EFETIKILO 16
16
1Sarai ukãi wa Avirama, ka citile laye; eye wa kala lufeko waye u Egito, onduko yaye Hagare. 2Sarai wa popia la Avirama, hati, Tala, Yehova ka nyihile uyali. Litokeka lufeko wange sanga muĩla omãla kokuaye. Avirama yu wa tava kondaka ya Sarai. 3Eci okuti Avirama o kasi ale vofeka ya Kanana ekui lianyamo, oco Sarai ukãi wa Avirama wa pañinya ufeko waye, Hagare, u Egito, yu wo weca ku Avirama veyaye, ha lingi ukãi waye. 4Yu wa litokeka la Hagare, kuenje we mina. Eci a limbuka okuti we mina, wa pembula ondona yaye. 5Sarai yu wa popia la Avirama hati, Ohali yange yi ku vete ove muẽle. Ufeko wange nda weca vonete yove, leci a limbuka okuti we mina wa membula. Yehova a tetulule pokati kange love. 6Avirama puãi wa popia la Sarai, hati, Ota, ufeko wove o kasi peka liove; linga ño laye eci ca ku sungulukila. Oco Sarai wo talisa ohali, kuenje ufeko wa tila.
7Omunga ya Yehova yo sanga kociva covava vekalasoko, kociva cokonjila yoko Siuri. 8Yu ya popia laye hati, A Hagare, ufeko wa Sarai, wa tunda pi? Wenda pi? Eye hati, Nda tila cime cange Sarai. 9Omunga ya Yehova ya popia laye yiti, Tiukila vali ku cime cove; ka litumbike peka liaye. 10Oco omunga ya Yehova yo sapuilavo yiti, Ame nduisa ca lua ombuto yove okuti okulua kuayo ka ku tendiwa. 11Kuenje omunga ya Yehova ya popia laye, yiti, Ota we mina; noke o cita omõla ulume, u luka Isameli ca lomboloka Suku a yeve, momo Yehova wa yeva ohali yove. 12Eye o tuwa ndocisema covusenge; o liyaka yaka lavakuavo vosi, lovo vosi va yaka yaka laye, o tunga pokati kavo vosi. 13Oco Hagare wa luka Suku u wa vangula laye, hati, Ove wu Suku o vanja vanja; momo wa lipula hati, Ocili hẽ okuti nda mõla Suku, kuenje haimo ñasilili lomuenyo? 14Oco ocisimo caco ca lukiwa, Cisimo cukuamuenyo o vanja vanja. Ci kasi pokati ka Kadesi la Berede.
15Hagare yu wa citila Avirama omõla ulume, kuenje Avirama wa luka omõlaye una Hagare a cita hati, Onduko yaye Isameli. 16Avirama wa kala lakui ecẽlãla kanyamo kanyamo epandu eci Hagare o citila omõla Isameli.
Currently Selected:
EFETIKILO 16: EMB63
Highlight
Share
Copy
Want to have your highlights saved across all your devices? Sign up or sign in
Umbundu Bible © United Bible Societies, 1963.
