Mark 11

1Im pol sugkū irora dūmūvelum botipot Yerūsalem, mefeli Betpēs ĭm Betane, ra numpūo Olevit yemtamūlora ōvun nūrie eni endūrū, 2Miyi yemenūwi punora memokū, Uve kimi ūselat ra nimote ūnimetemi: ĭm polekū kĭmi kwantūratumpene, kwagesi sĭ kōlt tawi sī yemetesep ran tan; ūsūli iyi mōĭmtori pelum. 3Im nagkū sĭ anūwi pugkūm memagkū, Irasie kĭmi kūm umpi imo? Kwanūwi ma Novsūromon umnakĭugi iyi; marima iyi ontamūli. 4Im irora dūmūve, dūmokesi kōlt mori yeti ratilat ra nogūn nimo iyūi selat endūrū dūmūvtit; mirora dūmūsūli iyi. 5Im nugkon ra irora mori dūmūtūrū iyūi, dūmūnūwi punora mūmokū, Tie imo kĭmi kūm umpi, kūmūsūli kōlt? 6Mirora dūmūnūwi punora sugkū Iesū yempasiwokonda; ĭm irora dūmūtinĭmpe irora. 7Im irora dūmūtori kōlt pugi Iesū ĭm dūmūtipe némas enirora iran; miyi yemetesep ran tan. 8Im sikat dūmūve némas enirora ra selat: ĭm nugkon dūmūtantevisep nĭvlugkon nē, mō mūve ra selat. 9Im irora mori dūmūvūm, mirora mori dūmūri, dūmūtūrenūwisah, dūmokū, Hōsana; Nevĭeves iyi mori okevelum ra nin eni Novsūromon: 10Nevĭeves lō eni ĭtement Dēvĭd, mori okevelum ra nin eni Novsūromon; Hōsana tantevakepe. 11Im Iesū yemtorĭmpe ra Yerūsalem, ĭm ra tempel ĭm polekū yemelagkaū mĭmtopotneme iranda tiame sū, ĭm ran titĭntit, yive ra Betane dal ōveteme twelv.

12Im ratmran, pol sugkū dūmūve marugi Betane, yemevieni:

13Im yemokesi sĭ nē fik isūt yeti nugkelin iran yivelum, memokū iyi agesi sĭ en tie sĭ iran: ĭm pol sugkū yive botipot iran, yetokesi sĭ en tie sĭ, nugkelin wokon; popōwo nĭmpugon worovūwo yetūvelum. 14Im Iesū yemenūwi memokū, Tawi sĭ neteme otū onĭmpĭ marugkĭk ĭndowi. 15Im ōvun nūrie dūmūrigi iyi. Im dūmūve Yerūsalem: ĭm Iesu yemtorĭmpe ra tempel, miyi yematipotni woretevelegonora mori dūmūsevasigi ūnisog tempel, mō ĭm talepasi ōvun tēbel enirora dūmūvasi muni, Im ōvun nĭvlok enirora dūmūvasi ūmpon; 16Miyi yemenūwali punora ma tawi sī neteme andiuki sī en tie sĭ ra mumpon tempel. 17Irora wanatovnin nimo enyaū memokū nimo nufwaki nisekonda ōveteme ra nūrū sū nūrū sū; kō kĭmĭkūm numpi veli nisekonda ōvun numprok. 18Im ōvun somūl mōvun tavsogi tumpora dūmūrigi, mirora dūmū-surugi nokowo irora wontalugi iyi: kō dūmūmtetugi iyi, popōwo netevokontū omwisū dūmavlugi ra nam tavsogi eni. 19Im ra nĭmpugon pwarap yive ilat murugi sĭti.

20Im ratmran pol sugkū dūmavan, irora dūmokesi nē fik yemetū noatnin ĭm omwisū. 21Im Piter yementeme, yemenūwi pugi memokū, Master, okesi, nē fik mori kĭm menūwi nowarepatevi iran okemetū sū. 22Im Iesū yemtamsi yemenūwi punora memokū, Utavnirĭgi ra Nōbū. 23Popōwo itnesog yakum manūwi pugkūm, Ma iyi sī anūwi pugi imo numpūo, Etpe parugi, etin tafugi sep kĭk ran tok; metū tavrivri ūnōwan eni, kō ontavnirĭgi ma nam sū mori iyi omanūwi wantepū sugku; iyi ampĭ sie sĭ mori iyi amanūwi.

24Popōwo yakum manūwi pugkūm memagkū, Siame mori kĭmi kūmnakĭ wokonda, ugi nesenigi enugkĭmi, ūtavnirĭgi ma kĭmi kwampi, ĭm ĭtnesog kĭmi kwampi. 25Im pol sugkū kwantūrū, mō mūfwaki, nagkū kūm nakan pugi mē sī, efielintugi; ma Itemenkūm mori ūnpokūp afielintugi sat sū enugkĭmi. 26Kō nagkū kūm ūtū afielintokonda, Itemen kūm ūnpokūp otū afielintugkūm sat sū enugkĭmi.

27Im irora dūmūvelum ra Yerūsalem: ĭm pol sugku iyi yemavan ūnisog tempel, dūmūvelum pugi ōvun tavsogi tumpora, ĭm ōvun somūl, mōvun elder, 28Im dūmokū pugi mūmokū, Kĭk umnumpi imosū ugi horog eneme? ĭm mē yemovunok nimpasewugi worumpi imo tiame? 29Im Iesu yemtamsi yemenūwi punora memokū Ya ontagkolkūm sĭ nam siteven, ūnūwi pe poyaū, ĭm ya anūwi ugi horog enemē yakum numpi imosū. 30Pe baptisma eni Yōanē, yemne ra pokūp, kū marokonda ōveteme? ūnūwi poyaū. 31Mirora dūmaūor ugi punora dūmūnūwi mūmokū, Nagkū kakel anūwi, marugipokūp; iyi anūwi, Mirasie kūmūtū tavnirĭgi iyi? 32Im nagkū kakel anūwi, memokū Marokonda ōveteme—dūmūmtetokonda netevokontū: popōwo ōveteme omwisū dūmokū iyi Yōanē sī profet itnesog. 33Im irora dūmūtamsi dūmūnūwi pugi Iesū mūmokū, Kakel etū kili. Im Iesū yemtamsi mōmenūwi punora memokū, Im ya otū anūwi pugkūm ma ugi horog enemē yakum numpi imesū tiame.

Currently Selected:

Mark 11: ERGNT79

Highlight

Copy