Imbombo sya batumigwa 28
28
Pauli mu-Malta
1Lelo bo tuponile, tulinkulumanya ulusungo lululu,
2ukuti lo ulu bikuti Malta ingamu. Popapo abenekisu ba mumo, balinkutwambilila nubololo ubu umundu atikubwagamo bwila; balinkutukokesya umoto, nukulwambilila twesa panongwa ya fula iyi yatimile, na panongwa ya mbepo.
3Lelo bo Pauli abungenie akakose ka tubabu abikile mmoto, popapo injoka yilinkusoka panongwa ya moto, yilinkuniemba
4nkiboko kyake. Loli abenekisu bo bakabwene akandu aka ukusyuta pakiboko kyake, balinkubulana balinkuti: Kisita kwilamwa umundu uyu ngogi; napapo aponile kunyanja,
5loli ugwa lubukisyo atikundeka ukuti ayege mumi. Loli umwene alinkukasanyandila akandu kala mmoto, silinkusita
6nukumwaga nasimo imbibi. Abene loli balinkusubila ukuti ikwisulaga, pamo ikugwaga nukufwa nakalinga. Lelo bo bagulile akabalilo akatali, bagile sitikumbonekela nasimo imbalapala, popapo balinkugalabuka itolo, balinkuti yo kyala.
7Lelo pabupipi nubuyo bula, fyalipo ifisu fya nkulumba gwa lusungo lula, uyu ingamu yake ali yo Publio; yo alinkutwa-
8mbilila nukutuswila bununu amasiku matatu. Umwene ugwise gwa Publio alambalele, akamandanigwe nisekema nulwa kumwanya.#ulwa kumwanya: bamo bikuti ulwa mukati. Popapo Pauli alinkwingila muno ali, alinkwiputa nukumbikapo amaboko; popapo alinkumbumbu-
9lusya. Lelo bo sibonike sisisi, popapo bosa abangi aba palusungo papo balinkwisa bope, balinkubumbulusigwa.
10Popapo balinkutwimika ulwimiko lu lwingi fiyo; bo tukusumuka, po balinkutupakilila ifi twalyagilwe.
Pauli ikwendelela ukubuka ku-Roma
11Bo gikindile imyesi mitatu, tulinkwipaka mungalaba ya mwʼAliksandria, iyi yagonaga palusungo mmapepo; yali
12nikifwani kya bipasya.#bipasya: bamo bikuti ba mbasa. Tulinkwakufika mu-Sirakusi, mo
13tulinkulinda amasiku matatu. Ukufuma mumo tulinkusyungutila tulinkwakufika mu-Regio; lelo bo fikindile ilisiku limo, umbelo gwa kwitongo gulinkwanda ukukula. Popapo
14pisiku lya bubili tulinkwakufika mu-Putioli. Mo lulinkubaga abamyitu, abene balinkututengulila ukuti tugonepo nabo amasiku mahano na mabili; popapo tulinkwakufika mu-Roma.
15Abene abamyitu aba mumo bo bapilike, balinkwisa kukutwambilila pa Apiforo na pa Triotaberini. Umwene Pauli bo ababwene, alinkugwa ulupi kwa Kyala, alinkwenda nukwikasya
16itolo. Lelo bo mfikile mu-Roma, popapo Pauli alinkwitikisigwa ukuya mwene itolo pamopene nunsikali gwa kundindilila.
Pauli ikuyoba nabaYuda mu-Roma
17Lelo bo gakindile amasiku matatu, alinkubabilikila abakulumba mbaYuda; abene bo babungene, alinkubabula alinkuti: Mwe bamyitu, napapo une ngabombamo nasimo isya kubaliga aba kikolo kyitu, pamo inyiho sya batata, mbinyigwe ukufuma
18mu-Yerusalemu, mbikigwe mmaboko ga baRoma. Abene bo bayenesisye inongwa yangu, balondaga ukunyabula, namanga
19bakayagilemo nayimo inongwa mmyangu iya kungogela. Lelo bo abaYuda bikukana, silinkumbelela ukuti nginde kwa Kaisari; napapo ngaya nasyo nasimo isya kukilonga ikikolo
20kyangu. Syo isi mbabilikilile nukuti njobe nanumwe; namanga panongwa ya lusubilo lwa Israeli, po apa mfwele
21minyololo ugu. Loli abene balinkumbula balinkuti: Tukambililamo kalata ugwa nongwa syako ukufuma mu-Yudai; kangi akisamo nayumo mbamyitu ugwa kutubula, pamo ugwa
22kukuyoba ububibi. Loli tukulonda ukupilika kumyako isi kwinogona ugwe; namanga isya kapanga kakaka syo tumenye ukuti mosamosa itolo bikulwa nako.
23Lelo bo bitikene ilisiku lya kwaganila nagwe, popapo ba bingi itolo balinkubuka kuno agonaga; bo alinkubalingania nukubasisimikisya isya butwa bwa Kyala, ukufuma nulubunju ukwakufika namayolo, alinkubatobesya isya Yesu, ukufuma
24ndulagilo lwa Mose na mbakunguluka. Bamo silinkubakola
25isi ayobaga, loli abangi balinkusita nukwitika. Abene bo bagile batikupilikisania babo batupu, balinkubalanila bo Pauli ayobile ilisyu limolyene ilya kuti: Atalwisye Mbepo Mwikemo, apa ayobile nabisemwe mwa Yesaya unkunguluka apa atigi:
26Bukaga kubandu bababa ukababulege ukatigi:
Ukupilika ko mukupilikaga, loli mutikusyaganiaga;
Ukuketa ko mukuketaga, loli mutikusibonaga;
27Buno indumbula sya bandu aba sipelile sito,
Imbulukutu syabo sili namapuli ukupilika,
Kangi amaso gabo gasisilile;
Ukuti bangaketaga namaso,
Bangapilikaga nimbulukutu,
Bangasyaganiaga nindumbula, bangapindukaga,
Ko kuti nisembabumbulusye.
28Syo musimanyege lelo ukuti, ubupoki bwa Kyala ubu,
29butumigwe kubapanja, abene bo bisakupilikaga. [Lelo bo ayobile lilili, popapo abaYuda balinkubuka, balinkukanikana fiyo babo batupu.]
IlIbangeli likulumbililigwa nubwabuke mu-Roma
30Umwene alinkugona ifyinja fibili nnyumba yake, iyi abombelaga indalama, alinkubalumbilila bosa aba bisaga
31kumyake. Alinkufumusya ubutwa bwa Kyala, nukumanyisya inongwa sya Ntwa Yesu Kristi pabwelu itolo kisita kupingigwa.
Currently Selected:
Imbombo sya batumigwa 28: NYY
Highlight
Share
Copy
Want to have your highlights saved across all your devices? Sign up or sign in
Nyakyusa Ngonde New Testament (Ulwitikano Ulupya) © United Bible Societies, 1966.
