Luk 17

1Miyi yemenūwi punora ōvun nūrie, memokū, Itnesog, wandūnetepū nakanwi, kō owi iran neteme onatipotni ugi. 2Mōmū aremi nisekon nagkū pūleki nevat tamas ra nōwan im pūtafugi iyi ran tok, nagku iyi ontamsal sī ra iroramo vilik. 3Ufĭnte kimi, ĭm nagkū apmisī onumpi sat iram, enūali pugi; im nagkū iyi ampīeves nōwan efielintugi. 4Im nagkū ovun nempugon seven ra sī dan iyi andūnumpi sat iram, movun nempugon seven ōmentorĭleki punok manūwi, magkū, ya umampīeves nōwag, efielintugi.

5Mōvun apostol dūmūnūwi pugi Novsūromon, mūmokū, Efēugkam tavniri mōmū. 6Iyi Novsūromon yōmenūwi, memokū, Nagkū tavniri soremi sugkū novsen mūstar kūmūnūwi pugi imo nmpag, mokū, Evse meti nōwi ran tok, ĭm osendiugkūm.

7Im mē sī ra kimi, lĭvsaū isen umagkol ra denūok, kū umnavugunora ōvun nūrah, pol sugkū okevelum, anūwi pugi, magkū, Elum, metesĭgi? 8Iyi anūwi pugi, magkū, Oworomon nĭsekug, metōetugkĭk im torugat irag, polekū ya umampag; penūri koneni mamoneki, kū? 9Iyi anūwi pugi lĭvsaū mori, magkū, Kompalugi, popowo iyi yumpi sugkū yempasiwugi, kū? Ya umagkū, tawi. 10Im Kĭmi, pol sugkū kūmokompelisū yempasiwugkūm, ūsepenenūwi, mōkū, Kam ōvun lĭvsaū wokon; ka kelumpi imosū yemetipe pugkam worumpi, tawi mōmū. 11Im pol sugkū iyi yemnavan ra Yerūsalem iyi yive ĭleboteven Samēria, ĭm Kalĭli. 12Im pol sugkū yentorĭmpewi ra sī nimote oveteme lepros narōlem dūmūvtit iran mūmūtūrū ĭsūt, 13mūmūvrugisah, mūmōkū, Iesū, Novsūromon, togesovolokam. 14Miyi yemokesora, memenūwi punora, memokū, Uve mūsesi kĭmi punora ūmesakrefĭs; ĭm pol sugkū dūmavango ūselat dūti sentivives. 15Im sī ra iroro pol sugkū yemokesi yemumpi iyi horĭgives, 16yemtorĭleki, memarufōves numpĭlĭn Nōbū ugi naviansah, memokolugi nipmi ra nemap ra noan Iesū, memumpalugi iran: ĭm iyi neteme Samēria. 17Im Iesū yemtagkeli, memokū, Umkororĭgives narōlem, kū? 18Siklim mendevat, yei irora? Tawi irora; okovelem imo dōmo siteven worumpalugives iran Nōbū. 19Miyi yemenūwi pugi, memokū, Etūok ĭm pe; tavniri sorum ovkĭkēōwara.

20Mōvun Faresi dūmūtagkeli, mūmōkū nigoi lō isen Nōbū ampelum; miyi yemtamsi memenūwi punora, memokū, 21Lō isen Nōbū otūmampelum ugi narigi sikat, ĭm nokesi, ūtūanūwi, magkū, Okesi, ĭgko kū ĭlampe; popōwo lō isen Nōbū irami.

22Miyi yemenūwi punora ōvun nurie isen memokū, Wampelum ōvun dan pol sugkū kimi kwonakĭugi tamas worokesi sī dan isen Netni isen neteme, kō kūtūagesi. 23Mirora wanūwi, magkū, Okesi, ĭgko; okesi yūi; ūtūve; ūtūrora. 24It sugkū turepis mori umeselĭ marugi sī nugkon pokōp mefeli nugkon sī ra pokōp, Netni isen neteme anti sugkū ra dan isen. 25Kō, mampum iyi andĭgi nesorū ugi sieme sikat; ĭm imo palsi wagesīndi iyi.

26Sugkū ra dansū isen Nōa, anti sugku ra dansū isen Netni isen neteme. 27Irora dūmneni, mamoneki, mūninetovrugi, mūmanteventerugi, mefeli ra dan Nōa yentorĭmpe ūnisog ark, ĭm nōisap nūsian yivelum mūtĭvavtĭti irorasū. 28Im sugkū ra dansū isen Lot, Irora dūmneni mamoneki, mūmūvasi, mūmūvī nĭpmi, mūmnōwi, mumnumpi ōvun nimo; 29kō, ra dan mori Lot yemōwi Sodom, yemebĭb ugi nom ĭm narōkas marugi pokōp, mūtevavtĭti omwisū. 30Wanti sugkū imosū ra dan mori ōmantūratumpeni Netni isen neteme. 31Ra dan mori, iyi sī ratilat nimo, ĭm ōvun se ūnisog, aremi iyi otūampe, magkū ampi pelah. Miyi sugkū radenūok, etūtorileki. 32Entemi retepon isen Lot. 33Iyi sī kū sī onesorugi, magkū afinte nomūrep isen, ampiugki: ĭm sī kū sī ampiugki nomūrep isen, afinte.

34Ya umanūwi pugkūm, memagkū, Ra pumrok mori dūrū ōveteme ra nevlok sīteven; ampi sī, mawi sī. 35Dūrū ōvasiven wonĭok ra nūrū siteven; ampi sī, mawi sī. 36Dūrū ōveteme ra denūok: ampi sī, mawi sī. 37Mirora dūmūtamsi mūtagkeli, mūmōkū, Novsūromon, ia? Miyi yōmenūwi punora, memokū, Ra nūrū yūi nokolĭsiran, yūi sagkū ōvun sokūavi wosemsimokonda,

Currently Selected:

Luk 17: ERGNT79

Highlight

Copy