Yohani 6

Ukuswiligwa kwa bandu baelifu bahano (5,000)

(Mat. 14,13-21; Mar. 6,30-44; Luk. 9,10-17)

1Panyuma pali sisisi, po Yesu alinkubuka kwisilya ilingi

2ilya nyanja ya Galilai, iyi bikuti yo Tiberia. Popapo ikilundilo ikikulumba kilinkunkonga, papo bafibwene ifika

3ifi apelile pababine. Umwene Yesu alinkufyuka pakyamba,

4po alinkwakwitugasya nabafundigwa bake. Loli ikyaka kya

5baYuda ikya Pasa kyasegelile. Umwene Yesu bo ikukibona ikilundilo ikikulumba kikwisa kumyake, popapo alinkundalusya Filipu alinkuti: Tukulaga kugu ifisyesye ukuti abandu

6bababa balyege? Loli syo ayobaga sya kungela itolo, na-

7manga umwene asimenye sisyo ayaga pakusibomba. Umwene Filipu alinkumwamula alinkuti: Ifisyesye fya pa badenari imia ibili (200) fikabagila ukubafwana, ukuti umundu gwesa

8ambililege finandi. Popapo yumo mbafundigwa bake, Andrea

9ugwamyabo gwa Simoni Peteri, alinkumbula alinkuti: Kalipo papapa akalumyana, aka kali nifisyesye fihano ifya malesi nutuswi tubili; fyo fibombe fiki kubandu abingi bababa?

10Umwene Yesu alinkuyoba alinkuti: Amubatugasye abandu pasi; lyalipo ilisu ilingi papo; popapo balinkutugasya pasi,

11abanyambala baliti bali pa baelifu bahano (5,000). Popapo Yesu alinkwega ifisyesye, alinkugwa ulupi, alinkubapa aba batugesye; tope nutuswi bububo, bo mumo balondelaga.

12Lelo bo bikwite, alinkubabula abafundigwa bake alinkuti: Amubunganiege utumenya utu tusyele, ukuti nakamo kangata-

13gigwaga. Popapo balinkubungania utumenya twa fisyesye fya malesi fila, utu basyesye aba balyaga, balinkwisusya ifibo

14kalongo na fibili. Lelo bo abandu bakibwene ikika iki apelile, balinkuti: Uyu yo nkunguluka naloli yuyo ikwisaga nkisu.

Yesu ikwikwaba nkwakiviyekela; ikwenda pamwanya pamisi

(Mat. 14,22-27; Mar. 6,45-52)

15Umwene Yesu bo asyagenie ukuti bikulonda ukwisa kukunkola, ukuti bamwimike ukuya ntwa, popapo alinkwikwaba, alinkwakwiyekela kukyamba.

16Lelo bo bwilile namayolo, abafundigwa bake balinkusuluka

17ukubuka kunyanja. Balinkwipaka mwiboti, balinkwambuka ukubuka mu-Kapernaumu. Lelo ingisi yagwile, umwene

18Yesu akali ukufika apa balipo. Popapo inyanja yilinkusa-

19mbuka, papo umbelo unkulumba gwakulaga. Bo bafigile pantambo gwa pamaili itatu pamo ina, balinkumbona Yesu ikwenda pamwanya panyanja, ikusegelela kwiboti; abene

20balinkutetema. Umwene alinkubabula alinkuti: Yo une,

21mungatetemaga. Abene balondaga ukumwegela mwiboti, loli nakalinga itolo iliboti lilinkufika kwisilya kuno balabilaga.

Abandu bikukilonda ikika. Ikisyesye kya bumi

22Nulubunju ikilundilo iki kyalyimile isilya lila ilya nyanja, kilinkwaga ukuti likalipo iliboti ilingi papo, loli lyene lila lila; nukuti Yesu akalipakile mwiboti pamopene nabafundigwa bake, loli abafundigwa bake babukile bene itolo.

23Loli galisile amaboti aga gafumile mu-Tiberia, pabupipi

24napa balilaga ifisyesye, bo uNtwa agwile ulupi. Lelo bo ikilundilo kyagile ukuti Yesu akayapo papo, bope nabafundigwa bake bakayapo, popapo abene balinkwipaka mma-

25boti, balinkubuka mu-Kapernaumu kukundonda Yesu. Lelo bo bayilekumwaga isilya lila lya nyanja, popapo balinkunda-

26lusya balinkuti: Rabi,#Rabi, ko kuti Mmanyisi. gwisile ndili kuno? Umwene Yesu alinkubamula alinkuti: Naloliloli nikubabula une nikuti, umwe mutikundonda papo mwafibwene ifika, loli papo mwa-

27lile ifisyesye, mwalikwite. Mungiyulaga kufindu ifi fikuyonga, loli mwiyulege kufindu ifi fikuyako bwila, ifi fikupa ubumi bwa bwila, ifi Nnyamundu ikubapaga; namanga yo uyu

28Kyala uGwise ansisimikisye. Abene balinkundalusya balinkuti: Tutubulege lelo ukusibomba imbombo sya Kyala?

29Umwene Yesu alinkubabula alinkuti: Iyi yo mbombo ya

30Kyala, ukuti mumwitikege yuyo alintumile. Popapo balinkundalusya balinkuti: Kubombaga kika kiliku lelo ukuti

31tukibone tukwitikege? Kubomba fiki? Batata balyaga mana ndungalangala, bo lilyo lisimbigwe ili likuti: Abapele ikisyesye

32ikifuma kumwanya, ukuti balyege. Popapo Yesu alinkubabula alinkuti: Naloliloli nikubabula une nikuti: Akaya yo Mose uyu abapele ikisyesye ikifuma kumwanya, loli Tata yo

33ikubapa ikisyesye ikya naloli ikifuma kumwanya. Namanga ikisyesye kya Kyala, kyo iki kikusuluka ukufuma kumwanya,

34nukukipa ikisu ubumi. Abene balinkumbula balinkuti: Gwe

35Malafyale, utupege bwila ikisyesye kikiki. Popapo Yesu alinkubabula alinkuti: Yo une ne kisyesye ikipelabumi; uyu linga ikwisa kumyangu, yo yitisakundumaga injala; kangi uyu

36ikunyitika une, yo atisakumilwamo siku. Loli nababulile umwe ukuti, ukumbona ko mumbwene, loli mutikunyitika.

37Kosa aka Tata ikumbaga, kisakwisaga kumyangu; kangi gwesa uyu linga ikwisa kumyangu, yo ndisakunkagilaga siku

38panja. Buno ngasuluka ukufuma kumwanya nkubomba ubwigane bwangu, loli nkubomba ubwigane bwa yuyo alindu-

39mile. Ubu bo bwigane bwa uyu alindumile une, ukuti nangakatagaga nakamo muli utu ambele, loli ukuti nisenka-

40syusyesge pisiku lya kusulo. Namanga ubu bo bwigane bwa Tata, ukuti gwesa uyu ikunketa uMwana nukumwitika, ayege nubumi bwa bwila; nanine nisakunsyusyaga pisiku lya kusulo.

41Popapo abaYuda balinkwibunesya kumyake, papo atile:

42Une ne kisyesye iki kisulwike ukufuma kumwanya; balinkuti: Akaya yo Yesu unnya Yosefu yuyuyu? Uyu ugwise nunna tubamenye? Po ikuyoba bulebule ukuti nsulwike ukufuma

43kumwanya? Umwene Yesu alinkubamula alinkuti: Mungi-

44bunesyaga mwibene. Nayumo akabagila ukwisa kumyangu, loli pene apa linga Tata, uyu alindumile une ikunkwaba; kangi

45nanine nisakunsyusyaga pisiku lya kusulo. Lisimbigwe mbakunguluka ukuti: Bosa bisakumanyisigwaga na Kyala. Gwesa uyu linga apilike kangi amanyile kwa Kyala, yo ikwisa ku-

46myangu. Mungatigi yumo ambwenemo Tata, loli mwene uyu

47afumile kwa Kyala, yo ambwenemo Tata. Naloliloli nikubabula une nikuti, uyu linga ikwitika, yo ali nubumi bwa bwila.

48-49Yo une ne kisyesye ikipelabumi. Abisemwe balinkulya

50mana ndungalangala, loli balinkufwa. Iki kyo kisyesye iki kisulwike ukufuma kumwanya, ukuti umundu bo alile, anga-

51fwaga. Yo une ne kisyesye ikyumi, iki kisulwike ukufuma kumwanya; gwesa uyu linga ikulya ikisyesye kikiki, yo ikuyaga mumi bwila itolo. Kangi ikisyesye iki nikubapaga ukuya bumi bwa kisu, go gu mbili gwangu.

52Popapo abaYuda balinkukanikana fiyo babo batupu balinkuti: Kali umundu uyu ikutupaga bulebule umbili gwake

53ukuti tulyege? Umwene Yesu alinkubabula alinkuti: Naloliloli nikubabula une nikuti, linga mutikulya umbili gwa Nnyamundu, mutikunwa nilopa lyake, po mukaya nubumi

54munda mmyinu. Uyu linga ikulya umbili gwangu, ikunwa nilopa lyangu, yo ali nabo ubumi bwa bwila; yo nanine nisa-

55kunsyusyaga pisiku lya kusulo. Namanga umbili gwangu fyo fyakulya fya naloli, lyope nilopa lyangu fyo fyakunwa fya

56naloli. Uyu linga ikulya umbili gwangu, ikunwa nilopa

57lyangu, yo ikuyaga mmyangu, nanine mmyake. Bo apa Tata umumi andumile une, nanine ndi mumi mwa Tata, po apa

58uyu ikundya une, yope ikuyaga mumi mu mmyangu. Iki kyo kisyesye iki kisulwike ukufuma kumwanya, kikaya bo iki balyaga abisemwe kangi balinkufwa; uyu linga ikulya ikisyesye

59iki, yo ikuyaga mumi bwila bwila. Sisisi syo isi asiyobile mu-Sinagogi, bo ikumanyisya mu-Kapernaumu.

Abafundigwa bikwilamwa

60Popapo bingi mbafundigwa bake, bo bapilike sisisi, bali-

61nkuti: Ilisyu ili ipalapala, ywani abagile ukulipilika? Umwene Yesu bo asyagenie munda mmyake, ukuti abafundigwa bake bikwibunesya pisyu lilili, popapo alinkubabula alinkuti: Kali

62ilisyu ili likubapelela ukwikinya? Po sisakuyaga bulebule bo

63Nnyamundu ikufyuka ukubuka kuko aliko iyolo? Yo yu Mbepo uyu ikupa ubumi, umbili go gukaya nimbombo nayimo; amasyu aga mbabulile, yo yu mbepo, bo bu bumi.

64Loli balimo bamo mmyinu aba batikwitika; namanga Yesu amenye ukufuma kubwandilo ukuti bo bani aba batikwitika,

65nukuti ywani uyu isakumbikaga mmaboko ga balugu. Kangi alinkuti: Syo sisyo mbabulile ukuti, nayumo akabagila ukwisa kumyangu, pene papo linga apegigwe na Tata.

Peteri ikunjoba Yesu ukuya yo Kristi

(Mat. 16,13-20; Mar. 8,27-30; Luk. 9,18-21)

66Ukufuma papo, bingi mbafundigwa bake balinkugomokela

67kunyuma, balinkusita nukwenda nagwe. Popapo Yesu alinkubabula kalongo na babili bala alinkuti: Nanumwe mukulonda

68ukuyonga? Alinkwamula Simoni Peteri alinkuti: Malafyale, tuyongelege kwani? Ugwe uli nago amasyu ga bumi bwa

69bwila bwila; uswe situkolile, kangi tumenye ukuti gwe

70Mwikemo gwa Kyala yuyugwe. Popapo Yesu alinkubamula alinkuti: Bule ngabasalile umwe kalongo na babili? Loli

71yumo mmyinu yo mohesi. Ambalaga yu Yuda unnya Simoni gwa mu-Karioti; namanga ayaga pakumbika mmaboko ga balugu, ali yo yumo muli bala kalongo na babili.

Currently Selected:

Yohani 6: NYY

Highlight

Copy