Imbombo sya batumigwa 27

Injila ya Pauli ukubuka ku-Roma; mu-Kreti

1Lelo bo situmuligwe ukuti uswe tukwipakaga mungalaba ukubuka mwʼItali, popapo Pauli nabapinyigwa abangi balinkubikigwa mmaboko ga sarjenti yumo ugwa

2kilundilo kya Augusti, uyu ali yo Yuliasi ingamu. Bo twipakile mungalaba ya mwʼAdramiti, iyi yayaga pakwenda ntwaya twa mumbali mwʼAsia, tulinkubuka; twali na Aristarki

3ugwa Makedonia uyu afumile mu-Tesalonike. Ulwa kilabo tulinkufika mu-Sidoni; umwene Yuliasi alinkuya nikisa kwa Pauli, alinkumwitikisya ukubuka kubamanyani bake, ukuti

4banketege kanunu. Tulinkusumuka ukufuma mumo, ndinkwenda ndubafu ndusungo lwa Saiprasi, lo lulinkutusiga

5umbelo, namanga umbelo gwatupingaga. Lelo, bo tutumusenie inyanja ya kulubafu lwa Kilikia na Pamfilia, popapo

6tulinkufika mu-Mira nkisu kya mu-Likia, mo sarjenti alinkuyaga ingalaba ya mu-Aliksandria iyi yabukaga mwʼItali, popapo

7alinkutupakila mumo. Popapo ndinkwenda mbolambola amasiku ga mingi, tulinkufika mu-Knido nubupalapala; lelo papo umbelo gwatupingaga, popapo tulinkwendela kulusungo lwa Kreti, lo lulinkutusiga umbelo, tulinkwenda pabupipi na

8Salmone. Tulinkulukinda nubutolwe fiyo, tulinkwakufika pabuyo bumo apa bikuti po paMikunda Iminunu, pabupipi nakaya ka Lasea.

Ku-Malta, umbelo nukonangika kwa ngalaba

9Lelo papo akabalilo akatali kakindile, kangi papo injila yali mbalapala itolo, namanga akabalilo ka kufipika ifindu

10kakindile, popapo Pauli alinkubasoka alinkuti: Bagwitu, njibwene injila iyi ukuti yisakuya nulonangiko nukuyonga ku kwingi, ndikubala fyene fi fitwalo ningalaba, himma, loli bope

11na bu bumi bwitu. Umwene loli sarjenti alinkwitika isya mwendesyangalaba nisya mwenenayo, ukukinda isi ayobaga

12Pauli. Lelo papo balyagile kukabagila ukugonamo munkunda gula nkabalilo ka mapepo, bingi balinkutumula ukuti basokengemo, ko kuti linga sikwitika, bakafikege mu-Feniki unkunda gwa mu-Kreti, ugu gukuketa kwitongo-kubwabuyongelo na kululu-kubwabuyongelo, ukuti mo bakayege mumo nkabalilo

13ka mapepo. Lelo bo gwinwike umbelo gwa kwitongo gukukula mbolambola, balinkwinogona ukuti basyagile isi balondaga; popapo balinkufyusya inyangula, balinkukonga mu-

14mbali mu-Kreti pabupipi itolo nikisu. Lelo bo pakakindapo fiyo, popapo gulinkukula umbelo gwa kafulafumbi ukufuma

15kwisilya, ugu bikuti yo Yurakilo ingamu; iyene ingalaba yilinkunyakigwa itolo, yilinkutoligwa ukulwa numbelo, popapo

16tulinkuyilekesya ukuti yegigwege itolo. Bo tukukinda mbimbimbibi nkasungo aka bikuti yo Kauda ingamu, aka katusigaga umbelo, tulinkukafyusya akaboti nubutolwe ubukulumba

17fiyo. Lelo bo bakafyusisye, balinkubomba isya kuyitula, balinkuyipinya ingwamba; kangi papo batitaga ukuti bisakwikolaga munsanga ugu bikuti yo Sirti ingamu, balinkusulusya umwenda gwa pandongoti, popapo balinkwegigwa itolo.

18Lelo bo twagile tukukubilwa fiyo nukusambuka kwa nyanja,

19ulwa kitabo balinkwanda ukufisopa ifitwalo mmisi; pisiku lya butatu, balinkutaga ifibombelo fya mungalaba munyanja

20namaboko gabo. Lelo bo twagile ilisuba nindondwa fitikuboneka kumasiku mingi, nukusambuka kwa nyanja ku kwingi itolo kutumilisye, popapo ulusubilo losa ulwa kuti tukuponaga lulinkwenda nukuyonga.

21Lelo bo bagonile amasiku mingi kisitakula ifindu, popapo Pauli alinkwima pakati pamyabo, alinkubabula alinkuti: Mwe bagwitu, linga mwalimbilike apa natigi tungasokangamo mu-Kreti, po angali tuponile kulonangiko lululu nukuyonga

22kukuku. Nalilino nikubakasya ukuti musangalukege, buno nayumo mmyinu uyu ubumi bwake bwisakuyongaga, loli yene

23yi ngalaba. Namanga ikilo kikiki ugwandumi gwa Kyala uyu ndi mundu gwake, kangi uyu nikumbombela, alyimile pabu-

24pipi nanine, yo alinkumbula alinkuti: Ungatetemaga gwe Pauli, buno fikuti ukimege nkyeni mwa Kaisari, keta Kyala

25akupele bosa aba kwenda nabo. Po apa nikuti amusangalukege bagwitu, buno nikunsubila Kyala ukuti sisakuyaga bo

26mumo ambulile. Loli tukwikolaga palusungo lumo.

27Lelo pakilo ikya kalongo na buna, bo tukwelela itolo munyanja ya Adria, pakilo pakati ababombi ba mungalaba

28balinkwinogona ukuti ikisu kimo kili pabupipi. Popapo balinkupima ubusolofu bwa misi, balinkwaga buli pamikwamba amalongo mabili (20); bo bendilepo panandi, balinkupima kangi, balinkwaga buli pamikwamba kalongo na mihano

29(15). Bo nikupasya ukuti pamo twisakwikinya muno silimo inyalabwe, popapo balinkusopa inyangula ina kumbingo;

30balinkwiputa ukuti bukyege. Lelo bo ababombi ba mungalaba bikulonda ukuyonga nukuyileka ingalaba, bo balisulwisye iliboti munyanja, bikufwana bikulonda ukusopa inyangula

31kukipulo, popapo Pauli alinkumbula sarjenti nabasikali alinkuti: Linga abandu bababa batikuya mungalaba, muka-

32bagila ukupona. Popapo abasikali balinkubuta imbote sya iboti, balinkulileka ukuti liyongelege mmisi.

33Bo bukuya pakukya, popapo Pauli alinkubatengulila bosa ukuti balyege ifindu, alinkuti: Lilino mulindile amasiku kalongo na mana bo mukugulila, muli ninjala, mukalyamo

34nafimo. Po apa lelo nikubasuma ukuti amulyege ifindu, namanga po mwisakuponaga; buno nayumo nkati mmyinu

35uyu ulunywili lwa kuntu gwake lwisakuyongaga. Lelo bo ayobile sisisi, alinkwega ikisyesye, alinkugwa ulupi kwa Kyala

36nkyeni muli bosa, alinkumenyania, alinkwanda ukulya. Po-

37papo bosa balinkwikasya, balinkulya ifindu bope. Lelo twesa muno twayilile mungalaba, twali twe bandu bamia babili na malongo mahano na mabili, na ntandatu (276).

38Lelo bo bikwite ifindu, popapo balinkuyipepula ingalaba, balinkutaga ingano munyanja.

39Lelo bo bukile, balinkusita nukulumanya ikisu; loli balinkugwaga unkunda ugu gwali nubutengamu, ugu binogonaga

40ukuyitwalapo ingalaba linga sitikaga. Popapo balinkusosyako inyangula, balinkusileka munyanja, bo kuno bikwabula ingoye isi bapinyile ingafi sya kupingila; lelo bo bafyusisye umwenda gwa kukipulo nukugulabisya kumhelo, popapo

41balinkuyilabisya kubutengamu. Abene balinkwaga bafikile pabuyo ubu bwatundumele munyanja, popapo ingalaba yilinkwikinya papo, yilinkwikola kukipulo, yilinkusita nukusukanika; loli kumbingo yilinkwanda ukupanguka panongwa ya

42maka ga mayiga. Abene abasikali balinkwitikana ukubagoga

43abapinyigwa, ukuti nayumo angogelaga nukuyonga. Loli umwene sarjenti bo ikulonda ukumpoka Pauli, alinkubakanisya isi balitikene, alinkubalagila aba bamenye ukogela, ukuti

44batalege ukwitaga mmisi nukubuka pisilya; abangi aba basyele, alinkuti bikufikilaga pisilya, bamo pamatapwa, abangi ntundu utungi twa mungalaba. Bunobuno bosa itolo balinkuponela pisilya.

Currently Selected:

Imbombo sya batumigwa 27: NYY

Highlight

Copy