Matiyu 12

1Ra imo nempugon Iesū yemavan ran danemĭndog ĭlebōteven denūok whĭt; mōvun nūrie eni dūtemas mūmatipotni mareki dugon mōmoni. 2Mōvun Faresi dūmōkesora mūmūnūwi pugi mūmōkū, Okesora ōvun nūrie enugkĭk irora ūmnareki selnivi nam ugi danemĭndog. 3Miyi yemenūwi punora memokū, Kūtūsepi ugi imo mori Dēvĭd yemumpi pol sūgkū iyi yemtemas, mirora dal, kū? 4iyi yive ūnisog nimo eni Nōbū memoni yōūp tumpora mori tawi sugkū selnivi nam ma iyi oneni, kū irora dal iyi; irora wokon ōveteme sakrifĭs. 5Kū, kūtūsepi ra netiyi ugi ōvun selnivi nam ma ōveteme sakrifĭs ran danemĭndog ūmnareki ugi danemĭndog ra nimo tumpora, kō ūtūmnoworepatevi, kū? 6Im ya umanūwi pugkūm memagkū, Sī ĭgko mōmū horog ra nimo tumpora. 7Nagkū kūkili imo nam, Ya umnakĭugi togesoveli magkū mōmū aremĭ ra sakrifĭs, kĭmi pfitū-umpi noworepatevi iyi mori tanepō wokon; 8ĭt iyi Netni eni neteme Novsūromon eni danemĭndog.

9Miyi yemōwi nūrū yūi mempe ra nimo tavsogi enirora. Im yūi sĭ neteme ĭm nokoven navsilni. 10Mirora dūmūtagkeli iyi mūmōkū, Sugkū, selnivi nam worumpi horĭgives ran danemĭndog, kū ĭ mūmōkū wonūrian iran Miyi yemtagkelora memokū, 11Mē sĭ ra kĭmi nagkū pugipugi sīteven eni amol ra nokol ran danemĭndog otūandūleki mandiukisah? 12Im sĭ neteme mōmū tamas aremĭ ra sĭ pugipugi, kū ĭ Popōwo imo sugkū, iyi sĭ umnumpi aremi ran danemĭndog otūmnareki selnivi nam. 13Miyi yemenūwi pugi neteme mori, Eevan; miyi yēevan, ĭm nokoren eni yēepoipo sugkū moor.

14Mōvun Faresi dūmūve ilat mūmumpi naūor iran mūmokū wontalugi. 15Im Iesū yemokili ugi memōwi nūrū yūi, mov numpūn sikat dūmūri, miyi yemumkororĭgives omwisū: 16memwalivat ūnōwanda memokū irora ūtūanūatumpeniiyi; 17worampesog nam mori Isēya profet yemenūwi memokū.

18Okesi lĭvsaū enyaū mori yaū ĭm tampoli;

Netūgpaū mori naviat enyaū umnēvsen nelentugi:

Ya antipe Naviat enyaū iran,

Miyi anūatumpene tanepō punora lōsū ra nelebōkevat.

19Im iyi otūamperĭup, kū onamsah;

Im tawi sī andĭgi navian eni ra ōvun selat alam.

20Iyi otōonarek sī deniūg neseri,

Im nelĭs umnoremismis iyi otūampeni,

Afeli nempugon iyi onumpi tanepo woretantevakesah.

21Im losū ra nelebōkevat wontesūo ra nin eni.

22Mirora dūmūtōri pugi sĭ neteme ĭm naviatĭndi yive iran, miyi nĭmtēi ĭm nōwampat, ĭm Iesū yemumpi iyi horĭgives, ĭm neteme nĭmtēi ĭm nōwampat yam mōmokesi. 23Mov numpūn lōsū dūmovkeritwi, mūmūnūwi mūmōkū, Imo Netni eni Dēvĭd, kū? 24Kō ōvun Faresi dūmurĭgi mūmūnūwi mūmōkū, Iyi umuntevelegunora ōvun naviatĭndi ugi Bielsibūl, natemonok enirora ōvun naviatĭndi.

25Im Iesū yemelavenūri tarū enirora memenūwi punora memokū, Lōsū umasepen sumpūi umnaseviokonda; 26sĭ sĭti kū sĭ nimo umasepen sumpūi lō otūantendōwi; ĭm nagkū Sētan umuntevelēguni Sētan iyi nemlag iran; ĭm nagkū sukū lō eni antendōwi nokowo? 27Im nagkū ya umuntevelegunora ōvun naviatĭndi ugi Bielsibūl, ōvun netnime enugkĭmi umuntuvelegunora ugi mē? 28Irora wonūrian irami. Kō nagkū ya umuntevelegunora ōvun naviatĭndi ugi Naviat eni Nōbū, lō eni Nōbū okovelum sū pugkūm.

29Im nokowo sĭ ampe ūnisog nimo eni neteme horog worevĭ parugi nōete eni nagkū mampūm iyi otū ĭeti neteme horog, ĭm penūri iyi ampĭ parugi nōete? 30Iyi sĭ tawi ūndū yaū novsen nakan enyaū; miyi sī otūmnavoro yaū woralekon, umnaseviugi. Im ya umanuwi pugkūm memagkū,

31Afielentokonda ōveteme satsū ĭm nam sū sat enirora; kō otūafielentokonda ōveteme mori umsendōkia iran Naviat Tumpora. 32Nagkū sĭ anūwi nam sat iran Netni eni neteme afielentugi; kō iyi sĭ anūwi nam sat iran Naviat Tumpora otūafielentugi, tawi ra nūrū ĭgko, ĭm tawi ra nūrū ampelum. 33Wumpi nō aremī ĭm novūan eni aremī; kū wumpi nē ūr ĭm novūan ūr; umagkili nē ugi novūan isen.

34Ovun netnime neskil, kĭmi mori ōvun narekĭndi kwanūwi nam aremī nokowo? Neteme umandūnenūwi ugi imosū ūmnovūarugi ūnōwan. 35Sī neteme aremī umentarūgi woretavenepon aremī ūnōwan memnenūwi sugkū; ĭm sī netemĭndi umentarūgi woretavenepon sat ūnōwan memnenūwi sugkū. 36Im ya umanūwi pugkūm memagkū, Wontagkelora ōveteme ran dan nūrian ugi nam omwisū irora dūmūnūwi wokon; 37anūwi magkū kĭk tanepō ugi nam enugkĭk, manūwi makgū kĭk noworepatevi ugi nam enugkĭk.

38Im nugkoneme ōvun Somūl mōvun Faresi dūmūtamsi mūmūnūwi mūmōkū, Tavsogi, ka kemlenakĭugi worokesi sĭ safi konumpi. 39Miyi yemtamsi memenūwi punora memokū, Sĭ palsi ĭteobuki ĭm tampalaū, ūmnesorugi sĭ safi, kō otūampunōra sĭ, kū entawi safi mori eni Yōna profet; 40It Yōna yeti ūnetnĭn nomū dan desel ĭm pūmrok endesel, ĭm Netni eni neteme sugkū antendōwi dan desel ĭm pūmrok endesel ra netnĭn nemap.

41Oveteme Nĭneve wamsorasah ra nūrian dal imo palsi, mirora wonumpi noworepatevi, ĭt irora dūmūvĭeves nōwanda ugi nam Yōna yemtorenūwisah; ĭm sĭ ĭgko mōmū horog ra Yōna. 42Im sī nasemnalam mori yemne Empak amsorasah ra nūrian dal imo palsi, miyi onumpi noworepatevi, ĭt iyi eĭvelum memne ra navlūtni nemap isūt wororĭgi noĭntan eni Solomon; ĭm sĭ ĭgko mōmū horog ra Solomon.

43Pol sugkū sĭ naviatĭndi umampe marugi sī neteme iyi umnavan ra nūrū sū ĭm laū umnesorugi nemĭndog motūmagesi, Miyi umasepen enūwi memagkū, 44Ya ōmentorĭleki ra nimo enyaū mori yaū mepmemnewi; ĭm pol sugkū mampeĭum umagesi nimo wokon umnetīorawi memampietovtam. 45Miyi umampe mōmentōrora ōvun naviatĭndi seven dal, satindi mōmū iran, mirora amampe ūnisog mōmantendōwi yūi; ĭm ra nĭsah eni neteme mori momū ĭteobuki ra nōbūm. Anti sugkū iranda imo palsi sat.

46Im polekū iyi yemenūwi punora ōvun numpūn lō, dĭneme eni ĭm ravensĭeme dūmūtūrū ilat mūmakĭugi worēnūwi pugi; 47ĭm sĭ yemenūwi pugi memokū, Dĭnum ĭm rapmisīeme ūmantūrū ilat mūmnakīugi worēnūwi punok. 48Miyi yemtamsi memtagkeli neteme mori yemenūwi pugi memokū, Mē name? ĭm ravūgsĭeme mē? 49Miyi yēevan punora ōvun nūrie eni, mōmenūwi memokū, Urĭgi, name, ĭm ravūgsĭeme! 50Iyi sĭ onumpi sugkū nam eni Itemeneyaū ūnpokūp, iyi mori avūgsĭ, ĭm vevenug, ĭm name.

Currently Selected:

Matiyu 12: ERGNT79

Highlight

Copy