Mark 7

1Dūmūsesimekonda pugi ōvun Faresi, ĭm nugkon ovun somūl, mori dūmne ra Yerūsalem. 2Im nugkon dūmo-kesora nugkon ōvun nūrie isen dūmoni brēd dūtūm mandokilem, mirora dūmūnūwi ugi punora. 3It irora ōvun Faresi ĭm oveteme Yūdia omwisū, umanduwugi nokovenda mampūm penūri umampag, popōwo ugi nam alam enirora ōvun ūvūmle.

4Im nagkū irora umamne ra market irora umandukilem mampūm penūri umampag. Im umante sikat mōmū entiame irora dūmūvi mō mafinte, sugkū imo; ĭt irora umanduwugi ōvun kup ĭm ōvun pot, ĭm bras vesel, ĭm ovun tēbel.

5Im ōvun Farēsi ĭm ōvun somūl dūmūtagkeli iyi memokū, Irasie ovun nūrie enugkĭk otum alekoleki nam alam enirora ōvun ūvūmle, ĭt irora umampag wokon ūtūm mandekilem mampūm? 6Iyi yemenūwi punora memokū, Isea yemenūwi ves ugi kimi, ōvun nimpiri, memokū,

Imo netevokontū umbotibot irag ugi nogūnda,

Kō nōwanda oti isūt marokoyaū.

7Nindūavū tivita enirora irag,

It irora umtavsogi nam alam enirora ōveteme wokon.

8Popōwo kimi kūm areki nam alam eni Nōbū, mō malekoleki nam wokon enirora ōvun ūvūmle, sugkū irora umandewugi ōvun pot ĭm kup: ĭm sikat numpūrah enugkĭmi sugkū. 9Im iyi yemenūwi punora memokū, Itnesog kimi kūmūselūwugi nam alam eni Nōbū, ma kimi kwonalekoleki nam enugkĭmi. 10Popōwo Moses yemenūwi memokū, sendiuki itemen e kĭk ĭm dineme kĭk; ĭm iyi sī mori anūwi nam sat pugi itemen, kū dineme, aremi iyi amas. 11Kō kimi kūmmanūwi memagkū, Nagkū sĭ anūwi pugi itemen, kū dineme eni, Korban, fan nam ugi itemas, ugi siame kĭk ampīeves kĭk popōwo ugi yaū; iyi otū amas. 12Im kimi kūmūnūwali pugi woretū esitū iran itemen kū dineme nĭmpugon sĭ mōmū. 13Im kimi kūmūtĭ nam eni Nōbū ugi nam ugi ōvun ūvūmle enugkĭmi; ĭm sikat numpūrah enugkĭmi sugkū sū. 14Im pol sugkū iyi yemovrokonda ōveteme omwisū pugi, iyi yemenūwi punora memokū, Urĭgi yaū kimi omwisū, mō melavenūri: 15Imo sū omwisū ratilat, sugkū nevag, otum numpi neteme nelilūo, kō tiame umamne marugi nōwan, imo mori unumpi neteme nelilūo. 16Im sī ĭm telugon eni wororigi aremi iyi andĭgi. 17Im pol sugkū iyi yemtorĭmpe ūnisog marokonda ōveteme, ōvun nūrie dūmūnūwi punora memokū, 18Im kimi sugkū tawi nelavenūri enugkĭmi ku? Kimi kūmūtūkili, ma tiame sū ilat sugkū nevag umampe ūnisog neteme, otū faneteme worumpi nelilūo; 19Popōwo otū mampe ūnōwan eni, kō ūnetnin, mō mampe ilat, umnumpi aremi ōvun nevag ugi. 20Iyi yemenūwi punora memokū, Imo mori umamne marugi nōwan neteme umnumpe iyi nelilūo. 21Popōwo marugi nōwanda ōveteme, umamne tarūsū sat, tumpugon, tampalaū talugi, 22numprok, nakĭugi noete, nareki sat, nimpiri, nilasivien sat, narekara, nam sat, nugkugko ūnōwan, sebit nam: 23Imosū omwisū umamne marugi nōwanda Oveteme, mō mumpi iyi nelilūo. 24Im iyi yemne marugi nūrū mori ĭm yive ra telugon Tĭr ĭm Sīdon yemtorĭmpe ūnisog sī nimo, Im yetūakīugi sī neteme worokili ugi; kō nugkugko worenūaveni iyi. 25Popōwo sĭ nasiven, mori netni Itnasiven eni ĭm naviatindi iran, yemorigi ugi iyi, yivelum mō momol ra noan eni: 26It iyi yeti nasiven Krik, yemumprokomol Sĭrofĭnĭsi; miyi yemesenigi iyi woretevelugoni naviatindi marugi netni. 27Kō Iesū yemenūwi pugi memokū Ontali ōvunyan mampum: popōwo tawi aremi worevi nevag enirora ōvunyan mō Im tafugi punora ōvun kūri. 28Im yemtamsi memenūwipugi Itnesog, Narisah: kō ōvun kūri ra netekon tēbel umnene navivon nevag isenda ōvunyan. 29Im iyi yemenūwi pugi, Eve ugi imo nam; naviatindi okeve sū marugi netum. 30Im pol sugkū iyi yivelum ra nimo eni, yemokesi netni eni yemale ra bed, Im naviatindi yiveasū marugi. 31Im iyi yōĭmpe marugi telugon Tĭr ĭm Sĭdon, mō mavan ra nūrū sū Dikapolĭs, yive mafeli tok Kalĭli.

32Mirora dūmūtori pugi sĭ neteme telugomgol, ĭm nowampat; mirora dūmūsenigi woretipe nokoven iran. 33Miyi yemtori pelah morokonda netevokontū, yemetipe dogurugon nokoven ra telugon nugkon ĭm nugkon, mō metevani mō ĭm sugkori nogūn; 34Miyi yemtelasah ra pokūp, mō mesumsah, mō menūwi pugi memokū, Efata, fan nam ugi, Etin tĭpelah. 35Im marimago telugon yetin tĭpelah, ĭm nogūn yerin sūli, miyi yetnam aremī.

36Iyi yemenūwi pun ra woretū enūwi pugi sī neteme; kō nagkū iyi yemenūali punora dūmatekisah mōmū worenūatumpeni; 37Im irora dūmavlugi tamas wokon, dūmūnūwi mūmokū, Iyi umnumpi aremi entiame sū: it iyi umnumpi ōvun nomgol wororĭgi, mōvun noampat woram.

Currently Selected:

Mark 7: ERGNT79

Highlight

Copy