बेक आतोर. 19अस्के एरोद अग्रिपाल पत्रुन पर्ह्‌कलाह, सीपय्किन वेहतोग़. मति ओग़ दोर्कोग़. दोर्कवाह्‌कु, पह्‌रा कीसोर मतोर सीपय्किन राजाल ताल्ह्‌क वेहचि, (“पत्रुन वितलाह ईतिर अय,” इनजोर,) ओरिन हव्कलाह वेहतोग़.#मत्याल 28:14; बळयिर 16:27; 27:42 पया राजाल यहुदा एरियाताहि, केसरिया सहरते#8:40; 9:30; 10:1,24; 11:11; 18:22; 21:8,16; 23:33; 25:1,4,6,13 अन्जि मतोग़.

एरोद अग्रिपा राजाल डोलिह्‌तोग़

20ताना पया इद्रम आता इतेके, एरोद अग्रिपाल सोर-सिदोन सहर्कनोर#मत्याल 11:21-22; 15:21; मार्कल 3:8; 7:24,31; लूकाल 4:26; 6:17; 10:13-14; बळयिर 27:3-4 मन्कलोरा पोग़ोन, पका ओङ आस मतोग़. अदिनेनाह्‌कु ओर जमा आसि, राजान कलियलाहि केसरियाते अतोर. बाराह्‌क इतेके, ओरा एरियाता अनम राजाना देसेमताहि वांदु.#12:20 एरोद राजाल मावा एरियाता अनमतुन रोमिह कीयनोग़ इनजोर, सोर-सिदोन सहर्कनोर लोकुर, ओन गूनम कीयलाह, केसरियाते वातोर.#1 राजा 5:11; एज्रा 3:7; यहेजकेल 27:17 (ओग़ राजाल माक कलियलाह एवोग़ आयनोग़ इन्जि,) ओर बलास्तुस इनवाल राजाना लोतुन ऊळवाल ओर्वोग़ अदिकरतोनगा अतोर. माक राजाना संगे कलियलाह ओम इनजोर, ओग़ अदिकरतोन गूनम कीसि, (पया ओना संगे राजानगा अतोर). 21अस्के “पलाना दिया मीवा संगे कलियकन” इनजोर, एरोद राजाल वेहच मतोग़. पया अद दिया एरोद राजाल तना सोबाता राजमलयळि केग़्सि, नेयम कीयनद कुर्सतगा उदतोग़. उदिसि जमा आस मतोर लोकुरिन, पोल्‍लोङ वेहता बोटटोग़. 22अस्के ओग़ वेहतदिन केंजिसि मन्कलोर, “इद कोनि मन्कना आल्का आयो, मति उंद देवुळता आंदु,” इनजोर केयसोर मतोर. 23मति, राजाल (“आयो, नना मन्कनने,” इन्जि वेहोग़,) देवुळतुह्‌क मान एवोग़. एवाह्‌कु देवुळता देवतुल ओनगा पीळा लोहता.#2 शमूएल 24:16; 2 राजा 19:35 अदिनेनाह्‌क ओग़ बेमर आसि, पोटालोप्पा पुळ्क अर्सि डोलतोग़.

24इद्रम आनेके देवुळता पोल्‍लो आङसोर अता, वेल्‍लाटोर मन्कलोर येसुन विस्वस कीया बोटटोर.#6:7; 19:20

सोलु ओसो बार्नबस, वेरु येरुसलेमताहि मलयह्‌तोर

25पया बार्नबस, सोलु, वेरु (यहुदा पटटोर विस्वसिरिह्‌क दुकळतेनाह्‌क दान ईतव कोताङ तचीतद) तमा सेवा#11:28-30 मारिह कीतोर. कीसि योहन-मार्कन#12:12; कुलुसितोर 4:10; पिलेमोन 24; 1 पत्रु 5:13 पोसि, येरुसलेमताहि अंताकिया सहरते मलतोर.#गलातितोर 2:1

Currently Selected:

बळयिर 12: माडियाबाय्बल

Highlight

Copy