Yohani 8
8
1Umwene Yesu yo alinkubuka kukyamba kya misyunguti.
2Nulubunju fiyo alinkubuka kangi mwa Tempeli, popapo abandu bosa balinkwisa kumyake; umwene alinkwitugasya
3alinkubamanyisya. Popapo abamanyakalata nabaFarisai balinkuntwala unkikulu uyu balinkolile mbulogwe, balinkumbika
4pakati. Popapo balinkumbula balinkuti: Mmanyisi, unki-
5kulu uyu akoligwe pabulogwe. Ndulagilo mo atulagile Mose ukubatika namabwe aba bali bo bunobuno; ugwe lelo kuti
6fiki? Sisisi syo bayobaga isya kungela, ukuti mo basyagilege isya kumohela. Loli Yesu alinkwinama, alinkusimba nulobe
7lwake pasi. Abene bo bumilisye ukundalusya, popapo alinkwinuka alinkubabula alinkuti: Uyu akaya nubutulanongwa nabumo mmyinu, yo atalege ukuntika nibwe.
8-9Umwene alinkwinama kangi, alinkusimba pasi. Abene lelo bo basipilike sisisi, popapo balinkusoka panja yumo yumo, balinkutala abakulumba; alinkusyala Yesu mwene, nunkikulu
10uyu alyimile pakati. Umwene Yesu alinkwinuka, alinkundalusya alinkuti: Gwe nkikulu, bali kugu? Nayumo akakuto-
11besya? Umwene alinkwamula alinkuti: Nayumo Malafyale. Popapo Yesu alinkumbula alinkuti: Po nanine ndikukutobesyaga. Bukaga, loli ukwanda lilino ungatulaga inongwa kangi.]
Ulumuli lwa kisu
12Umwene Yesu alinkwandisya ukuyoba nabo alinkuti: Une ne lumuli lwa kisu; uyu linga ikungonga une, yo atisakwendaga mungisi, himma, isakuyaga nalo ulumuli lwa bumi.
13Popapo abaFarisai balinkumbula balinkuti: Ugwe kwisisimikisya gwimwene, ulusisimikisyo lwako lukaya lwa naloli.
14Umwene Yesu alinkubamula alinkuti: Pope napa linga nikwisisimikisya nimwene, ulusisimikisyo lwangu lwa naloli; buno menye kuno mfumile, nakuno nikubuka, loli umwe muka-
15manya kuno mfumile nakuno nikubuka. Umwe ukulonga
16mukulonga isya mbili, une ndikundonga nayumo. Loli une linga nikulonga, ubulongi bwangu bwa naloli; buno ngaya
17nimwene, loli ndi na yuyo alindumile. Kangi ndulagilo lwinu mo lisimbigwe ilya kuti: Ubuketi bwa bandu babili,
18bo bwa naloli. Une ne nikwisisimikisya nimwene, yope Tata
19uyu andumile ikusisimikisya une. Popapo balinkundalusya balinkuti: Ali ko kugu uGuso? Umwene Yesu alinkwamula alinkuti: Une mukamanya, yope na Tata mukammanya; linga mwalimenye une, po angali yope na Tata mummenye.
20Amasyu gagaga agayobile bo ikumanyisya mwa Tempeli, pabuyo bwa kusopela indalama. Nayumo alinkusita nukunkola, namanga kakali akabalilo kake.
Ukusokigwa palupyuto ulu bikwisaga
21Alinkwandisya kangi ukubabula alinkuti: Une nsumwike, umwe mwisakundondaga, loli mukufwilaga mumbibi syinu;
22kuno nikubuka mukabagila ukwisako. Popapo abaYuda balinkuti: Kali ikwigogaga mwene, apa ikuti, kuno nikubuka
23mukabagila ukwisako? Umwene alinkubamula alinkuti: Umwe muli ba pasi, une ndi gwa kumwanya; umwe muli ba
24nkisu iki, une ngaya gwa nkisu iki. Po apa mbabulile ukuti mukufwilaga mumbibi syinu; papo linga mutikwitika ukuti
25une yo yuyune, mwisakufwilaga mumbibi syinu. Abene balinkundalusya balinkuti: Gwani lelo? Umwene Yesu alinkubamula alinkuti: Sikaya syo isi ngali nikubabula
26nalilino? Ndi nasyo nyingi isya kubabula nukubalonga umwe; loli uyu andumile yo gwa naloli, na isi nsipilike
27kumyake syo nikukibula ikisu. Abene bakasyagenie ukuti
28ayobaga nabo isya Gwise. Popapo Yesu alinkuti: Linga mumwinwile Nnyamundu, po mwisakusyaganiaga ukuti une yo yuyune; kangi nimwene ndikubomba nafimo, loli mumo
29amanyikisye Tata, mo mumo nikuyobela. Umwene uyu andumile une, yo ali nanine; akandeka nimwene, papo
30nikubomba bwila sisyo sinkyelile. Lelo bo ikusiyoba sisisi, ba bingi balinkumwitika.
Yesu ikukanikana nabaYuda
31Popapo Yesu alinkubabula abaYuda aba balimwitike alinkuti: Linga mukuya mu mmasyu gangu, bo muli bafu-
32ndigwa bangu naloli; kangi mwisakubumanyaga ubwanaloli,
33ubwene ubwanaloli bo bwisakubapelaga babuke. Abene balinkumwamula balinkuti: Uswe tuli luyungu lwa Abrahamu, tukayamo siku batumwa ba yumo; lyo kuyoba bulebule
34ilyakuti: Mwisakuyaga babuke? Popapo Yesu alinkubamula alinkuti: Naloliloli nikubabula une nikuti: Gwesa uyu ikubomba isya butulanongwa, yo ntumwa gwa butulanongwa.
35Untumwa atikuyamo nnyumba bwila, loli umwana yo ikuyamo
36bwila. Apene lelo linga uMwana ikubabula, po mukuyaga
37babuke naloli. Mmenye ukuti umwe muli luyungu lwa Abrahamu, loli mukulonda ukungoga une, papo ilisyu lyangu
38likayamo mmyinu. Une nikuyoba isi nsiketile kwa Tata, nanumwe bububo mukubomba isi musipilike kugwisemwe.
39Abene balinkumwamula balinkuti: Uswe tata yo Abrahamu. Umwene Yesu alinkubabula alinkuti: Linga muli bana ba Abrahamu, po mubombege sisyo abombaga Abrahamu.
40Lilino loli umwe mukulonda ukungoga ne mundu ne mbabulile isya naloli, isi nasipilike kwa Kyala; isi sikaya syo isi
41Abrahamu abombile. Umwe mukubomba imbombo sya gwisemwe. Popapo abene balinkuti: Uswe tukaya sigwana;
42tuli nagwe Tata yumoywene, yu Kyala. Umwene Yesu alinkubabula alinkuti: Linga Kyala ali Gwisemwe, po angali munganile une, papo nisile ukufuma kwa Kyala. Namanga
43ngisa nimwene, loli yuyo yo alindumile une. Mutikuyagania fiki injobelo yangu? Papo mukamanya ukupilika ilisyu
44lyangu. Umwe ugwisemwe yo mohesi, kangi ipwiganile ukubomba ifinyonyo fya gwisemwe. Umwene ali ngogabandu ukufuma mu mbwandilo, atikwimamo mbwanaloli, namanga ubwanaloli bukayamo mmyake. Apa linga ikuyoba isya butungulu, po ikuyoba isyake mwene, papo umwene yo
45ntungulu, kangi yo gwise gwa butungulu. Une loli papo
46nguyoba isya naloli, mutikunyitika. Kali ywani mmyinu ugwa kunjoba ububibi? Linga nikuyoba isya naloli, po
47mutikunyitika fiki? Uyu linga afumile kwa Kyala, yo ikugapilika amasyu ga Kyala; fyobene mutikupilika, papo mukafuma kwa Kyala.
48Popapo abaYuda balinkumwamula balinkuti: Kali tuti-kutalusya apa tukuti uli nSamaria, napa tukuti uli nimbepo
49inyali? Umwene Yesu alinkubamula alinkuti: Une ngaya nayo imbepo inyali, une nikumwimika yu Tata, loli umwe
50mutikunyimika une. Une ndikwilondela ubukulumba nimwene, loli aliko uyu ikubulonda, kangi umwene yo yu ndongi.
51Naloliloli nikubabula une nikuti, uyu linga ikulibika ilisyu
52lyangu, yo atisakububonamo siku ubufwe. Popapo abaYuda balinkumbula balinkuti: Lilino po tumenye itolo ukuti uli nimbepo inyali. Abrahamu afwile, bope nabakunguluka bafwile, loli ugwe kuti: Uyu linga ikulibika ilisyu lyangu, yo
53atisakubunogelesyamo siku ubufwe. Kingamo uli nkulumbapo kwa tata Abrahamu uyu afwile? Bope nabakanguluka
54bafwile, gwe kwipela mfiki ugwe? Umwene Yesu alinkwamula alinkuti: Linga niyimikaga nimwene, po angali ubukulumba bwangu bwa itolo. Yo yu Tata uyu ikunyimika, uyu
55umwe mukuti yo Kyala gwitu; napa mukammanyamo, une loli nummenye. Linga natigi ngammanya, angali ndi ntungulu bo yuyumwe. Loli une nummenye, lyope nisyu lyake
56ndibikile. Umwene Abrahamu ugwisemwe alikyelile ukuli-
57bona ilisiku lyangu; bo alibwene, alinkusekela. Popapo abaYuda balinkumbula balinkuti: Gwe ukamala ifyinja
58amalongo mahano kuti numbwene Abrahamu? Umwene Yesu alinkubabula alinkuti: Naloliloli nikubabula une nikuti,
59bo akali nukupapigwa Abrahamu, une bo ndiko. Popapo balinkusala amabwe ukuti bantike; loli umwene Yesu alinkwibilila, alinkusokamo mwa Tempeli.
Currently Selected:
Yohani 8: NYY
Highlight
Share
Copy
Want to have your highlights saved across all your devices? Sign up or sign in
Nyakyusa Ngonde New Testament (Ulwitikano Ulupya) © United Bible Societies, 1966.
