Luka 5
5
Yesu ikubabilikila abafundigwa bake abatasi
(Mat. 4,18-22; Mar. 1,16-20)
1Lelo lumo bo ifilundilo fipapatene nagwe, fikulipilikisya ilisyu lya Kyala, umwene bo imile pambali panyanja ya
2Genesareti, popapo alinkugabona amaboti mabili gali palubafu panyanja; abene abalobi basokilemo, basukaga inyelo syabo.
3Popapo alinkwingila mwiboti limo ili lyali lya Simoni, alinkunsuma ukuti alitandamikepo panandi kukisu; alinkutugasya,
4alinkufimanyisya ifilundilo bo ali mwiboti. Lelo bo amalile ukuyoba, alinkumbula Simoni alinkuti: Endesyaga ubukege pakati panyanja, po mukasopege inyelo syinu mukalobege.
5Alinkwamula Simoni alinkuti: Malafyale, twiyulile ikilo kyosa tukakola nafimo, loli kwisyu lyako nikusopaga inyelo.
6Lelo bo babombile sisisi balinkubungania iswi inyingi fiyo,
7inyelo syabo silinkulonda nukulatuka. Popapo balinkubabilikila abinabo aba bali mwiboti ilingi, ukuti bise kukubatola; balinkwisa, balinkwisusya amaboti gosa go mabili, galinkupona
8nukwibila. Lelo bo Simoni Peteri asibwene sisisi, popapo alinkungwila Yesu mmalundi, alinkumbula alinkuti: Ulisokapo pamyangu gwe Malafyale, buno ne mundu ne ntulanongwa
9une. Namanga kyalimwagile ikiswigu, yuyo naba bali nagwe,
10panongwa ya bwingi bwa nswi isi bakolile; bunobuno bope ba-Yakobu na Yohani abanya Zebedai, aba bali banine ba Simoni lulinkubaga ikiswigu. Umwene Yesu alinkumbula Simoni alinkuti: Ungatetemaga; ukwanda lilino kuyaga ndobi
11gwa bandu. Lelo bo bagakwabile amaboti gabo pisilya, balinkulileka fyosa, balinkunkonga.
Ugwa mhungo ya bukoma ikubumbulusigwa
(Mat. 8,1-4; Mar. 1,40-45)
12Lumo lelo bo ali nkaya kamo, alinkwisa yumo ugwa bukoma umbili gosa; lelo bo ambwene Yesu, popapo alinkugundama pasi alinkumpyelesya alinkuti: Malafyale, linga gwiganile,
13ubagile ukunyelusya. Umwene alinkugolosya ikiboko kyake, alinkumpalamasya alinkuti: Niganile, elukaga. Nakalinga
14ubukoma bulinkundeka. Popapo alinkunkanisya ukuti angayakumbulaga nayumo umundu, alinkuti: Loli bukaga ukinangisye kumputi, kangi ukatwalege ifya kwiyelukisya bo mumo
15alagilile Mose; fyo fiyege fya kumanyilamo abene. Popapo inongwa syake silinkukindilila ukubalanila, ifilundilo fi fingi filinkubungana kukumpilikisya, nukubumbulusigwa indamwa
16syabo. Loli umwene alinkwikwabila ndukubo, alinkwiputa.
Ugwa mhungo ya bukokonyale ikubumbulusigwa
(Mat. 9,1-8; Mar. 2,1-12)
17Musi gumo lelo bo ikumanyisya, balipo abaFarisai nabamanyisyandagilo aba batugele papo, bo bafumile ntwaya twa mu-Galilai na mu-Yudai na mu-Yerusalemu; gope namaka
18ga Ntwa aga kubumbulukisya galinkuya nagwe. Popapo abandu bamo balinkuntwala pakitala yumo umundu ugwa bukokonyale, balondaga ukumwingisya nukumbika nkyeni
19mmyake. Lelo bo bagile bakapaga pabwingililo panongwa ya kilundilo, popapo balinkufyuka pamwanya panyumba, balinkusegulapo amapamba, balinkunsololosya nulutato lwake,
20balinkumbika pakati nkyeni mwa Yesu. Umwene bo alubwene ulwitiko lwabo, popapo alinkumbula alinkuti: Gwe
21mundu ugwe, uswegigwe inongwa syako. Popapo abamanyakalata nabaFarisai balinkwanda ukwilusania balinkuti: Ywani yuyuyu, uyu ikuyoba amahelu? Ywani uyu abagile ukuswa
22inongwa, nikuti mwene yu Kyala? Umwene Yesu bo akwagenie ukwilusania kwabo, popapo alinkubamula alinkubabula
23alinkuti: Mukwilusania fiki mundumbula syinu? Lyo ipepe liliku, ilya kuti: Uswegigwe inongwa syako, pamo ilya kuti:
24Sumukaga gwendege? Loli ukuti mumanyege ukuti, Nnyamundu ali namaka ukuswa inongwa nkisu — alinkumbula ugwa bukokonyale alinkuti: Nikukubula nikuti, sumuka,
25pimbaga ikitala kyako ubukege kukaya. Nakalinga alinkwima nkyeni mmyabo, alinkupimba kako alambalelepo, alinkubuka
26kukaya kake, alinkuntufya Kyala. Popapo ikiswigu kilinkubaga bosa, balinkuntufya Kyala; lulinkubaga ulutende ulukulumba balinkuti: Umusyugu tusibwene isya kiswigu.
Ukubilikiligwa kwa Levi
(Mat. 9,9-13; Mar. 2,13-17)
27Panyuma pali sisisi alinkusoka, alinkumbona unsongesyasongo uyu ali yo Levi ingamu, atugesye pabusongelo isongo,
28alinkumbula alinkuti: Ngongaga. Umwene alinkufileka
29fyosa, alinkusumuka, alinkunkonga. Popapo Levi alinkutendekesya ifindu fya palusekelo fi fingi nnyumba yake; kyalipo ikilundilo ikikulumba ikya basongesyasongo, nabangi
30aba batugesye pakulya nabo. Abene abaFarisai nabamanyakalata babo balinkwibunesya kubafundigwa bake balinkuti: Fiki mukulya nukunwa pamopene nabasongesyasongo naba-
31tulanongwa? Umwene Yesu alinkubamula, alinkubabula alinkuti: Bakaya bo bakafu aba bikundonda unganga, loli ba
32babine; ngisa kukubabilikila abagolofu une, loli abatulanongwa ukuti bapindukege.
Isya kufipika ifindu
(Mat. 9,14-17; Mar. 2,18-22)
33Abene balinkumbula balinkuti: Abafundigwa ba Yohani bikufipika ifindu kabili kabili, bikuti nukwiputa, mo bikubombela bope nabafundigwa ba baFarisai, loli abako bikulya
34nukunwa itolo. Popapo Yesu alinkubabula alinkuti: Ngimba mubagile ukubapelela aba pabwegano ukufipika ifindu bo
35umwegankikulu ali nabo? Loli gikwisaga amasiku, bo umwegankikulu asosigweko kumyabo, po bisakufipikaga ifindu
36mmasiku gago. Kangi alinkubabulila nkifwanikisyo alinkuti: Nayumo uyu ikunyafulako ikigamba kumwenda umpya, nukukikatikapo pamwenda unkulu; linga ikubomba bo bunobuno, po ikugunyafula umpya, kangi ikigamba ikifuma kumwenda
37umpya kitisakufwana nunkulu. Kangi nayumo atikukusyamo ubwalwa bwa mafilu ubuteta munyambi ingulu; buno linga umundu akusisyemo, po ubwalwa ubuteta bukupufula inyambi; bukwenda nukoneka, syope ninyambi sikonangika.
38Loli ubwalwa bwa mafilu ubuteta fikuti bubikigwege munya-
39mbi imbya. Akayapo nayumo uyu bo anwile ubwalwa bwa mafilu ubukulu, ikubulonda ubupya; namanga ikuti: Ubukulu bo bununu.
Currently Selected:
Luka 5: NYY
Highlight
Share
Copy
Want to have your highlights saved across all your devices? Sign up or sign in
Nyakyusa Ngonde New Testament (Ulwitikano Ulupya) © United Bible Societies, 1966.
