Zekariya 9
9
Elumbwelu le Wedja wa lʼUtshimba
1Diui dia Latuyalaka diakayi
Lu dikambu dia kete ya Hadaraka,
Diayuyala ladiku dia Damaseke.#9:1 Is. 17:1-3; Jer. 49:23-27; Am. 1:3-5.
Esuinba wa Arama weko wa
Latuyalaka,
Uku wauhu tshe wa Isariyele;
2Ndu Hamata lukumi lu ulelu awo,
Tura la Sidona,#9:2 Is. 23:1-18; Ezek. 26:1—28:26; Joe. 3:4-8; Am. 1:9-10; Mat. 11:21-22; Luk. 10:13-14. kuyanga mbewo
akanga a yimba efula.
3Tura akayahikela usumba a wulu;
Wakamotsha fesa ului uku ditshu,
La paunyi yʼololo uku loteke la lu
esese
4Ulungi, Khumadiondjo ayokosola,
Ayutambia ukundji awo lu ashi a
wuki.
Ku Tura ayutshumbama lu dja.
5Ashikelona ayena dikambu diako,
ku vo wayuka woma;
Ndu Ngaza ntu, ayundama la sasi,
Ndu Ekerona, ne dia elungamelu
kawo kambufutana.
Khumʼekanga ayuvo uma la Ngaza;
Ashikelona huyala la antu ntu.
6Antu wutshikitanyi wauhu wayudjase
lu Ashidode
Ku dimi layulanya utaku wʼasi Filistiya.#9:6 Is. 14:29-31; Jer. 47:1-7; Ezek. 25:15-17; Joe. 3:4-8; Am. 1:6-8; Zef. 2:4-7.
7Dimi layunya dikila uma lʼunyo awo,
La akambu wa wononyi uma lʼatei a
wanyu awo;
Ndu vo wayuyala atshikadi ne dia
Unyashungu asu.
Vo wayuyala uku atshiha a wauhu lu
Juda,
La Ekerona wayuyala uku asi Jebuse.
8Dimi layuhanga lʼutshimba a luudu
lami,
Dia ndo lʼului wʼalimbi,
Ne dia kakiane dime lambena lʼashu
ami.
Khumʼekanga Kukuyala la Siona
9We ona umuntu a Siona,
ongenengene utamanya!
Ona umuntu a Jerusalema li, udi
tukuku tʼongenongeno!
Enda khumʼekanga kanyu ambuya
uya le nyu.
Ndi eko ololo ndu eko la panda.
Ndi eko la ndjakitshakitsha,
Ayahemi ladiku dia punda,
Ladiku diʼona osongo wa punda.#9:9 Mat. 21:5; Joa. 12:15.
10Dimi layulanya pusupusu ka ta kʼuma
lʼEfarayima
La falasa ka la kʼuma la Jerusalema.
Uta wa ta wayulanyema.
Khumʼekanga kaye ayuta akambu wa
ki le wudja.
Diulelu diandi diayuyala
Uma lʼashi a waki pulu lʼashi a waki
akina,
Uma lu Ndjali edja ndu la kuma ya
kete.#9:10 Esam. 72:8.
11Ndu we Siona, ne dia dikila
Dia sheki yami yakamadji la ye,
Dimi layutshungula antu aye weli lu
lukanu,
Uma lene ewo lu difuku diaha la ashi.
12Nyu asi lukani weli la elungamelu,
Nyukaluli utsha lʼusumba anyu a wulu.
Dimi lambunyutela elo nti:
Dimi layunyukaluya diango tena pendi
pendi.
13Ne dia dimi lakayalemela Juda uku
uta,
Lakete Efarayima uku pitu yawo,
Dimi layunyia anʼaye, we Siona,
Dia vu ndo lʼana wa Ngirika.
Dimi layukete uku yombo ya pami
ka wulu.
14Ku Latuyalaka ayenama ladiku
diawo;
Luhitu landi layutumba uku dingadimu.
Khumadiondjo Latuyalaka ayuda
dimama,
Ayutsho lu punganendji ka la diku dia
kushi.
15Latuyalaka Kanga lulimbilimbi
ayalama,
Ku vo wayudiaka ambuki wʼave,
wayahotshahotsha.
Vo wayono dikila diawo uku wanu,
Wayulula too uku alonga wʼafuku,
Wayoloyama uku atshuku wʼediakelu.
16Latuyalaka, Unyashungu awo,
ayashimbela lushi lako,
Ne dia vo weko limba la dungalunga
la wudja andi,
Ne dia vo wayoheta ngaingai lu kete
yandi,
Uku ave w ushinga a wulu wa lu
dembo dia kusu.
17Ndi wuki weli ololo andi li!
Ndi wuki weli dimena diandi li!
Weuhu wayudia elongo wʼapami,
La ashi wʼelua wayudia esekaseka
wʼamantu.
Currently Selected:
Zekariya 9: TLL
Highlight
Share
Copy
Want to have your highlights saved across all your devices? Sign up or sign in
La Bible en Otetela © Allianee Biblique de la Republique Democratique du Congo, 1991
