Luk 15

1Mōvun lĭvsaū nalekon, mōvun nareki sat, dūmūvelum ra nokoren isen, mūmōkū wandĭgi iyi. 2Mōvun Faresi, mōvun Somūl dūmworemisat mūmūnūwi mūmōkū, Imo neteme umentōrora ōvun narekisat memneni dal. 3Miyi yemenūwi punora imo parabel, memokū,

4Nagkū sī neteme ra kĭmi, mōvun pugipugi wun hunder isen, mampiugki sī, iyi awi nĭnti nĭn ra nūrū wokon, mampe menesorugi afeli nempugon iyi ōmagesi, kū?

5Im pol sugkū umagesi umandiuki ra nevlokon isen mumnavosūwi, 6mampelum ra nimo mamperokonda ravĭneme mōvnumpūnaran, manūwi punora magkū, Wavosūwi dal yaū, popōwo ya okesi pugipugi sorūg oviugki. 7Ya umanūwi pugkūm memagkū, Wanti navosavos ūnpokōp pol sugkū sī narekisat umampĭeves nōwan mōmū iranda oveteme tanepo nĭnti nĭn mēri dūtūsēewani selat.

8Im sī nasiven ĭm sĭlen narolem isen, nagkū ampiugki sī ontūgon nilūo menetīora nimo, menesorugi afeli nempugon agesi, kū? 9Im pol sugkū iyi umagesi umamperokonda ravĭneme, mōvun numpūnaran isen, manūwi, magkū. Wavosūwi dal yaū popōwo ya okesi pe sĭlen mori ya oviugki. 10Im ya umanūwi pugkūm, memagkū, Umanti navosavos ūnimĭnda ōvun agelē isen Nōbū pol sugkū sī narekisat umampĭeves nōwan. Miyi yōmenūwi punora memokū, 11Sī neteme mōvun netnime isendūrū itovataman. 12Miyi ĭtevirok yemenūwi pugi itemen memokū, Nate, ovo yaū nugkon netevote nisekūg. Miyi yemetevūrak wokonda netevotesū isen.

13Penuri, tawi dansū sikat, iyi vilik yemesepen tatevote su mavan, mempe ra nūrū itūga, memnaseviugi netevotesū isen yūi ugi nokesep. 14Im pol sugku iyi yemōkinisū, yivelum temas tamas ra nūrū yūi, miyi yematipotni mentemas, 15mempe memesepen sari iran sī neteme ra nūrū yūi. 16Miyi yemtamūli ra nete nūrū woravugunora ōvun numpekasi; miyi yemakiugi woreni tan novūan ōvun numpekasi dūmneni; ĭm tawi sī yemovugi nevag. 17Miyi yemtarūves, memesepenenūwi pugi, memokū, Ovun lĭvsaū isen nate sikat, mirora ūmuntampalsah nevag, im ya umamas igko ugi temas. 18Ya ontūok mampe pugi nate manūwi pugi, magkū, Nate, yaū mumpi sat ra pokōp roūnimtum, 19ĭm tawi yaū aremī mōmū ma sugkū wanūwi, magkū, netum: umpi yaū sugkū ōvun lĭvsaū sorum. 20Miyi itūok impēlum pugi itemen isen, ĭm itemen isen yokesi, pol sugkū iyi isūt, memōsen togesoveli iran, memalō, memumol ra nōwan, memsūgū iran. 21Im netni isen yemenūwi pugi, memokū, Nate, yaū mumpi sat ra pokōp mūnĭmtum; tawi yaū aremī mōmū ma sugkū wanūwi magkū, netum.

22Kō iyi itemen yemenūwi punora ōvun lĭvsaū isen, memokū, Uriuki pelum semplaūon tantop, nūsian aremi, muvīugi iyi, mūvkisep natorevam ra nokoven isen, ĭm woravan ra noan; 23mūriuki pelum kaf nūval, mūti; kos leneni im lenavos, 24popōwo imo netūg yimas mōmamūrep, memeviugki mōmokesi; mirora dūatipotni woravos.

25Netni itnetemefe isen ra denūok, yivelum, memumpotipot ra nimo memorigi narūfo ĭm nempeko. 26Miyi yemovrugi sī lĭvsaū memtagkeli, memokū, Sie imo? 27Miyi yemenūwi pugi, memokū, Okovelum apmisī; ĭm itum oketi kaf nūval popōwo okevī iyi mamūrep ĭm horĭgives.

28Miyi yemarakī metūve ūnisog. Im itemen isen yivelum ilat pugi memtesuki iyi. 29Kō, iyi yemtamsi memenūwi pugi ĭtemen isen, memokū, Orĭgi, nevisū sikat ya umentorugat iram, metūareki sī nempasiwugi sorum, im kotūvo yaū sī kīd ma sugkū yaū pavosūwi dal ravūgeme; 30kō, pol sugkū okovelum imo netum mori yelaviokugi nevag sorum dal ōvasiven tori, koketī nisekon, kaf nūval. 31Miyi yōmenūwi pugi, memokū, Netūg, kĭk nandū yaū ĭndowi, im sorum ōvun se sorūg omwisū; 32kō, oti aremī menelugelugives menavosūwi, popōwo iyi apmisĭ yimas momamūrep, memeviugki momokesi.

Currently Selected:

Luk 15: ERGNT79

Highlight

Copy