Ovun Apostol 15

1Im nugkoneme mori dūmūyep dūmne ra Yūdia mū mūtavsokonda ravintsīeme mūmūnūwi mūmokū, Nagkū ūtūon numpi namon irami sugkū nam eni Moses, oti amkūmēyōwara. 2Pol ĭm Barnabas dūmūramtugi nam isenda, dūmūnūwi mūmokū aremi Pol ĭm Barnabas wosah ra Yerūsalem ĭm nugkon ra irora punora ōvun Apostol mōveteme talam ugi imo nam. 3Sesimak dūmūvlūsentūr, mirora dūmūve ra Fenīse ĭm Samaria mūmokū ugi lō sū nĭlevokevat; mori dūmtavnirĭgi mirora dūmumpi navosavos nisekonda raventsīeme sū. 4Im pol sugkū dūmūvelum ra, Yerūsalem semsimak dūmūvĭ irora, movun apostol movun tandeko sugkū, mirora dūmūnūwi mūmokū ugi siame sū mori Iehōva yemumpi ugi irora. 5Kō nugkon ra irora ōvun Faresi ōvun tavniri dūmūtūok mūmūnūwi mūmokū aremī worumpi namon iranda mōimpasiwokonda woralekoleki ōvun nempasiwugi sū eni Mōses.

6Movun Apostol movun tandeko dūmūsemsimōkonda worokili ugi imo. 7Im penūri irora dūmeyevora Piter yemtūok memenūwi punora memokū,

Ovragi ravūgsĭeme, kĭmi kūmagkili nokowo Nōbū nempugon itetūwī yemtampoli irant memokū lō sū nĭlevōkevat wandigi nam navosavos ugi naverag montavnĭrigi. 8Im Nōbū mori umagkili nowanda sū yemumpūvsok ugi irora ĭt iyi yōmovunora Naviat Tumpora sugkū kos. 9Miyi yemokū kos mirora sugkū siteven, mem sendumsi ves nōwant sū ugi tavniri. 10Popōwo imo sugkū irantie kōmintapmi Nōbū kūmagkū kwantipe nevar ra nowanda ōvun nurie ĭm retemeneme soret ĭm kos tawi fanetemi woruriuki! 11Kō kos kĭm len tavnirigi amkosēyōwara ugi togesoveli eni Iesū Krĭsto Novsūromon sugkū irora. 12Im semsimak omwisū dūmūteteven mūmū vendagugi Barnabas ĭm Pol mori dūmūnūwi punora ugi ov numpūrah horog movun okesĭnepūp Nōbū yemumpi ugi irora ra ōvun nĭlevōkevat. 13Isūma nam enirora Yēmes yemenūwi memokū, Ovragi, ravūgsīeme, Urigi yaū; 14Sīmon onūwi mokū nokowo ra nōbūm Nōbū yemtametmet lō sū nĭlevōkevat woretampoli sī lō ra nin isen. 15Im nam isenda ōvun profet sugkū mori dumūtiyi mūmokū,

16Penūri imo yakūmentorileki.

Momenumpi tent eni Dēvid mori yumol.

Im ya komampe tūkesah.

Mo mantūki sah.

17Ma sugkū ōveteme mori wantewi wonesorugi Novsūromon.

Im ya komampe tūkisah.

18Novsūromon mori onumpi imo sū yemenūwi sugkū. Nōbū umagkili ovnumpūrak sū eni omwisū marugi ra nobūm.

19Popōwo imo sugkū yakum magkū, aremī kos ke letū wolileki irora marokonda ōvun nilevōkevat mori umampelum pugi Nōbū; 20kō kos kelentĭyi nam punora ĭm lagkū irora wawisep ov numpūrak sū iteovuki ugi sokowar ugi ov natemas, im tampalaū, ĭm siame nōrak sū dūmaleki wanda, ĭm dē. 21It Moses marugi palsi sū itnempris yemetipe ōveteme ra siti sū mori ūmūntorenūwi sah mūmasepi ōvun netiyi isen ra mumpon ōvun nimo tavsogi danemindog sū.

22Movun apostol movun tandeko ĭm semsimak omwisū dūmokū aremī woretampolora ōveteme ra irora montamūlora ra Antiok dal Pol ĭm Barnabas; Yūdas nalĭg eni Barnabas, ĭm Silas ōvun nivūo isenda ravinsīeme. 23Mirora dūmūtaiyi nam mūvunora mūmokū, ōvun Apostol tandeko ĭm ravensieme ūmnetiyi nam nisekonda mori ravensieme mori dūmne ra lō sū pĭlevōkevat ra Antiok ĭm Siria ĭm Silisia, mūmanūwi mū magkū, kĭmi pau; 24popōwo ka ke lorigi ma nugkon ōveteme dūwi kam mūyūgurokūm ugi nam isenda mōtū vafēgi naviat sū soremi; 25ĭm ka ke letū vunora sī nempasiwugi; ka ke lokū aremī pol sugkū ka ke lesemsimugkos ugi tarū sīte ven, woretamūlora ōvun tandeko soremam pugkūm mori kam litampolōra dal Barnabas ĭm Pol. 26Irora pau ōveteme mori dūtū evēyowara nomurep ra nokolisiranda popōwo ugi nin eni Iesū Kriĭsto Novsūromon soret. 27Im ka ke lentamūlora Yūdas ĭm Silas sugkū mori wanūwi imo nam pugkūm. 28Popōwo Naviat Tumpora yemokū, aremi, ĭm kam sugkū woretū tipe sī nevar numpohentom irami, imo sū wokon aremi kĭmi kwanalekoleki. 29Kwawisep nevag ūmūsokowora ugi iranda ōvun natemas, ĭm dē, ĭm nūrah sū dūmaleki wanda, ĭm tampalaū; nagkū kĭmi kwafinti kĭmi marugi imosū kwonumpi aremī; ūte unam, ūte horog, usepen torugat aremī.

30Dūmūtamūlora mirora dūmūve ra Antiok, ĭm pol sugkū dūmū semsimokonda semsimak mōvun ora netiyi mori. 31Dūmūsepi mūmavosavos popōwo ugi nam navos. 32Im Yūdas ĭm Sīlas irora ōvun profet sugkū dūmūnūavoskonda ravensieme mori ugi nam sikat mū mumpi irora worenug. 33Mirora dūmorokote yūi dūmūtintenĭmpe irora ra ninparata dal nugkon ravensieme woreve punora ōvun apostol. 34Im Sīlas yemokū aremī woretendowi yūi, 35im Pol im Barnabas dōmūtĭndowi ra Antiok mūmūtavsokonda mo mūtorenūwi sah nam eni Novsūromon, ĭm sikat mōmū sugkū.

36Penūri nugkon dan sū Pol yemenūwi pugi Barnabas memokū, kos kūōmampe montopotnem ora ravinsīeme soret ra sĭti mori kūmūtorenūwi sah nam eni Novsūromon nokowo irora. 37Im Barnabas yemenūwi memokū iyi ampe dal irora Yōane nalĭg eni Mark. 38Im Pol yemokū tawi aremī wampī iyi dal irora popōwo iyi yemowi irora ra Pamfilia metūve dal irora ra numpūrak. 39Mirora dūmare nowanda dūmūtevafegi, ĭm Barnabas yivī Mark mempe ra lō ra Sīprus; 40ĭm Pol yemtampoli Sīlas nisekon mempe pelah, mirora ravinsīeme dūmūsengi Novsūromon ugi irora. 41Miyi yemavan ilevoteven Siria ĭm Sīlisia, worumpi ōvun semsimak ūnam.

Currently Selected:

Ovun Apostol 15: ERGNT79

Highlight

Copy