Imbombo sya batumigwa 21

Ukufuma mu-Mileti ukufika ku-Tiri

1Lelo bo twitatwile kumyabo, popapo tulinkwipaka mungalaba, tulinkugoloka itolo ukubuka mu-Ko; ulwa kilabo tulinkufika mu-Rodo, ukufuma mumo tulinkwakufika

2mu-Patara. Mo tulinkuyaga ingalaba iyi yabukaga mu-

3Fenike; tulinkwipaka tulinkubuka. Lelo bo lubonike ulusungo lwa Saiprasi, popapo tulinkululekela kukimama, tulinkubuka mu-Siria, tulinkufika mu-Tiri; namanga mo ingalaba

4yasulusyaga ifitwalo. Lelo bo tubakindile abafundigwa tubagile, tulinkugonamo mumo amasiku mahano na mabili; abene balinkumbulila Pauli mwa Mbepo ukuti angafyukaga

5ukubuka mu-Yerusalemu. Lelo bo gamalike amasiku gitu, popapo tulinkusumuka, tulinkubuka; abene bosa pamopene nabakasi babo nabanabo, balinkutusindikila ukusoka nkaya, popapo tulinkufugama pasi pambali panyanja tulinkwiputa.

6Popapo tulinkulagana nabo, uswe tulinkwipaka mungalaba, abene balinkugomoka ukubuka kumyabo.

Ku-Kaisaria

7Bo tumalile injila yitu ukufuma mu-Tiri, tulinkwakufika mu-Ptolomai; tulinkubaponia abamyitu, tulinkugona nabo

8ilisiku limo. Ulwa kilabo tulinkusumuka, tulinkwakufika mu-Kaisaria, tulinkwakwingila nnyumba ya Filipu undumbilili gwa Ibangeli, uyu ali yo yumo muli bala bahano na babili;

9popapo tulinkugona mmyake. Yo ali nabana abalindwana

10bana abasitakwegigwa, aba bakungulukaga. Lelo bo tugonilepo amasiku gamo papo, popapo alinkusuluka unkunguluka

11yumo ukufuma mu-Yudai, uyu ali yo Agabu ingamu. Bo isile apa twalipo, popapo alinkwega umpango gwa Pauli, alinkwipinya amalundi gake namaboko alinkuti: Bo ikuya bunobuno Mbepo Mwikemo ikuti: Umwenempango gugugu bo bisakumpinyaga bunobuno abaYuda ba mu-Yerusalemu,

12nukumbika mmaboko ga bapanja. Lelo bo tupilike sisisi, uswe nabandu ba mumo tulinkumpyelesya ukuti angafyukaga

13ukubuka mu-Yerusalemu. Umwene Pauli alinkwamula alinkuti: Mukubomba sya fiki apa mukulila nukungonyola indumbula yangu? Mungatigi niyalile ku kupinyigwa kwene mu-Yerusalemu, himma, loli na ku kufwila panongwa ya

14ngamu ya Ntwa Yesu. Lelo bo tutoligwe ukuntengulila, popapo tulinkundeka tulinkuti: Ubwigane bwa Ntwa bo bubombigwege.

Pauli mu-Yerusalemu

15Lelo bo gakindile amasiku gagaga, popapo tulinkwitende-

16kesya, tulinkufyuka ukubuka mu-Yerusalemu. Tulinkubuka nabo bope bamo abafundigwa ba mu-Kaisaria, pamopene na Mnasoni ugwa mu-Saiprasi, umfundigwa gwa iyolo, uyu twabukaga kukugona kumyake.

17Lelo bo mfikile mu-Yerusalemu, popapo abamyitu balinku-

18twambilila nulusekelo ulukulumba. Ulwa kilabo, Pauli pamopene nanuswe tulinkubuka kwa Yakobu; bosa nabakulu

19ba kipanga balinkuyapo. Lelo bo abaponisye, popapo alinkubapangila syosa muno syayilile yimoyimo, isi Kyala apelile

20mbapanja mbubombeli bwake. Abene bo bapilike, balinkuntufya Kyala, balinkumbula Pauli balinkuti: Keta gwamyitu, muno bayilile abaYuda baelifu ba bingi aba bitike; bosa itolo

21babikilepo fiyo umoyo palulagilo. Abene babuligwe inongwa syako, ukuti kubamanyisya abaYuda bosa aba bali mbapanja ukundeka Mose, ukuti bangababutangako abanabo, kangi

22nukusitakusikonga inyiho syabo. Kali po tutigi fiki? Bosa

23bisakupilikaga ukuti gwisile. Lilino lelo ubombege isi nikukubulaga; tuli nabo abandu bana aba bipinyile nduyiga-

24niko, bo ubegege bababa ukiyelusyege nabo, ubahombelege yuyugwe ukuti bamwege imitu gyabo; po bosa bisakumanyaga ukuti inongwa syako syosa isi babuligwaga sya itolo; loli bakwage nanungwe ukuti kwenda ndulagilo nukulukonga.

25Isyene loli isya bapanja aba bitike, syo tubasimbile isi tutumwile ukuti, bepukeko kuli ifi bikemekisye kufifwani, na

26kwilopa, na kuli ifi fipitigwe, na kubuhahani. Popapo Pauli alinkubega abanyambala bala, ulwa kilabo alinkwiyelusya nabo, alinkwingila mwa Tempeli, alinkufumusya muno gayaga pakumalikila amasiku ga kwelusigwa; ukufika papo ifya kwikemesya fya yumoyumo fitwaligwege.

Unjwego mu-Yerusalemu nukutoligwa kwa Pauli

27Lelo bo gikuya pakumalika amasiku mahano na mabili gala, popapo abaYuda aba bafumile mwʼAsia, bo bambwene mwa Tempeli, balinkukisambulania ikilundilo kyosa, balinku-

28nkola, balinkuywega balinkuti: Mwe bandu ba Israeli, isaga mututule; umundu uyu yo uyu ikumanyisya mosa itolo isi sikindene nikikolo kyitu, nululagilo, nubuyo ubu; pamwanya pali sisisi, abingisye abaGriki mwa Tempeli, abunyasisye

29ubuyo ubwikemo ubu. Namanga balimbwene Trofimo umwʼEfesi bo ikwenda nagwe nkaya, balinkwinogona ukuti

30kingamo Pauli alintwele mwa Tempeli. Popapo akaya kosa kalinkusambuka, abandu balinkubungana mbibimbibi, balinkunkola Pauli, balinkunkwaba nukunsosyamo mwa Tempeli;

31nakalinga itolo ififigo filinkwigajigwa. Lelo bo bikuti tungoge, popapo indumi yilinkumwaga unkulumba gwa basikali, ukuti

32akaya kosa ka Yerusalemu kafulunganike. Nakalinga itolo alinkubega abasikali nabasarjenti bake, alikubopa ukusuluka apa balipo; abene lelo bo bambwene unkulumba gwa basikali

33nabasikali bake, balinkuleka ukunkoma Pauli. Popapo unkulumba gwa basikali alinkusegelela alinkunkola, alinkulagila ukuti apinyigwege niminyololo mibili; alinkulalusya alinkuti:

34Kali ywani yuyuyu, kangi abombile sya fiki? Popapo bamo nkilundilo balinkuywega isingi, abangi isingi. Umwene lelo bo atoligwe ukusyagania bununu isya naloli panongwa ya

35njwego, alinkulagila ukuti bantwalege mwilinga. Lelo bo Pauli afikile pantandalilo gwa pakifigo, popapo alinkupimbigwa itolo nabasikali panongwa ya bukali bwa kilundilo;

36namanga ikilundilo kya bandu kyakongaga, kilinkuywega kilinkuti: Nsosyepo uyo.

37Lelo bo ikuya pakwingisigwa mwilinga, popapo Pauli alinkuyoba nunkulumba gwa basikali alinkuti: Natigi njobe nanungwe. Umwene alinkuti: O, umenye ukuyoba ikiGriki?

38Ngimba ukaya gwe mwʼEgipti, uyu mbupipi itolo abasambulenie abandu abagogi baelifu bana (4,000), alinkubuka nabo

39ndungalangala? Umwene Pauli alinkwamula alinkuti: Une ndi njuda gwa mu-Tarsi nkisu kya Kilikia; ndi mwenekaya gwa kaya abafumuke. Nikukusuma ukuti njobe nabo abandu

40aba. Lelo bo amwitikisye, popapo Pauli alinkwima pantandalilo gwa pakifigo, alinkubabatamisya abandu nikiboko; bo kuli mye itolo, popapo alinkuyoba nabo munjobelo ya kiHiburi alinkuti:

Currently Selected:

Imbombo sya batumigwa 21: NYY

Highlight

Copy