Etumbelu 11

Ambuwatela dia Nyoi ka Ana wa Nundu

1Latuyalaka akatela Mose ati: Sui otoi mbambutshikala dia dimi ntumela Farayo la asi Edjibitu. Lʼokongo diku, ndi ayunyukimo dia nyu ntsho. Lamʼayundunyukimo uma lindu, ndi ayunyutshanya nyu tshe. 2Kakiane, usawuli lʼasi Isariyele dia untu lʼuntu, pami kana umuntu, nomba usukanyi andi dengalenga dia fesa ndu dia paunyi. 3Latuyalaka akahumuya asi Isariyele lukulu lʼolo le asi Edjibitu. Dikambu dikina, pami kako Mose akalemiama lu kete ya Edjibitu, lu ashu wʼekambi wa Farayo, ndu wʼasi Edjibitu tshe.

4Mose akati ati: Latuyalaka kata ati: Dimi layeta lu kete ya Edjibitu lʼasa ndeki. 5Ku ana wa nundu tshe wa lu kete ya Edjibitu wayuvo, uma le ona lʼenundu la Farayo kudjashi lu kiti ka diulelu pulu ndu le ona enundu a ukambi andi a umuntu latudjaseka lʼokongo a luudu lʼetwelo ka diango, ndu ana wa nundu tshe wa dungalunga. 6Tukuku tʼalelu tayuyala lu kete tshe ya Edjibitu wuhu wahatayala ndu wahayalaki ntu. 7Keli lʼatei asi Isariyele tshe, uma le antu pulu ndu le nyama, dikambu so hadiuyala osoku, kuyanga fo hokendjakendja lulimi lato. Osoku mbayunyeya nyati: Latuyalaka ambutshikitanya Edjibitu la Isariyele. 8Ku ekambi aye ene tshe wayuya le mi, wayuyunkhusamela wata vati: Nyutumbi, we la wudja aye tshe watukuyelaka. Lʼokongo diku, layutumba uma lu kete yanyu. Ku ndi akatumbi la kele ka mamba uma laka Farayo.

9Ku Latuyalaka akatela Mose ati: Farayo hukukela. Uma lu dikambu diako mbayumufudia akambu ami wa mamba lu kete ya Edjibitu.

10Mose la Arona wakatshi akambu ane wa mamba tshe la ntundu ka Farayo. Ku Latuyalaka akakikitsha utema wa Farayo. Ndi kunkimo asi Isariyele dia vo ntumba uma lu kete yandi.

Currently Selected:

Etumbelu 11: TLL

Highlight

Copy