Mark 13
13
1Im polekū iyi yive ilat yemne ra nimo tumpora sĭ ra ōvun nūrie eni yemenūwi pugi memokū, Tavsogi, Okesi pe nevat sū tamas, ĭm nimo tamas! 2Im Iesū yemenūwi pugi memokū. Kĭk emagesi imo sū nevat sū kū? Otū antĭndowi sĭ nevat ran tan nevat wantĭntalepasi sep omwisū.
3Im pol sugkū iyi yemetesep ra numpūo Olivet mampieti nimo tumpora, Piter ĭm Yakobo ĭm Yōane ĭm Andrū, dūmūrūntagkeli iyi e ko sĭ, 4Enūwi pugkam Nigoi anti sugkū, im safi mori pol sugkū imosū wanti sugkū antin tie? 5Im Iesū yemtamsi punora memenūwi memokū, Ufinte kĭmi ma tawi sī ampeliluwugkūm; 6ĭt sikat wampelum ra nin enyaū, mirora wanūwi magkū, yaū Krĭstō; mirora wonĭmpiriwokonda ōveteme sikat; 7ĭm pol sugkū kĭmi wandĭgi ugi ūbrami ĭm narĭgi ugi ūbrami, Utūyōmpeli popōwo anti sugkū: kō nimpugon nelehovan otūvelvm. 8Sī numpūn lō wonavahat iran sī numpūn lō, ĭm sī lō iran sī lō, ĭm wanti ōvun nomiok ra nūrūsū sikat, mōvun temas, mōvun nelĭleki. Imo sū wanti natipotni ōvun norĭgumpūnū. 9Im kĭmi, Ufinte kĭmi ĭt irora wontorokūm ūnimĭnda ōvun naūor, mj mumselatovekūm ra nimo sū tavsogi, mirora wantipe kĭmĭ ūnimĭnda ōvun natemonok mōvun fan lō popōwo ugi yaū, woreti numpūvsok iranda; 10kō mampūm wantorenūwisah nam navosavos punora lōsū lōsū. 11Im pol sugkū wontorokūm woretipe kĭmĭ ūnimĭnda ūtū evelevi ugi nam mori kĭmi kwanūwi; nam mori anti novugkūm worenūwi ra nimpugon mori, Unūwi pe mori, ĭt popōwo tawi kĭmi mori ūmanūwi, iyi Naviat Tumpora. 12Im sī avensi onĭmpirĭgi avensi eni woretalugi, ĭm sĭ itemen netni eni, mōvun netni wonĭmpiriwokonda ōvun netemendeme mōvun dĭnemendeme isenda mō mĭntalokonda; 13mōveteme sū wonakan pugkūm popōwo ugi nin enyaū; Kō iyi sĭ mori onatekisah mafeli ra nĭsah, anti neviēōwara iyi. 14Im pol sugkū kĭmi kwagesi pe nelilūo sat mori Daniel profet yĭpmenūwi ugi, umante ra nūrū mori tawi aremi woretūrū (miyi sĭ mori umasepi netiyi, aremi iyi umnenteme) ĭm aremi irora sū ra Yūdia woralō ra numpūo sū; 15miyi sĭ ran tan nimo aremi iyi woretūyep ra mumpon nimo worevi sĭ en tie sĭ marugi nimo isen; 16miyi ran denūok aremi iyi otū onterileki tovūni sĭ en tie sĭ kitan woruriuki nemas eni. 17Im nelĭleki tamas wampelum iranda mori umĭntandiokumpok umamiampuni netni ran dan sū mori! 18wosenigi kĭmi ma nalō enugkĭmi otū anti ra nakas, 19dan sū mori sokomulep dūtūvelum sugkū marugi nimpugon Nōbū yemetipe nemap, mafeli nĭmpugon mori mūtū omamampelum sugkū; 20ĭm nagkū Narisah petum potipot dan sū mori petūviēowara sĭ neteme, popōwo irora ōvun tampoli isen, mori iyi yemtampoli irora nisekon iyi, iyi yemumpotipot dan sū mori. 21Im nagkū si anūwi pugkūm magkū, Origi, Kristo, ĭgko, iyi yūi, Utū tavnirĭgi; 22ĭt irora ōvun Krĭstō nĭmpiri mōvun profet nimpiri wampelum, mirora wanumpi navlugi sū mōvun safi worĭmpiri ōvun tampoli, nagkū irora faneteme; 23Kō kĭmi, Ufinte kimi; pah ya opmenūwi pugkūm ugi. 24Im ran dan sū penūri sokomūlep mori, nĭpmĭnĭn anti nĭlebōkevat, 25mitĭs otū oselĭ, mosisū ra pokūp womol ĭm horog sū ra pokūp wīeliel. 26Mirora wagesi Nitni eni neteme ampelum ra ōvun numpūaū ugi horog ĭm nilasilas tamas, 27miyi ontamūlōra ōvun agelō isen woresemsemokonda ōvun tampoli isen marugi nĭmetagi sū devat, marugi navlūtni sū nemap. 28Mūkili kimi parabel ugi nē fik: pol sugkū umesemsi, mō meselevlevi nugkelin kimi kōmagkili nenum umnumpotipot, 29Kimi sugkū, pol sugkū kwagesi imo sū umampelum ūkili ma nĭmpugon mori umnumpotipot, ra nogūn selat. 30Itnesog yakum manūwi pugkūm memagkū, Imo palsi ūtū ampia mafeli nĭmpugon imo sū wampelum. 31Pokūp mūnemap wampia kō nam enyaū otū ampia. 32Im Tawi sī umagkili imo dan kū nugkon dan mori tawi ōvun agelō ūnpokūp, im tawi iyi Nitni, iyi Itemen wokon. 33Ufinte kimi, Wavles mūfwaki, ĭt kimi ūtū magkili pol sugkū nĭmpugon mori ampelum: 34Sugkū sĭ neteme mori yive ra nūrū isūt, yemowi nimo isen, mō mūtipe ōvun lĭvsaū eni worefinte, mō metipe irora go worūmpūrah, mō memenūwi pugi nivūo nimo woravles; 35Wavles kimi ĭt kimi ūtū magkili nĭmpugon pol sugkū iyi natemonok ra nimo mori umampelum, nĭmpugon poarap, kū ratūnemis pumrok, kū ra nasora netūo, kū prūbokom. 36Kū entawi pol sugkū umampelum itnum, iyi agesi kimi umnalēepo: 37mimo nam mori yakum manūwi pugkūm ya kanūwi memagkū punora omwisū, Wavles.
Currently Selected:
Mark 13: ERGNT79
Highlight
Share
Copy
Want to have your highlights saved across all your devices? Sign up or sign in
Erromangan New Testament © British and Foreign Bible Society, 1909,1979.
