Yoane 21
21
1Penuri imosū Iesū yōmsesi Iyi punora ōvun nūrie eni; irora ran tan tok Tīberius; iyi yemesepen sesi Iyi punora sugkū imo. 2Dūmūsoropūtah Sīmon Piter, ĭm Tomas nalĭg eni Dĭdĭmus, ĭm Nataneel, neteme ra Kana ra Kalĭli, mōvun netnime eni Sepedi, ĭm dūrū mōmū ra irora ōvun nurie eni. Sīmon Piter yemenūwi punora 3memokū, ya umampe memtī nomū. Irora dūmūnūwi pugi mūmōkū, Kos, kos kelampe, Marimago dūmūve ilat musuki bōt; ĭm pūmrok mori dūtūvĭ sī. 4Prūbokum Iesū yemetūrū ikeri, kō, ōvun nūrie mori dūtūkili ma Iyi Iesu. 5Popōwo imo sugkū Iesū yemtagkelora memokū, Ovūnyan, kūmantipe ĭm lawi nevag, kū? Irora dūmūnūwi pugi, mūmōkū, Tawi. 6Miyi yemenūwi punora memokū, Utipe nokopon ra nokoren meves ĭm kĭmi kwampi. Irora dūtipe sugkū, mūtūfaneteme worereveni popōwo ugi nomū sikat. 7Nūrie mori Iesū yemelintūgi, yemenūwi pugi Piter, memokū, Iyi Novsūromon. Im pol sugkū Sīmon Piter yemorigi ma Iyi Novsūromon, yemetōetĭgi netaūsep, ĭt iyi yetūvīugi némas, memesepen iraūsah ran tok. 8Mōvun nūrie mōmū dūmūvelum ra sī bōt virok, ĭt irora tawi isūt marugi ikeri, sugkū wosavera wun hunder, mūmūreveni nokopon ugi nomū. 9Im pol sugkū dūmūsah ikeri dūmōkesi nom ugi potmelevag, im sī nomū rantan, ĭm yōūp. 10Iesū yemenūwi punora, memokū, Uviĭmpelum nugkon ōvun nomū kūvĭ marima. 11Sīmon Piter yōmesuki morevenisah nokopon ikeri, yemovūarugi ōvun nomū tamas, wun hunder ĭm fĭfti-tri; ĭm nokopon yetūumti. Iesū yemenūwi punora, memokū, Uvelum mūvag. 12Im tawi sī ra irora ōvun nūrie yemsemse woretagkeli magkū kĭk me? dūmūkili Iyi Novsūromon. 13Im Iesū yivelum mempĭ yōūp mori, memovunora, ĭm nomū sugkū. 14Imo nempugon desel Iesū yemsesi Iyi punora ōvun nūrie eni penūri Iyi yōĭmtūok marugi nemás.
15Penūri dūmoni Iesū yemenūwi pugi Sīmon Piter, memokū, Sīmon, netni eni Yōna kĭk emnelintokoyaū mōmū ra iroramo, kū? Iyi yemenūwi pugi, memokū, Monokowo, Novsūromon; kemagkili ma ya umnelintugkĭk tamas. Iyi yemenūwi pugi, memokū, Avugunora ōvun lam enyaū. 16Iyi yōimtagkeli, nempugon dūrū, memokū, Sīmon netni eni Yona, kem nelintokoyaū kū? Iyi yōmenūwi pugi memokū, Monokowo Novsūromon; kĭk emagkili ya umnelintugkĭk tamas. Iyi yemenūwi pugi memokū, Efĭnte ōvun pugipugi enyaū. 17Iyi yōimtagkeli nempugon desel, Sīmon netni eni Yōna, kemnelintokoyaū tamas, kū? Piter yemorigi sat popōwo yemtagkeli, nempugon desel, memokū, Kemnelintoko yaū tamas, kū? miyi yōmenūwi pugi, memokū, Novsūromon, kĭk emagkili siamesū; kemagkili ya umnelintugkĭk tamas. Iesū yōmenūwi pugi memokū, Avugunora ōvun pugipugi enyaū. 18Itnesog ĭtnesog, ya umanūwi pugkĭk memagkū, pol sugkū kĭk neviarep kemesepen netōetĭgi memavan ra nūrūsū kemakĭtigi; kō nempugon kĭk onumpūmetūo kĭk īevan gi ōvun nokopmū, ĭm sī mōmū amkīketōetĭgi, mandiugkĭk ra nūrū kĭk otūmnakiugi. 19Iyi yemenūwi imo memokū ugi nemas mori iyi unumpi nilasilaswi iran Nōbū. Penūri imo nam, Iyi yemenūwi pugi, memokū, Kampelesi irag. 20Piter yemelagkaū memokesi nūrie mori Iesū yemelintugi, yemūri, mori yemtesūo ra mumpon nemindugon eni Iesū ra nempugon narigari, memtagkeli, memokū, Novsuromon, mē iyi umnempiriwugkĭk? 21Piter yemokesi iyi mori, memtagkeli Iesū, memokū, Novsūromon, Iyi mori, sie ugi? 22Iesū yemenūwi pugi, memokū, Nagkū ya umagkū iyi antendōwi mafeli nempugon ya umampelum, Tie imo iram? Kampelesi irag. 23Mirora ravensieme dūinūrĭgi nam, ma nūrie mori otūamas; kō Iesū yetūnūwi pugi memokū Iyi otūamas; yemokū, Nagkū ya umagkū iyi antendōwi mafeli nempugon ya ōmampelum, tie imo iram?
24Iyi nūrie mori umnumpūvsok ugi imosū, memetīyi imosū; ĭm ka kĭmlagkili ma numpūvsok eni itnesog.
25Kō ūmante sikat mōmū mori Iesū yemumpi; kō nagkū sī onetīyi magkū ugi omwisū, ya umagkū ōvun netiyi mori wampūarasah Nemap omwisū.
Currently Selected:
Yoane 21: ERGNT79
Highlight
Share
Copy
Want to have your highlights saved across all your devices? Sign up or sign in
Erromangan New Testament © British and Foreign Bible Society, 1909,1979.
