Ovun Apostol 2

1Im nimpugon umampwara yivelum sū dan sū Fĭfti irora sū dūmūte ugi tarū siteven im nūrū siteven. 2Im tĭntūm yemne ra pokōp itnum sugkū narioven nimetagi nusian memovūara ra nimo omwisū yūi irora dū mūtesepwi. 3Dūmūtūratumpeni pun ora mafīekondugi ov nilwamen sugkū nom; mūmūve iranda sū. 4Dūmūvūara omwisū ugi Naviat Tumpora mirora dūmati potni worenūwi ugi ōvun navianda lōsū sugkū Naviat Tumpora yemovun ora nam.

5Dūmūte ra Ierūsalem ōveteme Isrēel, mori ōveteme nufwaki, irora dūmne ra lōsū nūrūsū nūrūsū. 6Im nempugon yemtĭntūm ōveteme mori dūmūsemsimokonda movkerĭtwi popowo dūmūrigora, dūmūnūwi ugi ōvun navianda sū isenda. 7Im omwisū dūmūtevrevūi memavlugi tamas dūmūsepen tagkilora mūmokū, irora sū mori ūmanūwi ōveteme Kalili kū? 8Im nokowo kos kim landigi ōvun nam sū soret sugkū kos ĭm lumprokomol ugi? 9Oveteme Parsia, ōveteme Midia, ōveteme Ilam mōveteme mori dūmne ra Mesopotemia ĭm Yūdia ĭm Kapadosia ĭm Pontus ĭm Asia, 10Fritia ĭm Pamfilia, Ityipt, ĭm nūrū sū ra Libia ĭm teliugi ra nokorin Sĭrenia, mōvun domo mori dūmne Rōm mori ōveteme Isrēel, 11novun nūrie isenda, Mōveteme Krite mōveteme Arebia, kos kim landig ora ūmanūwi ra ōvun nam soret memagkū ugi ōv numprūah horog isen Nōbū. 12Im omwisū mūtevrevūi mū tavrivri mūmūsepen nenūwi pun ora mūmokū, Sie imō? 13Ko nugkoneme dūmūtofop ugi mūmūnūwi mūmokū, Irora ūmampwaraugi win ĭtevaū.

14Ko Piter yimtūok dal irora Eleven memtorenūwisah punora memokū, Oveteme Yūdia ĭm kĭmi sū kūmantindowi ra Yerūsalem, ukili mūrigi nam sorūg. 15Iroramo ūtūm naūeterimlū sugkū kĭmi kūnūwi popōwo prūvokom wokon; 16Kō imo mori Yōel profet yemenūwi memokū,

17Nōbū ūmanūwi memagkū, ran dan sū nisah ya onavūi lōsū lōsū ugi Naviat sorūg iranda.

Mōvunitnime soremi ĭtoyateman mitovasiven wanūwi nam ugi Naviat Tumpora

Neviarip soremi wagesi ōv nelasivrevora, mōveteme talam wameviak ugi ōvun nemiviak:

18Im ran dan sū mori ya onavūora ōvun livsaū sorūg ĭtovateman mitovasiven ugi Naviat Tumpora; mirora wanūwi nam ugi Naviat mori:

19Im ya osesi ovun okesinepūp unpokop mūnemap, de, im nom, im ūhaoap ra nūgōnom:

20Im nĭpminen osumpoli malevokevat,

Mitis ante de,

Pol sugkū dan horog dan ra nūsian isen Novsūromon otū velum.

21Ko iyi sī amperugi nin isen Novsūromon ampiēyōwara iyi.

22Oveteme Isrēel, Urigi imō nam: Iesū neteme Nasaret mori Nōbū yimetipe ūnimetemi ugi ov numpūrak horog mōvnavlugi mōvun saū mori. Nōbū yemumpi ugi iyi ĭm kimi kū magkili ugi; 23Iyi mori kimi kūvi Nōbū yemtenimpe pugkūtn ugi nesepen tarū mugi nesepen nokili isen, kĭm niūtalugi iyi ra nē ūmparum ugi nokovenda ovnumpĭndi: 24Mori Nōbū yoĭmtori sah memsūli worĭt ugi nemas iran; popowo tawi faneteme worurūleki iyi. 25It iyi Dēvid yemenūwi ugi iyi memokū,

Ya umantipe Novsūromon ūnimtūg ĭndowi,

It iyi ra nokoven mevis sorūg ma ya otū amtetugi:

26Popōwo imo sugkū ya umnavos ugi navos memnarūfo,

Im nokolĭsirag ante lap im mentemetmetugi.

27Popōwo kĭk otū awi naviat sorūg ra Hēdes, kĭk otū ampugi Iyi Tumpora sorum worokesi avatar:

28Kĭmsesi poyaū worurokili ugi ōvun selat nomūrep;

Kĭk onumpi yau woravosavos ugi nokesok ves.

29Oveteme, ĭm ravūgsīeme, aremī ya anūwi nam pug kūm magkū ugi Dēvid potni ĭtement, iyi yimas dūmūtinemi, ĭm vileteneme isen ra nūrū soret mafeli marima. 30Popōwo imo sugkū, imo popōwo iyi sī profet, iyi yimokili ma Nōbū yemenūwi nam ūnam pugi memokū Iyi Krĭstō amne ra iyi marugi fan isen mentori Iyi, woretesep ra potnumpūtūwo isen; 31ĭm popowo iyi yepmokili imo iyi yemenūwi memokū, Krĭstō, Iyi otūawi naviat isen ra Hēdes ĭm nokolĭsĭran otūavatar. 32Iesū mori Nōbū yemtorisah marugi nemas, ĭm kos sū ōvun numpūvsok ugi imō. 33Popowo imō sugkū yometipe sah iyi ra nokoven mevis eni Nōbū Iyi yivi nievūos isen Itemen mori Naviat Tumpora miyi ovugisū imo mori kūmagesi mūmandigi. 34It iyi Dēvid yetūve ūnpokop; kō iyi yimenūwi memokū,

Iehōva yimenūwi pugi Novsūromon sorug, memokū Etesep ra nokoren mevis sorug,

35Mafeli nempugon mori ya antipe ōv novsin nakan sorum ra mumpon nowom.

36Popōwo imo itnesog kimi ōveteme sū Isrēel ukili irao mūtūtavrivri ugi, Iyi Iesū mori kĭmi kūtalugi ra nē ūmparum Nōbū otipe iyi Novsūromon ĭm Krĭstō.

37Im pol sugkū irora dūmurĭgi imo irora dūmūrĭgi nesorū ūnōwanda tamas wokon mo mūtagkeli Piter mōvun Apostol mūmokū, rapmamsīeme, sie kak lenumpi? 38Im Piter yemenūwi punora memokū, Uvieves nōwami, mūvĭ baptisma irami, kĭmi sū ra nin eni Iesū Krĭstō, worefielentugi sat sū soremi; ĭm kĭmi kwampi itemas isen Naviat Tumpora. 39Popōwo nievūos pugkūm mōv nitnime soremi ĭm punora sū isūt, mori Novsūrom n, Nōbū soret amperokonda.

40Miyi yemumpūvsok memenūavsokonda ugi nam sikat mōmū memokū, ūvĭ nēyōwara marugi imō palsi sat. 41Mirora mori dūmurĭgi nam isen ugi navos dūmūvi baptiso iranda: ĭm ran dan mori dūmūsepi dal irora sugkū tri taūsan ōveteme. 42Mirora dūmatikesah ugi nam tavsogi isenda ōvun apostol mūmūtavsemokonda ugi norusevi yōūp mugi nufwaki.

43Im nemtetugi yivelum iranda sū: mōvun apostol dūmumpi ōv numpūvsok horog mōvun navlugi sikat. 44Im omwisū mori dūmūtavnirigi dūmū semsimokonda ra 45nūrū siteven mūmūtipe siamesū isenda siteven; Mirora dūmandūevasi ōvun nūrū mōvun netevote isenda mūtūvūrak wokonda sugkū ugi norumkor isenda. 46Mirora dūmante ra tempel ugi tarū siteven mūmandūsevi yōūp ra ōvun nimo isenda, mirora dūmneni nevag isenda ugi navōs ĭm nelugelugi ves ūnōwanda, 47mumnarūfo ves numplin Nōbū mōveteme sū dūmokesi ves iranda. Im dan sū Iehōva yemetipe irora mori yemumkorēyōwara ra nĭlepon sī lo tumpora.

Currently Selected:

Ovun Apostol 2: ERGNT79

Highlight

Copy