Etumbelu 13

Ambutela Isariyele dia Nkidia Ana wa Nundu

1Latuyalaka akatela Mose ati: 2Unkidiya ana tshe wa nundu, tata kundu lʼatei wa Isariyele, ndu wʼantu ndu wa nyama: wami mbewo.#13:2 Wal. 3:13; Luk. 2:23.

3Ku Mose akatela antu ati: Kanyuhoki lushi lone lakanyatumbi uma lu luudu la lohombo lu Edjibitu, ne dia Latuyalaka akanyutundja uma lu dihuli ne la lunya landi la wulu. Tanyolekaki ma dieli la edya etena kako. 4Lushi lone, lu ngondo ka Abiba, mbambunyutumba. 5Kanyulamaki otemwelo one lu ngondo kene ndu lamʼayunyukumia Latuyalaka lu kete yʼasi Kanana, yʼasi Hiti, yʼasi Amore, yʼasi Hiwi ndu yʼasi Jebuse, yakandalaki washenyu dia nyusha, kete yuludi too lʼawele la usanga wa ndjui. 6Kanyolekaki ma diaha la edya nshi esambeli. Ku lushi lʼesambeli, ayuyala lushi la wuki le Latuyalaka. 7Lʼatei a nshi esambeli yako, kanyolekaki ma diaha la edya tu. Ma dieli la edya tadienamaki lʼatei anyu, kuyanga edya tame lu kete yanyu yʼutundu. 8Kanyutelaki anʼanyu wʼapami lushi lako nyati: Euhwelu kʼakambu wakatutshela Latuyalaka lamʼakatatumbi uma lʼEdjibitu kene. 9Dikambu ne diayali djimbitelu ladiku diʼanya anyu, ndu uku euhwelu lʼasa ashu anyu, dia olembe wa Latuyalaka ndjala lu enyo anyu, ne dia Latuyalaka akanyutundja uma lʼEdjibitu la lunya la wulu. 10Diako mbayunyulamaka didjangu ne lu etena kakashikikema lu eleku lʼeleku.

11Lamʼayunyukumia Latuyalaka lu kete yʼasi Kanana, uku akandanyutshibela, ndu nyu ndu washenyu, dia nyushayo, 12kanyukitshiya Latuyalaka tata kundu tshe tʼantu ndu ta nyama, amʼakina.#13:12 Luk. 2:23. Tata kundu tshe ta dungalunga dianyu teli waumi, tayuyalaka ta Latuyalaka. 13Kanyushimbeli ona punda lʼenundu la ona okoko. Naka nyu hanyushimbela, kanyowokole kingu. Kanyushimbeli ana apami wa nundu tshe lʼatei anyu. 14Ku lamʼayunyumbula anʼanyu wʼapami lu nshi yayayi vati: Na dikambu ne? Kanyuwakaluyaki diui nyati: Latuyalaka akatutundja uma lʼEdjibitu, uma lu luudu la lohombo, la lunya landi la wulu. 15Ne dia lamʼakakikitsha Farayo utema diaha ntukimo, Latuyalaka akadiaki ana wa nundu tshe wa lu kete ya Edjibitu: wʼantu ndu wa nyama. Diako mbalambulasu Latuyalaka ana wa nyama wa nundu, keli shu nshimbelaka anʼasu wʼapami. 16Dikambu ne diayalaki uku djimbitelu ladiku diʼanya anyu, kana uku hyondo yʼeuhwelu lʼasa ashu anyu, ne dia Latuyalaka akatutundja uma lʼEdjibitu la lunya landi la wulu.

Ekoho ka Dingi la ka Lumbi la Dja

17Lamʼakakimo Farayo wudja dia vo ntsho, Unyashungu kumbalombola lu mbuka ka hyimbula kʼuma lu kete yʼasi Filistiya; ne dia Unyashungu akati ati: Antu watukukadimo lamʼayuwena ta, ku vo nkalula utsha lʼEdjibitu. 18Keli Unyashungu akatshimbia wudja lu mbuka ka lʼusui wa shenga, utsha lʼUduwa a Tilili. Asi Isariyele wakatumbi wukimedi dihumo dia ta uma lu kete ya Edjibitu. 19Mose akatshu la weka wa udu wa Josefu; ne dia Josefu akatatshibi etshibelu ka lukumu le asi Isariyele ati: Unyashungu ayunyokendela. Ku dieli la nyu, dia ntsho kame la weka ami uma lu dihuli ne.#13:19 Etat. 50:25; Jas. 24:32. 20Ku vo wakunela uma la Sukota, wakatuhanga la Etama, lʼumamu wʼusui wa shenga. 21Latuyalaka aketaka la ntundu kawo lu ekoho ka dingi la yanyi, dia mbalombola lu mbuka ndu lu ekoho ka dja, lʼutshu dia mbasha usasi, dia vo nteyaka nkendakenda la yanyi ndu lʼutshu. 22Ekoho ka dingi kumumoka uma la ntundu kawo la yanyi, kuyanga ekoho ka dja lʼutshu.

Currently Selected:

Etumbelu 13: TLL

Highlight

Copy