Zekariya 13
13
1Lu lushi loso, ushima wayuyala hwe ne dia khumbu ka Davidi, ndu dia asi Jerusalema mbaedia uma lu kolo ndu uma lu mindu.
2Latuyalaka Kanga lulimbilimbi kata ati: Lushi lako, dimi layunya kumbu ya dikishi uma lu kete, diaha yo mbuhwama ntu. Dimi layunya ndu amvutshi la odienge uma lu kete. 3Naka untu omotshi ayumuta akambu wahatayi, ku shi la nyangu, wane wakawuti, wayuwutela vati: We huyala la lulumbi! ne dia ve mvutaka aui wa kashi lu lukumbu la Latuyalaka. Shi la nyangu, wane wakawuti, wayutundutunduya dihumo lamʼatandi akambu wahatayi. 4Lushi lako, lamʼayuta amvutshi akambu wahatayi, untu lʼuntu ayutshama sonyi diʼenelo kandi. Vo hawolota akoti wa diosa ntu dia nkesa antu. 5Keli untu lʼuntu ayuta ati: Dimi kema umvutshi, ukambi wʼekambo mbemi, ne dia dimi leli kangayo umaka nshi yami ya dikenda. 6Naka untu omotshi ayuwumbula ati: Na puta ku yeli lu anya aye? Ku ndi ayukaluya diui ati: Yo yeli puta yakamahumo lu luudu lʼengenyi ami.
Latuyalaka Ambokomola Ulami Andi wʼEkoko
7Yombo, emo dia ndo lʼulami ami
wʼekoko,
Dia ndo lʼuntu lemadi lasuki la mi!
Mbata Latuyalaka Kanga lulimbilimbi.
Udiaki ulami wʼekoko, dia ekoko
mpandjwama.#13:7 Mat. 26:31; Mak. 14:27.
Dimi layusimbula lunya lami,
Dia ndo la wane wuleki tshitshe.
8Latuyalaka kata ati: Lu kete tshe,
Tenyi pendi dia satu diayudiakema,
diayushila ushiki,
Keli etenyi otoi ka satu kayutshikala
la lumu.
9Dimi layudja etenyi otoi ka satu lu dja,
Layuwaedia uku atuwediaka fesa.
Dimi layahimba uku atuwuhimbaka
paunyi.
Vo wayetaka lukumbu lami, ku dimi
layuwaukelaka.
Dimi layutaka nti: Vo weko wudja ami!
Ku vo wayutaka vati: Latuyalaka keli
Unyashungu asu!
Currently Selected:
Zekariya 13: TLL
Highlight
Share
Copy
Want to have your highlights saved across all your devices? Sign up or sign in
La Bible en Otetela © Allianee Biblique de la Republique Democratique du Congo, 1991
