MATEO 3
3
1Koloneke viaco kueya Yoano Upapatisi, wa kundila vekalasoko lia Yudea, hati, 2Likekembeli akandu ene momo usoma wokilu u kasi ocipepi. 3Momo u, eye una wa tukuiwa luprofeto Isaya eci a popia hati, Ondaka yukuakuvilikiyila vekalasoko, yiti,
Peli onjila ya Ñala.
Suñamisi alila aye.
4Yoano wa wala uwalo wovonya ongamelo kuenda uvia wombandua vombunda yaye. Wa lia lia olohuma lowiki wombula. 5Oco va Yerusalãi, la va Yudea yosi, la vakuafeka yosi yo ko Yordão, vosi va tundila kokuaye. 6Kuenje, oku likekembela akandu avo, va papatisiwa laye volui Yordão.
7Eci a mola okuti va lua va Fariseo la va Sadukeo veyilila epapatiso liaye, oco wa popia lavo hati, Ambuto yolonyoha, helie wo lunguli oku tila onyeño yiya? 8Imi apako a sungulukila epongoloko liutima. 9Ko ka soki oku popia litima viene hoti, Tu kuete ale kukululu Avirahama, momo mopia lene siti, Suku o tẽla oku pindula ovawe a ha a lingi omãla va Avirahama. 10Momo cilo muẽle ondiaviti yi kasi ale kolombombo vioviti, kuenje uti wosi ka wimi apako awa u timbuiwa loku imbiwa vondalu.
11Ame ndu papatisili vovava, oku vu papatisila epongoloko liutima, puãi u o ñuai vonyima wa mbelapo. Sia sungulukilile oku ambata olohaku viaye. Eye u papatisili le Espiritu Sandu londalu. 12Ocipekulo caye ci li peka liaye. O yelisa ocimbandi caye. Unguila otiliku yaye vosila, puãi o yoka ovinene londalu ka yimiwa.
13Oco Yesu, oku tunda ko Galilea, weya ku Yoano ko Yordão ha papatisiwa laye. 14Puãi Yoano wa si oku u tutuiya hati, Ame, ame sesamela oku papatisiwa love, ove puãi wiya kokuange? 15Yesu wo kumbulula hati, Handi ci kale ndomo ci kasi, momo ca tu sesamela oku tẽlisa esunga liosi. Oco wo tava. 16Tuli Yesu a papatisiwa haico a tunda vovava kuenje ilu lio situlukila, yu wa mola Espiritu lia Suku li loka ndopomba kuenje lio vata. 17Kuenje ondaka ya tunda vilu, ya linga yiti, U, Eye Omõlange wa soliwa, ndo sanjukila.
Currently Selected:
MATEO 3: EMB63
Highlight
Share
Copy
Want to have your highlights saved across all your devices? Sign up or sign in
Umbundu Bible © United Bible Societies, 1963.
