Imbombo sya batumigwa 24

Ubulongi bwa Pauli nkyeni mundindililakisu Feliki

1Lelo bo gakindile amasiku mahano, popapo umputi unkulumba Anania alinkubuka nabakulu bamo, pamopene nunjobanongwa yumo uyu ali yo Tertuli ingamu; bo balinkumpangila undindililakisu isi bandongaga Pauli.

2Umwene bo abilikiligwe, popapo Tertuli alinkwanda ukohela alinkuti: Bo mumo tukulwagila ulutengano ulwingi mmyako, gwe mwimikigwa Feliki, kangi bo mumo mmahala gako

3ukyandwile ikikolo iki, munjila syosa na mosamosa, popapo

4lelo tukusyambilila nukugwa ulupi fiyo. Loli kisita kukukabisya, nikupyelesya ukuti nkisa kyako utupilikisyege bo

5tukusinyaka itolo inongwa sisisi. Namanga tumwagile umundu yuyuyu ukuti ipelile mhungo ya kilalilali itolo, ikupalisya akapasyu mbaYuda nkisu kyosa; yo ntu gwa

6kapanga ka baNazareti. Kangi agelaga nukunnyasya Tempeli; popapo tulinkunkola. [Twalondaga ukundonga ukukongana

7nululagilo lwitu, loli Lisia unkulumba gwa basikali alinkwisa

8nukunsosyamo mmaboko gitu kumaka, alinkubalagila aba nongwa yake ukuti bisege kumyako.] Nanungwe lelo linga kumwania yuyo, po ubagile ukusyaga syosa sisyo twando-

9ngaga. Bope nabaYuda balinkongana nagwe pakumohela, ukuti naloli bo sili.

10Popapo undindililakisu alinkunsosola Pauli nikiboko ukuti ayobege; umwene alinkwamula alinkuti: Papo mmenye ukuti uli ndongi gwa kikolo kikiki ifyinja fi fingi, popapo nanine isi

11ndi nasyo nikwinokesya nulusekelo. Nanungwe linga utile naniege, kwisakwaga ukuti gakakindapo amasiku kalongo na mabili, ukufuma apa mfyukege mu-Yerusalemu nkwiputa.

12Kangi bakanyagamo mwa Tempeli bo nikukanikana nagwe yumo, kope nukupalisya akapasyu nkilundilo ngapalisyamo,

13nalinga muye mo mu-Sinagogi pamo nkaya; syope nisi

14bikunyohela papapa, bakabagila ikusisisimikisya. Loli syo mbagile ukwitika kumyako, isya kuti ngubombela mwa Kyala gwa batata munjila iyi bikuti ko kapanga itolo, une nkusitka

15isi sisimbigwe ndulagilo na nabakunguluka. Ndi nulusubilo mwa Kyala, bo lulo bope bikulwitka, ulwa kuti kwisakuyako

16ukusyuka kwa bagolofu nabaniongafu. Po apa nanine nikwiyula ukuti inyibonelo syangu singayaga nibabye nalimo nkyeni

17mwa Kyala, na nkyeni mbandu utubalilo tosa. Bo Akindilepo ifyinja fi fingi, nalisile nukubatwalila aba kikolo kyangu ifyabu-

18susilwa nifyakwikemekesya; po apa balinkunyaga mwa Tempeli bo niyelwisye kisita kilundilo, kangi kisita njwego.

19Loli balipo bamo abaYuda aba mwʼAsia aba balinyagile, bo aba babagile ukuyapo papapa nkyeni mmyako, nukundonga

20simo isi linga bali nasyo kumyangu. Nalinga bo bababa, balibuyobaga ububibi ubu babwagile mmyangu bo nimile

21nkyeni ndukomano; pamo lyene li lisyu lila ndatege bo nimile ndukomano ili natigi: Umusyugu ngulongigwa nkyeni mmyinu panongwa ya kusyuka abafwe.

Feliki ikuyimika inongwa

22Umwene Feliki bo asimenye bununu inongwa sya njila yiyiyi, popapo alinkubimka tasi alinkuti: Linga asulwikeko Lisia, unkulumba gwa baskali, po nisakutumulaga inongwa

23yinu. Popapo alinkundagila sarjenti ukuti andindililege, nukuti anhobolege, nukuti bangankanisyaga nayumo ummanyani ukumbombela.

24Lelo bo gakindilepo amasku manandi, popapo alinkwisa Feliki nunkasi gwake Drusila, uyu ali njuda, alinkutuma indumi iya kumbilikila Pauli, alinkumpilikisya bo ikuyoba

25isya lwitiko lwa mwa Kristi Yesu. Lelo bo ikusiyoba isya bugolofu, nisya kwifimbilisya, nisya kulongigwa uku kukwisaga, popapo Feliki alinkutetema, alinkwamula alinkuti: Lilino bukaga tasi, nikukubilikilaga kangi bo nkagile akabalilo

26akanunu; kulubafu lumo asubilaga ukuti pamo Pauli ikunhombaga indalama. Po apa ambilikilaga kabili kabili ukwangala

27nagwe. Lelo bo Akindilepo ifyinja fibili, popapo Poriki Festi alinkupyanilapo pa Feliki. Umwene Feliki bo ikuti mbasekesye abaYuda, popapo alinkundeka Pauli munnyololo.

Currently Selected:

Imbombo sya batumigwa 24: NYY

Highlight

Copy