Ovun Apostol 17

1Im pol sugkū dūmavan ileboteven Amfipolis ĭm Apolonia dūmūve ra Tesalonĭka nimo tavsogi isenda ōveteme Isrēel; 2ĭm sugkū Pol yemnumpi, iyi yive ūnisog pun ora, me manuasūmperi nam pun ora ra mumpon ōvun Netiyi Tumpora danemindog en desel, 3iyi yemesesi sū pun ora memtesūi nam memokū (Nōbū) ywuokū aremī ma Krĭstō amas mo montūok marugi nemas; ĭm iyi mori Krĭstō Iesū ya kum mĭntorenūwi sah pug kūm. 4Im nugkon ra irora dūmūtavnirĭgi mū namplesi iran Pol ĭm Sīlas; mo marokonda ōveteme nufwaki ōvun Krik sī samsimak tamas, mo marokond ōvun nasimnalam tawi virok, 5Kō ōveteme Isrēel mori dūtūtavnirĭgi dūmarakara, mūmūtorora ōveteme iteobuku mori dūmne ra nūrū sī telienlō mirora dūmūsefī intan lō ra sĭti; mirora dūmen ūmenum mūtenem nimo eni Yeson mūmoserokonda mūmokū wontorora ilat pun ora netevokontū. 6Im pol sugkū dūtokesora dūyevi Yeson ĭm nugkon eme ravinsīeme pun ora ōvun natemonok ra sĭti, mū movrugi sah mūmokū, Irora mo mori dūmūsumpelūlie ugi nūrū sū uvelum igko sugkū. 7Im Yeson otorora; mirora mo omwisū umnareki nam ōvun netavarū isen Sisar, mūmūnūwi mūmokū, sī mōmū Natemonok ra nūsian, Iesū. 8Mirora dūmfiyugūr ora numpūn lō movun natemonok ra sĭti pol sugkū dūmūrigi imo. 9Im pol sugkū Yeson yemetesūī nam pun ora mōveteme mōmū sugkū irora, dūtenimpe irora. 10Marimago ravĭnsīeme dūtamūli Pol ĭm Sīlas numpugon pūmrok ra Beria, ĭm pol sugkū dūmūvelum yūi dūmūntorĭmpe ra nimo tavsogi isenda ōveteme Isrēel, 11Oveteme Beria numposeti mōmū iranda ra Tesalonīka, popōwo irora dūmūvĭ nam itnum mūmosorugi ōvun netiyi dan sū worokili nagku imo sū sugū. 12Popōwo imo sugkū sikat ra irora dūmūtavnirĭgi, ōvun nasemnalum Krik, mōveteme tawi virok. 13Im pol sugkū ōveteme Isrēel ra Tesalonīka dūmūrigi ma Pol yentorenūwi sah nam eni Nōbū ra Beria, irora dūmūvelum yūi mo mūyūgūrora ov numpon lō yūi sugkū. 14Marimago ravinsīeme dūtamūli Pol woreve sugkū wan tok; kō Sīlas ĭm Tĭmote dūmorokotewi. 15Mirora mori dūmūvlūsenti Pol dūmūtori ra Atens; ĭm pol sugkū irora dūmūvĭ nam mori Pol yemtamūli pugi Sīlas ĭm Tĭmote memokū irora wampelum pugi itnum dūmūve. 16Im Pol yemtevetūwora ra Atens, ĭm naviat eni yemafeafigi ūnisog iyi, nempugon iyi yemokisi ĭm nōbū sū namli sikat wokon ra sīti omwisū. 17Popōwo imo sugkū iyi yemenūasūmperi nam pun ora ōveteme Isrēel ūnisog nimo tavsogi, ĭm pun ora ōveteme nufuwaki mori, ĭm pun ora dūmūvtet iran ra nūrū sū nevasi dan sū. 18Nugkon ra irora Epikūrus moveteme Stōa, ōvun numpun nelekonda dūmūvet iran. Im nugkon dūmūtagkiliora mūmokū, Sie imo neteme neforefari umagkū worenūwi? Im nugkon dūmūnūwi mūmokū, Iyi um entorenuwi tnagkū ugi ov nōbū itevaū, kū? popōwo iyi yemtorenūwi sah, nam navosavos ugi Iesū, ĭm nevsorasah marugi nemas. 19Mirora dūmūtori iyi mūve ĭm sah ra Ariopakus mūmūnūwi mūmokū, Kam faneteme worokili ugi imo tavsogi itevaū sorum kū? 20It kĭk umanūwi memagkū ugi ov nōbū itevaū, kū? popōwo iyi yemtoreworokili ugi imosū. 21Oveteme sū Atens, movun domo mori dūmūtewi yūi dūmūrūn dan sū ĭndowi nesorugi nam sū ĭtevaū kū woretampigi siame sugkū. 22Im ra nempugon mori Pol yemetūrū tampūntap Ariopakus me menūwi memokū, Ovragi ōveteme Atens, Ya kum magesi kĭmi kūmĭntĭvĭta tamas wokon ugi siame sū iranda ōvun nōbū soremi. 23Popōwo pol sugkū yaū mavan ugo, yaū mokesi tevita soremi ugi ōvun sokowar, mokesi sī nefati yemnetīyi ran tan memokū, Iran sī Nōbū Otūkili ugi. Se mori kūmintĭvita iran ĭm letū kili ya kum mentorenūwi sah pug kūm. 24Nōbū mori yemumpi nemap ĭm siame sū ramumpon pe, iyi Nōbū isen pōkop ĭm nemap, otum mantendōwi ra mumpon ov nimo ūntam itokobuki tumpora ōveteme dumumpi ugi nokoben. 25Otū mentivita iran ugi nokovenda isenda ōveteme sugkū nagku iyi yemakiugi sī se sī eni neteme, ĭt iyi, umampunora sū nomurep, ĭm nesumsah, ĭm siame sū. 26Miyi yemumpi lō sūugi sī de sīteven woretindōwi ra nūrū sū nūrusū, ra nemap miyi yemenūwi ĭtnimpris memokū ugi nūrūsū mov nempugon isenda; 27Ma irora wonesorugi Novsūromon nagku wonetav ugi iyi magesi, iyi tawi isūt marug kos. 28Popōwo kos kĭm lenomūrep ugi iyi, ĭm lenavan, ĭm lante; ĭm nugkoneme mori dūmūtĭyi ōvun narūfo soremi dūmūnūwi sugkū mūmokū kos sugkū ōvun nĭtnime eni. 29Im popōwo kos ovunĭtnĭme eni Nōbū, tawi aremī kos lagkū worokū fan da sugkū kold kū silver kū nevat mori oti numpi ugi nelekon ĭm tarū eni neteme. 30Im Nōbū yemetū tapmet ōvun nempugon pol sugkū dūmumūrīgi, kō marima umnempasiwokonda ōveteme omwisū ra nūrūsū worevi eves nowanda. 31It iyi yemesepen netipe dan ra nempugon pol sugkū iyi onūrian iranda ōveteme omwisū ugin tanepo ugi neteme mori Iyi yemenūwi memokū ugi netipeiyi, miyi yemesesi pun ora ōvetemeōomwisū ma Iyi onekompeli sū popōwo ĭt iyi yemtorisah iyi marugi nemas.

32Im pol sugkū irora dūmūrigi ugi nivsorasah marugi nemas, nugkon dūmagepī, kō nugkon dūmūnūwi mūmokū, Ka ke landugkĭk ugi imo nempugon s…lm Pol yemowi irora sugkū. 33Kō nugkon ōveteme dūmampleni iran, mū mūtavnirigi; 34ĭm sī ra irora Dīionisius, natemonok nūrian, ĭm sī nasiven nin isen Damaris, ĭm mōmū dal irora.

Currently Selected:

Ovun Apostol 17: ERGNT79

Highlight

Copy