Luka 1
1
Amasyu ga bwandilo
1Bo papo ba bingi bagelile ukubatika mwa bakalata
2amasyu ga nongwa isi sibonike mmyitu muno, ukufwana na isi hatulekile aba bali baketi, kangi babombi ba isyu
3ukufuma pabwandilo, nanine nagile nimu, bo nsyanisye fiyo syosa ukufuma kubwandilo, ukukusimbila muno sikonganile,
4gwe mwimikigwa Teofili; ukuti ubumanye ubwanaloli bwa nongwa sila gwamanyisigwe.
Ukuyobela ngani isya kupapigwa Yohani Umosi
5Pakabalilo aka Herodi ali ntwa gwa kisu kya Yuda, aliko umputi yumo uyu ali yo Zakaria ingamu, ugwa nkiyabo kya Abia; unkasi gwake ali yo Elisabeti ingamu, ugwa nkikolo
6kya Aroni. Loli bosa bo babili bali bagolofu nkyeni mwa Kyala, balinkukonga mungomelesyo na mundagilo syosa isya
7Ntwa, abasitakuyobigwamo nalimo ilibibi. Loli bakali numwana, namanga Elisabeti ali ngumba; kangi bosa bo
8babili bafikilepo pabukangale. Lumo lelo bo ali pakubomba imbombo ya buputi, ndubatiko lwa kiyabo kyake nkyeni mwa
9Kyala, bo mumo lwayilile ulwiho lwa buputi, ubulagusi bulinkunkola ukwingila mwa Tempeli gwa Ntwa nkufukisya;
10ikilundilo kyosa kya bandu biputaga panja pakabalilo ka
11kufukisya. Popapo alinkunsetukila ugwandumi gwa Ntwa,
12uyu alyimile kukililo kya kigemo kya kufukisya. Umwene Zakaria bo ambwene alinkunyomoka, ulutende lulinkumwaga. 13Loli ugwandumi alinkumbula alinkuti: Ungatetemaga Zakaria, buno ukusuma kwako kupilikigwe, unkasigo Elisabeti isakukupapilaga umwana undumyana, yo gwisʼumpege ingamu 14ya Yohani; nanungwe kwisakuyaga nulusekelo nubwikyele, nabandu ba bingi bisakukusekelelaga ukupapigwa kwake.
15Namanga isakuyaga nkulumba nkyeni muNtwa, atisakunwaga ubwalwa bwa mafilu, nifingi fyosa ifi fikungasya umundu; umwene isakwisulaga Mbepo Mwikemo ukufuma mu munda
16munna. Ba bingi nabanya Israeli isakubagomolelega kuNtwa
17Kyala gwabo. Yo isakwendaga nkyeni mmyake, mumbepo na mmaka ga Elia; indumbula sya bisabo isakusisyutulilaga kubanabo, aba bikwila isakubasyutulilaga kumahala ga bugolofu, nukumbikila ngani uNtwa abandu aba batendekesigwe.
18Popapo Zakaria alinkundalusya ugwandumi alinkuti: Syo nikusimanyaga bulebule sisisi? Buno une ndi nkangale, yope
19unkasi gwangu afikilepo pabukangale. Umwene ugwandumi alinkumwamula alinkuti: Une ne Gabrieli ne nikwima nkyeni mwa Kyala, ndumigwe kukuyoba nanungwe, nukukutwalila
20inongwa inunu isi. Keta, kuyaga kinunu itolo kisitakuyoba, ukufika pisiku lilyo sisakubonekelaga sisisi, papo ukagitika
21amasyu gangu, aga gisakwisaga pakabalilo kake. Abene abandu bangulilaga Zakaria, balinkukuswiga ukukabila kwake
22mwa Tempeli. Umwene bo asokile, alinkutoligwa ukuyoba nabo, balinkusyagania ukuti akibwene ikisetuka mwa Tempeli;
23alinkubanangikisya ki kiboko, alinkuya kinunu itolo. Bo gamalike amasiku ga bubombeli bwake, popapo alinkubuka kumyake.
24Lelo bo pagonilepo, popapo Elisabeti unkasi alinkwinoga;
25popapo alinkwibilila imyesi mihano alinkuti: Buno syo isi ambombile uNtwa, mmasiku gala angetelengemo, apa akusosyaga ukobeligwa kwangu nkyeni mbandu.
Ukuyobela ngani isya kupapigwa Yesu
26Popapo lelo mmwesi gwa ntandatu, ugwandumi Gabrieli alinkutumigwa na Kyala ukubuka nkaya kamo aka mu-Galilai,
27aka batigi Nazareti ingamu, kundindwana uyu asingiligwe numundu yumo uyu ali yo Yosefu ingamu, uyu ali nnya Davidi pakikota; undindwana ingamu yake ali yo Maria.
28Umwene ugwandumi alinkwingila nnyumba, alinkuyoba alinkuti: Nikukuponia gwe upegigwe ilipyana, uNtwa ali
29nanungwe. Umwene tali alinkunyomoka fiyo kumasyu aga,
30alinkwilusania alinkuti: Lo luponio luki lululu? Umwene ugwandumi alinkumbula alinkuti: Ungatetemaga Maria,
31buno ulyagile ilipyana kwa Kyala. Keta, kwisakwinogaga umwana munda mmyako, kwisakumpapaga umwana undu-
32myana, yo gwisʼumpege ingamu ya Yesu. Yo isakuyaga nkulumba, kangi isakuyobigwaga ukuya yo Mwana gwa yu Nkinde, uNtwa Kyala isakumpaga ikikota kya butwa bwa
33gwise Davidi; yo isakuyaga ndagili panyumba ya Yakobu bwila bwila, bope nubutwa bwake butisakuyaga na pabuma-
34likilo napamo. Loli Maria alinkundalusya ugwandumi alinkuti: Syo sikuyaga bulebule sisisi, bo ngaya nunnyambala
35nayumo? Umwene ugwandumi alinkuti: Mbepo Mwikemo isakukwisilaga, namaka ga yu Nkinde gisakukukupikilaga; ko kuno uyu isakupapigwaga, isakuyobigwaga ukuya Mwikemo —
36Mwana gwa Kyala. Keta, yope nunkamugo Elisabeti inogile umwana undumyana mbukangale bwake, ugu go mwesi gwake
37gwa ntandatu uyu batigi ngumba. Namanga likayako nalimo
38ilisyu lya Kyala ilisitamaka. Popapo Maria alinkuyoba alinkuti: Keta une ndi ntumwa gwa Ntwa, asinyisilege bo sisyo usiyobile. Popapo ugwandumi alinkundeka, alinkubuka. Maria ikubuka kwa Elisabeti. Amasyu ga Lutufyo
39Popapo mmasiku gago Maria alinkusumuka, alinkubuka mbibimbibi nkisu kya mfyamba, alinkwakufika nkaya kamo
40aka mwa Yuda; alinkwakwingila nnyumba ya Zakaria, alinku-
41mponia Elisabeti. Lelo bo Elisabeti apilike uluponio lwa Maria, popapo akana kalinkukina munda mmyake; umwene
42Elisabeti alinkwisula Mbepo Mwikemo, alinkukolela ilisyu ilikulumba alinkuti: Uli nsayigwa ugwe mbakikulu bosa,
43sayigwa yope nimbeyu iyi yili munda mmyako. Syo sinyagile bulebule sisisi, ukuti unna gwa Ntwa gwangu anyisilege
44une? Keta, bo uluponio lwako lufikile mumbulukutu syangu,
45akana kalinkukina nulusekelo munda mmyangu. Nsangalufu uyu itike, namanga sikumwisilaga sisyo abuligwe nuNtwa.
46Popapo Maria alinkuyoba alinkuti:
Umoyo gwangu gukunjumbika uNtwa,
47Imbepo syangu sikwikyela kwa Kyala uMpoki gwangu,
48Papo abuketile ubupimba bwa ntumwa gwake;
Buno ukwanda lilino, ingulilo syosa sikunjobaga ubusangalufu;
49Papo ugwa maka ambombile ingulumba,
Yope ningamu yake nyikemo;
50Kyope nikisa kyake kikuyako kungulilo ningulilo,
Muli aba bikuntila.
51Abombile isya maka nikiboko kyake,
Abanyambenie aba matingo munyinogono sya mundumbula syabo;
52Aba maka abisisye pafikota fya butwa;
Abakwesisye ba bapimba,
53Aba njala abaswilile ifinunu,
Abakabi abakagile kisitakubapa nafimo.
54Antulile Israeli umbombi gwake,
Bo ikukikumbuka ikisa kyake;
55Bo lilyo ayobile kwa batata,
Kwa Abrahamu na kuluyungu lwake bwilabwila.
56Umwene Maria alinkutugala nagwe imyesi mitatu, popapo alinkugomoka ukubuka kumyake.
Ukupapigwa kwa Yohani Umosi. Amasyu ga Lusayo
57Popapo Elisabeti akabalilo kake ka kupapila kalinkwisa,
58alinkumpapa umwana undumyana. Abene abapalamani nabakamu bake balinkupilika ukuti uNtwa ambakisye ikisa, popapo
59balinkusekela nagwe. Lelo pisiku lya lwele, balinkwakumbutako umwanike; balinkuti tumpege ingamu iya gwise
60Zakaria. Umwene unna alinkwamula alinkuti: Himma, loli
61ayege yo Yohani. Abene balinkumbula balinkuti: Akayamo
62nayumo nkikolo kyako ugwa ngamu yiyiyi. Balinkundalukisya ugwise nkimanyilo, ukuti bamanye muno iganile ukumbi-
63likilila. Umwene alinkusuma aka kusimbilapo, alinkusimba alinkuti: Ingamu yake yo Yohani. Bosa balinkuswiganika.
64Nakalinga imilomo gyake gilinkwiguka, nululimi lwake
65lulinkwabuka, alinkuyoba alinkuntufya Kyala. Popapo ulutende lulinkubaga bosa abapalamani babo; inongwa isi silinkufumuka mosa nkisu kya mfyamba fya muYudai.
66Bosa aba basipilikaga sisisi, balinkusibika mundumbula syabo balinkuti: Umwanike uyu kali ikuyaga mfiki? Namanga ikiboko kya Ntwa kyali pamyake.
67Popapo Zakaria ugwise alinkwisula Mbepo Mwikemo, alinkukunguluka alinkuti:
68Atufigwege uNtwa, Kyala gwa Israeli;
Papo abaketile abandu bake, nukubapelela ububangi,
69Atwimikile ulupembe lwa bupoki nnyumba ya Davidi umbombi gwake;
70Bo mumo ayobelege nkanwa mbakunguluka bake abikemo aba mbukulu,
71Ukuti tupokigwege kubalugu bitu,
Na kukiboko kya bosa aba batubengile;
72Ukunangisya ikisa kwa batata,
Kangi ukukumbuka ulwitikano lwake ulwikemo;
73Uluyigo ulu alinjigile tata Abrahamu,
74Ukutupa uswe ukuti, bo tupokigwe kukiboko kya balugu,
Tumbombelege yuyo kisita lutende,
75Mbwikemo na mbugolofu nkyeni mmyake, mmasiku gitu gosa.
76Loli nanungwe gwe mwanike, kwisakuyobigwaga ukuya nkunguluka gwa yu Nkinde;
Namanga kwisakulongolaga nkyeni muNtwa gwako ukptendekesya injila syake;
77Ukubapelela ukubumanya ubupoki abandu bake,
Mbuswe bwa nongwa syabo;
78Panongwa ya kibabilisi kya ipyana lya Kyala gwitu,
Mo mumo undangalila gwa kumwanya gutwisile,
79Ukubamulika aba batugele mungisi na munsyungulu gwa bufwe,
Ukugalongosya amalundi gitu munjila iya lutengano.
80Umwene umwanike alinkukuta alinkukaka mumbepo, alinkuya mundukubo ukwisakufika pisiku ili inangisyaga kwa Israeli.
Currently Selected:
Luka 1: NYY
Highlight
Share
Copy
Want to have your highlights saved across all your devices? Sign up or sign in
Nyakyusa Ngonde New Testament (Ulwitikano Ulupya) © United Bible Societies, 1966.
