BaRoma 9
9
Ubusulumanie bwa Pauli pa busitalwitiko bwa Israeli
1Nikuyoba isya naloli mwa Kristi, ndikuyoba isya butungulu; inyibonelo syangu sikusisimikisya mwa Mbepo
2Mwikemo, ukuti ndi nubusulumanie fiyo, kangi nikitima ki
3kingi mundumbula yangu ikisitakuleka. Buno natigi njege ngunigwa uyu ali pabutali na Kristi, panongwa ya bamyitu na
4bankikolo kyangu ulwa mbili, bo ba banyʼIsraeli; aba bo benenabo ubwana, ubukulumba, ulwitikano, ukupegwa ulula-
5gilo, ububombeli bwa kumbombela Kyala, nifingo, bo bene nabo batata bala; kangi muli bababa mo afumilemo Kristi ulwa mbili. Kyala uyu ali pamwanya pali fyosa yo imikigwege bwila, Amen.
Ifingo sya Kyala sitikomoligwa
6Kukaya ko kuti ilisyu lya Kyala litoligwe, namanga bakaya
7bo banyʼIsraeli bosa aba bafumile mwa Israeli; kangi bosa bakaya bana ba Abrahamu aba bafumile nduyungu lwake, himma, loli umwene ikuti: Imbeyu yako yisakuyobeligwaga
8mwa Isaka. Ko kuti bakaya bo bana ba mbili aba bipelile bana ba Kyala; loli bo bana ba ndufingo aba bikuyobigwa
9ukuya ba nduyungu. Namanga ilisyu lya lufingo lyo ili likuti: Pakabalilo bo kakaka nisakwisaga kangi, po Sara
10isakuyaga numwana undumyana. Sikaya syo sisisi syene, loli yope na yu Rebeka, bo ambilile ikufuba kumundu yumoywene,
11yo yu Isaka tata gwitu, — namanga bo bakali nukupapigwa abanabo, bo bakali nukubomba nasimo inunu pamo imbibi,
12ukuti ulusalo ulu Kyala alinogonile ngani lwimege, lungayaga lwa mumbombo, loli luyege lwa ndubilikilo — abuligwe ukuti:
13Unkulumba isakumbombelaga unnandi. Bo lilyo lisimbigwe ili likuti: Yakobu nunganile, loli Esau numbengile.
Kyala akaya nsitabugolofu
14Kali po tutigi fiki lelo? Kali bulimo ubuniongafu mwa
15Kyala? Himma, bukayamo! Buno umwene ikumbula Mose ikuti: Nisakumpakisyaga yuyo linga nikumpakisya, kangi
16nisakundililaga ikisa yuyo linga nikundilila ikisa. Bunobuno lelo sitikukonga ubwigane bwa mundu pamo ukwiyula kwake,
17himma, loli sikukonga ndupakisyo lwa Kyala. Namanga kalata ikumbula Farao ikuti: Syo sisyo ngwimikile ugwe, ukuti mmyako mo nibonekesyege amaka gangu, ko kuti
18ingamu yangu yifumukege nkisu kyosa. Bunobuno lelo uyu linga Kyala iganile ukutupakisya, yo ikumpakisya, kangi uyu linga Kyala iganile ukumpa indumbula ingafu, yo ikumpa.
Kyala ikubombela ubwigane bwake
19Ugwe lelo kwisakuyobaga kumyangu kwisakutigi: Fiki lelo akali ikibuyoba ubusobi? Ywani uyu abagile ukulwa
20nubwigane bwake? Gwe mundu, gwe ani nanungwe gwe gwati gwamulanege na Kyala? Kali akandu akabumbigwa ko kayobege kumbumbi katigi: Fiki umbumbile bo bunobuno?
21Kali umbumbandeko akaya namaka ukubumba mumbuli#imbuli, bamo bikuti imbulumbwa. yimoyene ya mfu gwake, indeko yimo iya mbombo inyimi-
22kigwa, pamo indeko iyingi iya mbombo isitakubagila? Fiki lelo linga Kyala bo ikulonda ukunangisya ingalalisi syake, nukunangisya amaka gake, alisile fiyo ilyoyo kufibombelo ifi fyabagile ukwambilila ingalalisi, ifi fyatendekekesigwe ukubuka
23kulonangiko? Kangi fiki lelo linga mo ikuti afumukisyege ubwingi bwa bukulumba bwake, kufibombelo ifi fyabagile ukwambilila ulupakisyo, ifi afitendekisye ngani ukubuka kubu-
24kulumba? Yo uswe twe atubilikile, momma mu mbaYuda
25mwene, loli mope na mbapanja; bo lilyo ikuyobela mwa Hosea ikuti:
Nisakubayoba aba bakaya bandu bangu ukuya bandu bangu,
Kangi nisakunjoba uyu akaya nkundwe gwangu ukuya nkundwe gwangu.
26Kosa kuno babuligwe ukuti:
Mukaya bandu bangu,
Ko bisakuyobigwaga ukuya bana ba Kyala umumi.
27Umwene loli Yesaya ikukolela isya Israeli ikuti:
Napapo linga abanyʼIsraeli bikuya bo gu nsanga gwa kunyanja ubwingi,
Bene aba basyele bo bisakupokigwaga;
28Namanga uNtwa isakuyobaga ilisyu lya bumalikisyo,
Kangi ilya lutumulilo pakisu.
29Kangi bo apa Yesaya ayobile ngani ukuti:
Linga uNtwa gwa filundilo akatusyakisye uluyungu,
Po angali tuli bo yu Sodomu, angali tufwene itolo na yu Gomora.
Isi simpelile Israeli ukutoligwa
30Kali po tutigi fiki lelo? Tutigi, abapanja aba bakiyulaga ukubulonda ubugolofu babwagile ubugolofu. Ko kuti bo bu
31bugolofu ubu bufumile ndwitiko. Umwene loli Israeli, uyu iyulaga ukulukonga ululagilo lwa bugolofu, atoligwe ukufikapo
32palulagilo ulu. Papo fiki? Papo bakiyulaga ukulukonga munjila ya lwitiko, loli munjila ya mbombo; balinkwikinya
33pibwe lya kwikinyapo. Bo apa lisimbigwe ili likuti:
Keta nikubika mwa Sioni ilibwe lya kwikinyapo, ulwalabwe lwa kubagwisya;
Uyu linga ikumwitika yo atisakususigwamo.
Currently Selected:
BaRoma 9: NYY
Highlight
Share
Copy
Want to have your highlights saved across all your devices? Sign up or sign in
Nyakyusa Ngonde New Testament (Ulwitikano Ulupya) © United Bible Societies, 1966.
