Zekariya 5
5
Buku Dia Wombo Diayafumbo
1Dimi lakedia ashu ntu, lakendi, menyi ku wombo wa mukanda one wayafumbo. 2Ndi akamumbula ati: Kakona kenaye? Ku dimi lakakaluya diui nti: Wombo wa mukanda mbenami wayafunibo: utali awo kubita akuma hendi; la wekeki awo, kubita dikumi. 3Ku ndi akamvutela ati: Uku eli mananu kambudiangana ladiku dia kete tshe, ne dia untu tshe latuvaka, ayutshanyema uku to; la one latutshibaka, ayutshanyema uku to. 4Latuyalaka Kanga lulimbilimbi kata ati: Dimi layutuma wombo ako. Ku vo wayoto lu luudu la kanga uvi, ndu lu luudu la one latutshi baka lukumbu lami utshibatshiba. Vo wayudjase lʼatei a luudu landi, wayulu-tshumba kame lʼetamba alo la ave alo.
Umuntu la Efa
5Ondjelo wa Unyashungu wakateketaka la mi akasukana, akamvutela ati: Edia ashu aye kakiane, endi dikambu diambutumba. 6Dimi lakawumbula nti: Na dikambu diku? Ku ndi akamvutela ati: Efa keku kayatumbi. Ndi akamvutela ntu ati: Uku eli kolo lu kete tshe. 7Menyi ku ufudi wa kapindji one wambunela, ku umuntu omotshi one udjashi lʼetei a efa. 8Ndi akati ati: Uku eli Kolo. Ndi akasukula umuntu ako lʼetei a efa, ku ndi akakaluya ukama wa kapindji lʼunyo ato la khudu. 9Ku dimi lakedia ashu, lakendi, menyi ku amantu ahendi ane wayatumbi uma loko; lopepe laki lu ahafu awo. Vo waki la ahafu uku wa yemema. Vo wakedia efa lʼasa ulungu la kete. 10Ku dimi lakambula ondjelo wakateketaka la mi nti: Utsha lendi atawembe! efa keku? 11Ndi aka-nkaluya diui ati: Dia ntukihikela uudu la kete ya Shinare. Ku lamʼayuluhikama, vo wayutukitsha efa lu ekitshelu kato leko.
Currently Selected:
Zekariya 5: TLL
Highlight
Share
Copy
Want to have your highlights saved across all your devices? Sign up or sign in
La Bible en Otetela © Allianee Biblique de la Republique Democratique du Congo, 1991
